Қасым-Жомарт Тоқаев пен Владимир Путин

Омбы Тоқаев пен Путинді қарсы алуға қалай дайындалып жатыр?

111
Қос мемлекет басшысының келуіне байланысты қала билігі жолдарды жөндеуге кіріскен. Бұл мақсатқа миллиардтаған қаржы бөлініп отыр

НҰР-СҰЛТАН, 15 қазан — Sputnik. Омбы облысының губернаторы Александр Бурков Қазақстан мен Ресейдің алдағы уақытта өтетін өңіраралық форумына дайындық жұмыстары қалай жүріп жатқанын айтты

XVI өңіраралық форум 6-7 қарашада Омбы қаласында өтеді. Форумға қос елдің президенті мен 600-ден астам делегат қатысады.

Губернатор Омской области, председатель правительства Омской области  Александр Бурков
© Sputnik / Абзал Калиев.
Форум өтетін қала жолдарын қалыпқа келтіріп, ғимараттың сыртын жаңартуға 1,1 миллиард рубль (шамамен 6,6 миллиард теңге) бөлініпті

Губернатордың айтуынша, жолдарды қалыпқа келтіруге және ғимараттың сыртын жаңартуға 1,1 миллиард рубль (шамамен 6,6 миллиард теңге) бөлініпті.

"Омбы қонақтарды күтіп алуға дайын. Форум аясында 5 панельді сессия нақтыланды. Қазақстандық тараптың бастамасымен әйелдер арасындағы кәсіпкерлік тақырыбын талқыға салдық. Сыйлы меймандарды қарсы алу үшін қаланың бет-бейнесін өзгертіп жатырмыз. 169 үйдің қасбетін жаңартып, жолдарды жөндеудеміз. 2,5 мың шам ауыстырдық. Қала жарық, таза болу үшін жұмыс істеп жатырмыз", - деді Нұр-Сұлтан қаласына жұмыс сапарымен келген қала басшысы Sputnik Қазақстан тілшісіне.

Александр Бурков Қазақстан мен Ресей үшін бизнес саласында ынтымақтастықты нығайту маңызды екенін жеткізді.

Сондай-ақ, ол елордадағы "Астана" халықаралық қаржы орталығымен өзара түсіністік пен ынтымақтастық туралы меморандумға қол қойды. Тараптар қаржы технологиясы және "жасыл" қаржыландыру саласындағы қарым-қатынастың болашағы зор екенін атап өтті.

Тағы оқыңыз: Қазақстан мен Ресей шекарасындағы кептеліске сыртқы істер министрі түсініктеме берді

Губернатор кәсіпкерлерді Қазақстанның салық жеңілдіктері қызықтыратынын айтты.

"Қазақстан біз үшін көршілес мемлекет. Бір-бірімізді ұзақ уақыттан бері танимыз әрі түсінеміз. Бұл жерде омбылық кәсіпкерлер үшін айтарлықтай тәуекел көріп тұрған жоқпын", - деді Александр Бурков.

111
Кілт сөздер:
Владимир Путин, Қасым-Жомарт Тоқаев, Омбы
Тақырып бойынша
Путин Тоқаевтың қандай адам екенін айтты
Тоқаев білім министрлігіндегі жанжалдан кейін кадрлық ауыс-түйіс жасады
Тоқаев пен Путин Омбыда кездеседі  
Тоқаев Мұхтар Тайжанмен Ақордада не жайлы сөйлескені белгілі болды
Белгілі жазушы Тоқаевтың ерекше қасиеті туралы айтып берді
 Қазақстанның Мәскеудегі елшілігінің ғимараты

Қазақстанның Мәскеудегі консулдық бөлімі жұмыс тәртібін өзгертті

22
(Жаңартылды 20:28 28.10.2020)
Қазақстанның дипломатиялық өкілдігінің консулдық бөлімі республикасы азаматтарының жедел және шұғыл сипаттағы өтініштерін қабылдауды жалғастырады

НҰР-СҰЛТАН, 28 қазан – Sputnik. Коронавирус инфекциясының таралуына байланысты Мәскеуде орналасқан Қазақстан елшілігінің консулдық бөлімі келушілерді қабылдауды тоқтатады.     

"2020 жылдың 2 қарашасынан бастап Қазақстан Республикасының Мәскеудегі елшілігінің консулдық бөлімі төтенше және шұғыл жағдайға қатысты Қазақстан азаматтарының өтініштерінен басқа барлық консулдық және мемлекеттік қызметтер бойынша азаматтарды қабылдауды уақытша тоқтатады", - делінген елшіліктің хабарламасында.

Мұндай шара COVID-19 коронавирус инфекциясының таралу қаупінінің артуына және келушілер денсаулығының қауіпсіздігін қамтамасыз етуге байланысты қабылданды.

Оқи отырыңыз: Депутаттар вирус жұқтырған дәрігерлерге өтемақы төлеуді жалғастыруды талап етті 

Шұғыл мәселелер бойынша 8-925-897-71-17 "қауырт желі" телефонына қоңырау шалуға болады.

Басқа сұрақтарды Consularkz_bot телеграм ботына немесе consul.moscow@mfa.kz поштасына жолдау керек.

22
Кілт сөздер:
Мәскеу, коронавирус
Тақырып:
Коронавирус эпидемиясы
Тақырып бойынша
Қазақстандық ғалым С дәрумені негізінде ракқа қарсы дәрі ойлап тапты
Анықтама қажет: Қазақстанда жиналысқа қатысатындар үшін жаңа ереже күшіне енді
Семейде зертхананың әрбір екінші COVID анализі қате болып шықты
Екінші тоқсанда 1,2 миллион оқушы мектепке барып оқиды
Коронавирусқа қарсы вакцина салдырған еріктілер вирус жұқтырды
Спутник V вакцинасы

Коронавирусқа қарсы вакцина салдырған еріктілер вирус жұқтырды

1061
"Спутник V" вакцинасын әзірлеген мамандар індетке шалдыққан науқастарға нақты не егілгенін тексермек

НҰР-СҰЛТАН, 28 қазан – Sputnik. "Спутник V" вакцинасының сынағына қатысқан бірнеше еріктіде COVID-19-ға тапсырған тест оң нәтиже көрсетті. Сынақты жүргізіп жатқан Гамалея орталығы науқастарға нақты не егілгенін анықтайды – нағыз вакцина ма, жоқ әлде плацебо ма (емдік қасиеті жоқ зат – Sputnik).

"Статистика бойынша оң нәтиже көрсеткен ПТР-тестер мен қандай да бір аурулар бар, бірақ оларға плацебо салынуы мүмкін. Алдын ала қорытындыны қарашаның ортасында ғана шығара аламыз", - деді Гамалея орталығының директоры Александр Гинцбург РИА Новости-ге.

Ол зерттеуге қатысып жатқан еріктілердің жартысы вакцинаның алғашқы компонентін алғанын нақтылады. Тоғыз мыңға жуығы вакцинаны екінші рет салдырды.

Ресейдің денсаулық сақтау министрлігі тамызда әлемде алғаш болып коронавирусқа қарсы вакцинаны тіркеді. Екпе "Спутник V" деп аталады. Вакцина екі компоненттен тұрады.

Тағы оқыңыз: Бразилияда коронавирусқа қарсы вакцина салдырған ерікті қайтыс болды

Екпенің клиникалық сынағы Мәскеуде 7 қыркүйекте басталды, ал 9 қыркүйекте алғашқы қатысушыларға егілді. Зерттеуге барлығы 40 мың ерікті қатысады. Олардың 10 мыңына плацебо егіледі – бұл вакцинаның тиімділігін тексеру үшін қажет.

Сондай-ақ, Ресей вирусқа қарсы "ЭпиВакКорона" атты екінші вакцина шығарды. Оның тіркеуден кейінгі сынағы жуырда басталады. Сынаққа 40 мың ерікті, соның ішінде 60 жастан асқан және созылмалы аурулары бар адамдар қатысады, деп мәлімдеді ведомстводан.

1061
Кілт сөздер:
вакцина, коронавирус
Тақырып:
Коронавирус эпидемиясы
Тақырып бойынша
Kazpatent коронавирусқа қарсы вакцина әзірлеуге қатысты ақпарат таратты
Ресейде коронавирусқа қарсы екінші вакцина өндіріле бастады
Аурухана, архивтегі фото

Коронавирус пен пневмониядан тағы алты қазақстандық қайтыс болды

7
3200-ден астам адам коронавирус инфекциясынан емделіп жатыр, оның ішінде 287 бала бар, 117 адамның жағдайы ауыр

АЛМАТЫ, 29 қазан – Sputnik. Қазақстанда өткен тәулікте коронавирус пен пневмониядан алты адам қайтыс болды.

Денсаулық сақтау министрлігінің хабарлауынша, бүгінде коронавирус инфекциясынан 3 201 адам емделіп жатыр. Оның ішінде 287 бала бар.

"Стационарларда 2 289 науқас, амбулаториялық деңгейде 912 пациент емделіп жатыр. 117 адамның жағдайы ауыр, ал 13 науқастың жағдайы аса ауыр деп бағаланып отыр. 15 адам жасанды тыныс алу аппаратына қосылған. Бір тәулікте коронавирустан бес адам, пневмониядан бір адам қайтыс болды", - деп хабарлады денсаулық сақтау министрлігі.

Оқи отырыңыз: Қазақстанда коронавирус жұқтырғандардың саны күрт өсті 

Айта кетейік, өткен тәулікте республикада 268 адамның коронавирус жұқтырғаны белгілі болды. Сонымен қатар 174 адамға коронавирус белгісі бар пневмония диагнозы қойылды.

Пандемия басталғаннан бері Қазақстанда 111 100 адам коронавирус инфекциясын жұқтырды, 1 840 адам қайтыс болды. 37 378 адам пневмониямен ауырып, 397 адам қайтыс болды.

7
Кілт сөздер:
коронавирус
Тақырып:
Коронавирус эпидемиясы
Тақырып бойынша
Тоқаев заңнамаға вакцинаны уақытша тіркеу түсінігін енгізуді тапсырды
Бекшин коронавирус жұқтырғандардың қай елдерден көп келетінін айтты
Қарашадан бастап бес уақыт намазды мешітте оқуға болады
Францияда жалпыұлттық карантин қайта енгізілетін болды