https://sputnik.kz/20230905/bizdin-bir-gana-otanymyz-bar-toqaev-askeriler-aldynda-soz-soyledi-38207109.html

"Біздің бір ғана Отанымыз бар": Президент әскерилер алдында сөз сөйледі

"Біздің бір ғана Отанымыз бар": Президент әскерилер алдында сөз сөйледі

Sputnik Қазақстан

Президент елімізді, жерімізді қорғау баршамызға ортақ қасиетті парыз екенін атап өтті 05.09.2023, Sputnik Қазақстан

2023-09-05T14:47+0500

2023-09-05T14:47+0500

2023-09-05T14:58+0500

қасым-жомарт тоқаев

https://sputnik.kz/img/07e7/09/05/38205063_0:58:1280:778_1920x0_80_0_0_c26bfd7f7607216761ee9d2755d366a5.jpg

АСТАНА, 5 қыркүйек – Sputnik. Жоғарғы бас қолбасшы Қасым-Жомарт Тоқаев әскери қызметшілер алдында сөз сөйледі, деп хабарлады Ақорданың телеграм каналы.Мемлекет басшысы оқу-жаттығу жиынына жұмылдырылған бөлімшелердің дайындық деңгейіне оң баға берді. Сонымен қатар президент бұл оқу-жаттығу жиындары күрделі геосаяси кезеңде өткізіліп отырғанына назар аударды."Бүгінде әлемдік қорғаныс жүйесінде ауқымды өзгерістер болып жатыр. Қазіргі ұрыстардың әдіс-тәсілдері де басқа, әсіресе, гибридтік соғыс түрлері кең таралуда. Шабуылдар әскери ғана емес, ақпараттық, психологиялық, саяси, экономикалық және басқа да сипат алуы мүмкін. Сондықтан Қазақстан армиясы кез келген сын-қатерге дайын болуы қажет. Бұл – заманауи әрі кәсіби әскерге қойылатын басты талап. Біздің бір ғана Отанымыз бар. Ол – Қазақстан. Елімізді, жерімізді, азаматтарымыздың қауіпсіздігін қамтамасыз ету, оларды қорғау – баршамызға ортақ қасиетті парыз!", – деді Қасым-Жомарт Тоқаев.Президенттің пікірінше, біздің әскеріміз кәсіби деңгейі жоғары, ұтқыр және ең күрделі жауынгерлік тапсырмаларды орындауға дайын болуы қажет.Қасым-Жомарт Тоқаев офицерлер мен жеке құрамның жауынгерлік машығы мен моральдық рухының жоғары болуы Қарулы күштер тиімділігінің басты факторы екенін айтты"Әскери даярлыққа және командирлердің кәсібилігіне жоғары талап қойылады. Сондықтан қазіргі заманғы ұрыс жағдайында бөлімшелер негізгі күштен бөлек, дербес әрекет етуге дайын болуы қажет. Командирлер мен бастықтар батыл шешім қабылдап немесе орынды бастама көтеріп, берілген тапсырманы орындау үшін тың тәсіл қолдануы керек. Олар батылдығымен, төзімділігімен және антқа беріктігімен көпке үлгі болуы қажет. Әскердің күші – тәртіпте! Бұл ретте командирлердің атқаратын рөлі ерекше. Қарулы күштердегі дайындықтың жоғары деңгейін, өзара үйлесімділікті және қатаң тәртіпті сақтау қажет. Әрбір сарбаз өзіне сеніп тапсырылған қару мен техниканы жетік меңгеріп, оларды ұрыста шебер қолданып, жедел шешім қабылдап, батылдық танытуы керек", – деп сөзін түйіндеді президент."Батыл тойтарыс-2023" оқу-жаттығу жиыны барысында мемлекеттік және әскери басқару органдарының қорғаныс операциясын орындауға дайындығы тексерілді. Әскер барлық деңгейдегі штабтарда қабылданған шешімдерді толық жүзеге асырды.Оқу-жаттығу жиынына барлығы 8 мың әскери қызметші жұмылдырылып, 600 әскери техника мен қару-жарақ пайдаланылды.

https://sputnik.kz/20230905/toqaev-munaradan-baqylap-otyrdy-askeriler-zhau-qolyna-otken-qapshagay-ges-in-azat-etti-38203544.html

2023

Жаңалықтар

kk_KK

қасым-жомарт тоқаев