ЕАЭО-ға қатысушы мемлекеттердің туы

Путин ЕАЭО-дағы ықпалдастықты жоғары бағалады

37
Владимир Путиннің айтуынша, Ресей мен Беларусь Одақтас мемлекетті құру процесін жеделдетуді көздеп отыр

НҰР-СҰЛТАН, 19 желтоқсан – Sputnik. Еуразиялық одақ аясындағы ықпалдастық Одақтас мемлекет аясындағы интеграцияға қарағанда үлкен. Бұл туралы Ресей президенті Владимир Путин үлкен баспасөз мәслихаты барысында мәлімдеді.

"Еуразиялық экономикалық одақ аясында қыруар іс атқарылды. Экономика саласында ұйым аясындағы ықпалдастық Одақтас мемлекет аясындағы интеграциямен салыстырғанда үлкен. Дәл осы себептен біз Александр Григорьевичпен (Лукашенко) осы мәселеге оралып, Одақтас мемлекетті құру процесін жеделдету үшін қосымша не істеуге болатынын ойластыруға бел будық", - деп жауап берді Ресей басшысы.

1999 жылдың 8 желтоқсанында Ресей мен Беларусь Одақтас мемлекетті құру туралы келісімшартқа қол қойды. Құжат тоғыз баптан тұрды, оның бастысы – барлық салада жан-жақты ынтымақтастықты, бауырластық пен достықты нығайту.

Тағы оқыңыз: Путин Трампқа импичмент жариялануына қатысты өз ойын айтты

Еуразиялық экономикалық одағын құру туралы келісімшартқа 2014 жылы 29 мамырда Астанада (қазір Нұр-Сұлтан) қол қойылды. Құжат 2015 жылдың 1 қаңтарында күшіне енді.

ЕАЭО құру туралы бастаманы алғаш рет Қазақстанның тұңғыш президенті Нұрсұлтан Назарбаев 1994 жылы Ломоносов атындағы Мәскеу мемлекеттік университетінде көтерген болатын.

Путиннің үлкен баспасөз мәслихаты

Ресей президентінің мерейтойлық, он бесінші үлкен баспасөз мәслихаты 19 желтоқсанда Мәскеудегі Халықаралық сауда орталығында өтіп жатыр.

Бұл жолы 1895 адам аккредитациядан өткен, бұл өткен жылмен салыстырғанда екі жүзге артық.

Волгоград муниципалды телеарнасының тілшісі Александра Агафонова туған қаласында жасалған экзо-қаңқаны өзімен бірге ала келген. Тағы бір журналист Ақшақардың киімін кисе, кейбірі ұлттық костюмдерін киген.

Путинің мұндай форматтағы алғашқы баспасөз мәслихаты 2001 жылы 18 шілдеде "Үлкен сегіздік" саммитінің қарсаңында өткен еді. Сол кезде жиынға 400-ге жуық журналист қатысып, 22 сұрақ қойылды.

37
Кілт сөздер:
Беларусь, ЕАЭО, Ресей
Тақырып бойынша
Путин мен Цзиньпин Тоқаевты Тәуелсіздік күнімен құттықтады
Путин: WADA шешімі Олимпиада хартиясына қайшы келеді
Тоқаев пен Путин бірлескен мектеп пен университет ашу мәселесін талқылады
Ресейлік спортшылар Олимпиададан шеттетілді: Путин пікір білдірді
Путин ҰҚШҰ елдерінің әскерилерін Жеңіс парадына қатысуға шақырды
Путин Тоқаевқа қандай сыйлық жасағаны белгілі болды
 Қазақстанның Мәскеудегі елшілігінің ғимараты

Қазақстанның Мәскеудегі консулдық бөлімі жұмыс тәртібін өзгертті

29
(Жаңартылды 12:59 29.10.2020)
Қазақстанның дипломатиялық өкілдігінің консулдық бөлімі республикасы азаматтарының жедел және шұғыл сипаттағы өтініштерін қабылдауды жалғастырады

НҰР-СҰЛТАН, 28 қазан – Sputnik. Коронавирус инфекциясының таралуына байланысты Мәскеуде орналасқан Қазақстан елшілігінің консулдық бөлімі келушілерді қабылдауды тоқтатады.     

"2020 жылдың 2 қарашасынан бастап Қазақстан Республикасының Мәскеудегі елшілігінің консулдық бөлімі төтенше және шұғыл жағдайға қатысты Қазақстан азаматтарының өтініштерінен басқа барлық консулдық және мемлекеттік қызметтер бойынша азаматтарды қабылдауды уақытша тоқтатады", - делінген елшіліктің хабарламасында.

Мұндай шара COVID-19 коронавирус инфекциясының таралу қаупінінің артуына және келушілер денсаулығының қауіпсіздігін қамтамасыз етуге байланысты қабылданды.

Оқи отырыңыз: Депутаттар вирус жұқтырған дәрігерлерге өтемақы төлеуді жалғастыруды талап етті 

Шұғыл мәселелер бойынша 8-925-897-71-14 "қауырт желі" телефонына қоңырау шалуға болады.

Басқа сұрақтарды Consularkz_bot телеграм ботына немесе consul.moscow@mfa.kz поштасына жолдау керек.

29
Кілт сөздер:
Мәскеу, коронавирус
Тақырып:
Коронавирус эпидемиясы
Тақырып бойынша
Қазақстандық ғалым С дәрумені негізінде ракқа қарсы дәрі ойлап тапты
Анықтама қажет: Қазақстанда жиналысқа қатысатындар үшін жаңа ереже күшіне енді
Семейде зертхананың әрбір екінші COVID анализі қате болып шықты
Екінші тоқсанда 1,2 миллион оқушы мектепке барып оқиды
Коронавирусқа қарсы вакцина салдырған еріктілер вирус жұқтырды
Спутник V вакцинасы

Коронавирусқа қарсы вакцина салдырған еріктілер вирус жұқтырды

1122
"Спутник V" вакцинасын әзірлеген мамандар індетке шалдыққан науқастарға нақты не егілгенін тексермек

НҰР-СҰЛТАН, 28 қазан – Sputnik. "Спутник V" вакцинасының сынағына қатысқан бірнеше еріктіде COVID-19-ға тапсырған тест оң нәтиже көрсетті. Сынақты жүргізіп жатқан Гамалея орталығы науқастарға нақты не егілгенін анықтайды – нағыз вакцина ма, жоқ әлде плацебо ма (емдік қасиеті жоқ зат – Sputnik).

"Статистика бойынша оң нәтиже көрсеткен ПТР-тестер мен қандай да бір аурулар бар, бірақ оларға плацебо салынуы мүмкін. Алдын ала қорытындыны қарашаның ортасында ғана шығара аламыз", - деді Гамалея орталығының директоры Александр Гинцбург РИА Новости-ге.

Ол зерттеуге қатысып жатқан еріктілердің жартысы вакцинаның алғашқы компонентін алғанын нақтылады. Тоғыз мыңға жуығы вакцинаны екінші рет салдырды.

Ресейдің денсаулық сақтау министрлігі тамызда әлемде алғаш болып коронавирусқа қарсы вакцинаны тіркеді. Екпе "Спутник V" деп аталады. Вакцина екі компоненттен тұрады.

Тағы оқыңыз: Бразилияда коронавирусқа қарсы вакцина салдырған ерікті қайтыс болды

Екпенің клиникалық сынағы Мәскеуде 7 қыркүйекте басталды, ал 9 қыркүйекте алғашқы қатысушыларға егілді. Зерттеуге барлығы 40 мың ерікті қатысады. Олардың 10 мыңына плацебо егіледі – бұл вакцинаның тиімділігін тексеру үшін қажет.

Сондай-ақ, Ресей вирусқа қарсы "ЭпиВакКорона" атты екінші вакцина шығарды. Оның тіркеуден кейінгі сынағы жуырда басталады. Сынаққа 40 мың ерікті, соның ішінде 60 жастан асқан және созылмалы аурулары бар адамдар қатысады, деп мәлімдеді ведомстводан.

1122
Кілт сөздер:
вакцина, коронавирус
Тақырып:
Коронавирус эпидемиясы
Тақырып бойынша
Kazpatent коронавирусқа қарсы вакцина әзірлеуге қатысты ақпарат таратты
Ресейде коронавирусқа қарсы екінші вакцина өндіріле бастады
Дискотека, клуб

500-ге жуық адам болған: Нұр-Сұлтанда түнгі клуб полицияға есік ашпай қойды

0
Мобильді топ бір тәулікте үш жүзден аса кәсіпкерлік нысанын тексеріп, 46 карантин режимін бұзу фактісін анықтады

НҰР-СҰЛТАН, 31 қазан – Sputnik. Астаналық полицейлер карантин талаптарын бұзған мейрамханалар мен түнгі клубтарды анықтады, деп хабарлайды Sputnik Қазақстан.

Карантин режимінің сақталуын тексеретін мобильді топ сағат 23.37-де "БХБ" түнгі клубына барды.

"Полицейлер келген кезде мекемеде 500-ге жуық адам болған. Клиенттер мен қызметкерлер есікті іштен жауып алып, ашпай қойды. Клубқа көңіл көтеруге келген жастар бетперде тақпаған, ара қашықтықты сақтамаған", - делінген елордалық полиция департаментінің баспасөз қызметі таратқан хабарламада.

Бұдан бөлек, Қорғалжын тас жолындағы "ZIMA" түнгі клубы да карантин талаптарын бұзды. Сағат 22.10-де мекемеде 80 адам отырған.

Полицияның ақпаратынша, "ZOLOTO" және "Korean housе" мейрамханаларын, "ICON" клубын тексеру кезінде де заңбұзушылықтар анықталды.

Тағы оқыңыз: Тоқаев карантинге байланысты қазақстандықтарға үндеу жасады

"Бұл элиталық мекемелер Нұр-Сұлтан қаласында қоғамдық тамақтану нысандарының жұмысын шектеу және карантинді қатаңдату қаулысын, жұмыс және демалыс күндері сағат 9:00-ден 22:00-ге дейінгі жұмыс кестесі мен санитарлық-профилактикалық шараларды анық бұзған. Мекеме иелеріне қатысты жиналған материал тауарлар мен қызметтердің сапасы мен қауіпсіздігін бақылау басқармасына жіберілді", - деді департаменттен.

Мобильді топ бір тәулікте 313 кәсіпкерлік нысанын тексеріп, 46 карантин режимін бұзу фактісін анықтады.

Елордалық полиция тұрғындар мен бизнесмендерге карантин режимі жалғасып жатқанын және бас санитарлық дәрігердің қаулысындағы талаптарды сақтау керектігін ескертті. Тәртіп бұзғандар қолданыстағы заңнамаға сәйкес жауапқа тартылады.

0
Кілт сөздер:
Нұр-Сұлтан, полиция, түнгі клуб
Тақырып:
Төтенше жағдай және карантин
Тақырып бойынша
Алматы облысында карантин күшейтілді
Нұр-Сұлтанда түнгі клуб өртенді
Нұр-Сұлтанда түнгі клуб әкімшісі қамауға алынды
Алматыда екі күнде карантин талабын бұзған 65 нысан анықталды