Жалпы отырыс

Ресей "Үлкен жетілік" саммитіне қатыса ма

364
Вашингтон мен Берлин "Үлкен жетіліктің" кезекті саммитіне Мәскеуді шақыру қажет пе, жоқ па деген сауал төңірегінде дауласуда

НҰР-СҰЛТАН, 29 шілде – Sputnik. Дональд Трамп кездесуде Владимир Путинді көруге қарсы емес, бірақ ГФР СІМ басшысы Хайко Маас Украина проблемасына байланысты ресейлік лидермен келіссөз үстеліне отыру  мүмкін емес дүние екенін айтады. Ал Кремль G7 жиынына қатысуды қаламайтынын, одан да БҰҰ Қауіпсіздік кеңесінің бес тұрақты мүшесі –  "ядролық бестіктің" кездесуіне баруды жөн көретінін мәлімдеді. РИА Новости алдағы уақытта осы сценарийлердің қайсысы орындалуы мүмкін екенін топшылап көрді.

"Қауіпсіздік тауар емес"

Биыл Германия мен АҚШ дипломатиялық қарым-қатынасының 65 жылдығын атап өтеді. Вашингтон мен Берлин одағы еуроатлантикалық қауіпсіздіктің кепілі саналады. Алайда мерейтой бұзылуы мүмкін.

Жаздың басында АҚШ президенті шынымен де Германиядан 9,5 мың әскерін шығаруға дайындалып жатқаны мәлім болды. Басты себеп — неміс билігінің Солтүстікатлантика альянсына бөлінетін шығыстарды ұлғайтпауы. Берлиннің америкалық тауарларға бажды төмендетуден бас тартып отырғаны да Ақ үйге ұнамайды.

"Трамп НАТО-ны сауда ұйымымен шатастырады. Қауіпсіздік – тауар емес,  ол қос тараптың өзара ымырасы",- деп қарсылық білдірді Германия қорғаныс минисрі Аннегрет Крамп-Карренбауэр америкалық лидерге. Бірақ, бәрі босқа.

"Егер немістер біздің қорғауымызда болғысы келсе, қарызынан құтылып, НАТО бюджетіне жарнаны ұлғайтсын", - деді Американың Берлиндегі бұрынғы елшісі Ричард Гренелл. Трамп оны қостады.

Тағы оқыңыз: Еуропаны газбен қамтуда басымдыққа ие баламалар қандай?

Еуроодақтың энергетикалық қауіпсіздігі мәселесі турасында да ымыра жоқ. Америкалықтар "Северный поток — 2" және "Турецкий поток" еуропалықтардың Ресей газына тәуелділігін күшейтіп, саяси тәуекелдер тудыратынын айтып жатыр.

Германия мұнымен келіспейді, оларға Вашингонттың араласқаны ұнамайды. Америкалықтар болса, Ресейдің энергетикалық жобаларына қатысатын еуропалықтарға қарсы жаңа санкциялар енгізіп, өз дегенінен қайтпауда.

Қытайға қарсы альянс

Берлин мен Вашингтон Мәскеуге қатысты ортақ мәмілеге келген сыңайлы: Қырымның Ресейге қосылуын мойындамау, Украинаның оңтүстік-шығысындағы жанжалда Киевті қолдау. Бірақ басқа проблемалар бойынша екі елдің ұстанымы әртүрлі.

Өткен аптада мемлекеттік департамент Қытайға қарсы альянс құру жоспары жайлы мәлімдеді. Майк Помпео, тіпті, бұған Мәскеуді тартуды ұсынды.  

Сол арада президент Трамп қыркүйекте өтетін G7 саммитіне Владимир Путинді шақыру идеясын еске түсірді. "Үлкен сегіздікті" қайта қалпына келтіру туралы сөз қозғалмаса да, бұл Қытайға қарсы одақты талқылауға таптырмас мүмкіндік, деп топшылаған сыңайлы Вашингон.

Германияның ойы басқа. Ангела Меркель Қытай шынымен де тек АҚШ үшін ғана емес, Еуропа үшін де "басты сыртқы саяси қатерге" айналып барады деп санайды. ГФР канцлерінің пікірінше, әзірге бірде бір мемлекет ҚХР-ға қарсы тұра алмайды.

"G7-нің антиқытайлық одаққа трансформациялануы Берлин мүддесіне сай келмейді", - деп сенімді мәлімдеді Меркель. Оны пандемия өршіген тұста АҚШ-тағы саммитке бару қаншалықты дұрыс деген сауал мазалап жүр.

Неміс дипломатиясының басшысы Хайко Маас Трамптың саммитке Путинді шақыруына үзілді-кесілді қарсы.

"Қырым мен Украинаның оңтүстік-шығысындағы әскери қақтығыс Ресейдің G8-ден шығуына түрткі болды. Бұл мәселелер өз шешімін таппай, Мәскеуді қайта қосу мүмкіндіктерін көрмей отырмын", - деп мәлімдеді ол.

Десе де, бұл диалог мүмкін емес дегенді білдірмейді, деп толықтырды Маас. Ол Укарина, Сирия мен Ливиядағы қақтығыстарды реттеуде Ресейсіз ілгерілеу мүмкін емес екенін жеткізді.

"Бесеудің саммиті"

Мәскеу бұл пікірталасқа үн қатты. СІМ мен Федерация кеңесі ешқандай да  антиқытайлық бірлестіктерге қатыспайтынын, Қытаймен ынтымақтастық Ресей үшін басымдыққа ие екенін мәлімдеді.

"Жетілік тобы" батыс әлемінің бірлігін көрсету құралына айналды, бірақ жаңа шешімдер қабылдауды доғарды. Ресей кез келген форматтағы диалогқа әрдайым дайын, алайда қатысушылар теңдігі міндетті түрде сақталған жағдайда ғана", - деп атап өтті Федерация кеңесі халықаралық істер жөніндегі комитетінің басшысы Константин Косачев.

Президенттің баспасөз хатшысы Дмитрий Песков Мәскеу "Үлкен жетілікке" оралуды көздемейтінін қадап айтты.

"Ресейді G20 жұмысы қанағаттандырады. Ол қазіргі экономикалық шынайылыққа әлдеқайда жақсы жауап береді",- деп түсіндірді Песков.

Мұны G7 де мойындаған болатын. Владимир Путиннің БҰҰ Қауіпсіздік кеңесінің тұрақты мүшелері –  бес мемлекеттің саммитін ұйымдастыру бастамасы да біраз қызығушылық туғызды.

"Бесеудің саммитіне" қатысты пікірталас ұзаққа созылған жоқ. АҚШ, Қытай, Франция, Ұлыбритания Ресейдің ұсынысын қолдап, талқылайтын мәселелер бар екенімен келісті.

"Бесеудің саммиті" болжаммен қыркүйекке жоспарланған. Пандемияға байланысты жиын бейнебайланыс форматында өтуі мүмкін. Қазір саммитте талқыланатын тақырыптар анықталып жатыр.

Берлин мен Вашингтон арасындағы "сөз соғысы"

Джордж Маршалл атындағы Еуропалық қауіпсіздік мәселелерін зерттеу орталығының маманы Пал Дунай РИА Новостиге берген сұхбатында асығыс пайымдардан сақтандырды. Сарапшы АҚШ пен Германия арасындағы көптеген халықаралық мәселеге қатысты қарама-қайшылықтарды "сөз соғысы" деп атады.

Тағы оқыңыз: Тәлібтер Орталық Азияға қандай қауіп төндіріп тұр?

"Берлин Вашингтонмен жария түрде сөзге келіп қалмауға тырысады. Неміс истеблишменті Трамптың барлық әрекеті сайлау алдындағы науқанмен байланысты екенін түсініп отыр. АҚШ презиенті НАТО одақтастарына қатысты табанды екенін көрсетуге тырысып бағуда. Тіпті, бұл еуроатлантикалық қауіпсіздікке нұқсан келтірсе де. Бірақ, басқа негізгі мәселелер бойынша, "Северный поток — 2", америкалық әскерилердің Германияда болуы, Ресеймен өзара іс-қимыл болсын, ГФР билігі өз позициясын айқын білдіреді", - деп түсіндірді Дунай.

Сарапшылардың пікірінше, ішкі қайта құру мен мақсаттарды пайымдау кезеңі G8 тобын жаңғыртуға қолайлы уақыт емес. Оған қарағанда "бесеудің саммитінің" перспективасы әлдеқайда зор. БҰҰ Қауіпсіздік кеңесінің тұрақты мүшелері пікірталастарда бір-бірін үнемі тыңдай бермейді. Мемлекет басшыларының жүзбе-жүз кездесуі жағдайды өзгертуі әбден мүмкін.

364
Кілт сөздер:
G7 саммиті, Германия, АҚШ, Ресей
Путин

ҰОС басталуының 80 жылдығына орай Путиннің мақаласы жарық көрді

31
(Жаңартылды 17:20 22.06.2021)
Ресей көшбасшысы өз мақаласында Еуропа елдерін тарихтан сабақ алып, Ресеймен ынтымақтастыққа назар аударуға шақырды

НҰР-СҰЛТАН, 22 маусым – Sputnik. Кремль сайтында Ресей президенті Владимир Путиннің Ұлы Отан соғысы басталуының 80 жылдығына арналған мақаласы жарияланды. Мақала немістің Die Zeit апталық газетінде жарық көрді.

Төменде мақаланың толық мәтіні ұсынылады.

"Өткенге қарамастан ашық болу"

Тура 80 жыл бұрын, 1941 жылдың 22 маусымында нацистер КСРО-ға шабуыл жасады. Кеңес халқы үшін Ұлы Отан соғысы басталды. Он миллиондаған адам қаза болды, елдің экономикалық әлеуеті мен мәдени игілігіне орны толмас нұқсан келді. Біз Отанның тәуелсіздігі мен даңқын қорғап қана қоймай, Еуропа мен әлемді құлдықтан құтқарып қалған Қызыл армия батырлары мен тыл еңбеккерлерінің ерлігін мақтан тұтамыз.

Қазір бәзбіреулер тарихты бұрмалағысы келгеніне қарамастан ақиқат анық – кеңес әскері Германия жеріне кек алу үшін емес, азат ету мақсатында келді. Біз үшін нацизмге қарсы күрескен батырлар мәңгі есте болады. Біз ортақ Жеңісті жақындатуға үлес қосқан антигитлерлік коалиция бойынша одақтастарды, Қарсы тұру қатысушыларын, неміс антифашистерін ерекше алғыспен еске аламыз.

Дүниежүзілік соғыстың бар зұлматын көргеннен кейін Еуропа халқы өзара сенім мен сыйластықты қалпына келтіріп, интеграцияға қарай бет ала алды. Мұндай Еуропаның қалыптасуына біздің халық пен қазіргі Германияның шығысы мен батысында тұрған немістердің татуласуы үлкен рөл атқарғанын атап өткім келеді.

Дәл осы неміс кәсіпкерлері соғыстан кейінгі жылдары біздің елмен кооперациядағы пионерлер болғанын да ерекше атап өткім келеді. 1970 жылы КСРО мен ГФР арасында Еуропаға ұзақмерзімді жеткізу туралы "ғасыр мәмілесіне" қол жеткізілді. Бұл "Солтүстік ағын" секілді түрлі ауқымды жобалардың бастамасы бола алды.

Біз қырғи-қабақ соғыстың аяқталуы Еуропа үшін ортақ жеңіс болады деп үміттендік. Біршама уақыттан кейін Шарль де Гольдің Лиссабоннан Владивостокқа дейінгі бірыңғай континент туралы арманы орындала ма деген ой келді. Сол себепті Ресей ортақ құндылықтар және мүдделермен біріккен Үлкен Еуропаны құру логикасын ұстанып, осы бағытта еуропалықтармен өз қарым-қатынасын дамытуға тырысып келді. Бұл жолда біз де, Еуроодақ та үлкен жұмыс атқарды.

Алайда басқа әдіс басым түсті. Оның негізінде Солтүстікатлантикалық альянсты кеңейту миссиясы жатты. Ол одақ сол шақтағы текетіреске қарсы тұру үшін құрылған болатын. Кеңес басшылығының біріккен Германияны НАТО-ға мүше болуға көндіруінен басталған блоктың шығысқа қарай ығысуы Еуропадағы өзара сенімсіздіктің қарқынды өсуіне негізгі себеп болды. Сол кезде "бұл сендерге қарсы бағытталмағаны", "блок шекарасы сендерге жақындамайтыны" туралы сөз жүзінде берілген уәде тез ұмытылып кетті. 

1999 жылдан бері НАТО кеңеюінің тағы бес толқыны жүрді. Ұйымға жаңа 14 мемлекет мүше болды. Олардың қатарында бұрынғы Кеңес Одағының республикалары да бар. Бұл шекарасыз құрлыққа қатысты арманның күл-талқанын шығарды. Осы туралы ГСДП көшбасшысы Эгон Бар 80-шы жылдардың ортасында ескерткен болатын. Ол КСРО мен АҚШ-тың қатысуымен Германия біріккеннен кейін бүкіл еуропалық қауіпсіздік жүйесін түбегейлі өзгертуді ұсынды. Бірақ ол шақта КСРО-да да, АҚШ-та да, Еуропада да ешкім оның айтқандарына құлақ асқысы келмеді.

Көп елдің алдында таңдау тұрды – олар не ұжымдық Батыспен бірге, не Ресеймен бірге болуы керек еді. Бұл ультиматум болатын. Мұндай агрессивті саясаттың қандай салдарға алып келгенін 2014 жылғы Украинадағы жағдайдан көріп отырмыз. Еуропа Украинадағы антиконституциялық қарулы төңкеріске белсенді түрде қолдау көрсетті. Барлығы осыдан басталды. Мұны жасаудың не қажеті бар еді? Сол кездегі президент Янукович оппозицияның барлық талабына келісті. Неге АҚШ Украинаны екіге қақ жаратын және оның құрамынан Қырымның шығып кетуіне алып келетін төңкеріс ұйымдастырды және Еуропа елдері оны неге қолдады?

Қазір барлық еуропалық қауіпсіздік жүйесі үлкен дағдарысқа ұшырады. Шиеленіс артып, қару-жарақтың жаңа жарысының қаупі туып отыр. Біз кооперация ұсынып отырған үлкен мүмкіндіктерді жіберіп алатын түріміз бар. Бұл әсіресе барлығымыздың алдымызда пандемия және оның ауыр әлеуметтік-экономикалық салдары секілді ортақ сын-қатер алдымызда тұрғанда аса маңызды.

Неге бұлай болып отыр? Біз ортақ қандай шешім жасау керекпіз? Тарихтың қандай сабақтары жайлы еске алу керек? Ең алдымен соғыстан кейінгі Үлкен Еуропа тарихы біздің ортақ контингентіміздің өркендеуі мен қауіпсіздігі барлық елдің бірігіп күш салуының арқасында ғана іске асатынын растап отыр. Біз осыны түсіну керекпіз. Ол елдердің қатарында Ресей де бар. Себебі Ресей Еуропадағы ең ірі мемлекеттің бірі. Біз Еуропамен мәдени және тарихи ажырамас байланысымызды жақсы сезініп отырмыз.

Біз әділ жасампаз өзара іс-әрекетке әркез ашықпыз. Мұны Атлантикадан Тынық мұхитына дейінгі ынтымақтастық пен қауіпсіздіктің бірыңғай кеңістігін құру туралы біздің идеямыз растап отыр. Ол идея Еуроодақ пен Еуразиялық экономикалық одақты қоса алғанда түрлі интеграциялық форматты қамтитын еді.

Тағы қайталаймын: Ресей Еуропамен көпмақсатты серіктестік орнатуды қолдайды. Бізде ортақ қызығушылық тудыратын тақырып өте көп. Бұл қауіпсіздік және стратегиялық тұрақтылық, денсаулық сақтау және білім беру, цифрландыру, энергетика, мәдениет, ғылым мен технологиялар, климат пен экологиялық мәселелерді шешу.

Әлем қарқынды дамып келеді және түрлі сын-қатерге тап болуда. Сондықтан біз өткеннің өкпесі мен ренішін, текетіресі мен қақтығысын болашаққа жүк етіп арқалап жүре алмаймыз. Бұл жүк бізге өзекті проблемаларды шешуге кедергі келтіреді. Бізге бұл қателіктерді мойындап, оны түзетуге тырысу керек. Біздің ортақ мақсатымыз – шекара сызығы жоқ континентальдік қауіпсіздікті, тең құқылы ынтымақтастықтың бірыңғай кеңістігін және Еуропа мен әлемнің өркендеуіне бағытталған жалпыға ортақ дамуды қамтамасыз ету.

31
Аспандағы ұшақ

Ресейде ұшақ құлап, бірнеше адам қаза болды

2161
Әуе кемесінің бортында барлығы жиырма адам болған, жетеуі көз жұмып, он үші жарақат алды

НҰР-СҰЛТАН, 19 маусым – Sputnik. Ресейдің Кемеров облысында ұшақ апатқа ұшырап, жеті адам қаза тапты, деп хабарлайды РИА Новости шұғыл қызметтерге сілтеме жасап.

Л-410 ұшағы Кемеров облысында апатқа ұшырады. Төтенше жағдай салдарынан 7 адам көз жұмды, 13 адам жараланды.

Посмотреть эту публикацию в Instagram

Публикация от Сергей Цивилев (@sergey_tsivilev)

Әуе кемесінің бортында барлығы 20 адам отырған.

ТЖ Промышленновский ауданында Журавлево ауылының маңында болды.

Оқиға орнына құтқарушылар мінген тікұшақ ұшып шықты, іздеу-құтқару жұмыстары жүргізілуде.

2161
Кілт сөздер:
ұшақ, Ресей
Тақырып бойынша
Украинада әскери ұшақ құлап, 25 адам көз жұмды
Ішінде 157 адам болған ұшақ апатқа ұшырады
Бішкектен шыққан ұшақ апатқа ұшырады: бір адам аман қалған
Бразилияда футболшылар мінген ұшақ апатқа ұшырады
Үркер сыйлығының сертификаты

Sputnik Қазақстанның екі тілшісі "Үркер" ұлттық сыйлығының шорт-парағына енді

0
Байқау 11 номинация бойынша өткізілуде, журналистерден барлығы 340 жұмыс келіп түскен

НҰР-СҰЛТАН, 22 маусым – Sputnik. "URKER-2021" Ұлттық бәйгесі номинанттарының шорт-парағы жарияланды. Оған сәйкес, Sputnik Қазақстанның тілшісі Ксения Воронина "Жылдың үздік репортажы", фототілші Владислав Воднев "Жылдың үздік фотосуреті" номинациясы бойынша тізімге енді.

Байқау 11 номинация бойынша өткізілуде, ал "Тәуелсіздіктің 30 жылдығына арналған үздік материал" номинациясы биылғы байқаудың жаңа номинациясы. Журналистерден барлығы 340 жұмыс келсе, солардың ішінде ең көп өтінім "Жылдың үздік сұхбаты", "Жылдың үздік танымдық материалы" және "Жылдың үздік аналитикалық материалы" номинациялары бойынша келіп түсті. Құрамына беделді журналистер, еліміздің шығармашылық интеллигенциясының өкілдері мене халықаралық медиаэкперттер енген қазылар алқасы үздік жұмыстарды анықтады.

Марапаттау рәсімі қарсаңында қазылар алқасының мүшелері ұлттық бәйге номинанттарын жариялады, шорт-параққа 44 номинант енді:

Жылдың үздік фотосуреті

  • Владислав Воднев Sputnik Қазақстан порталы
  • Мақсат Шағырбаев newsroom.kz порталы
  • Өмірбек Сансызбаев Massaget.kz порталы
  • Алихан Сариев Tengrinews.kz порталы

Жылдың үздік репортажы

  • Дина Литпин Adyrna порталы
  • Зарина Нокрабекова "Казахстанская правда" республикалық газеті
  • Ануар Абдрахманов BaigeNews.kz порталы
  • Ксения Воронина Sputnik Қазақстан порталы

Жылдың үздік аналитикалық материалы

  • Айбар Олжаев Nege.kz порталы
  • Жолдыбай Базаров "Егемен Қазақстан" газеті
  • Дина Имамбаева "Ақиқат" журналы
  • Азамат Галеев "Литер" газеті

Жылдың үздік журналистік зерттеуі

  • Ермекбай Заңғыров "Ана тілі" газеті
  • Рысбек Қыдырбек "Aiqyn" газеті
  • Дархан Нұрұмбетова BaigeNews.kz порталы
  • Юрий Масанов, Александр Воротилов "Курсив" газеті

Жылдың үздік сұхбаты

  • Жасмин Ризабекова STEPPE порталы
  • Тамара Вааль Vlast.kz порталы
  • Әлия Тілеужанқызы "Túrkistan" халықаралық газеті
  • Юлия Тен BaigeNews.kz порталы

Жылдың үздік танымдық материалы

  • Талғатжан Мұхаметбекұлы "ҚазАқпарат" халықаралық агенттігі
  • Өмірбек Сансызбаев Massaget.kz порталы
  • Алтынбек Құмырзақұлы "Қазақстан тарихы" интернет-жобасы
  • Мөлдір Мұқит STEPPE порталы

Радиостанциядағы үздік жоба:

  • "Қайырлы таң, Қазақ елі" "Қазақ" радиосы
  • "Новое утро" "NS" радиосы
  • "Жамбыл жолы" "Шалқар" радиосы
  • "Хроника Победы" "Алау" радиосы

Жылдың үздік жаңалықтар порталы:

  • іnbusiness.kz
  • informburo.kz
  • inform.kz
  • lsm.kz

Жылдың үздік газеті

  • "Курсив"
  • "TÚRKISTAN"
  • "Оңтүстік Қазақстан"
  • "Деловой Казахстан"

Жылдың үздік журналы

  • "Forbes Kazakhstan"
  • "Таң-Шолпан"
  • "Айгөлек"
  • "Ақиқат"

Тәуелсіздіктің 30 жылдығына арналған үздік материал

  • Рыиза Молдашева "Семей таңы" газеті
  • Лэйла Тастанова "Время" газеті
  • Альберт Ахметов zakon.kz
  • Айгүл Бисембинова "Вечерняя Астана" газеті

"URKER-2021" Ұлттық бәйгесінің жеңімпаздары 24 маусымда бұқаралық ақпарат құралдарының кәсіби мерекесі қарсаңында белгілі болады. Лауреаттарды марапаттау рәсімі "Қазмедиа" орталығында өтеді. Көрермендер марапаттау рәсімін urker-awards.kz ресми сайтынан тікелей эфирде тамашалай алады.

Жеңімпаздарға "URKER" естелік мүсіншесі және бір миллион теңге мөлшеріндегі ақшалай сыйлығы  табысталады.

Баспа, радио, интернет-журналистика саласындағы жетістіктері үшін берілетін қазақстандық ұлттық "URKER" сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

0
Кілт сөздер:
журналистика, журналист, сыйлық