Ресей президенті Владимир Путин мен Қазақстан президенті Қасым-Жомарт Тоқаев, архивтегі сурет

Тоқаев пен Путин Омбыда кездеседі  

84
Мәскеуде шекара бойындағы ынтымақтастық форумына дайындалуға арналған кезекті ведомствоаралық кеңес өтті

НҰР-СҰЛТАН, 10 қазан – Sputnik. Мәскеуде Ресей мен Қазақстанның ХVI өңіраралық ынтымақтастық форумына дайындық мәселелері талқыланды. Іс-шараға екі елден 600-ден астам делегат келеді деп жоспарлануда, деп хабарлайды "Росконгресс" қоры.

Ресей астанасында форумға дайындық бойынша үшінші ведомствоаралық кеңес өтті. Оған Қазақстан президенті Қасым-Жомарт Тоқаев пен Ресей президенті Владимир Путин қатысады. 2003 жылы алғашқы аймақаралық ынтымақтастық форумы өткен Омбы қаласы қонақтарды қарсы алуға дайындалуда.

Омбыда форумға дайындық қалай жүріп жатыр

Омбыдағы жолаушылар көлігі форумның түстері мен символдарымен безендіріледі.

"11 электр көлігі мен 14 автобус толықтай безендіріледі", - делінген қала әкімдігінің сайтында.

Форум логотиптері 1500 қалалық автобусқа, 108 троллейбусқа және 64 трамвайға орналастырылады.  

Қалада қонақтар жүретін бағдарлардың бойындағы ғимараттар жөндеуден өтіп жатыр. Бұл үшін федералды бюджеттен бір миллиардтан астам рубль бөлінді.

Өңіраралық ынтымақтастық форумының бағдарламасы

Іскерлік бағдарламалардың іс-шаралары 6-7 қарашада Омбы Конгресс-холында өтеді. Путин мен Тоқаевтың қатысуымен өтетін "Шекара бойындағы ынтымақтастықты дамытудың өзекті мәселелері" пленарлық отырысы 7 қарашаға жоспарланған.

6 қарашада іскерлік бағдарлама "Жоғары технологиялар: Ресей мен Қазақстан өңірлерінің мүмкіндіктері" көрмесімен ашылады. Күн бағдарламасында барлығы екіжақты ынтымақтастықтың басым мәселелері бойынша бес панельдік сессия бар.

Қатысушылар шекара бойындағы сауданы дамыту, өнеркәсіп пен технологиядағы кооперациялық байланыстарды, энергетикалық инновацияларды, шикізаттық емес экспортты, сандық трансформацияны және әйелдер кәсіпкерлігін талқылайды.  

Негізгі бағдарламамен қатар Ресей мен Қазақстанның жастар көшбасшыларының форумы өтеді.

Іс-шара аясында "Авангард" хоккей академиясында Ресей мен Қазақстанның жастар командалары арасында жолдастық хоккей матчы өтеді.

84
Кілт сөздер:
Владимир Путин, Қасым-Жомарт Тоқаев, Қазақстан, Ресей
Тақырып бойынша
Тоқаев: Қазақстан мен Ресей арасында ешқандай күрделі мәселе жоқ
Тоқаев пен Лавров Нұр-Сұлтанда кездесу өткізеді
Ресей тарапы Қытайдағы лагерьлерге қатысты ұстанымын ашық айтты
Қазақстан мен Ресей шекарасындағы кептеліске сыртқы істер министрі түсініктеме берді
 Қазақстанның Мәскеудегі елшілігінің ғимараты

Қазақстанның Мәскеудегі консулдық бөлімі жұмыс тәртібін өзгертті

29
(Жаңартылды 12:59 29.10.2020)
Қазақстанның дипломатиялық өкілдігінің консулдық бөлімі республикасы азаматтарының жедел және шұғыл сипаттағы өтініштерін қабылдауды жалғастырады

НҰР-СҰЛТАН, 28 қазан – Sputnik. Коронавирус инфекциясының таралуына байланысты Мәскеуде орналасқан Қазақстан елшілігінің консулдық бөлімі келушілерді қабылдауды тоқтатады.     

"2020 жылдың 2 қарашасынан бастап Қазақстан Республикасының Мәскеудегі елшілігінің консулдық бөлімі төтенше және шұғыл жағдайға қатысты Қазақстан азаматтарының өтініштерінен басқа барлық консулдық және мемлекеттік қызметтер бойынша азаматтарды қабылдауды уақытша тоқтатады", - делінген елшіліктің хабарламасында.

Мұндай шара COVID-19 коронавирус инфекциясының таралу қаупінінің артуына және келушілер денсаулығының қауіпсіздігін қамтамасыз етуге байланысты қабылданды.

Оқи отырыңыз: Депутаттар вирус жұқтырған дәрігерлерге өтемақы төлеуді жалғастыруды талап етті 

Шұғыл мәселелер бойынша 8-925-897-71-14 "қауырт желі" телефонына қоңырау шалуға болады.

Басқа сұрақтарды Consularkz_bot телеграм ботына немесе consul.moscow@mfa.kz поштасына жолдау керек.

29
Кілт сөздер:
Мәскеу, коронавирус
Тақырып:
Коронавирус эпидемиясы
Тақырып бойынша
Қазақстандық ғалым С дәрумені негізінде ракқа қарсы дәрі ойлап тапты
Анықтама қажет: Қазақстанда жиналысқа қатысатындар үшін жаңа ереже күшіне енді
Семейде зертхананың әрбір екінші COVID анализі қате болып шықты
Екінші тоқсанда 1,2 миллион оқушы мектепке барып оқиды
Коронавирусқа қарсы вакцина салдырған еріктілер вирус жұқтырды
Спутник V вакцинасы

Коронавирусқа қарсы вакцина салдырған еріктілер вирус жұқтырды

1117
"Спутник V" вакцинасын әзірлеген мамандар індетке шалдыққан науқастарға нақты не егілгенін тексермек

НҰР-СҰЛТАН, 28 қазан – Sputnik. "Спутник V" вакцинасының сынағына қатысқан бірнеше еріктіде COVID-19-ға тапсырған тест оң нәтиже көрсетті. Сынақты жүргізіп жатқан Гамалея орталығы науқастарға нақты не егілгенін анықтайды – нағыз вакцина ма, жоқ әлде плацебо ма (емдік қасиеті жоқ зат – Sputnik).

"Статистика бойынша оң нәтиже көрсеткен ПТР-тестер мен қандай да бір аурулар бар, бірақ оларға плацебо салынуы мүмкін. Алдын ала қорытындыны қарашаның ортасында ғана шығара аламыз", - деді Гамалея орталығының директоры Александр Гинцбург РИА Новости-ге.

Ол зерттеуге қатысып жатқан еріктілердің жартысы вакцинаның алғашқы компонентін алғанын нақтылады. Тоғыз мыңға жуығы вакцинаны екінші рет салдырды.

Ресейдің денсаулық сақтау министрлігі тамызда әлемде алғаш болып коронавирусқа қарсы вакцинаны тіркеді. Екпе "Спутник V" деп аталады. Вакцина екі компоненттен тұрады.

Тағы оқыңыз: Бразилияда коронавирусқа қарсы вакцина салдырған ерікті қайтыс болды

Екпенің клиникалық сынағы Мәскеуде 7 қыркүйекте басталды, ал 9 қыркүйекте алғашқы қатысушыларға егілді. Зерттеуге барлығы 40 мың ерікті қатысады. Олардың 10 мыңына плацебо егіледі – бұл вакцинаның тиімділігін тексеру үшін қажет.

Сондай-ақ, Ресей вирусқа қарсы "ЭпиВакКорона" атты екінші вакцина шығарды. Оның тіркеуден кейінгі сынағы жуырда басталады. Сынаққа 40 мың ерікті, соның ішінде 60 жастан асқан және созылмалы аурулары бар адамдар қатысады, деп мәлімдеді ведомстводан.

1117
Кілт сөздер:
вакцина, коронавирус
Тақырып:
Коронавирус эпидемиясы
Тақырып бойынша
Kazpatent коронавирусқа қарсы вакцина әзірлеуге қатысты ақпарат таратты
Ресейде коронавирусқа қарсы екінші вакцина өндіріле бастады
Өрт сөндіруші

Павлодарда көпқабатты үйден өрт шықты

0
Жедел жәрдем көрші пәтердегі балаларды ауруханаға жеткізді. Өрттің алдын ала себебі - темекі шегу кезінде қауіпсіздікті сақтамау

ПАВЛОДАР, 30 қазан — Sputnik. Өрт сөндірушілер көпқабатты үйден егде жастағы әйел, баласы мен көрші пәтердегі балаларды қолға алып шығарды, деп хабарлады Павлодар облысы төтенше жағдайлар департаментінің өрт сөндіру қызметі.

"Жұма күні сағат 12.36-да Жаяу Мұса көшесіндегі 1-ші үйде өрт шыққаны туралы хабар түсті. Сегізінші қабаттағы екі бөлмелі пәтерде жиһаз бен киімдер отқа оранды. Өрт аумағы - 10 шаршы метр", - делінген хабарламада.

Өрт сөндірушілер пәтерден 65 жастағы әйел мен 45-тегі баласын қауіпсіз жерге шығарды. Әйел орта дәрежедегі газбен улану, арқасын күйік шалу және алкогольге улану диагнозымен терапия бөліміне жеткізілді.

Баласы да орта дәрежедегі улану диагнозымен жансақтау бөліміне жатқызылды. Жағдайы ауыр.

Жедел жәрдем көрші пәтердегі балаларды ауруханаға жеткізді. Жағдайлары жақса, үйлеріне жіберілді.

Өрттің алдын ала себебі - темекі шегу кезінде қауіпсіздікті сақтамау.

0
Кілт сөздер:
көпқабатты тұрғын үй, өрт сөндірушілер, Павлодар
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Нұр-Сұлтанда жаңа өрт сөндіру депосы ашылды
Нұр-Сұлтанда тұрғын үйден өрт шығып, екі адам көз жұмды
Түркістан облысында жойқын өрт видеоға түсіп қалды
"Бізді басып озбақ болды": Өрт сөндіру көлігі аударылып, жүргізуші көз жұмды