Гүлнәр Кәрімовадан тәркіленген мүліктер

Гүлнәр Кәрімовадан тәркіленген мүліктер сатуға шығарылды фото

2141
Кешен аумағында қонақ үй мен коттедждер, жабық және ашық бассейндер, теннис корты, спорт зал мен басқа да қондырғылар орналасқан

НҰР-СҰЛТАН, 18 сәуір – Sputnik. Мемлекеттік активтерді басқару жөніндегі агенттік жекешелендіру бағдарламасы аясында Ташкент облысында бірнеше нысандарды сатуға шығарды. Жарияланған лоттар қатарында бұрынғы Өзбекстан президентінің үлкен қызы Гүлнәр Кәрімоваға тиесілі "Сиджак" демалыс аймағы да бар.

 Как выглядит бывшая дача Гульнары Каримовой
Sputnik / Дильшода Рахматова
Гүлнәр Кәрімовадан тәркіленген нысандағы бассейін

Курорттық аймақтағы зәулім сарайлар теңіз деңгейінен 959 метр биіктікте орналасқан. Аумағы 5,4 гектар шамасындағы бұл жер халық арасында "Тянь-Шань маржаны" деп аталады.

Sputnik Өзбекстан агенттігінің хабарлауынша, кешен аумағында қонақ үй ғимараты мен бірнеше бассейн, амфитеатр, коттедж бен су мұнарасы және басқа да құрылыстар орналасқан.

 Как выглядит бывшая дача Гульнары Каримовой
Sputnik / Дильшода Рахматова
Гүлнәр Кәрімованың бұрынғы саяжайы

Сондай-ақ, шарап субұрқағы мен әйнек күмбезді қысқы бақ та бар.

Как выглядит бывшая дача Гульнары Каримовой
Sputnik / Дильшода Рахматова
Шыны күмбездің астында орналасқан қысқы бақ

Аталған кешен Ташкент облысындағы тағы жеті объектімен бірге аукционға қойылды.

 Как выглядит бывшая дача Гульнары Каримовой
Sputnik / Дильшода Рахматова
Курорттық аймақтағы зәулім сарайлар теңіз деңгейінен 959 метр биіктікте орналасқан

Мемлекеттік активтерді басқару агенттігі аукционға қатысуға өтінімдерді ағымдағы жылдың 30 сәуіріне дейін қабылдайды.

 Как выглядит бывшая дача Гульнары Каримовой
Sputnik / Дильшода Рахматова
Аумағы 5,4 гектар шамасындағы бұл жер халық арасында "Тянь-Шань маржаны" деп аталады

Айта кетейік, наурыз айының ортасында интернетте Гүлнәр Кәрімованың өлең түрінде жазылған хабарламасы пайда болды. Оның қызы Иман Кәрімова туыстарының жазған хаты тұтқынға берілмейтінін, адвокаттардың кіруіне тыйым салынғанын, тіпті онымен телефонмен сөйлесуге де тыйым салынғанын айтқан.

Өзбекстанның экс-президенті Ислам Кәрімовтің үлкен қызы жазасын Ташкент маңындағы №21 Зәңгіата әйелдер колониясында өтеп жатыр.

Оқи отырыңыз: Астында қара Mercedes: Қазақстандық депутаттар таңертең жұмысқа қалай келеді

Ол қаржы жымқыру, салық төлеуден жалтару, бопсалау және ақшаны астыртын жолмен жылыстатуға кінәлі деп танылған.

Өзбекстанның Жоғарғы соты Гүлнәр Кәрімованы ұйымдасқан қылмыстық топ құрып, бопсалау және алаяқтық жасағаны үшін 13 жыл 4 айға бас бостандығынан айырды.

2141
Кілт сөздер:
аукцион, Өзбекстан
Тақырып бойынша
Ислам Каримовтың қызының түрмеде өз-өзіне қол жұмсағаны рас па?
Із-түзсіз жоғалып кеткен қызды өлтірген жеңгесі болып шықты
Өзбекстанда Гүлнара Каримова қамауға алынды
Депутат қазақстандықтарға Кореяда заңды еңбек ету мүмкіндігін беруді ұсынды
Гүлнара Каримованың денсаулығы туралы ақпарат жарияланды
Мақтарал ауданындағы су тасқыны

Өзбекстандағы су қоймасының жарылуы: 17 адамға сот үкімі шықты

87
Іске қатысы бар деген алты адам үш жылдан он жылға дейінгі уақытқа сотталды. Тағы бір адамға төрт жылға дейін бас бостандығын шектеу туралы үкім шықты. Қалған айыпталушылар ірі көлемде айыппұл төлейді

АЛМАТЫ, 11 мамыр – Sputnik. Өзбекстанда Сырдария облысындағы су тасқыны ісі бойынша 17 лауазымды тұлғаға қатысты үкім шықты. Сол кезде су қоймасының бөгеті жарылып, алты адам қаза тапқан болатын.

Айта кетейік, төтенше жағдай 2020 жылдың мамырында болды. Содан кейін Қазақстан аумағына ірі көлемде су келді. Су тасқыны Түркістан облысының елді мекендеріне елеулі залал келтірді.

Кейіннен Өзбекстанның бас прокуратурасы техногендік апаттың себептерін атады. Апатқа жобалық құжаттардағы, құрылыс пен пайдаланудағы қателіктер себеп болған. Сот алдына ұрлық, немқұрайлық және лауазымдық жалғандық жасады деп айыпталған бірнеше лауазымды тұлға келді.

Өзбекстан жоғарғы сотының хабарлауынша, алты айыпталушы үш жылдан он жылға дейін сотталды.

"Узтемирйулкуришмонтаж" ұлттық компаниясы бас директорының орынбасары, гидротехникалық құрылыс басқармасының бастығы болған М.Холматов он жылға бас бостандығынан айырылды. Ол аса ірі көлемде ұрлық жасады, сондай-ақ лауазымдық жалғандық жасағаны үшін кінәлі деп танылды", – делінген ақпаратта.

Сонымен қатар Холматов адам өліміне әкеп соққан тау-кен, құрылыс немесе жарылыс қаупі бар жұмыстарды жүргізу кезінде қауіпсіздік ережелерін бұзғаны үшін кінәлі деп танылды. Ол 3 жыл мерзімге материалдық жауапты лауазымдарды атқару құқығынан айырылды.

Айыпталушы тағы екі адамның әрқайсысы бес жылға сотталды: оның бірі –тапсырыс беруші тарапынан "Сирдаре сув курилиш инвест" мекемесінің бұрынғы басшысы Абдуназаров; екіншісі – жобалаушы тарапынан UzGIP перспективалық жобаларды жоспарлау бөлімінің бұрынғы басшысы Руднев. Олар 133,8 миллион сум (шамамен 5,4 миллион теңге) айыппұл төлейді.

Қалған айыпталушылар әр түрлі мерзімге сотталды, сондай-ақ ірі көлемде айыппұл төлеуге міндеттелді.

Сардоба су қоймасы 2017 жылы салынған, оның сыйымдылығы 922 миллион текше метр және Сырдария мен Жызақ облысының алты ауданындағы егіс алқаптарына су жіберуге арналған.

Түркістан облысындағы су тасқыны

2020 жылдың бірінші мамырында Өзбекстанның Сырдария облысындағы Сардоба су қоймасының бөгеті бұзылып, алты адам қайтыс болды.

Қазақстанның оңтүстігіндегі бірнеше ауыл зардап шекті. Мыңнан астам үйді су басты, мектептер, балабақшалар, медициналық нысандар бүлінді. Елді мекендерден 31 мыңнан астам адам эвакуацияланды. Түркістан облысында техногендік сипаттағы төтенше жағдай режимі жарияланды.

Қайғылы жағдайдан кейін Қазақстан Өзбекстанмен бірге су тасқынының салдарын жою бойынша жұмыс істеді. Кейін екі ел халықаралық және қазақстандық сарапшылармен бірлесіп Сардоба су қоймасының техникалық аудитін өткізу туралы келісімге келді.

Оқи отырыңыз: Мақтаарал ауданында 1300-ден астам отбасы мың доллардан өтемақы алды

Сондай-ақ, қос тарап трансшекаралық су объектілерін бірлесіп басқару, пайдалану және қорғау жөніндегі үкіметаралық келісімді әзірлеуге және оған қол қоюға уағдаласты.

87
Кілт сөздер:
Түркістан облысы, Өзбекстан, су тасқыны
Тақырып бойынша
Мақтааралда 400-ге жуық отбасыға жаңа үйдің кілті табысталды
ШҚО-дағы су тасқыны: пайдакүнем тұрғындар үйлерін әдейі қиратып жатыр
"Бір адам далада қалған жоқ": Тоқаев Мырзакент ауылының тұрғындарымен кездесті
Атбасарда су тасқыны салдарын жоюға бөлінген қаржыны шенеуніктер қымқырған
Министр су тасқыны болуы мүмкін өңірлерді атады
Қыз, архивтегі сурет

Қырғызстанда тағы бір қызды ұрлап кетті видео

3781
Жәбірленушінің сіңлісі милицияға арызданды, айтуынша, апасын белгісіз біреулер көлікке күштеп отырғызып, алып кеткен

НҰР-СҰЛТАН, 6 мамыр – Sputnik. Бішкек түбіндегі Лебединовка ауылында жас жігіттер қызды ұрлап кетті. Милиция күдіктінің кім екенін анықтады, деп хабарлайды Sputnik Қырғызстан.

Оқиға шамамен 23.00-де болды. Қызды ұрлау сәті видеоға түсіп қалған.

Түнгі екіде милицияға 20 жастағы бойжеткен арызданып, апасын белгісіз біреулер Toyota Estima маркалы көлікке күштеп отырғызып, алып кеткенін айтты.

Шу облысы Ішкі істер бас басқармасының мәліметінше, сотқа дейінгі өндіріс басталды, күдіктінің кім екені анықталды. Құқыққорғау органдарының қызметкерлері ер адамның тұратын жеріне аттанған.

Sputnik Қырғызстан тілшілері ұрланған қыздың туыстарымен байланысқа шықты. Олардың айтуынша, қыз әлі табылмаған, бірақ "күйеу бала" жақтан елшілер келіпті.

"Әзірге оның қайда екенін білмейміз. Алайда жігіттің туысқандары келіп, қызымыз алып қашудан кейін тұрмысқа шығуға келіскенін айтты. Қыздың ата-анасы қарсы, балаларымен сөйлесуге мүмкіндік беруді өтініп отыр", - деді туыстары.

Милиция оқиғаға қатысты толық ақпаратты кейінірек беруге уәде етті.

Айта кетсек, Қырғызстанда қызды үйлену мақсатында ұрлау қылмыс болып саналады.

Тағы оқыңыз: Қырғызстанда бойжеткен өлімінен кейін халық митингке шықты

Еске салсақ, осы жылдың 5 сәуірінде Бішкекте үш ер адам 27 жастағы Айзада Қанатбекованы көлікке күштеп отырғызып, белгісіз бағытқа қарай алып кетті. Кейіннен қала сыртында қойшы жоғалған қыз бен 36 жастағы ер адамның денесін көліктен тапты.

Тергеудің алдын ала нұсқасы бойынша, ер адам қызды буындырып өлтіріп, содан кейін өзін өлтірген.

3781
Кілт сөздер:
видео, қыз алып қашу, кісі ұрлау, Қырғызстан
Тақырып бойынша
"Буындырып, тепті": Алматылық қызды ұрлап әкетіп, жезөкшелікке мәжбүрлеген
Қойшы тауып алған: бір топ еркек алып қашқан бойжеткен өлі табылды - видео
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

9
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

9
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды