Бала, архивтегі фото

Алты жасар бала қайтыс болған анасының жанында бес күн өткізген

3533
Балабақша тәрбиешілері алты жасар баланың бірнеше күн бойы келмей жүргенін байқап, оны құтқарып қалды

НҰР-СҰЛТАН, 18 қыркүйек – Sputnik. Кішкентай бала қайтыс болған анасының жанында бес күн түнеген, деп хабарлады РИА Новости.

Башқұртстандағы Янаул қаласында таңғаларлық оқиға болды. Балабақша тәрбиешілері алты жасар баланың бірнеше күн бойы келмей жүргенін байқаған. Бірдеңеден күдіктеніп, олар баланың анасының құрбысымен байланысқа шығады.

Олар пәтерге бірге келгенде, баланың анасы қайтыс болғанын, ал баланың өзі қатты ашығып қалғанын көреді.

Тағы оқыңыз: Көшеде келе жатқан жігіт 5-қабаттан құлаған сәбиді қағып алды – видео

Кейінірек өңір билігі хабарлағандай, бала алдымен анам ұйықтап қалды деп ойлаған болуы мүмкін, ал содан кейін оның сыртқа шығып, көмек шақыруға шамасы болмаған.

Қазіргі уақытта жетім қалған бала жан сақтау бөлімінде жатыр, жағдайы біртіндеп жақсарып келеді.

Кейінірек баланы туыстары алып кететіні белгілі болды.

3533
Тақырып бойынша
Күйеуге шығып жатқан анасына 7 жасар ұлының айтқан сөзі жұрттың жүрегін елжіретті
480 күн ес-түссіз жатқан сәбиге елордада бұрын-соңды болмаған ота жасалды
Әйел құлап бара жатқан баласының аяғынан ұстап қалды – таңғажайып видео
Шымкенттегі 3 жасар қыздың өлімі: кішкентай Кәусарды көршісі өлтіріп алған
Мәскеудегі АҚШ елшілігі

Ресей елшілігі АҚШ-та алты азаматының айыпталуына қатысты түсініктеме берді

22
Вашингтондағы Ресей елшілігі АҚШ-тың бүкіл әлемдегі хакерлік және тұрақсыздандыру әрекеттеріне қатысы бар деg Ресей азаматтарына таққан айыптарын жоққа шығарады

Бұған дейін АҚШ-тың әділет министрлігі мен федералды тергеу бюросы басқа елдердің инфрақұрылымына шабуыл жасау мақсатында хакерлік шабуылдарға және зиянды бағдарламалардың таралуына қатысы бар деg бес ресейлікті айыптағаны белгілі. Атап айтқанда, оларға 2017 жылы NotPetya вирусының таралғаны үшін айып тағылуда, деп мәлімдеді дипломатиялық миссияның өкілі РИА Новости агенттігіне.

АҚШ-тың болжамынша, бұл адамдар бас барлау басқармасының қызметкерлері және олар Оңтүстік Кореядағы Олимпиадаға кибершабуылдарды ұйымдастырған. Өз кезегінде Ұлыбритания да Ресей барлау қызметі Токидағы Олимпиада ойындарын кейінге қалдырғанға дейін ұйымдастырушыларға кибершабуыл жасауды жоспарлағанын мәлімдеді.

"Мұндай жаңалықтардың шындыққа жанаспайтындығы және америкалық қоғамда көңіл-күйді қоздыруға, тыңшылардың ізіне түсуге бағытталғандығы анық. Мұның бәрі бірнеше жылдан бері Вашингтонның саяси өмірінің айрықша сипатына айналып келеді. АҚШ билігі бір кездердегі прагматикалық Ресей-АҚШ қарым-қатынасын бұзып, өз тұрғындарына Ресейге және онымен байланысты барлық дүниеге қатысты теріс түсінікті жасанды түрде таңып отыр", - деп түсіндірді бұл туралы елшілік өкілі.

Агенттікке сұқбат беруші Ресейдің бүкіл әлемді "тұрақсыздандыратын операцияларға" қатысуға деген ниетінің жоқтығын және болмағанын атап өтті.

"Бұл біздің сыртқы саясатымызға, ұлттық мүдделерімізге, сондай-ақ мемлекеттер арасындағы қарым-қатынастың қалай құрылатындығы жөніндегі таным-түсінігімізге сәйкес келмейді. Ресей басқа елдердің егемендігін құрметтейді және олардың ішкі ісіне араласпайды", - деп толықтырды ол сөзін. 

АҚШ пен Ұлыбританияның ресейлік хакерлерді түрлі шабуылдар, оның ішінде Токио Олимпиадасының ұйымдастырушыларына қатысты әрекетке айыптауы негізсіз екенін және оның ішкі аудиторияға бағытталғанын мәлімдеді.

22
Москва қазақша Анастасия Решетникова мен Елизавета Осипова

Видеоблог авторлары президент алғысына ие болды

45
(Жаңартылды 14:53 17.10.2020)
Қазақстан президенті жоба жетекшілеріне қазақ тілі мен мәдениетін насихаттағаны үшін ризашылығын білдірді

НҰР-СҰЛТАН, 17 қыркүйек – Sputnik. Қазақстанның Ресейдегі елшісі Ермек Көшербаев "Москва қазақша" видеоблогының авторлары Анастасия Решетникова мен Елизавета Осиповамен кездесті. Елші оларға президент Қасым-Жомарт Тоқаевтың алғыс хатын табыс етті, деп хабарлайды Sputnik  Қазақстан.

Мұндай ақпарат елшіліктің Facebook-тегі ресми парақшасында жарияланды.

"Сіздер қазақ тілін жетік меңгеріп, "Москва қазақша" блогының көмегімен оның танымал болуына үлкен үлес қосып келесіздер. Қазақстан мен Ресей арасындағы мәдени-гуманитарлық байланыстарды нығайтатын игі істеріңіз қолдауға ие және кеңінен танымал. Қазақ мәдениетін насихаттағандарыңыз үшін өз ризашылығымды білдіремін", – делінген алғыс хатта. 

Ал қыздардың өздері Қазақстан президентінен алғыс хат аламыз деп күтпеген.

"Жобамызды бастағанда мұндай жоғары марапат туралы ойламадық. Біз оны шын пейілмен жасаймыз. Мұндай марапатқа ие болу өте маңызды әрі бұл екіжақты қатынастарды дамыта түседі", – дейді Осипова.

Айта кетейік, Елизавета Осипова мен Анастасия Решетникова Мәскеу мемлекеттік лингвистикалық университетін (ММЛУ) бітірген. Олар қазақ тілін шет тілі ретінде оқыған. Оқып, үйренгендерін ұмытып қалмау үшін қыздар 2018 жылдың қараша айында видеоблог жүргізуді қолға алады.

Жоба авторлары Sputnik Қазақстанға университеттегі алғашқы сабаққа дейін қазақша мүлдем білмегендерін айтқан. Сондай-ақ, өткен жылы мәскеулік бойжеткендер халық шаруашылығы жетістіктерінің көрмесі сайтында видео түсіріп, қонақтарды Қазақстан павильонына шақырған.

Оқи отырыңыз: "Табиғи әрі дұрыс процесс" Ресей елшісі қазақ тілі туралы ойын айтты

Сонымен қатар, олар Қазақстанға келіп, Алматы мен Шымкент туралы да видео түсірген.

45
Кілт сөздер:
алғыс айту, Мәскеу, қазақ тілі
Тақырып бойынша
Астаналықтар қала тұрғынының қазақ тілі туралы сұрағына ду қол шапалақтады
"Қазақ тілі болуы тиіс" Тоқаев үштілділікке қатысты ұстанымын айтты
Қазақ тілі мұғалімі бар: Қордайда қаза болғандардың аты-жөні жарияланды
Нұр-Сұлтанда қазақ, ағылшын тілі курстары тегін оқытылады
"Қазақ тілі – қазақтың жаны" Тоқаев латын әліпбиіне қатысты ұстанымын ашық білдірді
Зертхана қызметкері

Өткен тәулікте Қазақстанда коронавирус жұқтырғандардың саны артты

15
(Жаңартылды 08:10 21.10.2020)
Бүгінгі күнге дейін республика бойынша коронавируспен ауырған науқастардың саны 109 766 адамға жетті

НҰР-СҰЛТАН, 21 қазан – Sputnik. Қазақстанда өткен тәулікте 143 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус жұқтырғандардың ең көбі Нұр-Сұлтан қаласында (29) анықталды. Одан кейін Шығыс Қазақстан облысы (19) мен Алматы қаласында (13) тіркелді", – делінген хабарламада.  

Қалалар мен өңірлер бойынша:

  • Нұр-Сұлтан қаласы - 29
  • Алматы қаласы - 13
  • Ақмола облысы - 6
  • Ақтөбе облысы - 3
  • Алматы облысы - 14
  • Атырау облысы - 11
  • Шығыс Қазақстан облысы - 19
  • Жамбыл облысы - 3
  • Батыс Қазақстан облысы - 5
  • Қарағанды облысы - 16
  • Қостанай облысы - 5
  • Маңғыстау облысы - 1
  • Павлодар облысы - 10
  • Солтүстік Қазақстан облысы - 8.

Айта кетейік, бүгінге дейін республика бойынша індет жұқтырған адамдар саны 109 766-ға жетті.

15
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Қара бұрыш коронавирустан қалай қорғайды – ғалымдар жауабын айтты
Ғалымдар мезгілсіз өлімнің белгілерін атады
Коронавирус ақша мен телефон экранында қанша уақыт сақталады – ғалымдар зерттеу жасады
COVID-19-бен байланысты қауіпті синдром байқала бастады: ғалымдар дабыл қақты