Портфель, архивтегі сурет

Президентке жаңа атақ берілді

3054
Түрікменстанның президенті Гурбангулы Бердімұхамедовке жаңа атақ берілді. Мәжілістің арнайы қаулысын парламент отырысында палата спикері оқып берді

НҰР-СҰЛТАН, 26 қыркүйек – Sputnik. Түрікменстанның президенті Гурбангулы Бердімұхамедовке "Құрметті ел ағасы" атағы берілді, деп хабарлады "Туркменистан сегодня" агенттігі.

Парламент отырысында спикер Гүлшат Маммедова мәжілістің арнайы қаулысын оқып, президентке "Hormatly il ýaşulusy" ("Құрметті ел ағасы") атағын тапсырды.

"Осы мәртебе Бердімұхамедовке елдің тәуелсіздігін күшейуге қосқан үлесі, мемлекет пен қоғам алдындағы ерен еңбегі, позитивтік реформалар, Отанның игілігіне жасаған жасампаз, адал жұмысы үшін табысталып отыр. Сондай-ақ, тәуелсіздіктің 28 жылдығына орай өндірістің сан алуан салаларында жұмыс істейтін азаматтар мен қоғамдық ұйымдардың өтініштері мен ұсыныстары ескерілді", - деп жазды "Туркменистан сегодня" агенттігі.

Гурбангулы Бердімұхамедов Түрікменстанның тәуелсіздігін нығайту, ұлттық салт-дәстүрлерді сақтау, халықтың бірлігі мен ынтымағын күшейту, жас ұрпақты тәрбиелеу әрбір азаматтың қасиетті міндеті екенін ерекше атап өтті.

Тағы оқыңыз: Назарбаев, Путин мен Трамптың видеолары желіде қызу талқыланды

"Түрікменстан қуатты мемлекеттердің бірі болып саналады және халықаралық аренада лайықты орынды алып отыр. Әрбіреуіміз білім алып, елдің игілігі үшін адал еңбек етсе, бәріміз ауызбіршілікпен алға жүрсек, алынбайтын асу жоқ. "Құрметті ел ағасы" атану мен үшін үлкен жауапкершілік. Алдағы уақытта Отанымыздың гүлденуі үшін, түрікменстандықтардың бейбіт әрі бақытты өмірі үшін ары қарай аянбай еңбек ететін боламын", - деді Бердімұхамедов.

3054
Кілт сөздер:
атақ, Түрікменстан, президент
Тақырып бойынша
Бердімұхамедовтің "өлімі": саясаттанушы кешірім сұрады
Медведев Түрікменстан президентінен алған сыйлығын көрсетті – видео
Францияның экс-президенті Жак Ширак өмірден озды
Түрікменстан президенті көлік құрастырып шықты
Тоқал алуға бола ма? Түрікменстан президенті заңға қол қойды
Оқушылар өз қалтаcынан президенттің кітаптарын сатып алуға міндеттелді
Ат, архивтегі сурет

Мейрамханаға атпен кірді: жас жұбайлардың видеосы қызу талқыланып жатыр

561
Бұған дейін қазан айында жас жұбайлардың достары мен туыстары көшеде би билеу үшін жолдарды жапқан

НҰР-СҰЛТАН, 26 қараша - Sputnik. Өзбекстанда жас жұбайлар тойды ерекше өткізу үшін мейрамханаға атпен кірді.

Желіде осы тойдың видеосы тарап жатыр, деп хабарлайды Sputnik Өзбекстан.

Кейбір желі қолданушылары той Самарқанд ауданында болғанын жазып жатыр. 

Бұған дейін қазан айында үйлену тойын өткізу үшін Самарқандта жолдарды жапқан. Олардың достары мен туыстары көшеде би биледі.

Оқиғаға қатысты әкімшілік хаттама толтырылған. Эпидемиямен күрес ережесін бұзғаны үшін айыппұл төлейді.

561
Кілт сөздер:
видео, үйлену тойы, ат, Өзбекстан
Тақырып бойынша
"Мамамды шақырыңдар": Орал тұрғыны үйлену тойынан кейін бесінші қабаттан секірмек болды
"Ойлаған жоқпын": Қазақстандағы үйлену тойы желіде қызу талқыланып жатыр – видео
Үйлену тойының фотосессиясы кезінде бірнеше адам көз жұмды: арасында қалыңдық та бар
Қалыңдықтың үйлену тойында жасаған әрекеті қайғылы жағдайға әкеп соқты
Үйлену тойына дайындалып жатқан отбасы қара жамылды: ауыл тұрғындары не дейді
Қырғызстан туы

Қырғызстанда ел атауын өзгерту ұсынылды

2580
Конституциялық кеңес мүшелерінің бірі мемлекетте халық билігі енгізілетіндіктен, ел атауында "халық" сөзі болуы тиіс деп санайды

НҰР-СҰЛТАН, 23 қараша – Sputnik. Қырғызстанда Конституциялық кеңестің отырысында ел атауын өзгерту ұсынылды, деп хабарлайды Sputnik Қырғызстан.

"Кыргыз жолу" қоғамының басшысы Қадыр Қошалиев ел атауын "Кыргыз Эл Республикасы" (Қырғыз Халық Республикасы) деп өзгертуді ұсынды.

"Бізде халық билігі енгізілетіндіктен, мемлекеттің атауында Қытайдағы сияқты (Қытай Халық Республикасы) халық сөзі болуы тиіс", - деді Қошалиев Конституциялық кеңестің отырысында.

Сондай-ақ, бұрынғы әділет министрі Марат Қайыпов ел атауының орыс тілінде жазылуына қатысты ойын айтты.

"Орыс тілінде "Республика Кыргыз" деп дұрыс жазу қажет, сонда басқа ұлттар өкпелемейді. "Кыргызская Республика" дегенде тек қырғыздардың елі деп ойлап қалуы мүмкін. Ал "Республика Кыргыз" атауынан барлық ұлтты бір шаңырақ астына ұйыстырған ел екенін түсінуге болады", - деді экс-министр.

Еске салсақ, 20 қарашада Ата заңның жобасын талқылау үшін Конституциялық кеңес құрылды. Оның құрамына 89 адам кірді.

Бұған дейін Жогорку Кенештің 80 депутаты Конституцияның жаңа жобасы мен референдум өткізу туралы заң қабылдау бастамасын көтерген еді. Референдумды президент сайлауымен бір күнде – 10 қаңтарда өткізу жоспарланып отыр.

2580
Кілт сөздер:
атаулар, Қырғызстан
Тақырып бойынша
Қырғызстан басшысы Тоқаевқа алғыс білдірді
Қырғызстан президентінің міндетін атқарушы Жапаров отставкаға кететін болды
Иллюстративті фото

Пандемия кезінде БАҚ қандай форматта жұмыс істеуі керек

0
Карантин кезеңінде офлайн жобалар онлайнға көшті. SputnikPro мамандары жаңа жылдық мерекелерде аудиторияға қандай қызықты контент дайындауға болатынын айтады

НҰР-СҰЛТАН, 27 қараша – Sputnik. SputnikPro жобасының сарапшылары көрші елдердің журналистеріне локдаун жағдайында жаңа жылдық арнайы жобаларды қалай жүзеге асыруға болатынын айтып берді.

"Санкт-Петербургтегі Комсомольская правда" басылымның бас директоры Иван Власов вебинарға қатысушыларға өзінің ұжымы қандай акциялар ұйымдастырғанын еске түсірді.  

"Жаңа жылдық ғажайып" деп аталатын осындай жобалардың бірі – қарттар үйі мен балалар үйінің тұрғындарына арналған бірлескен жаңажылдық шырша.

Желтоқсан айында басылым мен серіктес компаниялардың өкілдері №2 соғыс және еңбек ардагерлерінің үйіне сыйлық алып барып, ас-шай әзірлеген. Дәстүрлі жаңа жылдық шырша ұйымдастырылды, ардагерлер тосынсый алып, №40 балалар үйі тәрбиеленушілерінің өнерін тамашалады, олармен емін-еркін сұхбат құрды.

Иван Власов арнайы жоба әлеуметтік бағытты қамтып қана қоймай, сонымен қатар бірнеше мақсатты көздейтінін атап өтті: контент жасау және аудитория жинау; ойға алған шаруаны іске асыру үшін демеушілерді тарту; қосымша танылу.

Биыл көптеген ұйымда маркетингтік және жарнамалық жобаларға қаржы болмады, барлығы пандемиямен күресуге кетті. Жаңа жылда ірі мерекелік шаралар өтпейтіндіктен, арнайы жобаларға қызығушылық болады, деп болжайды Власов.

Оның айтуынша, локдаун онлайн-форматтағы қызықты жобаларды табуға және жүзеге асыруға жақсы мүмкіндік береді.   

"Үйде болатын адамдар үшін жаңа жылдық мерекелерге арналған бірнеше формат ұсынамыз. Бұрын редакцияда кезекшілерді қалдырып, бәрі демалысқа шығатын, ал енді жұмыс көп болатыны анық", - деп түсіндірді Иван Власов.

Sputnik Қазақстан бірнеше жыл бойы жүргізген "Мейірімділік шыршасы" қайырымдылық жобасы туралы шеф-редактор Динара Досмұхаметова айтып берді. Ұлттық ана мен бала ғылыми орталығының онкология бөлімінде емделіп жатқан алпыс бала жаңа жылдық тілектерін арнайы ашық хаттарға қалдырды. Жасырын Аяз ата болғысы келген ересек қазақстандықтар оларға синтезатор, планшет және квадрокоптерден бастап трансформер мен кішкентай пониге дейін түрлі сыйлықтар жинады.

Шеф-редактор Sputnik Казахстан Динара Досмухаметова выступает на вебинаре SputnikPro
© Sputnik
Sputnik Қазақстанның шеф-редакторы Динара Досмұхаметова SputnikPro вебинарында сөз сөйлеп жатыр

"Россия сегодня"медиахолдингінің бренд-коммуникациялар басқармасындағы арнайы жобалардың жетекшісі Дмитрий Лукьянчиков медиа өз аудиториясын кеңейту үшін танымал контент жасай отырып, локдаунды қалай қолдана алатындығы туралы баяндады.

Вебинардың тағы бір қонағы – "АиФ Самараның" бас редакторы Павел Сидоров газеттің ең сәтті жобаларын, соның ішінде жалпы карантин кезеңінде оқырмандар арасында кеңінен танымал болған ойындарды таныстырды.

SputnikPro білім беру жобасының отызыншы онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0