Архивтегі фото

Ресей әлемде COVID-19 жұқтырғандардың саны жағынан екінші орынға шықты

83
Індетке шалдыққандардың жартысы Мәскеуде тіркелді, жалпы Ресейде 290 мыңнан астам адам коронавируспен ауырды

НҰР-СҰЛТАН, 18 мамыр – Sputnik. Ресей Федерациясында 290 мыңнан астам адам коронавирус жұқтырды. Осылайша, бұл ел науқастардың саны жағынан екінші орынға шықты.

Бірінші орында АҚШ тұр, онда 1,5 миллионнан астам адам ауырып, 90 978-і қайтыс болды, 350 мыңға жуығы сауығып шықты. 

"Бүгінгі күні Ресейдің 85 аймағында 290 678 коронавирус ауруын жұқтыру оқиғасы анықталды. Осы уақытқа дейін 2722 адам қайтыс болды, 70 209 адам жазылды", - деп хабарлайды Мәскеудің жедел штабы.

Сонымен қатар, науқастардың тәуліктік өсімі күн сайын азайып келеді, соңғы тәулікте 81 аймақта 8 926 жаңа коронавирус жұқтыру оқиғасы анықталды.

Олардың 40,1% -інде аурудың клиникалық белгілері болмаған. 91 адам қайтыс болды. Ресейде бір күнде 2 836 адам толық айықты.

Оқи отырыңыз: ДДҰ коронавирусқа қарсы қолданылатын әдістің тиімсіз екенін айтты 

"Соңғы тәулікте коронавирус фактілерінің көбісі Мәскеуде анықталды – 3 238 адам. 80% -тен астамы 65 жасқа дейінгі адамдар. Ресей астанасында бүгінгі күнге дейін 146 062 коронавирус жұқтыру оқиғасы тіркелді", - делінген хабарламада.

Дүниежүзілік денсаулық сақтау ұйымының мәліметінше, бүгінгі күнге дейін әлемде 4,8 миллион адам коронавирусқа шалдықты. Оның 317 мыңға жуығы қайтыс болды. 1,8 миллион науқас сауығып шықты.   

83
Кілт сөздер:
коронавирус, Ресей
Тақырып бойынша
COVID-19 инфекциясына қарсы вакцина тегін болады – әлемдік көшбасшылардың шешімі
"Теңіз" кенішінде не болып жатыр: үкімет делегациясы Атырау облысына аттанды
Коронавирусқа қарсы антиденелерді анықтайтын ресейлік тест үздік деп танылды
Қазақстан ресми түрде коронавирусқа қарсы вакцина әзірлеушілердің қатарына енді
Шоқан Уәлиханов пен Ф.М.Достоевский мүсіні

Омбыда Шоқан Уәлихановтың 185 жылдығы аталып өтті

48
Консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны үшін ризашылығын білдірді

НҰР-СҰЛТАН, 28 қараша – Sputnik. Қазақстанның Омбы қаласындағы Консулдығы ұлы қазақ зерттеушісі, ағартушысы және саяхатшысы Шоқан Уәлихановтың туғанына 185 жыл толуына арналған еске алу акциясын ұйымдастырды.

"Ұлы ғалымның есімі берілген көшедегі дипломатиялық өкілдік ғимаратының жанында орналасқан Шоқан Уәлихановтың ескерткішіне гүл шоқтарын қою рәсімі өтті", - деп хабарлады Қазақстанның сыртқы істер министрлігі.

Оған қатысқандар Шоқан Уәлихановтың Қазақстан мен Ресейдің ғылымы мен мәдениетінің дамуына баға жетпес үлес қосқанын, ал оның есімі екі ел арасындағы достықтың символына айналып, әлемдік ғылымның көрнекті тұлғалары арасында лайықты орын алатындығын атап өтті.

Ал консулдықтың басшысы Ырысқали Дәуренбек Омбы облысының үкіметіне ұлы ғалымның атын есте сақтағаны және осы іс-шараны өткізуге көрсеткен қолдауы үшін ризашылығын білдірді.

Оқи отырыңыз: Тоқаевтың әкесіне мемориал тақта орнатылды 

Іс-шараға сондай-ақ Омбы облысы үкіметі төрағасының орынбасары, өңірлік саясат және бұқаралық коммуникациялар министрі Михаил Каракоз, Ресей сыртқы істер министрлігінің Омбы қаласындағы өкілдігінің басшысы Евгений Косинцев және Омбы кадет әскери корпусының бастығы, полковник Вячеслав Саликов қатысты.

48
Тақырып бойынша
Қазақ ғылымы ауыр қайғыға ұшырады: белгілі ғалым дүниеден өтті
Омбыда "Абай" мәдени-іскерлік үйі ашылды
Терезе алдында тұрған бала, архивтегі сурет

Балтасы бар: Ресейде ер адам алты баланы кепілге алды

285
Полицияға ер адамның әйелі хабар берген, қаскөйдің мұндай әрекетке не себепті барғаны әзірге белгісіз

НҰР-СҰЛТАН, 24 қараша – Sputnik. Санкт-Петербург түбіндегі Колпино қаласында балтамен қаруланған ер адам алты баланы кепілге алды.

"Колпинодағы пәтерде ер адам алты баланы кепілге алды", - деді РИА Новости-ге куәгер.

Оның айтуынша, қаскөй мас және балтамен қаруланған. Төтенше жағдай орнына құқық қорғау органдарының қызметкерлері келді.

Сондай-ақ, бірқатар БАҚ-тың ақпаратынша, ер адам балаларды өлтіремін деп қорқытқан. Оның не себепті мұндай әрекетке барғаны және қандай талап қойып отырғаны әзірге белгісіз.

Полицияға ер адамның әйелі қоңырау шалып, көмек сұраған. Ол балалары жылап жатқан пәтерге кіре алмағанын айтты.

285
Кілт сөздер:
балалар, ер адам, балта, Ресей
кісен, архив

Қарағандылық полицейлер қауіпті банда ұсталған сәттің видеосын жариялады

230
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

230