Аурухана, архивтегі сурет

Көрші елде коронавирус жұқтыру көрсеткіші төмендеді

198
Ресейде COVID-19 инфекциясын жұқтыру өсімі 5,9%-тен 3,5 процентке дейін төмендегені хабарланып отыр

НҰР-СҰЛТАН, 22 мамыр — Sputnik. Ресей президенті Владимир Путин санитарлық-эпидемиологиялық жағдайға байланысты жиын өткізді. 

"Соңғы ақпаратқа сәйкес, Ресейде коронавирусқа байланысты жағдай тұрақталып келеді", - деді ол.

Ол Мәскеу мен бірқатар өңірде күн сайын вирус жұқтыратындар саны азайғанын айтты.

"Әзірге бұл динамика біз күткендегідей емес. Осыдан бір апта бұрын Ресейде COVID-19 инфекциясын жұқтыру өсімі 5,9% болатын. Бұл көрсеткішке 3,5 процентке дейін төмендеді", - деді ол. 

Соңғы тәулікте көрші елдегі 84 өңірде 8 894 адам коронавирус жұқтырды. 150 адам көз жұмған.

Барлығы Ресейде 326 448 адамда COVID-19 расталған. 3 249 адам қайтыс болған.

Қазақстанда барлығы 7 597 адам індетке шалдықты, 4 096-сы жазылып шықты. 35 науқас көз жұмды.

198
Ресей президенті Владимир Путин

Путин зәулім сарай туралы сұраққа жауап берді

9
Ресей президенті Алексей Навальныйдың фильмін компиляция және адамдардың "санасын шаюға" тырысу деп атады

НҰР-СҰЛТАН, 25 қаңтар – Sputnik. Ресей президенті Владимир Путин оппозиционер Алексей Навальный өз зерттеуінде айтқан "Геленджиктегі сарай" туралы сұраққа жауап берді, деп хабарлайды РИА Новости.

Сұрақ Ресей студенттері күніне орай ұйымдастырылған университеттегі кездесу кезінде қойылды.

"Сіздің сұрағыңызға бірден жауап бергім келіп тұр. Ол жерде менің меншігім ретінде көрсетілгеннің ешқайсысы маған да, менің жақын туыстарыма да тиесілі емес және ешқашан тиесілі болмаған. Ешқашан", - деп жауап берді Путин.  

Ол сондай-ақ, бұл көптен бері көпірте айтылып келе жатқанын, "азаматтардың санасын шаю" үшін толықтырылып отырғанын мәлімдеді.

"Бұл ақпарат он жылдан астам уақыттан бері көпірте айтылып келе жатыр. Қалай болғанда да, қазір өте ыңғайлы уақыт, бәрін жинап, осы материалдармен біздің азаматтарымыздың санасын шайып тастауға шешім қабылдады. Оны интернетте жариялаған – онда қандай да бір фильмдер, видео бағдарламалар бар", - деді президент.

Төрт мыңға жуық адам жиналған: Мәскеу алаңында не болып жатыр

Сондай-ақ, Ресей басшысы фильмді құрастыру кезінде халықты адастыру мақсатында монтаж қолданылғанын мәлімдеді.

"Олар менің баттерфляй стилінде жүзіп жүрген суретімді жариялады. Кейде осылай жүзгенді ұнатамын. Бірақ ол бассейнде ешқашан болмағанмын. Неғылған бассейн екенін білмеймін. Бірақ осылай жүздім. Қашан және қайда? 2016 жылы Енисейде. Сондықтан бұл компиляция, монтаж", - деп түйіндеді Путин.

9
Кілт сөздер:
Владимир Путин
Микроскоппен түсірілген коронавирустың британдық штаммы

Ресей ғалымдары "британдық" коронавирустың штаммын алғаш рет суретке түсірді

27
Коронавирустық инфекция штаммын суретке түсіру үшін ресейлік ғалымдар алғаш рет микроскопты қолданды

НҰР-СҰЛТАН, 25 қаңтар – Sputnik. Роспотребнадзор ғалымдары әлемде алғаш рет коронавирустың "британдық" штаммын микроскоппен суретке түсірді. Ал инфекцияның мұндай жаңа түрі 2020 жылдың желтоқсан айында анықталған болатын.

"Роспотребнадзордың "Вектор" мемлекеттік ғылыми орталығы 2020 жылдың желтоқсан айында пациенттен оқшауланған коронавирустың "британдық" штамын әлемде алғаш рет суретке түсірді", – делінген хабарламада.

Ғалымдар зерттеу шеңберінде жаңа штамды суретке түсіріп, оның құрылымдық ерекшеліктері мен жасуша дақылдарындағы көріністерін анықтап жатыр. Бұл мақсатта зертханалық жануарларды қолдану көзделген.

Ведомство өкілдері ПТР-тестілер вирустың "британдық" нұсқасымен Ресейде тіркелген инфекция жағдайларын сенімді түрде анықтауға мүмкіндік беретінін алға тартады.

"Британдық" коронавирус штаммына тән мутациялар "ЭпиВакКорона" вакцинасының тиімділігіне әсер етпейді. Өйткені, оның құрамына вирустық ақуыздың консервативті аймақтарына жататын пептидті антигендер кіреді. Олар вируста анықталған өзгерістерге әсер етпейді", – деп атап өтті Роспотребнадзор.

"ЭпиВакКорона" – орыс ғалымдары ойлап тапқан бір компонентті коронавирустық вакцина. Вакцина клиникалық зерттеулердің үшінші кезеңінен әлі өткен жоқ.

Оқи отырыңыз: Коронавирустан кейін дәм мен иіс сезу қабілетін қалай қалпына келтіруге болады

Айта кетейік, бұған дейін денсаулық сақтау министрі Алексей Цой "британдық" коронавирус штамы республикада әлі анықталмағанын мәлімдеген.

Ал Ұлыбританияда жаңа коронавирустық мутацияның табылуы 2020 жылдың желтоқсан айында белгілі болды. Ұлыбритания билігі коронавирустық мутацияның тезірек таралатынын растап, бірақ оның өлімге немесе ауруханаға жатқызу деңгейіне әсері туралы әлі ештеңе айтпады.

27
Кілт сөздер:
инфекция, коронавирус
Тақырып:
Коронавирус эпидемиясы
Тақырып бойынша
47 жастағы әйелдің ағзасында коронавирустың 18 мутациясы анықталды
Маман коронавирустың екі айдан кейінгі салдары қандай болатынын айтты
Иттер коронавирус жұқтырған науқастарды анықтай ала ма – видео
Дәрігерлер коронавирус жұқтыру қаупін арттыратын жайтты атады
Коронавирустың "британдық" штаммы Қазақстанға жетті ме – министр жауабы