Кісен, архивтегі фото

Студент қызды зорлап, өлтірген қаскөйлер сотта оқиғаның қалай болғанын айтты

10791
(Жаңартылды 13:24 21.07.2019)
Қыздың ата-анасы оның денесін мәйітханадан тауып, тісінен ғана тани алған

НҰР-СҰЛТАН, 21 шілде – Sputnik. Қырғызстанда студент қызды зорлап, өлтіріп кеткен қаскүнемдер 20 жылға бас бостандығынан айырылды.  

Бішкек қаласы Ленин аудандық сотының қаулысы Қырғызстан Жоғарғы сотының сайтында жарияланды.

Қылмыс 2017 жылдың күзінде жасалған. Екі ер адам қызбен танысып, оған арақ ішкізген, содан кейін филармония жанындағы салынып жатқан үйлердің бірінде зорлап, аяусыз ұрып-соққан. Зардап шегуші көз жұмды.

Тағы оқыңыз: Алматыдағы пәтерлердің бірінде ер адам 18 жастағы қызды соққыға жығып, зорлаған

Сотталушылар кінәсін жартылай мойындады. Олардың бірі қыз жыныстық қатынасқа қарсы болмағанын мәлімдеді.  

"Жақындасқан кезде ол қолымнан тістеп алды. Қатты ашуланып, бірнеше рет ұрып-соқтым. Ол құлап түсті, кейін беті мен мойнынан бұрағышпен (отвертка) ұрдым", - деді айыпталушы.  

Сот-медициналық сараптаманың қорытындысына сәйкес, қаза болған қыздың жыныс мүшесі мен тік ішегіне зақым келген. Басы, аяқ-қолы көгеріп кеткен, ал денесіне үшкір затпен жарақат салыныпты.

Қыздың ата-анасы оның денесін бір аптадан кейін мәйітханадан тауып, тісінен ғана тани алған.

10791
Кілт сөздер:
зорлау, мәйітхана
Тақырып бойынша
Алматы тауларында қыз-келіншектерге қырғидай тиетін азғын пайда болды
Ойына келгенін істеген: Балқашта зорланған қыз ақыры дегеніне жетті   
Құрылыс алаңына ерекше селфи жасауға барған оқушыларды зорлап кетті
Жолаушыны зорламақ болған такси жүргізушісі ұсталды
Алматы облысында жоғалып кеткен қыздың мәйіті табылды
Ашхабад

Коронавирус жоқ ел халықты COVID-ке қарсы вакцина салдыруға міндеттеді  

2054
(Жаңартылды 15:42 07.07.2021)
Түрікменстан билігі 18 жастан асқан азаматтарды коронавирусқа қарсы вакцина салдыруға міндеттеді 

НҰР-СҰЛТАН, 7 шілде – Sputnik. Түрікменстанда 18 жастан асқан адамдар COVID-ке қарсы вакцина салдыруға міндеттелді.

"18 жастан асқан адамдар профилактикалық екпеге медициналық қарсы көрсетілімдері болмаса, COVID-19 індетіне қарсы вакцина салдыруға тиіс", - деп жазды РИА Новости.     

Вакцинаның қандай да бір компонентіне аллергиялық реакциясы бар адамдар, жүкті және бала емізетін әйелдер, кәмелетке толмағандар, сондай-ақ жедел және созылмалы аурулары бар, дене қызуы жоғары адамдар вакциналаудан босатылады.

"Жаппай тексеріс болады": вакцина салдырмағандар қанша айыппұл төлейді

Түрікменстанда COVID-19-ға қарсы профилактикалық вакциналардың қажетті қоры жасалды, халықты коронавирусқа қарсы вакцинамен қамту жұмыстары жүргізілуде.  

Түрікменстанда бұған дейін бірнеше ай бойы тәуекел тобындағы адамдар мен қарттар коронавирусқа қарсы вакцинаны өз еркімен салдырды.

Ресми мәліметке сәйкес, Түрікменстанда коронавирустың жаңа түрі (яғни Ухань вирусы мен оның мутациялары) тіркелген жоқ. Сонымен бірге елде маска режимі және сауда, қызмет көрсету және көлік салаларында бірқатар шектеу енгізілді. Қазіргі таңда кейбір шектеулер алынып тасталды.

2054
Кілт сөздер:
вакцина, коронавирус
Архивтегі фото

Тас боратқан: Әкесін жерлеп келе жатқан ер адамды қан-жоса етіп ұрып кетті видео

2803
Ерегістің соңы көп ұзамай төбелеске ұласқан. Ер адамдар бір-біріне тас лақтырған  

НҰР-СҰЛТАН, 22 маусым – Sputnik. Өзбекстанның Науаи облысында әкесін жер қойнына тапсырып келе жатқан жергілікті тұрғынға бір топ адам тас боратқан.  

Жанжалдың видеосы желіде тарап кетті. Бұл жағдай облыстық ішкі істер басқармасының назарына ілікті, деп жазды Sputnik Өзбекстан.

Оқиға Газганда 16 маусымда таңғы сағат 8-дің кезінде болған. 

ІІБ мәліметінше, ер адам жерлеу рәсімінен үйіне қайтып бара жатқан. Жолда жергілікті тұрғынды кездестіріп, онымен сөзге келіп қалған.  

Әйел жанжалға күйеуін араластырған, ал ол бірнеше танысын жинап, әйелін ренжіткен адамның үйіне барған.

Алайда ерегістің соңы көп ұзамай төбелеске ұласыпты. Ер адамдар бір-біріне тас лақтырған.

Салдарынан олардың екеуі жарақат алды, оның бірі – жерлеу рәсімінен қайтқан ер адам.  

Зардап шеккендердің барлығы жергілікті клиникадағы дәрігерлерге көрінді. 

2803
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады