Такси белгісі

Таксистке шабуыл жасаған жолаушы әйел видеоға түсіп қалды

3075
Видео әлеуметтік желілерде таралып кетті. Әйелдің фитнес орталықтардың біріне асыққаны белгілі болды

НҰР-СҰЛТАН, 13 ақпан – Sputnik. Ресей астанасында такси жүргізушісін соққыға жыққан әйел видеоға түсіп қалды.

Жүргізуші әйелді баратын жеріне апарудан бас тартқан. Бұл әйелдің ашуына тисе керек. Ол өз-өзін ұстай алмай, жүргізушіні ұра бастады, деп хабарлайды Lenta.ru.

Видео Telegram каналдардың бірінде жарияланған. Әйелдің: "Мені апар, мені адамдар күтіп отыр", - деп айқайлап жатқанын естуге болады.   

Ол жүргізушіге қоқан-лоқы көрсетіп, телефонмен біреулерге хабарласып, көмекке шақыра бастады. Ал таксист болса, дауыс көтермей, әйелді апармайтынын түсіндірмек болды. 

Тағы оқыңыз: Алматыда такси жүргізуші косметологты не үшін өлтіргені белгілі болды

Әйелдің фитнес орталықтардың біріне бара жатқаны хабарланып отыр. Оқиғаның немен аяқталғаны белгісіз. 

3075
Кілт сөздер:
видео, әйел, шабуыл, таксист
Тақырып бойынша
"Тірідей көміп тастады": Алматыда екі таксисті не үшін қинап өлтірді?
"Балаларымды ол асырай ма?": дәрігерді зорлаған такси жүргізуші сотта байбалам салды
Түркістанда ата-анасының айлығын алған бойжеткенді "таксист" қинап өлтірген
Қазақстандық таксист украиналық шоуда әділ қазыларды таңғалдырды – видео
Елордада оңай олжаға кенелген таксист барлық айыппұлын жауып тастады
Шоқан Уәлиханов пен Ф.М.Достоевский мүсіні

Омбыда Шоқан Уәлихановтың 185 жылдығы аталып өтті

48
Консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны үшін ризашылығын білдірді

НҰР-СҰЛТАН, 28 қараша – Sputnik. Қазақстанның Омбы қаласындағы Консулдығы ұлы қазақ зерттеушісі, ағартушысы және саяхатшысы Шоқан Уәлихановтың туғанына 185 жыл толуына арналған еске алу акциясын ұйымдастырды.

"Ұлы ғалымның есімі берілген көшедегі дипломатиялық өкілдік ғимаратының жанында орналасқан Шоқан Уәлихановтың ескерткішіне гүл шоқтарын қою рәсімі өтті", - деп хабарлады Қазақстанның сыртқы істер министрлігі.

Оған қатысқандар Шоқан Уәлихановтың Қазақстан мен Ресейдің ғылымы мен мәдениетінің дамуына баға жетпес үлес қосқанын, ал оның есімі екі ел арасындағы достықтың символына айналып, әлемдік ғылымның көрнекті тұлғалары арасында лайықты орын алатындығын атап өтті.

Ал консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны және осы іс-шараны өткізуге көрсеткен қолдауы үшін ризашылығын білдірді.

Оқи отырыңыз: Тоқаевтың әкесіне мемориал тақта орнатылды 

Іс-шараға сондай-ақ Омбы облысы үкіметі төрағасының орынбасары, өңірлік саясат және бұқаралық коммуникациялар министрі Михаил Каракоз, Ресей сыртқы істер министрлігінің Омбы қаласындағы өкілдігінің басшысы Евгений Косинцев және Омбы кадет әскери корпусының бастығы, полковник Вячеслав Саликов қатысты.

48
Тақырып бойынша
Қазақ ғылымы ауыр қайғыға ұшырады: белгілі ғалым дүниеден өтті
Омбыда "Абай" мәдени-іскерлік үйі ашылды
Терезе алдында тұрған бала, архивтегі сурет

Балтасы бар: Ресейде ер адам алты баланы кепілге алды

285
Полицияға ер адамның әйелі хабар берген, қаскөйдің мұндай әрекетке не себепті барғаны әзірге белгісіз

НҰР-СҰЛТАН, 24 қараша – Sputnik. Санкт-Петербург түбіндегі Колпино қаласында балтамен қаруланған ер адам алты баланы кепілге алды.

"Колпинодағы пәтерде ер адам алты баланы кепілге алды", - деді РИА Новости-ге куәгер.

Оның айтуынша, қаскөй мас және балтамен қаруланған. Төтенше жағдай орнына құқық қорғау органдарының қызметкерлері келді.

Сондай-ақ, бірқатар БАҚ-тың ақпаратынша, ер адам балаларды өлтіремін деп қорқытқан. Оның не себепті мұндай әрекетке барғаны және қандай талап қойып отырғаны әзірге белгісіз.

Полицияға ер адамның әйелі қоңырау шалып, көмек сұраған. Ол балалары жылап жатқан пәтерге кіре алмағанын айтты.

285
Кілт сөздер:
балалар, ер адам, балта, Ресей
кісен, архив

Қарағандылық полицейлер қауіпті банда ұсталған сәттің видеосын жариялады

247
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

247