Нұр-Сұлтанға ресейліктер 5 мың бетперде жіберді

Астаналық студенттерге ресейліктер 5 мың бетперде жіберді

68
Акция "Добро-Соседство" жобасы аясында жүзеге асырылып отыр. Елордадан бөлек, өзге өңірлерге де көмек көрсетіледі

НҰР-СҰЛТАН, 20 шілде – Sputnik. Уфа қаласындағы "Берлек-Единство" геосаяси зерттеулер орталығы Гумилев атындағы ұлттық университет студенттеріне бес мың бетперде жіберді. 

Акция ұйымдастырушылары Қазақстандағы қиын жағдай кезінде шет қалмау үшін "Добро-Соседство" шарасы жүзеге асырылғанын атап өтті.

"Шілде айында Ресейдің азаматтық сектор өкілдері Қазақстанға барлығы 100 мың бетперде, 20 мың қолғап, тонометр, термометр және антисептик жібереді. Жүктің жалпы құны - 1,5 миллион рубль (9 млн теңге)", - деді ұйым өкілдері.

Гуманитарлық көмектің алғашқы партиясы Уфадан Қостанай және Нұр-Сұлтан қалаларына жеткізілді.

Гуманитарная помощь в ЕНУ
© Sputnik / Владислав Воднев
Астаналық студенттерге ресейліктер 5 мың бетперде жіберді

Акцияға Мәскеу, Екатеринбург, Уфа, Саратов, Астрахань, Новосібір, Орынбор және Қазан қалалары қатысуда.

Көмек Петропавл, Көкшетау, Орал, Атырау және Алматы қалаларына да жеткізіледі.

68
Кілт сөздер:
ресейлік, бетперде, Нұр-Сұлтан
Тақырып:
Коронавирус эпидемиясы (1995)
Архивтегі фото

Жол ақысына ақшасы жетпеген: автобус жүргізушісі қыздың бас киімін тартып алды

439
Тергеу органдары автобус жүргізушісі кәмелетке толмаған жолаушыны тонады деген күдікке ілінгенін хабарлады

НҰР-СҰЛТАН, 19 қаңтар — Sputnik. Билетке ақшасы жетпеген 14 жасар қыздың бас киімін алып қойған автобус жүргізушісі ұсталды. Оқиға Ресейдің  Хабаровск қаласында болды.   

Қыз қақаған аязда аялдамадан үйіне дейін бас киімсіз барған.

Бағдардағы автобустың жүргізушісі ұсталды, деп хабарлады Хабаровск өлкесі бойынша тергеу комитетінің баспасөз қызметі.

"Тергеу мәліметіне сәйкес, Хабаровскіде бағдар бойымен келе жатқан рейстік автобустың жүргізушісі билетке ақшасы жетпеген 14 жастағы жолаушының тоқылған бас киімін тартып алған. Тергеу органдары қылмыс жайлы интернет пен әлеуметтік желілерді шолу кезінде білді. Бұл оқиға туралы жазба үлкен қоғамдық резонанс тудырды", - делінген ведомствоның хабарламасында.  

Істі тергеу аясында қылмысты жасауға ықпал еткен себептер мен жағдайларды анықтау қажет екендігі анықталды.   

Күдіктіге қатысты бұлтартпау шарасын таңдау мәселесі шешіліп жатыр. Тергеу амалдары жалғасуда.

Айта кетейік, жақында Нұр-Сұлтанда да автобус жүргізушісі жауапқа тартылған болатын. Facebook қолданушысының айтуынша, "Министрліктер үйі" аялдамасында жүргізуші ортаңғы есіктен кірмек болған әйелге есікті жауып қойған. Бұған дейін жүргізуші оның 9-10 жастағы мүгедек баласын салонға кіргізген. Әйел есікті қаға бастаған, бірақ жүргізуші аялдамадан жүріп кетеді. Жолаушы автобусты жол-жөнекей көлікпен келесі аялдамада қуып жеткен, бірақ әйел мүгедек балам іште қалды деп айқайлағанына қарамастан, жүргізуші есікті қайтадан жауып тастайды. Одан кейінгі аялдамада ғана ол салонға кірген.  

Нұр-Сұлтан автобусындағы жанжал: жүргізуші жұмыстан шеттетілді

Қызметтік тексерістен кейін "№1 автобус паркі" АҚ әкімшілігі әйелге қорлық көрсеткені үшін №60 автобустың жүргізушісін жұмыстан шығарды.

439
Тақырып бойынша
Нұр-Сұлтанда автобус бағанға соғылды: алты адам жарақат алды
Алматыда қалааралық автобус апатқа ұшырады
Жолаушылар әр жерде жатыр: желіде Алматыдағы жол апатының видеосы жарияланды
Нұр-Сұлтан автобусындағы жанжал: жүргізуші жұмыстан шеттетілді
Сергей Лавров

Навальный, Трамп, Қарабақ және вакцина Лавров мәлімдемелері

40
Ресей СІМ басшысы Сергей Лавров халықаралық күн тәртібінде тұрған елеулі мәселелерге қатысты пікір білдірді

НҰР-СҰЛТАН, 18 қаңтар — Sputnik. Ресейдің сыртқы істер министрі Сергей Лавров 2020 жылдың қорытындысы бойынша баспасөз конференциясын өткізіп, елеулі оқиғаларға қатысты пікір білдірді. Лавровтың ең маңызды мәлімдемелері Sputnik Қазақстан материалында.

Навальный туралы

Лавровқа Алексей Навальныйдың Ресейге оралуына қатысты сұраққа да жауап беруіне тура келді.

Баспасөз конферециясы кезінде ресейлік СІМ басшысы Навальныйдың Ресейге оралуы туралы жаңалыққа бәзбіреулердің "жабыса" кеткенін атап өтті.

"Бәзбіреулердің бір-бірінен көшіріп алғандай ұқсас пікірлерді қуана жазып жатқаны сезіліп қалды. Бұл іске қуана кірісуінің де сыры бар. Себебі, батыстағылар өз елдеріндегі күрделі дағдарыстан назарды осылайша басқа жаққа бұра аламыз деп үміттеніп отыр", - деді Лавров.

Ол "өз проблемалары мен дағдарыстарынан назарды бұрудың" әдістерін іздемеуге шақырды.

"Керісінше, әділдіктен аттамай, тең әрі адал халықаралық ынтымақтастықта өз ішкі проблемаларын шешудің мүмкіндіктерін іздеу керек. Навальныйға қатысты оқиға әдейі жасалған және заңға қайшы әрекеттермен сыртқы саяси мәселеге айналды. Навальныйдың қайта оралуы, оны ұстауға байланыстының барлығы құқық қорғау органдарының құзыретіндегі шаруа", - деді СІМ басшысы.  

Лавров Навальныйдың улануына байланысты Германия Ресейге ешқандай заттай айғақ ұсынбағанын айтты. Ресейлік дәрігерлер талдау нәтижелерінен Навальныйдың уланғанын растайтын белгі таппағандықтан, қылмыстық іс қозғауға еш негіз жоқ екенін айтты.

Министрдің пайымынша, Навальныйға қатысты оқиғада Берлин "дипломатиялық дөрекілікке" барып отыр.

"Егер шындықты білгіңіз келсе, онда сыпайы болыңыз әрі заңға бағыныңыз. Өз міндеттемеңізді орындап, дипломатиялық дөрекілік әдістерін қолданбаңыз. Біз олай сөйлеспейміз", - деді Лавров.

Еске сала кетейік, тамыз айының соңында Навальный ауруханаға жатқызылды. Блогердің өзінің айтуынша, ол "Новичок" атты улағыш заттың құрбаны бола жаздаған. Ресейлік медицина қызметкерлері пациенттің ағзасынан у белгілерін таппады. Навальный ресейлік ауруханадан немістердің Charité клиникасына ұшақпен жеткізілді. "Ив Роше" қылмыстық ісі бойынша жаза талаптарын бұзғаны үшін халықаралық іздеу жарияланған Навальный жексенбі, 17 қаңтарда Германиядан Ресейге оралды. Құзырлы орган өкілдері оны әуежайда ұстады, қазір оған күзет қойылды.  

"Спутник" вакцинасы туралы

СІМ басшысы Ресей "Спутник V" вакцинасы бойынша басқа елдермен ынтымақтастық орнатуда "мейлінше ашық" екенін мәлімдеді.

"Біз лицензиялық өндірісті ұйымдастыру үшін Ресейдің тікелей инвестициялар қоры шетелдік әріптестерге жасап жатқан ұсыныстарына қатысты оң пікір қалыптасқанын көріп отырмыз" – деді Лавров.

Оның айтуынша, пандемия салдарынан қарым-қатынас орнатудың барлық түріне зиян келді. Мәдени, гуманитарлық, спорттық, туристік байланыстар зардап шегіп, мемлекеттердің ойлау-жоспарлауында өзгерістер қалыптасты.

Сонымен қатар, сыртқы саяси ведомствоның басшысы коронавирустың жеңіл түрімен ауырып жазылғанын, сондықтан, оның ағзасында антиденелер бар екенін айтты.

"Кеше мен мамандардың коронавируспен ауырғандарға да екпе жасауға кеңес беріп жатқанын естідім. Дәрігерлермен ақылдасамын", - деп қорытты министр.

Еске сала кетейік, коронавирусқа қарсы "Спутник V" вакцинасын Қазақстанда тіркеу 26 қаңтар мен 11 ақпан аралығында өтеді деп жоспарлануда. Республикада вакцинаның өндірістік серияларын жеткізу 12 ақпанда басталмақ. Қазірдің өзінде вакцина Сербия, Аргентина, Беларусь, Боливия, Алжир, Палестина, Венесуэла және Парагвайда тіркелген.

Трампты бұғаттау

Лавров АҚШ президенті Дональд Трамптың әлеуметтік желілердегі аккаунттарының бұғатталуын да тілге тиек етті.

"Осы платформалармен жалған ақпараттың көзіне айналды деп танылғандарды "тұншықтыру" америкалық биліктің ісі емес деп хабарлаған кезде, корпорациялар ешқандай келісімге қол қойған жоқ екені айтылды. Мұның барлығы қулық", - деді Лавров баспасөз конференциясында.  

Министр ең жоғарғы деңгейде қол қойылған ЕҚЫҰ пактілері мен шешімдеріне сәйкес, мемлекет әрбір адамның ақпаратқа еркін қол жеткізуіне жағдай жасауға міндетті екенін атап өтті.

Қаңтардың басында Трамп митингісінен кейін президенттің жақтастары Капитолийге шабуыл жасап, Конгресс жұмысын бірнеше сағатқа тоқтатты. Тәртіпсіздіктер салдарынан екі адам қаза тапты, тағы үшеуі зорлық-зомбылықпен байланысты емес себептерден қайтыс болды. Бүлік шығаруға шақырды деген айыппен Трампқа импичмент жариялады.

Трамптың толқулар туралы мәлімдемелеріне байланысты оның Twitch, Twitter, Facebook, Youtube және Instagram әлеуметтік желілеріндегі аккаунттары әртүрлі уақытқа бұғатталды. Трамп, бір жағынан, наразылық білдірушілерді тыныштық сақтауға және үйлеріне тарауға шақырса, екінші жағынан, оларды патриоттар деп атап, сайлауда ақпаратты бұрмалау болғанын мәлімдеді.

Таулы Қарабақ туралы

Ресей СІМ басшысы Таулы Қарабақты Ресей құрамына қосу туралы ұсынысты "экзотикалық" деп атады.

"Бізде ондай ой болған емес. Біз осы аймақтағы мәселелердің барлығын осында орналасқан елдер, ең алдымен Армения мен Әзербайжан арасында шешу керек дегенді басшылыққа аламыз", - деп мәлімдеді Лавров.

Ол Ресей аталған өңірдегі бейбітшілік, тұрақтылық, қауіпсіздікті қамтамасыз ететін мұндай шешімді іздеуге көмектесуге дайын екенін айтты. Қазір Ресей, Армения және Әзербайжан әскерилері Қарабақтағы соғыстан кейін әскери тұтқындармен алмасуға арналған тізімді салыстыра тексеріп жатыр.

Еске сала кетейік, Таулы Қарабақтағы қақтығыс Таулы Қарабақ автономиялық облысы Әзербайжан КСР құрамынан шыққанын жариялаған сонау 1988 жылы басталған болатын. 1992-1994 жылдардағы қарулы қақтығыс кезінде Әзербайжан Таулы Қарабақ пен оған жақын орналасқан жеті ауданды өз қарамағынан шығарып алды.

Қарабақтағы соғыс 2020 жылдың қыркүйек айының соңында қайта жанданып, қақтығыстың өршуі бейбіт тұрғындар арасында құрбандарға алып келді. Қарашаның соңында Мәскеудің араласуымен Әзербайжан мен Армения оқ атуды толық тоқтату және тұтқындар мен көз жұмғандардың денелерін айырбастау туралы келісімге келді. Ереван Кельбаджар, Лачин және Агдам облыстарын Бакуге қайтарды. Сонымен қатар, бұл аймақта Ресейдің бітімгершілік күштері орналасты.

40
Тоқаев Ахметжан Есімовті қабылдады

Тоқаев Ахметжан Есімовті қабылдады

5
(Жаңартылды 19:50 19.01.2021)
Ахметжан Есімов соңғы 3 жылда "Самұрық-Қазына" займдарды өтеу үшін өз бастамасымен Ұлттық қорға 554 миллиард теңге қаржы аударғанын айтты

НҰР-СҰЛТАН, 19 қаңтар — Sputnik. Қазақстан президенті "Самұрық-Қазына" әл-ауқат қорының басқарма төрағасын қабылдады, деп хабарлайды Ақорда.

Кездесу барысында Ахметжан Есімов акционерлік қоғамның 2020 жылы атқарған жұмыстарының алдын ала қорытындылары туралы баяндады.

"Жаһандық дағдарыс пен пандемияға қарамастан, холдинг өткен жылы өз қызметін табысты атқарды. Қорға қарасты компаниялар қызметкерлерінің жаппай қысқаруына жол берілмеді. Қор компаниялары активтерінің өсімі 800 миллиард теңгеге жетті", - деді ол.

Ахметжан Есімов соңғы 3 жылда "Самұрық-Қазына" займдарды өтеу үшін өз бастамасымен Ұлттық қорға 554 миллиард теңге қаржы аударғанын айтты. Холдингке қарасты компаниялардың бизнес-үдерістерін цифрлық трансформациялау нәтижесінде 171 миллиард теңге пайда түскен.

Сонымен қатар мемлекет басшысына отандық тауар өндірушілерді қолдауға бағытталған ауқымды жұмыстар туралы ақпарат берілді. 2018-2020 жылдардың қорытындысына сәйкес сатып алулар бойынша үнемделген қаржы 410 миллиард теңге болды.

Атқарылған ауқымды жұмыстардың нәтижесінде "Самұрық-Қазына" холдингінің кредиттік рейтингі BB+/B "тұрақты" деңгейде екенін халықаралық Standart & Poor`s рейтинг агенттігі нақтылады.

Ахметжан Есімовтің айтуынша, "ҚазМұнайГаз" ұлттық компаниясы мұнай бағасының едәуір арзандағанына және OPEC+ компаниясының шектеулеріне қарамастан, қаржылық рейтингте оң көрсеткішін сақтап қалды. "Қазақстан Темір Жолы" акционерлік қоғамы соңғы 6 жылда бірінші рет өткен жылды қаржылық тұрғыдан пайдамен аяқтаған. "Қазатомөнеркәсіп" акционерлік қоғамы активтерінің құны IPO-ға (2018 жылы) шыққалы 2,1 миллиардтан 5,1 миллиард АҚШ долларына дейін көтерілген. "Самұрық–Энерго" акционерлік қоғамының қарызы 100 миллиард теңгеге азайды.

Кездесу соңында президент Есімовке бірқатар нақты тапсырма берді.

5
Кілт сөздер:
Ахметжан Есімов, Қасым-Жомарт Тоқаев
Тақырып бойынша
Тоқаев биыл кімдердің жалақысы өсетінін айтты
Тоқаев сегіз лауазымды тұлғаны қызметінен босатты
Мамин екі министрді не себепті ауыстырды – сарапшылар пікірі
Назарбаев "Самұрық-Қазына" басшылығын мақтады
Президент саяси жүйеге қатысты тың ұсыныс жасады