Қыз, архивтегі фото

Наурыз мейрамында жалаңаштанып тамақ пісірген қыздар сотталды видео

15240
(Жаңартылды 19:18 24.03.2021)
Желі қолданушыларының көпшілігі қыздардың Наурыз мейрамындағы бұл әрекетін сынға алды. Сот үш әйелді 15 тәулікке қамауға алу туралы шешім шығарды

НҰР-СҰЛТАН, 24 наурыз — Sputnik. 21 наурызда әлеуметтік желіде Өзбекстандағы "Сахара" түнгі клубында бір топ әйелдің жартылай жалаңаштанып сумалак пісіріп жатқаны туралы видео тарады, деп хабарлады Газета.uz.

Мерекелік тағамды әзірлеу процесінің бейнежазбасы әлеуметтік желіде жарияланды.

Хорезм облыстық телерадиокомпаниясының репортажында видеоға түсірілген жағдай "өзбек ұлтының, өзбек әйелінің ар-намысына тиетіні" айтылған.

Кейінірек "Сахара" түнгі клубының қызметкерлері халықтан кешірім сұрады.

"Кешірім сұраймыз, білместіктен істедік", -  дейді видеодағы қыздар.

23 наурызда Үргеніш қалалық қылмыстық істер жөніндегі соты іш киіммен сумалак пісірген алты әйелге қатысты шешім шығарды. Әкімшілік іс қоғам және БАҚ өкілдерінің қатысуымен қаралды.

Сот үш әйелді Әкімшілік жауапкершілік кодексінің 183-бабы (ұсақ бұзақылық) бойынша кінәлі деп тауып, ең қатаң жазаны таңдады – олар 15 тәулікке әкімшілік қамауға алынды. Жаза 23 наурыз сағат 11:30-дан бастап есептеледі.

Тағы үш әйелге 1,22 миллион сум (49 000 теңгеге жуық) айыппұл салынды. Сот олардың балалары бар екенін ескерген.

Айта кетейік, сумалак – Наурызда өзбектердің сүйсіне әзірлейтін, тамсана жейтін асы. Әрі пайдалы, әрі дәмді, әрі денеге қуат беретін бұл тағам Қазақстанда аса танымал емес.   

15240
Кілт сөздер:
Наурыз мейрамы, видео, Өзбекстан
Қазы, архивтегі фото

Тойда 120 адам жылқы етінен уланды

3029
Алдын ала мәлімет бойынша қонақтар мерекеге орай асылған жылқы етінен уланып қалған  

НҰР-СҰЛТАН, 14 қазан – Sputnik. Той қонақтары жылқы етінен жаппай уланып қалды.

Оқиға Қырғызстанда Созақ ауданының Бек-Абад ауылында 10 қазанда болған.

Sputnik Қырғызстан хабарлағандай, ауруханаға 124 адам түскен. Жалал-Абад ауданаралық санитарлық-эпидемиологиялық қадағалау және жұқпалы аурулардың алдын алу орталығының басшысы Рома Ураимовтың айтуынша, ауылда сүндет той өткізу үшін жылқы сойылған.

Жергілікті тұрғындар келесі күні дәрігерлерге қарала бастапты. Ураимов науқастардың арасында туыстары тойдан үйге әкелген жылқы етін жегендер де бар екенін атап өтті. 16 адам ауруханаға жатқызылды, қалғандары үйде ем қабылдап жатыр. 

"Қазір науқастардың барлығы бақылауда. Ауруханаға жатқызылғандардың арасында төрт жасөспірім бар. Эпидемиологиялық тексеріс жүргізілуде", - деді орталық басшысы.

Жалал-Абад облысы ішкі істер басқармасының баспасөз қызметі тойды 57 жастағы ер адам өткізгенін хабарлады. Ол 9 қазанда жылқы сойған, ал 10 күні мереке өтті. Құқық қорғау органдарының қызметкерлері тергеу жүргізіп жатыр.

Оқи отырыңыз:

3029
Кілт сөздер:
сүндет той, ет
Димаш Кудайберген

Димаш Құдайберген Азияның ең сымбатты жігіті атанды

1960
Әнші бұған дейін де түрлі награда иеленді. Ең маңыздылары арасында - Қытайдың Top Chinese Music Awards премиясында "Азиядағы ең танымал әнші" номинациясы

НҰР-СҰЛТАН, 1 қазан — Sputnik. Белгілі қазақстандық әнші Димаш Құдайберген King Choice онлайн дауыс беру рейтингісінде бірінші орынға ие болды. THE 100 MOST ATTRACTIVE ASIAN CELEBS 2021 байқауы өткен болатын.

9,3 миллион дауыспен қазақстандық Азиядағы ең сымбатты жігіт атанды, деп жазады King Choice сайты.

Бұған дейін Jas Otan жастар қанатының белсенділері әлеуметтік желіде Димаш Құдайбергенге дауыс беруді қолдау үшін #JasOtanQoldaidy акциясын бастаған болатын. Дауыс бері 30 қыркүйекте аяқталды.

Екінші орында оңтүстіккореялық BTS тобының солисі Ким Сокджин (Kim Seokjin). Ол 8 миллионнан астам дауыс жинады.

Үшінші орында Чха Ын У (Cha Eunwoo) — оңтүстіккореялық әнші, актер және модель. Astro тобының мүшесі. Оған 1,9 миллион рет дауыс берген.

Айта кетері, Димаш түрлі наградаға ие. Ең маңыздылары арасында - Қытайдың Top Chinese Music Awards премиясында "Азиядағы ең танымал әнші" номинациясы, MTV Global Chinese Music Awards-та "Жылдың үздік шетелдік шығармашылық тұлғасы" номинациясы,  Қытай мен Қазақстан "Достық елшісі" наградасы.

1960
Кілт сөздер:
Димаш Құдайберген, жігіт
Тақырып бойынша
Димаш Рухия Байдүкенова орындауындағы әнді ерекше толғаныспен тыңдады – видео
"Кел, күнім сол": Димаш Құдайбергеннің әрекеті жұртты тамсандырды - видео
Димаш Құдайберген Қытайға оралғанын мәлімдеді
Димаш Сочиде тыңдармандар жүрегін тағы бір жаңа әнмен жаулады - видео
Димаш Ave Marіа-ны өзгеше шырқады – видео
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр