Алмазбек Атамбаев

Қырғызстанның бұрынғы президенті Атамбаев сотталды

3169
(Жаңартылды 16:06 23.06.2020)
Қырғызстанның бұрынғы президенті Алмазбек Атамбаев кінәлі деп танылып, 11 жыл және 2 айға сотталып отыр

НҰР-СҰЛТАН, 23 маусым - Sputnik. Алмазбек Атамбаев қылмыс әлемінің серкесі Азиз Батукаевты заңсыз босатуға қатысы бар деп айыпталған болатын. Көрші елдің экс-президенті 11 жыл және 2 айға бас бостандығынан айырылды, деп хабарлайды Sputnik Қырғызстан сот залынан.

Мемлекеттік айыптаушы Алмазбек Атамбаевты 15 жылға соттауды сұраған болатын.

Азиз Батукаевты заңсыз босату

Батукаев 2006 жылы 16 жыл және 8 айға бас бостандығынан айырылған болатын. 2013 жылы "ауыр дертке" байланысты шартты түрде мерзімінен бұрын босап, Қырғызстаннан кетті.

Ішкі істер министрлігі Батукаевтың жалған диагноз қою арқылы Атамбаевтың тікелей нұсқауымен босатылғанын мәлімдеді. Атамбаев қылмыс әлемінің серкесін босатуды ұйымдастыруды сол кездегі ішкі істер министріне тапсырған.

Қырғызстанның ішкі істер министрлігі Алмазбек Атамбаевты куәгер ретінде үш рет жауап алуға шақырды. Бірақ ол бірде біреуіне барған жоқ. Осыдан кейін күш құрылымдары экс-президентті күшпен әкелуге бел буды.

Атамбаевты ұстау операциясы

2019 жылдың 7 тамызында кешке Атамбаевтың Кой-Таш ауылындағы үйіне шабуыл жасалды. Экс-президенттің резиденциясы орналасқан ауыл Бішкек қаласынан 20 шақырым қашықтықта. Атамбаевты ұстау операциясын елдің мемлекеттік ұлттық қауіпсіздік комитетінің арнайы жасағы жүргізген. Олар бұрынғы президенттің үйінің ауласына баса-көктеп кіріп, резеңке оқпен ата бастаған.

Күш құрылымдарының әрекетіне жауап ретінде Атамбаевтың жақтастары үйге кіріп, арнайы жасақ сарбаздарын кепілге алған. Жергілікті тұрғындар мен Атамбаевтың жақтастары арнайы жасақ сарбаздарына тас лақтырып, жағдай ушыға түсті. Артынша атыс басталды.

Мемлекеттік ұлттық қауіпсіздік комитеті арнайы жасақ сарбаздарының тек резеңке оқ қолданғанын мәлімдеді. Ал Атамбаевтың үйінің жағынан атыс қаруынан оқ жаудырылған. Мыңға жуық милиция қызметкері экс-президенттің үйіне жақындай алмапты, оларға Атамбаевтың жақтастары тосқауыл болған.

Осылайша Алмазбек Атамбаевты ұстау операциясы сәтсіз аяқталды.

Шабуыл салдарынан бір сарбаз көз жұмды, елуден астам адам зардап шекті. Сондай-ақ, ішкі істер министрлігінің Шу облысындағы басқармасының бастығы Самат Құрманқұлов ауыр жарақат алды.

Атамбаев тек келесі күні, 8 тамыздағы шабуыл кезінде ұсталды.

3169
Кілт сөздер:
сот, Алмазбек Атамбаев, Қырғызстан
Тақырып бойынша
Атамбаевтың әйелінің интернетте тараған суреті желіде қызу талқыға түсті
Атамбаев ұлының аса қатыгездікпен соққыға жығылғаны рас па – министрлік жауабы
Жээнбеков Атамбаевтың үйіне жасалған шабуылға қатысты түсініктеме берді
Өз халқыңа оқ атпа: Атамбаев мәлімдеме жасады
Екі күндік операция: Атамбаев қалай ұсталды?
Архивтегі фото

Тас боратқан: Әкесін жерлеп келе жатқан ер адамды қан-жоса етіп ұрып кетті видео

1629
Ерегістің соңы көп ұзамай төбелеске ұласқан. Ер адамдар бір-біріне тас лақтырған  

НҰР-СҰЛТАН, 22 маусым – Sputnik. Өзбекстанның Науаи облысында әкесін жер қойнына тапсырып келе жатқан жергілікті тұрғынға бір топ адам тас боратқан.  

Жанжалдың видеосы желіде тарап кетті. Бұл жағдай облыстық ішкі істер басқармасының назарына ілікті, деп жазды Sputnik Өзбекстан.

Оқиға Газганда 16 маусымда таңғы сағат 8-дің кезінде болған. 

ІІБ мәліметінше, ер адам жерлеу рәсімінен үйіне қайтып бара жатқан. Жолда жергілікті тұрғынды кездестіріп, онымен сөзге келіп қалған.  

Әйел жанжалға күйеуін араластырған, ал ол бірнеше танысын жинап, әйелін ренжіткен адамның үйіне барған.

Алайда ерегістің соңы көп ұзамай төбелеске ұласыпты. Ер адамдар бір-біріне тас лақтырған.

Салдарынан олардың екеуі жарақат алды, оның бірі – жерлеу рәсімінен қайтқан ер адам.  

Зардап шеккендердің барлығы жергілікті клиникадағы дәрігерлерге көрінді. 

1629
Архивтегі фото

Таңертең мектепке аттестат алуға кеткен қыздың денесі орманнан табылды

4115
Қызды өлтірді деген күдікпен бұрын сотты болған көршісі ұсталды. Милиция қылмысқа қатысты мән-жайды мәлімдеді

АЛМАТЫ, 22 маусым – Sputnik. Қырғызстанның Кемин ауданында 16 жастағы қыздың денесі табылды, оны өлтірді деген күдікпен көршісі ұсталды, деп хабарлады Sputnik Қырғызстан.

Шу облысының ішкі істер басқармасы баспасөз қызметінің хабарлауынша, 21 маусымда сағат 17:15-те милицияға орман алқабында зорлық-зомбылық белгілері бар қыздың денесі табылғаны туралы хабар түсті.

Ал 17:30-да жергілікті тұрғын милицияға жүгініп, 2005 жылы туған қызының таңертең үйден шығып, содан бері оралмағанын айтқан. Милиция жоғалған қыздың кісі қолынан қайтыс болған жасөспірім екенін анықтады.

Қызылорда облысында каналдан жоғалған қыздың денесі табылды

Милиция қыздың анасынан жауап алды. Оның сөзінше, қыз таңғы 8:30-да мектепке аттестат алу үшін кеткен. Шамамен 10:59-да көршісінің телефоны арқылы хабарласып, учаскедегі суару жұмыстарынан кейін үйіне оралатынын айтқан. Алайда сол күйі оралмаған.

Кісі өлтірді деген күдікпен 42 жастағы ер адам ұсталды. Ол бұрын бұзақылық пен алаяқтық үшін сотталған.

Құқық қорғау органдарының қызметкерлері сағат 11:00-де қыз анасына қоңырау шалу үшін көршісіне барғанын анықтады. Ер адамның айтуынша, содан кейін қыз көршісінен ақша сұраған, ал ол сол сәтті пайдаланып, тиісе бастаған.

"Қыз айғайлай бастаған, ал күдікті қорқып, оны тұншықтырып өлтірген. Содан кейін көршісінің көлігін сұрап, қылмысты жасыру үшін қыздың денесін орманға апарып тастаған", - деп мәлімдеді құқық қорғаушылар.

Сараптама тағайындалды, күдікті уақытша ұстау изоляторына қамалды.

4115
Ақорда

Тоқаев бірқатар ауыс-түйіс жасады

0
Шайх-Хасан Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды

НҰР-СҰЛТАН, 22 маусым – Sputnik. Мемлекет басшысы Қасым-Жомарт Тоқаев бірқатар өкімге қол қойды, деп хабарлайды Ақорда.

Мемлекет басшысының өкімімен Қаныш Асанханұлы Әбубәкіров Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымынан босатылды.

Оқи отырыңыз: Тоқаев сыртқы істер саласында ауыс-түйіс жасады

Сондай-ақ, Тоқаевтың өкімімен Мереке Мәтімұлы Күшікбаев Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымына тағайындалды, ол "Астана" өңірлік қолбасшылығы әскерлерінің қолбасшысы лауазымынан босатылды.

Шайх-Хасан Саттарқұлұлы Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды.

0
Кілт сөздер:
Қасым-Жомарт Тоқаев, кадрлық тағайындаулар