Дмитрий Козак

Козак "норманд төрттігі" аясындағы кездесудің нәтижесі туралы айтты

27
Сейсенбі күні Берлинде "норманд төрттігі" көшбасшыларының саяси кеңесшілерінің украиналық реттеу жөніндегі келіссөздері өтті

НҰР-СҰЛТАН, 13 қаңтар — Sputnik. РФ президентінің әкімшілігі басшысының орынбасары Дмитрий Козак Берлинде өткен "норманд төрттігі" саяси кеңесшілерінің кездесуін пайдалы деп атағанмен, нәтижесі мақтануға тұрарлықтай емес екенін айтты, деп жазады РИА Новости. 

"Өкінішке қарай, мақтанатындай ештеңе жоқ. Бүгінгі кездесу несімен ерекшеленгенін айта аламын. Бұл минскілік келісімдерді, париждік саммит қорытындыларын саяси құраушы жағынан жүзеге асыру мәселелері бойынша ашық пікір алмасу болды. Алайда, соңғы шешімге келе алмадық", - деді Козак журналистерге.

Оның айтуынша, тараптар байланыс тобы аясында жалпыға ортақ реттеулер бойынша жол картасының бағыттарын жүзеге асырудың "жаңа принциптері мен әдістерін" әзірледі. Козак ресейлік делегация бұл кездесуді "пайдалы" деп санайтынын, тараптар әдіс-тәсілдермен алмасқанын, "бірақ, ақырғы шешім әлі жоқ" екенін баса айтты.

Сондай-ақ, ол "Норманд форматындағы" елдер көшбасшыларының саяси кеңесшілері және "төрттіктің" (Ресей, Германия, Франция, Украина) СІМ өкілдері кезекті кездесу жөнінде келіскенін хабарлады.

"Соңғы шешімге келе алмадық. "Жол картасын" қалыптастырудың жаңа әдіс-тәсілдерін әзірлеу жөнінде келісімге келдік. Біз бұл мәселелердің барлығын екі аптадан кейін қайта талқылайтын болдық", - деді Козак.

Президент әкімшілігінің өкілі атап өткендей, "саяси кеңесшілер мен СІМ өкілдері" қатысатын бұл ресми жиын онлайн форматта өтеді.

Журналистерге сұқбат берген Дмитрий Козак Донбастағы атыстар мен Украина мәселесіне қатысты ойымен бөлісті.

"Донбаста оқ атып, соғыс әрекеттерін қайта бастау Украина үшін өз-өзіне қол жұмсаумен тең болар еді. Сондықтан, Украина соғыс әрекеттерін қайта бастауы екіталай. Жаздан бері бұл аймақта оқ атуды тоқтату біршама сақталып келеді", - деді Дмитрий Козак.

Ол АҚШ президентінің ауысуының Украинадағы текетіресті реттеуге ықпал ету мүмкіндігі туралы пікір білдірді.

"Мұны болжау біршама күрделі. Түрлі процестер жүріп жатыр. Естіген боларсыздар, бүгін украиналық бір топ азамат Америкадағы сайлауға араласты деп айыпталып отыр. Ол азаматтар жеңіске жеткен үміткердің мүддесін қорғамаған, керісінше. Сондықтан, бұл процестер қалай аяқталатынын мен білмеймін", - деді Дмитрий Козак.

РФ президенті әкімшілігі басшысының орынбасары жаңа сайланған президент Джо Байден бұрынғы көшбасшы Барак Обаманың сыртқы саясатында Украина мәселесіне жетекшілік жасағанын еске салды.

"Негізі, бірдеңе өзгеруі керек шығар. Бірақ, бұл жерде болжау... АҚШ тәуелсіз мемлекет. Ол сыртқы саясатын өз бетінше жүзеге асырады", - деді Козак.

Сейсенбі күні Берлинде "норманд төрттігі" көшбасшыларының саяси кеңесшілерінің украиналық реттеу жөніндегі келіссөздері өтті. 2019 жылғы Париж саммитінің қақтығысты саяси реттеу бойынша қорытындыларын іске асыруды талқылау кездесуге негіз болды.

2019 жылдың 9 желтоқсанында Парижде өткен "норманд форматы" саммитінде тараптар бірлескен коммюнике қабылдап, Донбасстағы жағдайды реттеу бойынша жұмысты жалғастыру үшін төрт айдан кейін Берлинде кездесу туралы келісті. Құжатта Минск келісімдері "норманд форматындағы" жұмыстар үшін негіз болып қала беретіні көрсетілген. Сондай-ақ, 2020 жылдың наурыз айының соңына дейін Донбасстағы үш жаңа орындағы күштерді тарату көзделген. 

27
БАҚ өкілдері, архивтегі фото

Ресейлік журналистер Латвиядағы орыс тілді БАҚ-ты қудалауға наразылық білдірді

24
Бутина кісен салынған қолымен "Қатаң режимдегі сөз бостандығының абақтысы" деген жазу жазылған плакат алып шықты. Вышинский де журналистерді қудалуды тоқтатуды талап етіп отыр

НҰР-СҰЛТАН, 26 қаңтар – Sputnik. Адам құқықтары жөніндегі кеңес мүшесі, "Россия сегодня" медиа тобының атқарушы директоры Кирилл Вышинский мен Америка түрмесінен босап шыққан Ресей азаматы, қоғамдық палата мүшесі Мария Бутина Латвия мен Балтық маңы елдеріндегі ресейлік БАҚ-қа қарсы қудалау әрекеттеріне наразылық белгісі ретінде Латвияның Мәскеудегі елшілігі жанында жалғыз адамдық пикетке шықты, деп хабарлады РИА Новости.

Бутина кісен салынған қолымен "Қатаң режимдегі сөз бостандығының абақтысы" деген жазу жазылған плакат алып шықты. Вышинский де журналистерді қудалуды тоқтатуды талап етіп отыр.

"Өкінішке қарай, қолыма тағы да кісен салуыма тура келді. Мен мұны жасағым келмеді. Бірақ, басқа амал жоқ. Бұл ресейлік БАҚ-пен серіктестік орнатқаны үшін қудалауға тап болған Латвиядағы өз отандастарымызға, әріптестерімізге ниеттестігіміздің белгісі", - дейді Бутина

Қоғам белсендісі Латвиядағы жағдайды сөз бостандығы мен адам құқықтарын таптау деп бағалады.  

"Латвияда журналистердің ғана емес, біздің отандастарымыздың да құқықтары тапталып жатыр. Журналистің басты ережесі – оның ішкі ой-нанымына сәйкес келетін редакцияны таңдау мүмкіндігін аяқ асты етіп жатыр. Латвияда биліктің еуропалық санкциялар ұғымын өз қалауларынша қолдануын біз ғана, ресейлік СІМ ғана емес, біздің елді аса ұнатпайтын "Репортеры без границ" ұйымы да анықтап отыр", - деді Вышинский.

Желтоқсанда орыс тілді латвиялық журналистерге, соның ішінде, Baltnews және Sputnik.Латвия порталдарымен серіктестік орнатқан тілшілерге Латвияның Қылмыстьық заңының 84-бабы – "Еуроодақ санкциялары режимін бұзу" бойынша айып тақты. Жаза түрі ақшалай айыппұлдан бастап түрмеге жабуға дейін болуы мүмкін. Журналистердің пәтерінде тінту жүргізіп, ешқайда шықпау туралы қолхат алды. Baltnews және Sputnik.Латвия порталдары "Россия сегодня" халықаралық ақпарат агенттігімен байланыс орнатқан.

Ресей СІМ Латвиядағы Sputnik тілшілерін қудалауға қатысты пікір білдірді

Ресейлік СІМ орыс тілді журналистерге қатысты Латвия билігінің әрекетін демократиялық қоғамның негіздері болып табылатын сөз бостандығы мен пікір білдіру еркіндігін елемеудің айқын мысалы деп атады. Ресей Федерациясының дипломатиялық ведомствосында санкциялар тек "Россия сегодня" ХАА бас директоры Дмитрий Киселевқа қатысты екенін және медиахолдингпен ынтымақтастық орнатқанның барлығына қатысты емес екенін айтты. "Россия сегодня" ХАА бас редакторы және RT маман Маргарита Симоньян орыс тілді журналистерге қарсы қылмыстық іске байланысты Ресей жауап беретініне сенім білдірді.

24
Ресей президенті Владимир Путин

Путин зәулім сарай туралы сұраққа жауап берді

103
Ресей президенті Алексей Навальныйдың фильмін компиляция және адамдардың "санасын шаюға" тырысу деп атады

НҰР-СҰЛТАН, 25 қаңтар – Sputnik. Ресей президенті Владимир Путин оппозиционер Алексей Навальный өз зерттеуінде айтқан "Геленджиктегі сарай" туралы сұраққа жауап берді, деп хабарлайды РИА Новости.

Сұрақ Ресей студенттері күніне орай ұйымдастырылған университеттегі кездесу кезінде қойылды.

"Сіздің сұрағыңызға бірден жауап бергім келіп тұр. Ол жерде менің меншігім ретінде көрсетілгеннің ешқайсысы маған да, менің жақын туыстарыма да тиесілі емес және ешқашан тиесілі болмаған. Ешқашан", - деп жауап берді Путин.  

Ол сондай-ақ, бұл көптен бері көпірте айтылып келе жатқанын, "азаматтардың санасын шаю" үшін толықтырылып отырғанын мәлімдеді.

"Бұл ақпарат он жылдан астам уақыттан бері көпірте айтылып келе жатыр. Қалай болғанда да, қазір өте ыңғайлы уақыт, бәрін жинап, осы материалдармен біздің азаматтарымыздың санасын шайып тастауға шешім қабылдады. Оны интернетте жариялаған – онда қандай да бір фильмдер, видео бағдарламалар бар", - деді президент.

Төрт мыңға жуық адам жиналған: Мәскеу алаңында не болып жатыр

Сондай-ақ, Ресей басшысы фильмді құрастыру кезінде халықты адастыру мақсатында монтаж қолданылғанын мәлімдеді.

"Олар менің баттерфляй стилінде жүзіп жүрген суретімді жариялады. Кейде осылай жүзгенді ұнатамын. Бірақ ол бассейнде ешқашан болмағанмын. Неғылған бассейн екенін білмеймін. Бірақ осылай жүздім. Қашан және қайда? 2016 жылы Енисейде. Сондықтан бұл компиляция, монтаж", - деп түйіндеді Путин.

103
Кілт сөздер:
Владимир Путин
Владимир Путин, архивтегі сурет

Жаңа лауазымдағы алғашқы әңгіме: Путин Байденмен телефон арқылы сөйлесті

0
(Жаңартылды 09:06 27.01.2021)
Владимир Путин Ресей мен АҚШ арасындағы қатынастарды қалыпқа келтіру екі елдің мүддесіне сай келеді деп санайды

НҰР-СҰЛТАН, 27 қаңтар – Sputnik. Ресей президенті Владимир Путин жуырда ғана АҚШ президенті қызметіне кіріскен Джо Байденмен алғаш рет телефон арқылы сөйлесті.

Кремльдің баспасөз қызметінің хабарлауынша, Ресей басшысы әріптесін жаңа лауазымдық қызметінің басталуымен құттықтады.

Путин Ресей мен АҚШ арасындағы қатынастарды қалыпқа келтіру екі елдің мүддесіне сай келетінін, халықаралық қоғамдастық пен әлемдегі қауіпсіздітің әрі тұрақтылықтың сақталуында жауапкершілігі зор екенін атап өтті.

"Сондай-ақ, Ресей мен АҚШ көшбасшысы СНВ-3 келісімін ұзарту бойынша дипломатиялық ноталар алмасқанына "қанағаттанатындығын" білдірді", – делінген хабарламада.

Путин мен Байден қазіргі кездегі екіжақты және халықаралық мәселелерді талқылап, коронавирусқа қарсы күресте және басқа салаларда ынтымақтастық мүмкіндіктері туралы пікір алмасты.

"Халықаралық тақырыптар арасында АҚШ-тың "Ашық аспан" келісімінен біржақты шығуы, Иранның ядролық бағдарламасы бойынша бірлескен іс-қимыл жоспарын сақтау проблемасы, Украинаның ішкі реттелуі, сондай-ақ Ресейдің БҰҰ Қауіпсіздік Кеңесі тұрақты мүшелерінің саммитін өткізу туралы бастамасы сынды мәселелер қозғалды", – деп атап өткен Кремль.

Тараптар арасындағы жалпы әңгіме іскерлік бағытта және ашық өрбіген.

Оқи отырыңыз: Путин зәулім сарай туралы сұраққа жауап берді

Бұған дейін Путин АҚШ президенті Джо Байденді тәжірибелі саясаткер деп атаған болатын.

"Ол өте тәжірибелі адам және өмір бойы саясатта болған. "Патшаны оның нөкерлері жасайды" деген қағидаға сүйенсек, ендігі мәселе оның маңайында қандай команда қалай құрылуына байланысты", – деді Путин Байденмен қарым-қатынасына қатысты сауалға жауап беру барысында.

Айта кетейік, 2021 жылы 20 қаңтарда Джо Байден ант беріп, АҚШ президенті қызметіне кірісті.

0
Кілт сөздер:
АҚШ, Владимир Путин
Тақырып бойынша
АҚШ-ты ДДҰ-ға қайта қосты. Байден тағы қандай шешім қабылдады – видео
Өзім үшін әлі шешім қабылдамадым – Путин 2024 жылғы сайлауға қатысу туралы  
Джо Байден Америка экономикасын құрдымға кетіре ме?
Путин, Әлиев және Пашинян Қарабақ туралы бірлескен мәлімдемеге қол қойды
Тоқаев пен Путин телефон арқылы сөйлесті