Сооронбай Жээнбеков, архивтегі фото

"Нағыз дос олай істемейді". Жээнбеков Атамбаевты сынға алды

2172
(Жаңартылды 17:34 17.11.2018)
Қырғызстан президенті Атамбаевтың 31 наурызда жасаған мәлімдемесіне таңғалғанын айтты

АСТАНА, 16 қараша — Sputnik.  Қырғызстан президенті Сооронбай Жээнбеков 24.kg ақпарат агенттігіне берген сұхбатында бұрынғы мемлекет басшысы Алмазбек Атамбаевпен қарым-қатынасы жайлы айтты.   

Президент Атамбаевпен соңғы рет 29 наурызда Қырғызстанның социал-демократиялық партиясының (ҚСДП) съезі алдында кездесіп, төрт сағаттан астам әңгімелескенін атап өткен. 

"Оның 31 наурызда, мені ұлықтау рәсімі өткеннен кейін төрт айдан соң, жауапты президенттік жұмысымның алғашқы қиын кезеңінде жасаған мәлімдемесіне таңғалдым. 

Ол мені Бішкектің жылу электр орталығындағы жемқорлық пен апатқа қатысы бар деп айыптады. ҚСДП съезіне партияның өзі үшін де, Атамбаев үшін де қиын кезеңдерде біздің партиямыздың басы-қасында жүрген Ош облысындағы ескі партия өкілдерін шақырмады. Жағдайдың осылай күрт өзгергеніне таңғалдым", — дейді Сооронбай Жээнбеков.

Президент Атамбаевтан бөлек кеттім деп ешқашан айтпағанын, ұзақ уақыт бойы партиялас және серіктес болғанын жасырмады.

"Қандай да бір үшінші тұлғалар арқылы менен бағынышты басшы жасауға, менің іс-әрекеттерімді басқаруға тырысу – мұның бәрі оған адам ретінде де, бұрынғы президент ретінде де, партия мүшесі және серіктес ретінде де абырой әпермейді. 

Маған оның осы ұмтылыстары түсініксіз болды. Ол әлгі жиырма жыл жайлы жиі айтады, бірақ мен осы жылдар ішінде босқа сандалып жүрген жоқпын ғой", — дейді ол. 

Жээнбеков  партия мүшелерімен бірге елде, әсіресе, Ош облысында, Баткен және Жалал-Абадта партияның позициясын нығайтумен айналысқанын еске салды.

"Ол "досум" және "партиялашым" (досым және партияласым – агенттік) деген сөздерді айтқанды ұнатады. Бірақ нағыз достар мен партияластар олай істемейді. Біздің партия үшін қиын сәттерде әрдайым оның қасынан табылдым. Тіпті одан бәрі қашып кеткен кезде де, онымен бірге болдым, өзіме, отбасыма, туысқандарыма және достарыма қауіп төнгеніне қарамадым. 2009 жылы ҚСДП-дан президентке үміткердің штабын басқардым", — дейді мемлекет басшысы. 

Оның айтуынша, ол кезде Атамбаевты қолдауға екінің бірінің батылы жетпеген, сол кездегі режимнен барлығы қорыққан көрінеді. Оңтүстіктегі 2010 жылғы оқиғалар кезінде мемлекеттің тұтастығын сақтау үшін өзінің мансабын ғана емес, өмірін де қатерге тіккенін айта кетті.

"Кеуде соққым келмейді, бірақ бұл шындық. Ол мұны жақсы білді және қазір де біледі. Оның саяси технологтарының сүйікті тренді – мені сатқын деп атау. Кімнің кім екенін уақыт көрсетеді", — деп түйіндеді Қырғызстан президенті.  


2172
Кілт сөздер:
саясат, Алмазбек Атамбаев, Сооронбай Жээнбеков, Қырғызстан
Тақырып бойынша
Атамбаев Қырғыз Республикасының батыры атанды
Атамбаев жаңа президентке жұмыс кабинетін көрсетті – видео
Тоқаев Атамбаев жайлы: бәрі түсінікті болды, сауығып кетуін тілейміз
Атамбаев қатты айтқан сөздері үшін кешірім сұрады
Атамбаев Қазақстан тарапынан айтылып жатқан сыннан рақаттанатынын айтты
Атамбаев Қазақстанмен жасалған келісімнің күшін жойды
Атамбаев Жээнбековке: досым, мені ұятқа қалдырма
Ат, архивтегі сурет

Мейрамханаға атпен кірді: жас жұбайлардың видеосы қызу талқыланып жатыр

433
Бұған дейін қазан айында жас жұбайлардың достары мен туыстары көшеде би билеу үшін жолдарды жапқан

НҰР-СҰЛТАН, 26 қараша - Sputnik. Өзбекстанда жас жұбайлар тойды ерекше өткізу үшін мейрамханаға атпен кірді.

Желіде осы тойдың видеосы тарап жатыр, деп хабарлайды Sputnik Өзбекстан.

Кейбір желі қолданушылары той Самарқанд ауданында болғанын жазып жатыр. 

Бұған дейін қазан айында үйлену тойын өткізу үшін Самарқандта жолдарды жапқан. Олардың достары мен туыстары көшеде би биледі.

Оқиғаға қатысты әкімшілік хаттама толтырылған. Эпидемиямен күрес ережесін бұзғаны үшін айыппұл төлейді.

433
Кілт сөздер:
видео, үйлену тойы, ат, Өзбекстан
Тақырып бойынша
"Мамамды шақырыңдар": Орал тұрғыны үйлену тойынан кейін бесінші қабаттан секірмек болды
"Ойлаған жоқпын": Қазақстандағы үйлену тойы желіде қызу талқыланып жатыр – видео
Үйлену тойының фотосессиясы кезінде бірнеше адам көз жұмды: арасында қалыңдық та бар
Қалыңдықтың үйлену тойында жасаған әрекеті қайғылы жағдайға әкеп соқты
Үйлену тойына дайындалып жатқан отбасы қара жамылды: ауыл тұрғындары не дейді
Қырғызстан туы

Қырғызстанда ел атауын өзгерту ұсынылды

2572
Конституциялық кеңес мүшелерінің бірі мемлекетте халық билігі енгізілетіндіктен, ел атауында "халық" сөзі болуы тиіс деп санайды

НҰР-СҰЛТАН, 23 қараша – Sputnik. Қырғызстанда Конституциялық кеңестің отырысында ел атауын өзгерту ұсынылды, деп хабарлайды Sputnik Қырғызстан.

"Кыргыз жолу" қоғамының басшысы Қадыр Қошалиев ел атауын "Кыргыз Эл Республикасы" (Қырғыз Халық Республикасы) деп өзгертуді ұсынды.

"Бізде халық билігі енгізілетіндіктен, мемлекеттің атауында Қытайдағы сияқты (Қытай Халық Республикасы) халық сөзі болуы тиіс", - деді Қошалиев Конституциялық кеңестің отырысында.

Сондай-ақ, бұрынғы әділет министрі Марат Қайыпов ел атауының орыс тілінде жазылуына қатысты ойын айтты.

"Орыс тілінде "Республика Кыргыз" деп дұрыс жазу қажет, сонда басқа ұлттар өкпелемейді. "Кыргызская Республика" дегенде тек қырғыздардың елі деп ойлап қалуы мүмкін. Ал "Республика Кыргыз" атауынан барлық ұлтты бір шаңырақ астына ұйыстырған ел екенін түсінуге болады", - деді экс-министр.

Еске салсақ, 20 қарашада Ата заңның жобасын талқылау үшін Конституциялық кеңес құрылды. Оның құрамына 89 адам кірді.

Бұған дейін Жогорку Кенештің 80 депутаты Конституцияның жаңа жобасы мен референдум өткізу туралы заң қабылдау бастамасын көтерген еді. Референдумды президент сайлауымен бір күнде – 10 қаңтарда өткізу жоспарланып отыр.

2572
Кілт сөздер:
атаулар, Қырғызстан
Тақырып бойынша
Қырғызстан басшысы Тоқаевқа алғыс білдірді
Қырғызстан президентінің міндетін атқарушы Жапаров отставкаға кететін болды
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы