Оқушыларға арналған Менделеев олимпиадасының жеңімпазы жеңіске жету құпиясын бөлісті
17:38 22.04.2023 (жаңартылды: 16:03 09.08.2023)
© Photo : из личного архива
Жазылу
Қайрат Әшім өзінің Менделеев олимпиадасына қатысуын химия саласындағы дамудың және өзін-өзі жетілдіруге ұмтылудың заңды жалғасы деп санайды және бұл өз білімін халықаралық деңгейде көрсетуге мүмкіндік болды
АСТАНА, 22 сәуір – Sputnik. Менделеев атындағы химия олимпиадасының 2012 жылғы жеңімпазы қалай үздіктердің үздігі атанғаны туралы айтып берді.
Жас қазақстандықтың айтуынша, оның табысқа жету ұстанымы бірнеше негізгі компоненттен тұрады.
Менделеев атындағы химия олимпиадасының жеңімпазы Қайрат Әшім
© Photo : из личного архива
Біріншіден, табысқа жету үшін одан әрі шабыт пен мотивация ретінде қызмет ететін нақты мақсатты анықтау қажет.
"Халықаралық химия олимпиадасында Қазақстаннан бірінші алтын медаль иегері атану менің мақсатым болды. Бұл химия пәнінен біліктілігім мен білімімді жетілдіруге күшті ынталандыру болды", - дейді Қайрат Әшім.
Екіншіден, жетістікке жету үшін нақты стратегия әзірлеп, басты мақсатқа жеткізетін қадамдар реттілігн анықтау қажет.
"Стратегия алғашында облыстық олимпиадаларда жеңіске жету, кейін республикалық деңгейде жетістікке жету, одан соң халықаралық аренада ел намысын қорғайтын ұлттық құрама сапында болуды қамтыды. Бұл кезеңдердің әрқайсысы білім мен дайындығымды жақсырақ ұйымдастыруға мүмкіндік берді", - дейді олимпиада жеңімпазы.
Үшіншіден, еңбексүйгіштік пен үздіксіз білім алуға ұмтылу – табыстың негізгі қағидалары.
"8-сыныпта өткен жоғары деңгейдегі облыстық олимпиадаға қатысу мен үшін маңызды тәжірибе болды. Бұл жарыста мен екінші орын алдым. Жеңімпаз атанбасам да, бұл олимпиада маған қажетті талаптар мен дайындық деңгейін түсінуге мүмкіндік берді" - деді жас жігіт.
1/2
© Photo : из личного архива
Менделеев атындағы химия олимпиадасының жеңімпазы Қайрат Әшім
2/2
© Photo : из личного архива
Менделеев атындағы химия олимпиадасының жеңімпазы Қайрат Әшім
1/2
© Photo : из личного архива
Менделеев атындағы химия олимпиадасының жеңімпазы Қайрат Әшім
2/2
© Photo : из личного архива
Менделеев атындағы химия олимпиадасының жеңімпазы Қайрат Әшім
Төртіншіден, сұрақ қоюдан және басқалардан көмек сұраудан қорықпау керек. Қиындыққа тап болғаныңызды немесе белгілі бір тұжырымдарды түсінбегеніңнен мойындаудан ұялмау қажет. Кеңес пен қолдауға жүгіну сіздің сенімділігіңіз бен дамуға деген ынтаңызды көрсететінін түсіну маңызды.
"Мен бейорганикалық химиядан органикалық химияға көшудің күрделі екенін білемін, бетпе-бет келдім. Сондықтан маған мұғалімдерімнен көмек сұрауға тура келді. Осы бағыттағы білімімді жетілдіруге өз бетімше талпынып, бекерге уақытты сарп етудің орнына тәжірибелі адамдардан көмек сұрап, көп уақыт пен күш-жігерімді үнемдей алдым", - деп баса айтты Қайрат Әшім.
Бесіншіден, айналаңызда мақсаттары мен мүдделері ұқсас адамдардан тұратын қолдаушы орта мен қауымдастық құру өте маңызды. Мұндай адамдармен қарым-қатынас тәжірибе алмасуға, бір-бірін жаңа жетістіктерге ынталандыруға және шабыттандыруға мүмкіндік береді.
"Менің айналамда үнемі әртүрлі ғылыми олимпиадаларға қатысуға дайындалатын әр түрлі сынып оқушылары болды. Мұндай қарым-қатынас оқу дағдыларын өзара жетілдіруге және дамытуға ынталандырады", - деп түйіндеді қазақстандық олимпиада жүлдегері.
Оның айтуынша, әрбір адам табысқа ұмтылатын қоғамдастыққа белсенді қатысу үздіксіз жетілдіруге ынталандырады және бірлескен күш-жігер арқылы қиындықтарды жеңуге мүмкіндік береді. Бұл әділ бәсекелестік пен өзара қолдау атмосферасын қалыптастырып, сайып келгенде табысқа жеткізеді.
