роснефть

АҚШ санкциялары Ресейге қалай әсер етеді

334
(Жаңартылды 19:37 21.02.2020)
Вашингтон Роснефтьке қарсы тікелей санкциялар салудан қорықты, өйткені бұл жағдайда бүкіл әлемдік энергетикалық нарық зардап шегеді

НҰР-СҰЛТАН, 21 ақпан – Sputnik. Ресейге қарсы барлық санкция осы санкцияларды енгізетін ел саясаткерлері қабылдауының бірнеше кезеңінен өтеді. Жалпы қабылдау, түсіну эволюциясы әрдайым бірдей сценариймен жүреді: алдымен қорқынышты мәлімдемелер, содан кейін үміт, содан соң тыныштық, содан кейін күтілген нәтижеге қол жеткізілмегенін мойындау. Айналып келгенде, санкциялық шектеулерді енгізгендердің өздері де Ресей секілді шығынға батады, деп жазады РИА Новости.

Франция президенті Макрон жақында ғана Мюнхен қауіпсіздік конференциясында дипломаттар мен әскери қызметкерлер алдында сөйлеген сөзінде өзінің бұл мәселеге қатысты көзқарасын білдірді.

"Бізде қақтығыстар мен жүйеге деген сенімсіздік, киберқауіпсіздік саласындағы қақтығыстар, санкциялар жинақталып қалды. Бұл шектеулер Ресейді өзгерте қоймады. Мен санкцияларды алып тастауды ұсынып тұрған жоқпын. Тек бар мәселелерді айтып отырмын. Біздің санкцияларымыз Ресей үшін қаншалықты қымбат болса, еуропалықтар үшін де соншалықты қымбатқа шығып тұр", - деді Макрон.

Бұл тек бір ғана оқиға емес, француз дипломаттары санкция мәселесін қайта-қайта көтеріп жатыр. Мәселен, Франция президентінің Ресеймен қауіпсіздік саласындағы ынтымақтастық жөніндегі арнайы өкілі Пьер Вимон француз сенаторларының алдында сөз сөйлеп, тайсалмай өз ойын жеткізді:

"Еуропалық санкциялардың нәтижесі мынадай: біріншіден, Еуропада сауда-саттық төмендеді, біз бұл санкциялардан шынымен де зардап шектік. Ал егер цифрларға қарасақ, Ресей мен АҚШ арасындағы сауда көлемінің өскенін байқаймыз. Екіншіден, біз осы санкциялар арқылы Ресейге ауыл шаруашылығы саласын дамытуға мүмкіндік бердік. Үшіншіден, біз белгілі бір дәрежеде Ресейді Қытайға итермелей түстік. Атап айтқанда, олар жаңа технологиялар саласындағы маңызды серіктеске айналды".

Алайда, Париждің мұндай ашық әңгімелері Вашингтондағылар үшін көрсеткіш емес. Айқын дәлел ретінде АҚШ-тың Ресейдегі ірі мұнай өндіруші "Роснефть" компаниясының швейцариялық еншілес кәсіпорнына Венесуэла мұнайын сатқаны үшін санкция салуын айтуға болады.

Бастапқыда санкциялар туралы хабарлама Мәскеу биржасында аздап дүрбелең тудырды. Дегенмен, Роснефть акцияларының бағасы біршама төмендегеннен кейін бұрынғы деңгейіне қайта оралды. Бұл жағдайды соншалықты салқынқанды қабылдау компанияның жауап мәлімдемелеріне ғана байланысты емес. Вашингтонның Венесуэла бағытындағы болашағына америкалық және еуропалық бұқаралық ақпарат құралдары батыс сарапшыларына сілтеме жасай отырып талдау жүргізген еді.

Солай десек те, мұның негізгі мәнісі мынау еді: Вашингтон Роснефтьке қарсы тікелей санкциялар салудан қорықты. Бұл жағдайда бүкіл әлемдік энергетикалық нарық зардап шегеді. Өйткені, ресейлік компанияның миноритарлық акция пакетінде британиялық British Petroleum мен Катардың тәуелсіз инвестициялық қорының үлесі бар.

Ал Венесуэлада мұнай өндіретін еншілес компанияға санкциялар салу арқылы "Роснефть" компаниясын Оңтүстік Америка мұнай бағытынан аластату көзделді. Сондай-ақ, санкциялардың жанама мақсаты - Ресей билігінің ресми Каракас пен президент Мадуроны қолдауды жалғастыруының мағынасыз екендігін көрсету. Алайда, бұл тәсілдің тиімділігіне күмәнмен қарайтындар көп.

"Путиннің Венесуэланы қолдауын тоқтату өте қиын", - деп хабарлады "Америка дауысы" радиосы.

Ал Рейтер агенттігі Signum Global Advisors компаниясының өкілі Эндрю Бишоптың "Мәскеу Венесуэла мұнайын экспорттауды жалғастырғысы келсе, АҚШ-тың бүгінгі санкцияларын айналып өтудің басқа жолдарын табады" деген сөзін жариялады.

Жалпы, америкалық дипломатия ұзақ уақыт бойы мазмұнды келіссөздер жүргізу мүмкіндігін жоғалтқаны жасырын емес. Ал АҚШ-тың мемлекеттік департаменті қолынан келгенін жасауда. Санкциялар енгізу мүмкін болса, келіссөз жүргізу неге керек? Бұл тұрғыда Мәскеу мен Париж арасындағы қатынастарды жаңғыртудың перспективасы (мейлі, ол тым кешеуілдеп жанданса да) анағұрлым қолайлы секілді.

334
Шоқан Уәлиханов пен Ф.М.Достоевский мүсіні

Омбыда Шоқан Уәлихановтың 185 жылдығы аталып өтті

47
Консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны үшін ризашылығын білдірді

НҰР-СҰЛТАН, 28 қараша – Sputnik. Қазақстанның Омбы қаласындағы Консулдығы ұлы қазақ зерттеушісі, ағартушысы және саяхатшысы Шоқан Уәлихановтың туғанына 185 жыл толуына арналған еске алу акциясын ұйымдастырды.

"Ұлы ғалымның есімі берілген көшедегі дипломатиялық өкілдік ғимаратының жанында орналасқан Шоқан Уәлихановтың ескерткішіне гүл шоқтарын қою рәсімі өтті", - деп хабарлады Қазақстанның сыртқы істер министрлігі.

Оған қатысқандар Шоқан Уәлихановтың Қазақстан мен Ресейдің ғылымы мен мәдениетінің дамуына баға жетпес үлес қосқанын, ал оның есімі екі ел арасындағы достықтың символына айналып, әлемдік ғылымның көрнекті тұлғалары арасында лайықты орын алатындығын атап өтті.

Ал консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны және осы іс-шараны өткізуге көрсеткен қолдауы үшін ризашылығын білдірді.

Оқи отырыңыз: Тоқаевтың әкесіне мемориал тақта орнатылды 

Іс-шараға сондай-ақ Омбы облысы үкіметі төрағасының орынбасары, өңірлік саясат және бұқаралық коммуникациялар министрі Михаил Каракоз, Ресей сыртқы істер министрлігінің Омбы қаласындағы өкілдігінің басшысы Евгений Косинцев және Омбы кадет әскери корпусының бастығы, полковник Вячеслав Саликов қатысты.

47
Тақырып бойынша
Қазақ ғылымы ауыр қайғыға ұшырады: белгілі ғалым дүниеден өтті
Омбыда "Абай" мәдени-іскерлік үйі ашылды
Терезе алдында тұрған бала, архивтегі сурет

Балтасы бар: Ресейде ер адам алты баланы кепілге алды

285
Полицияға ер адамның әйелі хабар берген, қаскөйдің мұндай әрекетке не себепті барғаны әзірге белгісіз

НҰР-СҰЛТАН, 24 қараша – Sputnik. Санкт-Петербург түбіндегі Колпино қаласында балтамен қаруланған ер адам алты баланы кепілге алды.

"Колпинодағы пәтерде ер адам алты баланы кепілге алды", - деді РИА Новости-ге куәгер.

Оның айтуынша, қаскөй мас және балтамен қаруланған. Төтенше жағдай орнына құқық қорғау органдарының қызметкерлері келді.

Сондай-ақ, бірқатар БАҚ-тың ақпаратынша, ер адам балаларды өлтіремін деп қорқытқан. Оның не себепті мұндай әрекетке барғаны және қандай талап қойып отырғаны әзірге белгісіз.

Полицияға ер адамның әйелі қоңырау шалып, көмек сұраған. Ол балалары жылап жатқан пәтерге кіре алмағанын айтты.

285
Кілт сөздер:
балалар, ер адам, балта, Ресей
 Майк Тайсон мен кіші Рой Джонс

Майк Тайсон мен Рой Джонс шаршы алаңда кездесті жекпе-жектің толық видеосы

854
(Жаңартылды 12:52 29.11.2020)
Аты аңызға айналған боксшылардың жекпе-жегі бүгін қазақстандық уақыт бойынша таңертең АҚШ-та өтті

НҰР-СҰЛТАН, 29 қараша – Sputnik. Атақты америкалық боксшылар Майк Тайсон мен кіші Рой Джонс Лос-Анджелесте Staples Center аренасында жекпе-жек өткізді.

Бұл жекпе-жек "Аңыздар шайқасы" кешінің басты оқиғасы болды. Көптен күткен кездесу ерекше регламент бойынша өтті - әрбірі екі минутқа созылған сегіз раундтан тұрды. Жекпе-жек қорытындысы бойынша екі боксшы тең түсті. Бірақ бұл нәтиже спортшылардың көңілінен шықпады. Майк Тайсон наразылық білдіріп, рингтен кетіп қалды. 

Айта кетсек, Майк Тайсон соңғы рет 2005 жылы жұдырықтасқан болатын. Ол кезде Кевин Макбрайдтан жеңіліп қалған еді. Рой Джонс шаршы алаңға 2018 жылы шығып, Скотт Сигмонды жеңді.

854
Кілт сөздер:
видео, жекпе-жек