НҰР-СҰЛТАН, 26 маусым – Sputnik. Денсаулық сақтау министрлігі коронавирус пен пневмониядан қайтыс болғандар статистикасын жаңартты. Өткен тәулікте 14 қазақстандық коронавирустан, COVID-19 белгілері бар пневмониядан 3 адам қайтыс болды.
26 маусымдағы мәлімет бойынша 22 878 адам коронавирус инфекциясынан (21 576 КВИ+ және 1 302 КВИ-) емделуде, олардың ішінде 6 806 пациент стационарда, 16 072 науқас амбулаториялық деңгейде ем қабылдауда.
Оқи отырыңыз: Вирусолог: үнді штаммынан қорғану үшін антиденелер бес есе көп болу керек
КВИ+, КВИ- шалдыққандардың арасында:
- 420 адамның жағдайы ауыр,
- 106 пациенттің жағдайы өте ауыр,
- 67 науқас науқас жасанды тыныс алдыру аппаратына қосылған.
Қазақстанда өткен тәулікте 1 730 адамның коронавирус індетін жұқтырғаны ПТР арқылы расталды.
