Брюссельдегі НАТО саммиті

Ресей НАТО-ға қауіп төндіре ме сарапшы жауабы

236
Әскери сарапшы, отставкадағы полковник Виктор Литовкин британиялық министрдің сөздерін қаперге алмауға болады деп санайды

НҰР-СҰЛТАН, 29 қараша – Sputnik. Британия қорғаныс министрлігінің басшысы "Ресей – НАТО-ға төнген қауіп" деп мәлімдеді. Әскери сарапшы Виктор Литовкин Sputnik радиосының эфирінде мұндай мәлімдеме нені тұспалдайтынын түсіндірді.

"Ресей тарапынан шынайы қауіп бар, мәселен, НАТО үшін. Ресей ақырындап біздің батылдығымызды сынап жатыр", - деді Ұлыбританияның қорғаныс министрі Бен Уоллес біріккен корольдік институтында өткен сайлауалды пікірталас барысында.

Уоллестің пікірінше, Ресей, бір жағынан, соғыс жүргізудің сан түрлі әдісін қолданып, Украинаны өз мақсатына пайдаланып отыр.

Министр Солтүстік Атлантика альянсын, Еуропа одағы мен Five Eyes арнайы қызметтер қауымдастығына (АҚШ, Ұлыбритания, Канада, Австралия, Жаңа Зеландия) кіретін елдерді жағдайды бақылауға алып, Ресейге табанды тойтарыс беруге шақырды, деп хабарлайды РИА Новости.

Тағы оқыңыз: НАТО: ұйымның болашағы бар ма?

Әскери сарапшы, отставкадағы полковник Виктор Литовкин бұл сөздерді қаперге алмауға болады деп санайды.

"Бұл корольдіктің қорғаныс министрінің ақылынан алжасқанын білдіреді. Ресей ешкімге сес көрсетіп жатқан жоқ, НАТО шекарасына жақындап та жатқан жоқ. Керісінше, НАТО Ресей шекарасына таяп, әскерлерін орналастыруда. Ал Ресей біреуге қауіп төндіріп жатыр деген әңгімелер барлығын басқа арнаға бұрудың амалы. НАТО Югославияны бомбалады, Ирак, Ауғанстан, Ливияға баса-көктеп кірді. НАТО-ның кейбір мүшелері әлі күнге дейін Сирияда заңсыз жүр, сол елдің мұнайын ұрлап жатыр. Ресей ешқашан бұлай жасаған емес және жасамайды да. Сол себепті олар Еуропа халқын үрей құшағында ұстайды, қорқыныш ұялатады. Өйткені халықты осылай басқару оңайырақ", - деді Литовкин.

236
Российские многофункциональные истребители пятого поколения Су-57 на воздушном параде Победы в Москве

Су-57 және С-70: жаңа ресейлік қару-жарақтың ерекшелігі неде?

35
Бесінші буынға жататын ұшақ әуеде, жерде және суда кез келген нысанды жоя алады. Форсажды қоспай-ақ, жоғары жылдамдықпен ұшады

НҰР-СҰЛТАН, 4 желтоқсан – Sputnik. Осы айда Ресейдің әуе-ғарыш күштерінің қатарына Су-57 жойғыш ұшағы қосылады. Бұл – бесінші буынға жататын техниканың алғашқы нұсқасы.  

Бірінші сериямен 76 ұшақ шығарылады. Оның қанатына С-70 "Охотник" пилотсыз ұшу аппараты орнатылған. Ол жасанды интеллектке негізделген. Қазіргі кезде аппарат арнайы полигонда жоғарыдан нысананы анықтау және оны зымыранмен жою сияқты сынақтардан өтіп жатыр.

Бұған дейін Ресейдің қорғаныс министрлігі жыл соңына дейін әуе-ғарыш күштеріне алғашқы Су-57 сериялық жойғыштың тапсырылатынын хабарлаған. Бүгінде ұшақ толығымен дайын деуге болады. Алдағы уақытта жылына 15 ұшақ шығарылады. Осылайша, барлық 76 машина жеті жылдың ішінде авиациялық полктерге тапсырылмақшы.

Алдымен бірінші кезеңдегі қозғалтқышлар салынса, 2025 жылдан бастап ұшақтар екінші кезеңнің қозғалтқыштарымен шығарылады. Дегенмен, қазірдің өзінде Су-57 әлемдегі ең озық әрі қуатты жойғыштардың бірі болып саналады. 

Бесінші буынға жататын ресейлік ұшақ әуеде, жерде және суда кез келген нысанды жоя алады. Форсажды қоспай-ақ, жоғары жылдамдықпен ұшады. Маневр жасау қабілеті де жоғары. Ал борттағы электроника тиімділігін арттырып, әскери басымдығын күшейтіп отыр.

Military Watch Magazine мәліметіне сәйкес, Су-57 ұшағының бортында әмбебап қару-жарақтар бар. Олар – өте сезімтал радарлар, 400 шақырымға ұшатын гипердыбыстық зымырандар, жаудың зымыран шабуылынан қорғайтын лазерлік жүйе және тағы басқа озық технологиялар. Ал пилотсыз ұшу аппараттарымен бірге Су-57  жауынгерлік басқару орталығына айналады.  

Су жаңа жойғыш ұшағы Сириядағы ресейлік әскерилердің құрамында тексерістен өтті. Жасанды интеллект жауынгерлік басқару жүйесіне интеграцияланған. Бұл әскери салада үлкен жетістік болып саналады. Соның арқасында Су-57 мақсат-міндеттердің 90 процентін автоматты режимде орындай алады. Тіпті, алдын ала енгізілген бағдарлама бойынша толығымен автоматты түрде жүргізуге болады. Ұшқыш жарақат алған жағдайда немесе қаза тапса, басқару жүйесі өздігімен нысаналарды көздеп, соққы жасайды. Одан кейін автоматты режимде ұшақты адаммен бірге базаға қайтарады.

Ұшақтың корпусында антенналық тор үлгісінде радарлар орнатылған. Соның арқасында айналадағы жағдайды кеңінен бақылап отыруға мүмкіндік бар. Ал бүйірдегі радиолокациялық жүйелер нысаны іздеу қабілетін арттырып, жаудың радарына көрінбеуге жағдай жасайды. Сол кезде Су-57 ұшағында және пилотсыз аппаратта зымырандарды бағыттау тиімділігі төмендемейді. "Ұшақ-компьютерге" арнайы аэродром керек емес. Оған даладағы кез келген жерде қызмет көрсетуге болады.        

Су-57 серияға шықпай жатып, шетелден тапсырыс көп түсті. Ресейлік жойғыш ұшақтың алғашқы сатып алушысы Алжир болады. Осы мемлекет 14 машинаға тапсырыс берген. Келісімшарттың жалпы құны – $2 миллиард. Тапсырысты орындау мерзімі – бес жыл.

Ал 2 желтоқсан күні Ашулук полигонында соққы жасайтын С-70 "Аңшы" атты пилотсыз ұшу аппараты зымыранмен шабуыл жасау жағдайында сынақтан өтті. Оны Су-57 жойғыш ұшағынан басқару жүйелері де тексерілді. "Аңшы" әлем бойынша алғашқы жойғыш әрі зымыранды қағып алатын пилотсыз аппарат болмақшы. Әзірше, оған әуедегі жағдай мен нысанаға қатысты барлық ақпарат жерден немесе жойқыш ұшақтан түседі. Болашақта автономды режимде қолдануға мүмкіндік болады. Бұдан бөлек, "Аңшы" 5 000 шақырым шалай жерге алты тоннаға дейін зымырандар мен бомбаларды тасымалдай алады.  

Пилотсыз аппараттың ұзындығы – 19 метр. Қанаттарының құлашы – 14 метр. Ал әуеге көтерілу салмағы 20 тоннаға дейін барады. Ол сағатына 1000 шақырыммен ұша алады. Сынақ шаралары жалғасуда.

35
Компьютер

Ресей СІМ Латвияда Sputnik және Baltnews тілшілерінің ұсталуын сынға алды

19
(Жаңартылды 17:31 04.12.2020)
Бұған дейін БАҚ қызметкерлеріне Латвия қылмыстық заңының 84-бабы бойынша айып тағылғаны хабарланған болатын  

НҰР-СҰЛТАН, 4 желтоқсан – Sputnik. Ресейдің сыртқы істер министрлігі Латвия билігінің Baltnews және Sputnik Латвия порталдарының орыс тілді журналистеріне қатысты әрекеттерін сынға алды. Екі басылымда тінту жұмыстары жүрген.

Бұған дейін аталған БАҚ қызметкерлеріне Латвия қылмыстық заңының 84-бабы ("еуропалық одақтың санкциялар режимін бұзу") бойынша айып тағылғаны хабарланды. Жауап алғаннан кейін олар ешқайда кетпеу туралы қолхат берді. Оларға ақшалай айыппұл немесе бас бостандығынан айыру жазасы берілуі мүмкін.

"3 желтоқсанда Ригадағы Sputnik бюросының қызметкерлері мен орыс тілді журналистерге қатысты Латвия мемлекеттік қауіпсіздік қызметінің басқыншылық әрекеттерін демократиялық қоғамның негізі – БАҚ бостандығы мен пікір білдіруге қарсылық деп бағалаймыз. Айта кетейік, журналистерге қатысты ұстау, жауап алу және тінту жүргізіліп, қылмыстық айып тағылып отыр", - делінген СІМ ақпаратыда.

Ведомствоның хабарлауынша, Sputnik Латвия ұжымына қатысты ЕО санкциялар режимін бұзған деген айыптаулардың негізі жоқ.

"Бұл шектеулер жеке сипатқа ие," Россия сегодня" ХАА бас директоры Дмитрий Киселевке ғана қатысты және медиа холдингпен серіктестердің барлығына қатысы жоқ", - деп атап өтті министрлік.

СІМ мәліметі бойынша, "сол уақытта Baltnews ақпарат агенттігінің орыс тілді журналистері және Латвияның бірқатар қоғам қайраткеріне қысым жасалды".

"Мұның барлығы ресейліктерді жақтырмаудан туындайтын жазалаушы акция болып саналады. Мәселе ЕҚЫҰ СІМК алаңында көтеріледі", - делінген хабарламада.

Ведомствода ЕҚЫҰ-ның БАҚ бостандығы жөніндегі жаңа өкілі болып жатқан жағдайды назардан тыс қалдырмайтынына және Латвияға бұқаралық ақпарат құралдарына "мұндай шабуылдардың жол берілмейтіндігін", сондай-ақ "сөз бостандығын қамтамасыз ету саласындағы халықаралық міндеттемелерді орындау қажет екенін" көрсететініне үміт білдірді.

"Біз ЕО тарапынан тиісті шара қолданылатынына сенеміз", - деп қорытындылады Ресейдің сыртқы істер министрлігі.

"Россия сегодня" ХАА және RT бас редакторы Маргарита Симонян Telegram каналында Ресей Baltnews және Sputnik Латвия қызметкерлерін қылмыстық қудалауға қатысты жауап беретініне үміт білдірді.

Өткен жылы осыған ұқсас жағдай Эстонияда болды. Елдің полиция және шекара қызметі департаменті басшылығы Sputnik Эстония қызметкерлері бас ұйыммен еңбек қатынасын тоқтатпаса, оларға қарсы қылмыстық іс қозғалатынын айтып қорқытты.

Бұл әрекетін полиция Еуропалық Одақтың 2014 жылдың 17 наурыздағы бірқатар жеке және заңды тұлғаға қарсы санкциясымен түсіндірді. Алайда ЕО шектеулері Sputnik кіретін "Россия сегодня" ХАА-ға емес, агенттіктің бас директоры Дмитрий Киселевке қарсы бағытталған.

ЕҚЫҰ-ның БАҚ бостандығы жөніндегі өкілі Арлем Десир бұған дейін  Таллиннің Еуропалық Одақтың жеке санкцияларын Sputnik Эстония ұжымына салуға деген ұмтылысы бұқаралық ақпарат құралдарының еркіндігі саласында проблема туғызатынын айтты.

19
Елорданың қысқы көрінісі

Бес өңірде дабылды ескерту жарияланды ертеңге ауа райы болжамы

0
6 желтоқсанда елордада түнде 26 градусқа дейін аяз болады, Маңғыстау облысында сынап бағанасы 23 градусқа дейін төмендейді

НҰР-СҰЛТАН, 5 желтоқсан – Sputnik. Қазақстанның бес өңірінде дабылды ескерту жарияланды.

6 желтоқсанда Ақмола облысында кей жерлерде тұман түсіп, бұрқасындатады.

Түркістан облысында кей жерлерді тұман басып, бұрқасын соғады, желдің жылдамдығы 15-20 м/с дейін барады.

Маңғыстау облысының солтүстігінде 23°С дейін аяз болжанып отыр.

6-8 желтоқсан күндері Жамбыл облысында кей жерлерде – тұман.

Қостанай облысында да тұман түседі деп күтілуде.

Өңірлердегі ауа райы

Атмосфералық ағымдардың әсерінен республика бойынша қар жауады деп болжануда. Елдің батысы мен оңтүстік-шығысында ауа райы жауын-шашынсыз. Кей жерлерде тұман түсіп, бұрқасындатады, жел күшейеді.

Тағы оқыңыз: Қазақстанда желтоқсанда ауа райы қандай болады

Ақмола, Түркістан облыстарында кей жерлерде тұман түсіп, бұрқасын соғады, Түркістан облысында желдің екпіні 15-20 м/с дейін барады.

Жамбыл, Батыс Қазақстан, Қостанай, Солтүстік Қазақстан, Павлодар, Шығыс Қазақстан облыстарында, түнде және таңертең Алматы облысында кей жерлерде тұман түседі.

Мегаполистерде ауа райы қандай болады

Нұр-Сұлтанда көшпелі бұлт шығады, күндіз 18-20 градус, түнде 26 градус аяз.

Алматыда күн бұлтты, күндіз 1-3 градус, түнде 7-9 градус суық.

Шымкентте күндіз 1 градус жылы, түнде 8-10 градус суық.

0
Кілт сөздер:
жел, қар, тұман, ауа райы болжамы