Газ құбырын салып жатқан жұмысшылар, архивтегі сурет

"Солтүстік ағын 2" жобасына қарсы санкциялар: Forbes өз бағасын берді

61
Басылымның пікірінше, АҚШ-тың санкциялары тым әлсіз әрі тым кеш енгізіліп отыр. Ресейдің қарсыластарының да бұған көңілі толмайды

НҰР-СҰЛТАН, 31 желтоқсан – Sputnik. Америкалық Forbes басылымы "Солтүстік ағын – 2" жобасына қарсы санкциялар құбырдың құрылысына кедергі келтірмейді деп санайды.

Басылым АҚШ шектеу шараларын енгізуге бір жылға кеш қалғанын атап өтті.

Басылым мына мәселеге назар аударды: Украина газ транзитері ретінде энергетика нарығына оралғанда, АҚШ Ресей газының импортына қарсы аргументтерінің бірінен айырылады. Сол кезде сұйылтылған табиғи газды Еуропаға көбірек тасымалдау жағы да қиындай түседі.

Тағы оқыңыз: АҚШ-Ресей: Қазір қандай санкциялар салынып жатыр

"Бұл санкциялар тым әлсіз әрі тым кеш енгізіліп отыр. Тіпті Ресейдің қарсыластарына да олар ұнамайды", - деп санайды басылым.

"Солтүстік ағын – 2"

Жоба аясында Ресей жағалауынан Балтық теңізінің түбі арқылы Германияға дейін газ тасымалдайтын құбырдың екі тармағын іске қосу жоспарланып отыр. Газ құбыры, сондай-ақ, аумақтық сулар немесе Финляндия, Швеция және Данияның айрықша экономикалық аймақтары арқылы өтеді.

Украина газ құбырын салуға қарсы шықты. Себебі олар "Солтүстік ағын – 2" жобасы іске асқаннан кейін, Ресейдің көгілдір отынын өз аумағы арқылы тасымалдау тоқтайды деп қауіптенген еді.

Еуропа елдеріне жеткізілетін сұйылтылған газдың көлемін ұлғайтуды көздеп отырған Америка билігі де жобаны белсенді сынға алуда. Оның үстіне, АҚШ-тың қаржы министрлігі желтоқсан айының соңында "Солтүстік ағын – 2" және Түрік ағыны" газ құбырларына қарсы санкциялардың күшіне енгенін мәлімдеді.

Тағы оқыңыз: Трамп Тоқаевқа жеделхат жолдады

Вашингтон газ құбырын төсейтін компаниялардан құрылысты дереу тоқтатуды талап етті.

Есесіне Германия, Австрия және Норвегия жобаны қолдап отыр. Бұл елдердің билігі "Солтүстік ағын – 2" жобасы Еуропаның энергетикалық қауіпсіздігін нығайтуы тиіс екенін талай рет атап өткен еді. Бұдан бөлек, Еуроодақ басшылығы Американың шектеу шараларын айыптады.

Бұған дейін премьер-министр Дмитрий Медведев "Солтүстік ағын – 2" газ құбыры санкцияларға қарамастан салынып бітетініне сенімділік білдірген еді. Энергетика министрлігінің басшысы Александр Новактың сөзінше, жоба 2020 жылдың соңына дейін іске қосылады.

61
Кілт сөздер:
газ, АҚШ санкциялары, Ресей
 Қазақстанның Мәскеудегі елшілігінің ғимараты

Қазақстанның Мәскеудегі консулдық бөлімі жұмыс тәртібін өзгертті

23
(Жаңартылды 20:28 28.10.2020)
Қазақстанның дипломатиялық өкілдігінің консулдық бөлімі республикасы азаматтарының жедел және шұғыл сипаттағы өтініштерін қабылдауды жалғастырады

НҰР-СҰЛТАН, 28 қазан – Sputnik. Коронавирус инфекциясының таралуына байланысты Мәскеуде орналасқан Қазақстан елшілігінің консулдық бөлімі келушілерді қабылдауды тоқтатады.     

"2020 жылдың 2 қарашасынан бастап Қазақстан Республикасының Мәскеудегі елшілігінің консулдық бөлімі төтенше және шұғыл жағдайға қатысты Қазақстан азаматтарының өтініштерінен басқа барлық консулдық және мемлекеттік қызметтер бойынша азаматтарды қабылдауды уақытша тоқтатады", - делінген елшіліктің хабарламасында.

Мұндай шара COVID-19 коронавирус инфекциясының таралу қаупінінің артуына және келушілер денсаулығының қауіпсіздігін қамтамасыз етуге байланысты қабылданды.

Оқи отырыңыз: Депутаттар вирус жұқтырған дәрігерлерге өтемақы төлеуді жалғастыруды талап етті 

Шұғыл мәселелер бойынша 8-925-897-71-17 "қауырт желі" телефонына қоңырау шалуға болады.

Басқа сұрақтарды Consularkz_bot телеграм ботына немесе consul.moscow@mfa.kz поштасына жолдау керек.

23
Кілт сөздер:
Мәскеу, коронавирус
Тақырып:
Коронавирус эпидемиясы
Тақырып бойынша
Қазақстандық ғалым С дәрумені негізінде ракқа қарсы дәрі ойлап тапты
Анықтама қажет: Қазақстанда жиналысқа қатысатындар үшін жаңа ереже күшіне енді
Семейде зертхананың әрбір екінші COVID анализі қате болып шықты
Екінші тоқсанда 1,2 миллион оқушы мектепке барып оқиды
Коронавирусқа қарсы вакцина салдырған еріктілер вирус жұқтырды
Спутник V вакцинасы

Коронавирусқа қарсы вакцина салдырған еріктілер вирус жұқтырды

1070
"Спутник V" вакцинасын әзірлеген мамандар індетке шалдыққан науқастарға нақты не егілгенін тексермек

НҰР-СҰЛТАН, 28 қазан – Sputnik. "Спутник V" вакцинасының сынағына қатысқан бірнеше еріктіде COVID-19-ға тапсырған тест оң нәтиже көрсетті. Сынақты жүргізіп жатқан Гамалея орталығы науқастарға нақты не егілгенін анықтайды – нағыз вакцина ма, жоқ әлде плацебо ма (емдік қасиеті жоқ зат – Sputnik).

"Статистика бойынша оң нәтиже көрсеткен ПТР-тестер мен қандай да бір аурулар бар, бірақ оларға плацебо салынуы мүмкін. Алдын ала қорытындыны қарашаның ортасында ғана шығара аламыз", - деді Гамалея орталығының директоры Александр Гинцбург РИА Новости-ге.

Ол зерттеуге қатысып жатқан еріктілердің жартысы вакцинаның алғашқы компонентін алғанын нақтылады. Тоғыз мыңға жуығы вакцинаны екінші рет салдырды.

Ресейдің денсаулық сақтау министрлігі тамызда әлемде алғаш болып коронавирусқа қарсы вакцинаны тіркеді. Екпе "Спутник V" деп аталады. Вакцина екі компоненттен тұрады.

Тағы оқыңыз: Бразилияда коронавирусқа қарсы вакцина салдырған ерікті қайтыс болды

Екпенің клиникалық сынағы Мәскеуде 7 қыркүйекте басталды, ал 9 қыркүйекте алғашқы қатысушыларға егілді. Зерттеуге барлығы 40 мың ерікті қатысады. Олардың 10 мыңына плацебо егіледі – бұл вакцинаның тиімділігін тексеру үшін қажет.

Сондай-ақ, Ресей вирусқа қарсы "ЭпиВакКорона" атты екінші вакцина шығарды. Оның тіркеуден кейінгі сынағы жуырда басталады. Сынаққа 40 мың ерікті, соның ішінде 60 жастан асқан және созылмалы аурулары бар адамдар қатысады, деп мәлімдеді ведомстводан.

1070
Кілт сөздер:
вакцина, коронавирус
Тақырып:
Коронавирус эпидемиясы
Тақырып бойынша
Kazpatent коронавирусқа қарсы вакцина әзірлеуге қатысты ақпарат таратты
Ресейде коронавирусқа қарсы екінші вакцина өндіріле бастады
Вакцина, архивтегі фото

Оңтүстік Кореяда тұмауға қарсы екпеден кейін 60-қа тарта адам көз жұмды

0
(Жаңартылды 10:33 29.10.2020)
Бірақ елдің денсаулық сақтау министрлігі науқастардың өліміне вакцинаның қатысы жоқ екенін мәлімдеп,  процедураны жалғастыруға бел буды

НҰР-СҰЛТАН, 29 қазан – Sputnik. Оңтүстік Кореяда тұмауға қарсы вакцинациядан кейін 60-қа жуық адам қайтыс болды.

Бірақ үкімет осы процедураны жалғастыруға бел буып отыр. Денсаулық сақтау министрлігінде науқастардың өлімін вакцинамен байланыстырмайды, деп хабарлады "Хабар 24".

Дәрігерлердің айтуынша, вакцинациядан кейін қайтыс болғандардың барлығы, 17 жастағы пациенттен басқа, егде жастағы адамдар.

Денсаулық сақтау министрі оңтүстікореялықтарды екпеден қорықпауға шақырды және өзі осындай процедурадан өтті. Ол тек Кореяда жыл сайын үш мыңға жуық адам маусымдық тұмаудан қайтыс болатынын еске салды. Халық арасында вакцинацияға деген сенімсіздік осы айда тұмауға қарсы вакцинаның 1 миллионнан астам дозасы дұрыс сақталмау және пайдаланбау себептерін алып тастағаннан кейін туындады.

Оқи отырыңыз: Коронавирусқа қарсы вакцина салдырған еріктілер вирус жұқтырды 

Ел үкіметі ақысыз вакцинация бағдарламасы жыл соңына дейін жалғасатынын айтты. Себебі маусымдық тұмау эпидемиясы COVID-19 бен күресті қиындатуы мүмкін. Вакцинаны тегін ала алатын 19 миллион Корея Республикасы азаматтарының 56%-іне екпе жасалды.

"Денсаулығы жақсы адамдарға ғана тұмауға қарсы екпе алуды ұсынамыз. Вакцинациядан кейін ауруханада 30 минут болу керек, адам өзін жақсы сезінген жағдайда кетуіне болады. Тұмау мен СOVID-19 эпидемиясының бірлесіп таралуы твиндемия деп аталады, сондықтан вакцинациялауды ұсынамыз. 70 жастан асқан және жүрек-қан тамырлары аурулары бар науқастар қауіпті топта. Вакцина алудан гөрі маска кию маңызды екенін баса айтқым келеді. Қолды мұқият жуып, дезинфекциялау керек. Жөтелген кезде аузыңызды қолмен жабыңыз", - дейді Тэгу қаласы алдын алу шаралары басқармасының басшысы Мин Пок Ки.

0
Кілт сөздер:
Оңтүстік Корея, вакцина
Тақырып бойынша
Қарағанды және Шығыс Қазақстан облыстарында карантин күшейтіледі
Министр жазда коронавируспен ауырып шыққандарға сақ болуға кеңес берді
Тоқаев заңнамаға вакцинаны уақытша тіркеу түсінігін енгізуді тапсырды