АСТАНА, 13 сәуір — Sputnik. Алматыда антиквариат және асыл тастар ірі контрабандасының жолын кесілді, деп хабарлады Алматы қаласы бойынша Мемлекеттік кірістер департаменті.
"Алматы қаласы бойынша Мемлекеттік кірістер департаментінің Экономикалық тергеулер қызметіндегілер жедел-іздестіру шаралары барысында ірі көлемдегі антиквариат, асыл тастармен безендірілген зергерлік бұйымдар, маркалы шарап пен коньяк контрабандасының жолын кесті", — делінген хабарламада.
Алдын ала мәлімет бойынша, тауарлар халықаралық пошта арқылы Еуропа мен АҚШ елдерінен әкелінген. Тәркіленген зергерлік бұйымдардың бөлшек бағасы 11 миллион доллардан (3,5 миллиард теңгеден аса) асатыны айтылады.
Антиквариат заттардың ішінде асыл тастармен және асыл металдармен әшекейленен "Фаберже жұмыртқалары", сондай-ақ, манускриптер. ежелгі қарулар, қылыштар, семсерлер, картиналар, вазала, сирек кездесетін және 20-200 жыл сақталған алкоголь өнімдерінің 70 бөтелкесі болған
Тәркіленген заттардың тарихи құндылығын және мемлекетке келтірген шығынының көлемін анықтау үшін қажетті сараптама тағайындалғаны айтылады.
Осы дерек бойынша ҚР Қылмыстық кодексінің 234-бабының 2-бөлігі бойынша ("Экономикалық контрабанда") сотқа дейінгі тергеу жүргізіліп жатыр.
