Алмазбек Атамбаевтың үйінен табылған қару

Атамбаевтың үйінен түрлі қару-жарақ тәркіленді

725
(Жаңартылды 00:46 11.08.2019)
Табылған қару-жарақтарға криминалистік сараптама жасалады

НҰР-СҰЛТАН, 10 тамыз – Sputnik. Қырғызстанның бұрынғы президенті Алмазбек Атамбаевтың үйінен атыс қаруы мен оқ-дәрінің 11 түрі тәркіленді, деп хабарлады елдің ішкі істер министрлігінің баспасөз қызметі.

8 тамыз күні құқық қорғау органдарының қызметкерлері саясаткердің Кой-Таш ауылындағы үйінен Драгунов снайперлік винтовкасын, Симонов өздігінен зарядталатын карабинін, "Капрал" тапаншасын, GM-100 маркалы екі тапанша, "Сайга" карабині, ТОЗ қосауыз мылтығы, Fabarm, Zoli және Progress қаруларын тапты.

Оружие, изъятое из дома экс-президента Кыргызстана Алмазбека Атамбаева
© Photo : Пресс-служба МВД Кыргызстана
Қырғызстанның экс-президенті Алмазбек Атамбаевтың үйінен тәркіленген қару-жарақ

Бұған қоса, мемлекеттік ұлттық қауіпсіздік комитетінің арнайы жасағынан тартып алынған қарулар да тәркіленді.

Тағы оқыңыз: Атамбаевтың қызы видеоүндеу жариялады

Қазір криминалистік сараптама жасалып жатыр.

Атамбаев қалай ұсталды

7 тамыз кешке Кой-Таш ауылында арнайы жасақ Атамбаевты ұстау операциясын жүзеге асырмақ болды. Алайда бұрынғы мемлекет басшысының жақтастары оларға тойтарыс берді.

Саясаткерді ұстау операциясы екінші күні де жалғасты. Нәтижесінде Атамбаев қолға түсті. Енді ол 26 тамызға дейін тергеу абақтысында қамауда болады.

Соңғы деректер бойынша, екі күнге созылған қақтығыс салдарынан 136 адам зардап шеккен. Арнайы жасақтың бір сарбазы оқ жарақатынан көз жұмды.

725
Кілт сөздер:
сараптама, қару-жарақ, Алмазбек Атамбаев, Қырғызстан
Тақырып:
Атамбаевты ұстау операциясы (18)
Қырғызстан туы

Қырғызстанда ел атауын өзгерту ұсынылды

2126
Конституциялық кеңес мүшелерінің бірі мемлекетте халық билігі енгізілетіндіктен, ел атауында "халық" сөзі болуы тиіс деп санайды

НҰР-СҰЛТАН, 23 қараша – Sputnik. Қырғызстанда Конституциялық кеңестің отырысында ел атауын өзгерту ұсынылды, деп хабарлайды Sputnik Қырғызстан.

"Кыргыз жолу" қоғамының басшысы Қадыр Қошалиев ел атауын "Кыргыз Эл Республикасы" (Қырғыз Халық Республикасы) деп өзгертуді ұсынды.

"Бізде халық билігі енгізілетіндіктен, мемлекеттің атауында Қытайдағы сияқты (Қытай Халық Республикасы) халық сөзі болуы тиіс", - деді Қошалиев Конституциялық кеңестің отырысында.

Сондай-ақ, бұрынғы әділет министрі Марат Қайыпов ел атауының орыс тілінде жазылуына қатысты ойын айтты.

"Орыс тілінде "Республика Кыргыз" деп дұрыс жазу қажет, сонда басқа ұлттар өкпелемейді. "Кыргызская Республика" дегенде тек қырғыздардың елі деп ойлап қалуы мүмкін. Ал "Республика Кыргыз" атауынан барлық ұлтты бір шаңырақ астына ұйыстырған ел екенін түсінуге болады", - деді экс-министр.

Еске салсақ, 20 қарашада Ата заңның жобасын талқылау үшін Конституциялық кеңес құрылды. Оның құрамына 89 адам кірді.

Бұған дейін Жогорку Кенештің 80 депутаты Конституцияның жаңа жобасы мен референдум өткізу туралы заң қабылдау бастамасын көтерген еді. Референдумды президент сайлауымен бір күнде – 10 қаңтарда өткізу жоспарланып отыр.

2126
Кілт сөздер:
атаулар, Қырғызстан
Тақырып бойынша
Қырғызстан басшысы Тоқаевқа алғыс білдірді
Қырғызстан президентінің міндетін атқарушы Жапаров отставкаға кететін болды
Таразы, архивтегі сурет

Шенеуніктердің артық салмағымен күресу жолы табылды

43
2021 жылдан бастап көрші елдегі мемлекетттік органдар қызметкерлері үзіліс кезінде міндетті түрде гимнастика жасайтын болады

НҰР-СҰЛТАН, 23 қараша – Sputnik. Өзбекстанда шенеуніктердің артық салмағы заңнамалық деңгейде қадағаланатын болды. Көрші ел президенті Шавкат Мирзиёев тиісті жарлыққа қол қойды.

Жарлыққа сәйкес, мемлекеттік орган мен ұйым қызметкерлері, жетекшілері дене шынықтырумен айналысуға міндеттеледі. Түрлі спорт сайыстарын ұйымдастыру жоспарланып отыр, деп хабарлайды Sputnik Өзбекстан.

2021 жылдың 1 қаңтарынан бастап аптасына кем дегенде бір рет спортпен шұғылдану қарастырылған. Сондай-ақ, келесі жылдан бастап жұмыстағы үзіліс кезінде гимнастика жасалады. 

Бұдан бөлек, 2021 жылдың 1 қыркүйегіне дейін "Өзбекстанның ұлттық және спорттық ойындары энциклопедиясы" жарық көреді.

Еске сала кетсек, Қазақстанда денсаулық министрлігі жұмыс берушілерді қызметкерлерге дене шынықтыру өткізуге міндеттеді. 

43
Кілт сөздер:
артық салмақ, шенеунік, Өзбекстан
Тақырып бойынша
Қарындағы май несімен қауіпті – дәрігерлер бірнеше себепті атады
Парамен ұсталған шенеунік өзенге секіріп кетті - видео
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
Денедегі артық май қайдан пайда болады - ғалымдар басты себепті атады
Дәмханадағы жарылыс

Нұр-Сұлтанда дәмханада қайтыс болған адамның отбасына 1 млн теңге төленеді

10
(Жаңартылды 09:19 24.11.2020)
Нұр-Сұлтан әкімдігі әйелдің денесін Қызылордаға жеткізуге көмектеседі. Төтенше оқиғаға кінәлілер жеті жылға дейін бас бостандығынан айырылуы мүмкін

НҰР-СҰЛТАН, 24 қараша - Sputnik. Нұр-Сұлтан әкімдігі Halal brothers дәмханасындағы жарылыс салдарынан қайтыс болған әйелдің отбасына 1 миллион теңге төлеп, денесін Қызылордаға жеткізуге көмектеседі. Дәмханада сенбі күні газ баллоны жарылған болатын, деп хабарлайды "Бірінші арна".

"Баллон жанған кезде олар далаға шықпақ болған. Бірақ қайтыс болған әйел жолда зат қоятын бөлмеге кіріп, шығуға үлгермеген. Күйеуім мүгедек болып қала жаздады. Қазіргі уақытта жағдайы орташа деңгейде. Дәрігерлер оның жағдайы өзгелермен салыстырғанда жақсы деп отыр", - деді ол. 

Полиция "Өрт қауіпсіздігі талаптарын бұзу" бабына сәйкес тергеу жүргізіп жатыр. Төтенше оқиғаға кінәлілер жеті жылға дейін бас бостандығынан айырылуы мүмкін.

Дәмханадағы жарылыс

21 қарашада елорданың сол жағалауындағы дәмханада газ баллоны жарылды. Төтенше жағдай туралы ақпар "103" пультіне сағат 12:24-те түсті. Оқиға орнында жедел жәрдемнің 24 бригадасы, шұғыл қызмет қызметкерлері жұмыс істеді.

Апат орнына келген өрт сөндірушілер дәмхана ішінде бір адам және 15 газ баллоны барын анықтаған. Жарылыс салдарынан ас үйдің шатыры құлады.

Өрттен бір адам көз жұмды, отыздан астамы зардап шекті. 20 шаршы метр аумақты шарпыған тілсіз жау 12:58-де сөндірілді.

10
Кілт сөздер:
миллион теңге, отбасы, дәмхана, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтан дәмханасындағы жарылыс: 3 науқас жансақтау бөлімінде жатыр
Мамин әкімдіктерге бір ай ішінде газ-техникалық инспекция құруды тапсырды
Нұр-Сұлтандағы жарылыс: зардап шеккендерге қатысты тың ақпарат шықты
Нұр-Сұлтан дәмханасындағы жарылыс: полиция қылмыстық іс қозғады