Қаламсап ұстаған бойжеткен

Лавров Ресейде оқитын қазақстандық студенттердің мәселесі бір айда шешілетінін айтты

40
Лавровтың айтуынша, қазақстандық студенттердің Ресейге кіруіне мүмкіндік беретін нақты шарттар жақын арада анықталады

НҰР-СҰЛТАН, 9 қыркүйек – Sputnik. Ресей сыртқы істер министрлігі студенттердің Қазақстаннан Ресейге бару мәселесі бір ай ішінде шешіледі деп үміттенеді. Бұл туралы Ресей сыртқы істер министрі Сергей Лавров Қазақстанның сыртқы істер министрі Мұхтар Тілеубердімен бірлескен баспасөз мәслихатында айтты.

"Барлық елдің студенттеріне, соның ішінде Қазақстанға (Ресейге кіруге) мүмкіндік беретін нақты шарттар жақын арада анықталады. Көршіміздің бізге алғашқылардың бірі болып оқуға келгенін қалаймыз. Негізгі ойымыз, келетін студенттерді белгілі бір деңгейде топтастыру арқылы апта сайын жайғастыруды көздейміз. Бұл мәселе бір айдың ішінде шешіледі деп үміттенемін", – деді Лавров.

Оның айтуынша, тиісті шешімдер қабылдайтын жедел штаб бар.

"Бұл мәселе сыртқы саясат туралы емес, тіпті білім министрлігіне де тиесілі емес. Бұл ең алдымен, екі елдің санитарлық-эпидемиологиялық органдарының мәселесі. Біз шетелдік студенттерге қатысты туындаған проблеманы арнайы қарастырдық. Ресейде бір-екі жыл оқығандар да, университетке жаңадан түскендер де қалыпты оқу үдерісін жалғастырғысы келеді", – деді Ресей сыртқы істер министрі.

Сонымен қатар, министр Ресей мен Қазақстан шекараларын ашу уақыты эпидемиологиялық жағдайға байланысты екенін атап өтті.

"Ал шекаралардың ашылуына қатысты айтар болсам, бұл тек эпидемиологиялық органдарға байланысты. Тамыздың соңында Мәскеуде келіссөздер жүргізілді. Біз тезірек қалыпты өмірге оралғымыз келеді деген жалпы түсінік бар. Десек те, пандемия мен коронавирусқа қарсы күресіміз жақын арада мұны жасауға мүмкіндік береді деп үміттенемін", – деп түйіндеді ол.

Оқи отырыңыз: Мәскеуде ресейлік студенттер қазақ тілін не үшін үйреніп жатыр?

Айта кетейік, Қазақстанның сыртқы істер министрі Шанхай ынтымақтастық ұйымы Сыртқы істер министрлері кеңесінің отырысына қатысу үшін Мәскеуге барды. Бұл екі ел министрлерінің 2020 жылдың басынан бергі алғашқы кездесуі.

40
Кілт сөздер:
студенттер, Ресей
Тақырып:
Төтенше жағдай және карантин (665)
Тақырып бойынша
Нұр-Сұлтан әкімі студенттер мен магистранттарға грант бөлді
Жаңа оқу жылында студенттер қалай оқиды – білім министрі түсіндірді
Енді қазақстандық студенттер үйден шықпай-ақ оқу орнын ауыстыра алады
Сағынтаев кезекші сыныптарға студенттер сабақ береді деген ақпаратты жоққа шығарды
Студенттер шағымынан кейін "Астана" университетінде тексеріс басталды
Москва қазақша Анастасия Решетникова мен Елизавета Осипова

Видеоблог авторлары президент алғысына ие болды

43
(Жаңартылды 14:53 17.10.2020)
Қазақстан президенті жоба жетекшілеріне қазақ тілі мен мәдениетін насихаттағаны үшін ризашылығын білдірді

НҰР-СҰЛТАН, 17 қыркүйек – Sputnik. Қазақстанның Ресейдегі елшісі Ермек Көшербаев "Москва қазақша" видеоблогының авторлары Анастасия Решетникова мен Елизавета Осиповамен кездесті. Елші оларға президент Қасым-Жомарт Тоқаевтың алғыс хатын табыс етті, деп хабарлайды Sputnik  Қазақстан.

Мұндай ақпарат елшіліктің Facebook-тегі ресми парақшасында жарияланды.

"Сіздер қазақ тілін жетік меңгеріп, "Москва қазақша" блогының көмегімен оның танымал болуына үлкен үлес қосып келесіздер. Қазақстан мен Ресей арасындағы мәдени-гуманитарлық байланыстарды нығайтатын игі істеріңіз қолдауға ие және кеңінен танымал. Қазақ мәдениетін насихаттағандарыңыз үшін өз ризашылығымды білдіремін", – делінген алғыс хатта. 

Ал қыздардың өздері Қазақстан президентінен алғыс хат аламыз деп күтпеген.

"Жобамызды бастағанда мұндай жоғары марапат туралы ойламадық. Біз оны шын пейілмен жасаймыз. Мұндай марапатқа ие болу өте маңызды әрі бұл екіжақты қатынастарды дамыта түседі", – дейді Осипова.

Айта кетейік, Елизавета Осипова мен Анастасия Решетникова Мәскеу мемлекеттік лингвистикалық университетін (ММЛУ) бітірген. Олар қазақ тілін шет тілі ретінде оқыған. Оқып, үйренгендерін ұмытып қалмау үшін қыздар 2018 жылдың қараша айында видеоблог жүргізуді қолға алады.

Жоба авторлары Sputnik Қазақстанға университеттегі алғашқы сабаққа дейін қазақша мүлдем білмегендерін айтқан. Сондай-ақ, өткен жылы мәскеулік бойжеткендер халық шаруашылығы жетістіктерінің көрмесі сайтында видео түсіріп, қонақтарды Қазақстан павильонына шақырған.

Оқи отырыңыз: "Табиғи әрі дұрыс процесс" Ресей елшісі қазақ тілі туралы ойын айтты

Сонымен қатар, олар Қазақстанға келіп, Алматы мен Шымкент туралы да видео түсірген.

43
Кілт сөздер:
алғыс айту, Мәскеу, қазақ тілі
Тақырып бойынша
Астаналықтар қала тұрғынының қазақ тілі туралы сұрағына ду қол шапалақтады
"Қазақ тілі болуы тиіс" Тоқаев үштілділікке қатысты ұстанымын айтты
Қазақ тілі мұғалімі бар: Қордайда қаза болғандардың аты-жөні жарияланды
Нұр-Сұлтанда қазақ, ағылшын тілі курстары тегін оқытылады
"Қазақ тілі – қазақтың жаны" Тоқаев латын әліпбиіне қатысты ұстанымын ашық білдірді
Ресейдің сыртқы істер министрі Сергей Лавров

ЕАЭО аясындағы байланысты нығайту мәселесі сөз болды

40
(Жаңартылды 16:20 14.10.2020)
Ресейдің сыртқы істер министрі ТМД елдері арасында экономикалық, әлеуметтік, гуманитарлық, білім беру жобалары жүзеге асырылып жатқанын айтты

НҰР-СҰЛТАН, 14 қазан — Sputnik. Еуразиялық экономикалық одақ пен Шанхай ынтымақтастығы ұйымына мүше елдер байланысты нығайтуы керек. Бұл туралы Ресейдің сыртқы істер министрі Сергей Лавров мәлімдеді.

Ол Sputnik радиосына берген сұқбатында Ресейдің өзара сыйластық негізінде байланыс орнатқан серіктестері бар екенін атап өтті.

"Бізде әскери-саяси саладағы Ұжымдық қауіпсіздік туралы шарт ұйымы бар. ТМД елдері арасында экономикалық, әлеуметтік, гуманитарлық, білім беру жобалары жүзеге асырылып жатыр. Бұған қоса, Шанхай ынтымақтастық ұйымы мен Еуразиялық экономикалық одақ бар екенін білесіздер. Оларды нығайту керек", - деді Сергей Лавров.

Лавров Ресей президентінің тиісті тапсырмасы үкіметте қаралып жатқанын жеткізді

"Әрине, біз бұл жобалардың тартымды, сәтті болуына мән беруіміз керек. Меніңше, Батыстың бізге берген бағасына тәуелді болмауымыз қажет", - деді ресейлік министр

40
Тақырып бойынша
Қазақстандықтар ЕАЭО-дағы ең бақытты халық атанды – әлемдік рейтинг 
Лавров Ресейде оқитын қазақстандық студенттердің мәселесі бір айда шешілетінін айтты
Әлем бөлектенуден шаршады - Лавров
Мамин ЕАЭО-ның бәсекеге қабілеттілігін нығайту бастамасын көтерді
Лавров Путиннің мәлімдемесін оқып берді – видео
Тоқаев бас прокурорға тапсырма берді

Тоқаев бас прокурорға тапсырма берді

14
(Жаңартылды 21:50 19.10.2020)
Мемлекет басшысына бизнесті қорғау және бақылаушы органдар тарапынан кәсіпкерлік қызметке заңсыз кедергі келтірудің жолын кесу жұмыстары туралы баяндалды

НҰР-СҰЛТАН, 19 қазан – Sputnik. Мемлекет басшысы бас прокурор Ғизат Нұрдәулетовті қабылдады. Қасым-Жомарт Тоқаевқа прокуратура органдары қызметінің басым бағыттары бойынша атқарылған жұмыстар қорытындылары туралы есеп берілді.

Ғизат Нұрдәулетов президенттің қылмыспен күресті күшейту, құқық қорғау және өзге де органдардың құқықтық тәртіпті қамтамасыз ету қызметін үйлестіру жөнінде жүктеген тапсырмаларының орындалу барысы туралы баяндады. Оның айтуынша, өткен кезеңде елімізде қылмыс көлемі үш есеге жуық азайған. Ұрлық, қарақшылық шабуылдар, тонау және бұзақылық қылмыстары екі есе аз тіркелген.

Бас прокурор заңдылықты сақтауды қадағалау барысында прокурорлар сотқа дейінгі тергеу ісі бойынша 63 тұлғаға қатысты негізсіз қылмыстық қудалаудың тоқтатқанын айтты. Сондай-ақ, тергеу мерзімін тоқтату және кейінге шегеру жөніндегі 17 мың заңсыз қаулының күшін жойғанын жеткізді.

Мемлекет басшысына бизнесті қорғау және бақылаушы органдар тарапынан кәсіпкерлік қызметке заңсыз кедергі келтірудің жолын кесу жұмыстары туралы баяндалды.

Сонымен қатар Қасым-Жомарт Тоқаевқа әлеуметтік-экономикалық саладағы заңдылықты қамтамасыз ету, сондай-ақ, мемлекеттік органдардың жекелеген саладағы қызметін реттейтін  заңнаманы сақтау жөніндегі тексерулердің нәтижелері бойынша прокурорлардың қабылдаған шаралары туралы мәлімет берілді.

Кездесу қорытындысы бойынша президент бас прокурорға бірқатар нақты тапсырма берді.

14
Кілт сөздер:
прокурор, Қасым-Жомарт Тоқаев
Тақырып бойынша
Назарбаев Тоқаев неге президент болғанын айтып берді
Қазақстан бұрын-соңды болмаған дағдарысты бастан өткеруде – президент
Тоқаев кадрлық ауыс-түйіс жасады
Тоқаев елдегі эпидемиологиялық ахуалға қатысты Маминге тапсырма берді
Тоқаев құтқарушыларды кәсіби мерекемен құттықтады