Зорлық-зомбылық

Әйел 18 жастағы қызын ұзақ уақыт бойы зорлап келген күйеуін өлтірді

12613
(Жаңартылды 18:00 08.02.2019)
Жантүршігерлік оқиға Өзбекстанның Самарқан облысында болған

АСТАНА, 4 ақпан — Sputnik. Өзбекстанның Самарқан облысы Пахтачи ауданы тұрғыны күйеуін өлтірді деген күдікпен ұсталды, деп хабарлайды centralasian.org.

Оқиға 26 қаңтарда "Жахонобод" махалласында болған. Өзбекстанның ҚК 97-бабы (Қасақана кісі өлтіру) бойынша айыпталған әйел тергеу барысында күйеуі екеуінің 18 жастағы қызын үнемі зорлағанын мәлімдеді.

Самарқан облысы ішкі істер басқармасының қызметкері айтқандай, 48 жастағы ер адамның мәйіті 27 қаңтарда табылыпты, бірнеше жерден үшкір әйнек сұғылған.

"Тергеу барысында оқиғаның 26 қаңтарда жергілікті уақыт бойынша 22:00-де болғаны анықталды. Ұсталған азаматша У.У. күйеуінің бетінен әйнек ыдыспен ұрып, аяғымен теуіп, жарақаттағанын мойындады. Қазір әйел қамауда. Оған қатысты қылмыстық іс қозғалып, тергеу жұмыстары жүріп жатыр", - деп хабарлады облыстық милицияның қызметкері.

Полицей үш досымен бірге жас қызды Балқашқа апарып аяусыз зорлады

Өзбекстанның ішкі істер министрлігі мәліметіне сүйенсек, 2018 жылы елде тіркелген 70-тен астам кісі өлтіру оқиғасы ерлі-зайыптылар арасындағы жанжал салдарынан болыпты. 61 жағдайда күйеуі әйелін өлтірсе, 10 жағдайда ер адам әйелінің қолынан ажал құшқан.

17 жастағы қызды интернетте танысқан жігіттер жабылып зорлады

12613
Кілт сөздер:
кісі өлтіру, күйеу, әйел, қызды зорлау, тұрмыстық жанжал
Тақырып бойынша
Павлодарда жас жігіт 81 жастағы кейуананы зорлады деп айыпталып жатыр
Қырғызстанда базарда ер адам ес-түссіз жатқан қызды зорлады
Такси жүргізуші көлігіне жылынып алу үшін отырған 12 жасар қызды зорлады
ОҚО-да баланы зорлады деп айыпталған бозбала ақталып шықты
Пойызда әйел зорлады деген жолсеріктерге қатысты қылмыстық іс қозғалды
Қырғызстан туы

Қырғызстанда ел атауын өзгерту ұсынылды

2548
Конституциялық кеңес мүшелерінің бірі мемлекетте халық билігі енгізілетіндіктен, ел атауында "халық" сөзі болуы тиіс деп санайды

НҰР-СҰЛТАН, 23 қараша – Sputnik. Қырғызстанда Конституциялық кеңестің отырысында ел атауын өзгерту ұсынылды, деп хабарлайды Sputnik Қырғызстан.

"Кыргыз жолу" қоғамының басшысы Қадыр Қошалиев ел атауын "Кыргыз Эл Республикасы" (Қырғыз Халық Республикасы) деп өзгертуді ұсынды.

"Бізде халық билігі енгізілетіндіктен, мемлекеттің атауында Қытайдағы сияқты (Қытай Халық Республикасы) халық сөзі болуы тиіс", - деді Қошалиев Конституциялық кеңестің отырысында.

Сондай-ақ, бұрынғы әділет министрі Марат Қайыпов ел атауының орыс тілінде жазылуына қатысты ойын айтты.

"Орыс тілінде "Республика Кыргыз" деп дұрыс жазу қажет, сонда басқа ұлттар өкпелемейді. "Кыргызская Республика" дегенде тек қырғыздардың елі деп ойлап қалуы мүмкін. Ал "Республика Кыргыз" атауынан барлық ұлтты бір шаңырақ астына ұйыстырған ел екенін түсінуге болады", - деді экс-министр.

Еске салсақ, 20 қарашада Ата заңның жобасын талқылау үшін Конституциялық кеңес құрылды. Оның құрамына 89 адам кірді.

Бұған дейін Жогорку Кенештің 80 депутаты Конституцияның жаңа жобасы мен референдум өткізу туралы заң қабылдау бастамасын көтерген еді. Референдумды президент сайлауымен бір күнде – 10 қаңтарда өткізу жоспарланып отыр.

2548
Кілт сөздер:
атаулар, Қырғызстан
Тақырып бойынша
Қырғызстан басшысы Тоқаевқа алғыс білдірді
Қырғызстан президентінің міндетін атқарушы Жапаров отставкаға кететін болды
Таразы, архивтегі сурет

Шенеуніктердің артық салмағымен күресу жолы табылды

45
2021 жылдан бастап көрші елдегі мемлекетттік органдар қызметкерлері үзіліс кезінде міндетті түрде гимнастика жасайтын болады

НҰР-СҰЛТАН, 23 қараша – Sputnik. Өзбекстанда шенеуніктердің артық салмағы заңнамалық деңгейде қадағаланатын болды. Көрші ел президенті Шавкат Мирзиёев тиісті жарлыққа қол қойды.

Жарлыққа сәйкес, мемлекеттік орган мен ұйым қызметкерлері, жетекшілері дене шынықтырумен айналысуға міндеттеледі. Түрлі спорт сайыстарын ұйымдастыру жоспарланып отыр, деп хабарлайды Sputnik Өзбекстан.

2021 жылдың 1 қаңтарынан бастап аптасына кем дегенде бір рет спортпен шұғылдану қарастырылған. Сондай-ақ, келесі жылдан бастап жұмыстағы үзіліс кезінде гимнастика жасалады. 

Бұдан бөлек, 2021 жылдың 1 қыркүйегіне дейін "Өзбекстанның ұлттық және спорттық ойындары энциклопедиясы" жарық көреді.

Еске сала кетсек, Қазақстанда денсаулық министрлігі жұмыс берушілерді қызметкерлерге дене шынықтыру өткізуге міндеттеді. 

45
Кілт сөздер:
артық салмақ, шенеунік, Өзбекстан
Тақырып бойынша
Қарындағы май несімен қауіпті – дәрігерлер бірнеше себепті атады
Парамен ұсталған шенеунік өзенге секіріп кетті - видео
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
Денедегі артық май қайдан пайда болады - ғалымдар басты себепті атады
Теңге, доллар

Ұлттық банк теңгенің неліктен нығайып жатқанын түсіндірді

0
Инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр

НҰР-СҰЛТАН, 25 қараша – Sputnik. Теңге қыркүйектен бері алғаш рет 422,87 теңгеге дейін нығайды, деп хабарлады Ұлттық банктің баспасөз қызметі.

Қазақстан қор биржасындағы күндізгі сауда-саттықтың қорытындысы бойынша ұлттық валюта өткен күнмен салыстырғанда 1,79 теңгеге нығайды.

Ұлттық банктің 26 қарашаға бекіткен ресми бағамы – 422,87 теңге.

"25 қарашада биржада доллар теңгеге қатысты орта есеппен 422,90 деңгейінде саудаланады. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң динамикасына қолайлы сыртқы конъюнктура, сондай-ақ экспорттаушылардың салық төлемдерін жүзеге асыру үшін шетел валютасын сатуы әсер етіп отыр", - деп атап өтті Ұлттық банктің монетарлық операциялар департаментінің директоры Нұржан Тұрсынханов.

Оның айтуынша, инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр, бұл экономикалық белсенділіктің тез қалыпқа келу ықтималдығын арттырады. Сонымен қатар, билікті Дональд Трамп әкімшілігінен сайланған президент Джо Байденге ресми түрде беру процесінің басталуы тәуекел дәрежесін демеп отыр.  

Сонымен бірге нарықтар ФРЖ-нің бұрынғы басшысы Джанет Йелленді АҚШ қаржы министрі лауазымына тағайындау перспективаларына оң жауап береді, бұл қаржылық ынталандыруға байланысты болып жатыр.

Оқи отырыңыз: Ұлттық банк қазан айында валюталық интервенция жүргізді 

Жедел вакцинация және отынға деген сұраныстың жедел қалпына келуі мұнай бағасын өсіруді қолдайды. Brent эталондық сұрыпты мұнайының әлемдік бағасы бірнеше күн қатарынан өсіп келеді және Азия нарықтарындағы бүгінгі сауда-саттық барысында наурыздың басынан бастап алғаш рет бір баррель үшін 48 доллар белгісінен асты. Осыған орай, Норвегия кроны мен Канада доллары сияқты шикізат елдерінің валюталары аптаның басынан бастап 1,3%-ке және тиісінше 0,6%-ке нығайды.

Сыртқы позитивтің әсерінен бөлек, осы апта салық аптасы болып қалады, бұның өзі нарықта валютаның ұсынысын едәуір күшейте түсті. Мысалы, 23 қараша күні биржадағы сауда көлемі 170 миллион долларға жетті, бұл – осы қарашада биржада тіркелген күндізгі орта көлемнен 1,5 есе көп дегенді көрсетеді.

"Дамушы елдердегі валюталар сыртқы нарықтағы жағдайларға мейілінше жақсы әсер етіп отыр. Апта басында оңтүстік африкалық ранд 1,3%-ке бекісе, Ресей рублі 1%-ке, Мексика песосы 0,3%-ке нығая түсті. Бұл жерде рубльдің өзі экспортерлердің тарапынан түскен салық есебінен нығайып отыр", - дейді Тұрсынханов.

Ал теңге сыртқы және ішкі факторлардың жайлылығынан, одан қалды тәуекел-сентимент пен нарықтағы энерготасымалдаушылардың позитивті жаңалықтарының және жер қойнауын пайдаланушылар тарапынан түскен көлемді салықтың арқасында бекіп тұр.

Бұл жерде мұнай бағасының көтерілуі – оны тұтыну деңгейін дер кезінде қалпына келтіруге себепші болып жататынын айта кету керек. Дегенмен АҚШ-тағы мұнай қорының есебі көрсетіп келгендей, тұтыну көлемі болжалды деңгейге көтеріле алмай отыр. Сол себепті, шынайы тұтынымның шамасына қарай көмірсутек бағасына да өзгерістер еніп тұруы мүмкін.

0
Кілт сөздер:
теңге, Ұлттық банк
Тақырып бойынша
Ұлттық банк теңге бағамы неліктен өзгергенін түсіндірді
Экономистер теңгенің болашағына болжам жасады
Теңгенің айырбас бағамы біршама өсті: қазақстандық валютаға не әсер етеді?
Досаев теңге бағамына теріс әсер ететін факторды атады