Қыз терезеге қарап отыр, архивтегі фото

Бай ата-ана 5 жылдан бері перзентханада тұратын қызын әкетуден бас тартты  

3710
(Жаңартылды 15:12 11.12.2019)
Қыз қымбат ойыншықпен ойнайды, оған екі бала бағушы күтім жасайды, ата-анасы барлық қызмет үшін миллиондап ақша төлеп отыр

НҰР-СҰЛТАН, 11 желтоқсан – Sputnik. Ресейде бес жасар қыз туғаннан бері жекеменшік перзентханада тұрады. Ал ата-анасы ақшасын аямай, барлық шығынын төлеп келеді. Бірақ алып кетуге келіспей отыр.

Mk.ru сайты перзентханада қамалып отырған кішкентай қыздың ата-анасы мұндай әрекетке не үшін барғанын жазды.

Сырттай қарағанда бес жасар қызда бәрі бар сияқты. Қымбат ойыншықпен ойнайды, екі бала бағушы күтім жасайды, ата-анасы барлық қызмет үшін миллиондап ақша төлеуге дайын. Бірақ туған қыздарын алып кетуге асықпай отыр.

2014 жылы дүниеге келген қыз жекеменшік перзентханадан шыққан емес, бес жыл бойы осы мекемеде тұрып келеді. Осы уақыттың ішінде бизнесмен әкесі шамамен 60 миллион рубль (қазіргі курспен 364 200 000 теңге – Sputnik Қазақстан) шығындалған. Яғни ай сайын бір миллион рубльден төлеп отырған.

ЭКСПО-ға келіп, қазақтан сәби сүйген африкалық әйелдің өмірі қалай өзгерді

Ата-анасы қызға сирек келеді. Туған-туыстарға да келуге рұқсат жоқ. Бес жыл бұрын бала айы-күні жетпей, шала туған. Дәрігерлер барын салып, нәрестені аман алып қалды. Бірақ анасы қыздың шала туғанына қарап, ауру болады деген шешімге келеді де, оны перзентханада тастап кеткен. Бүгінде баланың денсаулығы жақсы, ешқандай ақаулығы жоқ. Дегенмен, ата-анасы өз пікірін өзгертпеген.

Ресейдің тергеу комитеті басшысының бұрынғы көмекшісі Игорь Комиссаровтың айтуынша, осы мәселеге қатысты бірнеше қылмыстық іс қозғалған. Бірақ прокуратура оны тоқтатып тастапты. Себебі ата-анасы жекеменшік клиникаға ресми түрде ақша төлеп отырған. Ешкім наразылық білдірген жоқ.

"Енді, бұл жерде балаға қауіп төніп тұрған жоқ қой. Клиника вокзал емес. Баланың қарны тоқ, көйлегі көк. Формалды түрде жағдайы жақсы. Ата-анасы 18 жасқа дейін барлық мәселесін шешетін еді. Дегенмен, тергеу комитетінің араласуымен қыздың ата-анасы мен клиниканың арасындағы келісім тоқтатылды. Себебі барлығы тек өз жағдайын ғана ойлады. Бірақ баланың құқықтарын ешкім ойлаған жоқ. Ол кәмелеттік жасқа дейін перзентханадан шықпайтын еді. Негізі, шешім бар, баланы алып кетуі керек. Бірақ шешім орындалмай отыр ", - дейді Комиссаров.     

Оның айтуынша, кішкентай қыздың бес жыл бойы перзентханада жүруінің өзі адам құқықтарын бұзу болып саналады. Енді, тиісті органдар сотқа жүгініп, ата-анасының балаға зиян келтіргенін дәлелдеуі тиіс. Сонда соттың шешімі негізінде қызды туған-туыстарына беруге болады.

"Ал ата-анасына берсе, олар баланы ешкім таппайтын жерге апарып тастауы әбден мүмкін", - деп атап көрсетті Комиссаров.

3710
Кілт сөздер:
перзентхана, байлық
Тақырып бойынша
Сұмдық жайт жазылған хат қалдырды: анасы сәбиді есік алдына тастап кетті
Белгілі спортшы бес айлық баласын ұрлап, жол шетіне тастап кетті
Сал бала туғаны үшін әйелін тастап кеткен актердің сөзі жұрттың ашуын келтірді
"Баласын таспен ұрып, комаға түсірді": алматылық әкенің ісі сотта қаралды
21 мың теңгенің жыры: жалғызбасты ана екі баласын әкімдікке тастап кетті  
Микрофон

Танымал әнші ажырасып кетті

10283
(Жаңартылды 17:58 22.01.2021)
Ольга Бузова бұрынғы жігітімен мессенджердегі әңгімесін көрсетті, ол жерде бұрынғы сүйіктісінің қатыгез әрекетін жазды

АЛМАТЫ, 22 қаңтар – Sputnik. Ресейлік тележүргізуші, әнші Ольга Бузова Instagram парақшасында Dava ретінде танымал блогер Давид Манукянмен ажырасқанын хабарлады.

"Біз ұғымы енді жоқ. Менің басым бос енді. Мұны артық сұрақ болмау үшін жазып жатырмын. Себебі ол маған түсініксіз әрі қорқынышты әрекет жасап жатыр", – деп жазды Бузова.

Сондай-ақ Бузова әлеуметтік желідегі оқырмандарынан Давид жайлы сұрақ қоймауды өтінді. Айтуынша, әншінің жақындары қазір қиын жағдайда жатыр.

"Әпкем инсульт алды, анам мен әжем Литвада, олар қатерлі ісікпен күресіп жатыр. Бұл менің басымдағы жалғыз уайым емес", – деп жазды ол. 

Посмотреть эту публикацию в Instagram

Публикация от Ольга Бузова (@buzova86)

Оған қоса, әнші Давид Манукянға сыйлаған бақыт үшін алғыс айтты. Біраз уақыт өткен соң Бузова Давидпен мессенжердегі әңгімесін көрсетті.

"Анаңа сенің қандай жауыз екеніңді айтып беретін уақыт келді. Сен мені ұрып, бетіме түкіріп, қорлайсың", – деп жазды Бузова.

Оқи отырыңыз: "Адамдар аштықтан өледі": Танымал әнші Тоқаевқа видео үндеу жолдады

Айта кетейік, екі жас 2019 жылдың соңына қарай кездесе бастаған болатын.

10283
Кілт сөздер:
ерлі-зайыпты, әнші
Тақырып бойынша
Әйелінің хаты оқтан құтқарды - әнші атасының майдандағы оқиғасын еске алды
Коронавирус жұқтырған ресейлік әнші көз жұмды
Қазір иттің итақайы әнші болып жүр – Рамазан Стамғазиев
Әнші Динара Қырықбаева отбасындағы жағдай туралы: айтатын уақыт келді
Некесіз туған немере мен алданған әнші: 2020 жылы ел аузынан түспеген кімдер?
Шахта, архивтегі фото

Кузбасс шахтасында үш кенші көз жұмды

42
Жұмаға қараған түні жер асты жұмыстарын орындау кезінде шахтада улы метан газы шыққан. Оқыс оқиға кезінде жер астында 44 адам болған

НҰР-СҰЛТАН, 22 қаңтар — Sputnik. Құтқарушылар Кузбастағы тау жынысының опырылуынан шахтада қайтыс болған үш кеншінің мәйітін тапты, деп хабарлады РИА Новости агенттігіне Кемеров облысы бойынша РФ тергеу комитетінің баспасөз қызметі.

Ақтөбе облысында қаза тапқан кеншілердің аты-жөні жарияланды 

Кемеров облысындағы Ленинск-Кузнецк шахтасында тау жынысының опырылуы салдарынан екі азамат көз жұмды. Тағы бір кеншінің жағдайы және қайда екені белгісіз болды. Қылмыстық іс қозғалды.

"Үшінші кеншінің мәйіті табылды. Қазір құтқарушылар оны жоғары көтеріп жатыр", - деді ведомствоның баспасөз қызметі.

Жұмаға қараған түні С.Д.Тихов атындағы шахтада жер асты жұмыстарын орындау кезінде метан жарылған. Оқыс оқиға кезінде жер астында 44 адам болған. 41 кенші жер үстіне шығып үлгергенімен, үш азамат үйінді астында қалып қойған. Осы факті бойынша Кемеров облысы бойынша РФ тергеу комитеті қылмыстық іс қозғады.

Кәсіпорында апатты жою бойынша жедел штаб құрылды. Кен өндіру жұмысы уақытша тоқтатылды.

42
Тақырып бойынша
Қарағанды шахтасындағы төтенше оқиға: екі адам зардап шекті
Хромтау шахтасындағы жарылыс: тірі қалған кенші оқиғаның қалай болғанын айтып берді  
Ақтөбеде шахтада қаза тапқан кеншілер отбасына төленетін өтемақы көлемі белгілі болды
Қарағанды шахтасындағы төтенше жағдай: бір жұмысшы қайтыс болды
Коронавирус вакцина

Коронавирусқа қарсы жаңа вакцина жайлы не білеміз

0
Вакцинаны әзірлеген "Вектор" орталығының мамандары "ЭпиВакКоронаның" иммунологиялық тиімділігі 100 процент деп атады

Бұл COVID-19 қоздырғышы болып табылатын SARS-CoV-2 тікенді ақуызының кішкентай бөлшектерінен тұратын синтетикалық препарат. Қазір бұл вакцинаны сынауға үш мыңнан астам ерікті қатысып жатыр. Сондай-ақ, ол азаматтық айналымға да түсті. Оның кері әсері өте аз деп хабарланды. Сондықтан, вакцина егде жастағы адамдарға қолдануға да жарамды.

"ЭпиВакКорона" неден тұрады

Осы вакцина тасымалдағыш ақуызға бекітілген SARS-CoV-2 коронавирусының тікенді ақуызының қысқа бөлшектерінен тұрады. Бұл бөлшектердің құрамында пептидтер деп аталады. Сондықтан, вакцина да пептидтік деген атауға ие болды. Тасымалдаушы ақуызға коронавирустың РНҚ-сын қоршап тұрған нуклеокапсидті ақуыздың бөліктері бар. Иммундық әсерді күшейтетін зат - адъювант ретінде алюминий гидроксиді жұмыс жасайды. Сонымен қатар қосалқы қосылыстар мен су бар. Барлық құрауыш элементтер синтетикалық болып табылады.

Вакцина құрамында қандай пептидтер бар

РИА Новости агенттігіне "Вектор" мемлекеттік ғылыми орталықта хабарлағандай, вакциналық пептидтердің құрамында ең алдымен В-жасушалы эпитоптар бар. Т-хелперлі эпитоптардың көзі ретінде тағысалдаушы ақуыз қызмет етеді.

SARS-CoV-2 - нуклеокапсид  қабыршағына оралған РНҚ молекуласы болып табылады. Мұның бәрі сыртынан тәж тәрізді тікенді ақуыздармен безендірілген липидті қапшықта тұрады. Сондықтан, оны коронавирус деп айтады.

Тікенді ақуыздар вирустық бөлшектің адам жасушасына жабысып, ішке енуіне көмектеседі. Көптеген зерттеулер бұл тікендердің организмде ең үлкен иммундық реакцияны тудыратынын анықтады. Биологтардың терминологиясында тікенді ақуыз -  антиген болып табылады. 

Бұл ақуыздың молекуласы өте үлкен және оның ішінде ерекше аймақтар – эпитоптар бар. Иммундық жүйенің жасушалары оларды анықтап, инфекциямен күресті іске қосады.

Вакцина қалай жұмыс істейді

Екпе нәтижесінде ақуыз тасымалдаушы барлық үш пептидті адамның Влимфоцитіне жеткізеді. Олар пептидті белсендіреді де, қорғаныш антиденелер - иммуноглобулиндер өндіріле бастайды. Әрбір В-эпитопы бірегей иммуноглобулиннің синтезіне жауап береді. Алдымен M (IgM) тобына жататын антиденелер түзіледі. IgG - содан кейін қалыптасады да, олар иммунитетті көрсетіп, ұзақ уақытқа қанда қалады. 

"Вектор" орталығындағылар екпеден туындайтын антиденелер коронавирустың тікенді ақуыз үшін айрықша екенін растайды. Иммунизацияланған еріктілердің қан сарысулары вирусты бейтараптандыратын белсенділік танытады. Демек, антиденелер коронавирусты танып қана қоймай, оны жоюға қабілетті.

"ЭпиВакКорона" құрамында коронавирус бар ма

Онда ешқандай вирус және оның бөліктері жоқ. Бұл вакцина құрамында аденовирустар бар "Спутника V" вакцинасынан өзгеше. "ЭпиВакКорона" құрамында РНҚ, ДНҚ, тірі құрауыштар, консерванттар немесе антибиотиктер жоқ. Оның құрамында пептидтер бар. Олар коронавирустың ақуыздарымен бірдей пептидтер – ақуыздар бөлшектері бар. 

Пептидтік вакцина қалай жасалады

Ол пептидтердің химиялық синтездері, яғни, жекелеген аминқышқылды қалдықтардан бірізді тізбек құру процесімен әзірленеді. 

"Егер пептид қысқа - сегізден онға дейінгі қалдықтар болса, онда синтездеу ерітіндіде өтуі мүмкін болады. Ол ұзағырақ, бірақ арзан. Ұзынырақ пептидтер қатты фазалы әдіспен синтезделеді. Сегіз аминқышқылының қалдықтарынан тұратын пептид қатты фазалық әдіспен көлеміне, аминқышқылдарының реттілігі мен жабдық сипаттамаларына байланысты екі сағат ішінде, ұзақ дегенде бір тәулік ішінде синтезделеді. Әрі қарай тиімділігі жоғары сұйықтық хроматографиясымен тазарту жүргізіледі. Бұл әлдеқайда тез, бірақ арзан емес", - дейді В.Н.Орехович атындағы биомедициналық химия ғылыми-зерттеу институтының пептидтік инженерия зертханасының меңгерушісі Екатерина Колесанова.

Екпе қалай жасалады

Вакцина суспензия түрінде шығарылады және шприцпен иық бұлшықетіне енгізіледі. Пептидті препараттар иммунитеттің қуатты әрі жылдам жауап қатуын қамтамасыз ете алмайды. Сондықтан, "ЭпиВакКорона" 21 күн аралығымен екі рет бірдей мөлшерде енгізіледі.

Қандай кері әсері бар

І және ІІ кезеңдегі сынақтарға қатысушылар екпе салған орынның аздап ауыратынын, бірақ, тез басылатынын айтқан. Басқа жағымсыз әсер тіркелген жоқ. 

Тіркеуден кейінгі сынаққа қатысушылар құрған ресми емес #ЭпиВакКорона Telegram арнасында қолайсыздық, екпе салған орынның тәулік бойы қызарып тұруы, иықты қатты ауырсыну секілді аздаған кері әсер жайлы айтқан. Дене қызуының көтерілуі, қалтырау секілді белгілер ешкімнен байқалмаған немесе оның екпемен байланысы расталған жоқ. 

"ЭпиВакКорона" қаншалықты тиімді

"Иммунологиялық және профилактикалық тиімділік бар. Біріншісі - айрықша антиденелер шығару. Клиникалық зерттеулердің I-II кезеңдерінің нәтижелері бойынша барлық еріктілерде айрықша антиденелер түзілді. Профилактикалық тиімділік - бұл екпе салдырғандардың аурудан қорғануы. Бұл бағыттағы зерттеулер тіркеуден кейінгі клиникалық сынақтар барысында жалғасып жатыр. Мәліметтер ақпан айында дайын болады", - деп түсіндірді Ресей тұтынушлар құқығын қорғау мекемесінің баспасөз қызметінде. 

"Вектор" мемлекеттік ғылыми орталығында І-ІІ кезеңдердің клиникалық сынақтары әлі аяқталмағанын айтты. 

Қазір плацебо тобымен рандомдалған зерттеу өтіп жатыр. Адамдарды кездейсоқ іріктеумен топтарға бөліп, олардың біріне вакцина, біріне физикалық ерітінді салынып жатыр. Сынақтар соңғы еріктіге екпе салғаннан кейін 180 күннен соң аяқтайды. 

Бір уақытта жасы 60-тан асқан азаматтарға да сынақ жүргізіліп жатыр. Осы топ бойынша алдын ала мәлімет те ақпан айында дайын болады. 

Вакцинаның әсерін өз бетінше қалай тексеруге болады

IgG тобындағы антиденелердің коронавирустың S-ақуызына әсері бойынша қан талдауын вакцина егілген күннен бастап 35-42 күн өткен соң ғана жасау керек. Алайда, барлық тест-жүйелер "ЭпиВакКорона" түзген антиденелерді көре бермейді.

Ресей тұтынушлар құқығын қорғау мекемесінде мәлімдегендей, ол үшін "Вектор" мемлекеттік ғылыми орталығы әзірлеген "SARS-CoV-2-IgG-Вектор" тест-жүйесі сәйкес келеді. 

Коронавирусқа қарсы пептидтік вакцинаны тағы кім әзірлеп жатыр

Бүкіл әлемде пептидтік вакциналар эксперименттік сатыда тұр. Олардың әзірлеу және тексеру үлкен шығынды қажет етеді. Сондықтан, олар мРНҚ, векторлық және инактивацияланған / өлтірілген вакциналардан артта келе жатыр. Ресейде бұл мәселені өз бетімен шешу үшін қажетті ресурс пен білікті мамандар жеткілікті. 
19 қаңтардағы ДДҰ тізімінде "ЭпиВакКоронадан " басқа тағы екі пептидтік вакцина бар. Олар да адам ағзасында тексеріліп жатыр.

 

0