https://sputnik.kz/20230727/turkistan-oblysynda-kudiktilerdi-azaptagan-alty-politseyge-ukim-shyqty-37053921.html
Түркістан облысында күдіктілерді азаптаған алты полицейге үкім шықты
Түркістан облысында күдіктілерді азаптаған алты полицейге үкім шықты
Sputnik Қазақстан
АСТАНА, 27 шілде - Sputnik. Түркістан қалалық сотында алты полиция қызметкеріне қатысты азаптау және заңсыз ұстау фактілері бойынша қылмыстық іс қаралды. 27.07.2023, Sputnik Қазақстан
2023-07-27T12:41+0500
2023-07-27T12:41+0500
2023-07-27T12:41+0500
түркістан облысы
сот
полиция
азаптау
https://sputnik.kz/img/456/37/4563795_0:350:6720:4130_1920x0_80_0_0_1265e9e038f903d8c8eae1ec153d15d8.jpg
АСТАНА, 27 шілде - Sputnik. Түркістан қалалық сотында алты полиция қызметкеріне қатысты азаптау және заңсыз ұстау фактілері бойынша қылмыстық іс қаралды.Оқиға өткен жылы Сауран ауданында болған. Аудандық полиция бөлімінің 6 қызметкері екі күдіктіні полиция бөлімінде заңсыз ұстаған. Мал ұрлығына байланысты қылмыстық құқық бұзушылықтарды жасағандығын мойындату, айғақтарды алу, қылмысты ашу бойынша көрсеткішті жасанды түрде көтеру мақсатында күдіктілерді қорқытып, тіпті физикалық күш қолданған. Сот отырыстарында күдіктілер жәбірленушілер ретінде жауап берді. Прокурор полицейлерді кінәлі деп танып, әрқайсысына 5 жыл 6 ай мерзімге бас бостандығынан айыру түрінде түпкілікті жаза тағайындауды сұрады. Ал жәбірленушілер сотталушының біреуіне кешірім беретіндігін айтты. Қалған сотталушыларға прокурор сұраған жазаны тағайындауды өтінді. Сот үкімімен 6 сотталушы Қылмыстық кодексінің 146-бабы 2-бөлігінің 1), 2) тармақтарында және 414-бабының 1-бөлігінде көзделген қылмыстық құқық бұзушылықтарды жасағаны үшін кінәлі деп танылды. Төрт сотталушыға 4 жыл мерзімге, екі сотталушыға 3 жыл 6 ай мерзімге бас бостандығынан айыру жазасы тағайындалды. Сондай-ақ барлығы арнаулы атақтарынан және 3 жылға дейін құқық қорғау органдарында қызметпен айналысу құқығынан айрылды. "Сот жаза тағайындау кезінде жеңілдететін мән-жайларды – жәбірленушілердің сотталушыға кешірім бергенін, екі сотталушының қылмыс жасау кезінде белсенді рөл атқармағанын және барлық айыпталушылардың бұған дейін істі болмағынын негізге алды. Ал ауырлататын мән-жайға – берген антты бұзғаны жатқызылды. Жазаны қылмыстық-атқару жүйесінің орташа қауіпсіз мекемелерінде өтеу тағайындалды. Сот үкімі заңды күшіне енген жоқ", - делінген Түркістан облыстық сотының баспасөз қызметі ұсынған хабарламада.
түркістан облысы
Sputnik Қазақстан
media@sputniknews.com
+74956456601
MIA „Rosiya Segodnya“
2023
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
түркістан облысы, сот, полиция, азаптау
түркістан облысы, сот, полиция, азаптау
Түркістан облысында күдіктілерді азаптаған алты полицейге үкім шықты
АСТАНА, 27 шілде - Sputnik. Түркістан қалалық сотында алты полиция қызметкеріне қатысты азаптау және заңсыз ұстау фактілері бойынша қылмыстық іс қаралды.
Оқиға өткен жылы Сауран ауданында болған. Аудандық полиция бөлімінің 6 қызметкері екі күдіктіні полиция бөлімінде заңсыз ұстаған. Мал ұрлығына байланысты қылмыстық құқық бұзушылықтарды жасағандығын мойындату, айғақтарды алу, қылмысты ашу бойынша көрсеткішті жасанды түрде көтеру мақсатында күдіктілерді қорқытып, тіпті физикалық күш қолданған.
Сот отырыстарында күдіктілер жәбірленушілер ретінде жауап берді. Прокурор полицейлерді кінәлі деп танып, әрқайсысына 5 жыл 6 ай мерзімге бас бостандығынан айыру түрінде түпкілікті жаза тағайындауды сұрады. Ал жәбірленушілер сотталушының біреуіне кешірім беретіндігін айтты. Қалған сотталушыларға прокурор сұраған жазаны тағайындауды өтінді.
Сот үкімімен 6 сотталушы Қылмыстық кодексінің 146-бабы 2-бөлігінің 1), 2) тармақтарында және 414-бабының 1-бөлігінде көзделген қылмыстық құқық бұзушылықтарды жасағаны үшін кінәлі деп танылды. Төрт сотталушыға 4 жыл мерзімге, екі сотталушыға 3 жыл 6 ай мерзімге бас бостандығынан айыру жазасы тағайындалды. Сондай-ақ барлығы арнаулы атақтарынан және 3 жылға дейін құқық қорғау органдарында қызметпен айналысу құқығынан айрылды.
"Сот жаза тағайындау кезінде жеңілдететін мән-жайларды – жәбірленушілердің сотталушыға кешірім бергенін, екі сотталушының қылмыс жасау кезінде белсенді рөл атқармағанын және барлық айыпталушылардың бұған дейін істі болмағынын негізге алды. Ал ауырлататын мән-жайға – берген антты бұзғаны жатқызылды. Жазаны қылмыстық-атқару жүйесінің орташа қауіпсіз мекемелерінде өтеу тағайындалды. Сот үкімі заңды күшіне енген жоқ", -
делінген Түркістан облыстық сотының баспасөз қызметі ұсынған хабарламада.
