БАҚ өкілдері

Бутина Латвиядағы журналистерді қолдап жалғыз адамдық пикетке шықты

19
Бұл шара Ресей Федерациясы мен Швеция СІМ басшыларының келіссөздер жүргізуі басталмас бұрын өтті

Америка түрмесінен босап шыққан ресейлік, Қоғамдық палата мүшесі Мария Бутина Латвиядағы журналистерге қысым көрсету және сөз бостандығындағы дағдарысқа қоғам назарын аудару үшін сыртқы істер министрлігінің Қабылдау үйі жанында жалғыз адамдық пикетке шықты, деп хабарлайды РИА Новости.

Бұл акция Ресейдің сыртқы істер министрі Сергей Лавров пен ҰҚШҰ-ның қазіргі төрағасы – Швецияның СІМ басшысы Анн Линдемен келіссөздер жүргізу басталар алдында өтті.

"Мен Латвиядағы біздің отандастарымызға, журналистерге қатысты болып жатқан заңсыздықтарға оның (Линденің – редакция ескертпесі) назарын аудару үшін осында келдім. 3 желтоқсан күні жеті адамға тінту жүргізді. Ресейлік БАҚ-пен серіктестік орнатқаны үшін оларға қатысты қылмыстық іс қозғады", – деді журналистерге Бутина.

Оның айтуынша, латвиялық билік адамдардың аузын жауып, пікір білдіру құқығынан айырғысы келеді.

"Бір ғана көзқарас "билік" ететін әлемді елестету қорқынышты. Сондықтан, мен бүгін осы жерге келдім", – деді Бутина.

Ол Еуропа азаматтарының құқықтары мен бостандығының кепілі болып табылатын ЕҚЫҰ-ға Ресей осы мәселе бойынша бірнеше рет хабарласып, түсініктеме беруді сұрағанын еске салды. Бірақ, жауап болған жоқ.

"Біз сол жауапты талап етеміз. Бүгін менің осында қолыма плакат ұстап келуім әрекет етуге септігін тигізеді деп үміттенемін. ЕҚЫҰ Латвиядағы отандастарымызға қатысты болып жатқан жағдайды сынға алып, сәйкес шаралар қабылдауы керек", – деді Бутина.

Оның қолындағы плакатта "Латвиядағы журналистерге қысым көрсетуді тоқтатыңдар" деп жазылып тұр.

Балтық елдерінің билігі ресейлік БАҚ-тың жұмысына тұрақты түрде кедергі келтіреді. Ресейлік СІМ атап өткендей, Таллин, Рига және Вильнюс әрекеттерінде үйлесімділік белгілері бар.

Желтоқсанда орыс тілді латвиялық журналистерге, соның ішінде, Baltnews және Sputnik.Латвия порталдарымен серіктестік орнатқан тілшілерге Латвияның "Еуроодақ санкциялары режимін бұзу" бойынша айып тақты. Жаза түрі ақшалай айыппұлдан бастап түрмеге жабуға дейін болуы мүмкін. Журналистердің пәтерінде тінту жүргізіп, ешқайда шықпау туралы қолхат алды. Baltnews және Sputnik.Латвия порталдары "Россия сегодня" халықаралық ақпарат агенттігімен байланыс орнатқан. Бұл БАҚ үшін мақала жазатын латвиялық журналистер мекеме қызметкерлері емес, тек штаттан тыс авторлар ретінде жұмыс істейді.

Оқи отырыңыз: Латвияда журналистер үйінде тінту жүргізіліп жатыр - видео

Ресейлік СІМ орыс тілді журналистерге қатысты Латвия билігінің әрекетін демократиялық қоғамның негіздері болып табылатын сөз бостандығы мен пікір білдіру еркіндігін елемеудің айқын мысалы деп атады. Ресей Федерациясының дипломатиялық ведомствосында санкциялар тек "Россия сегодня" ХАА бас директоры Дмитрий Киселевқа қатысты екенін және медиахолдингпен ынтымақтастық орнатқанның барлығына қатысты емес екенін айтты. "Россия сегодня" ХАА бас редакторы және RT маман Маргарита Симоньян орыс тілді журналистерге қарсы қылмыстық іске байланысты Ресей жауап беретініне сенім білдірді.

19
Кілт сөздер:
баспасөз, бақ
Тақырып бойынша
SputnikPro вебинары: мамандар БАҚ-ты қалай ілгерілету керек екенін түсіндіреді
Түркия президенті WhatsApp-тан бас тартты - БАҚ
Министр БАҚ өкілдерінің дара қасиетін атады
Ресейлік журналистер Латвиядағы орыс тілді БАҚ-ты қудалауға наразылық білдірді
Қазақстанда 2022 жылы БАҚ туралы заң әзірленеді
и песчаными дюнами

Ресей Аралды құтқару қорын қолдау үшін арнайы бағдарлама әзірлеп жатыр

13
Қазақстан мен Ресейдің сарапшылары Жайық өзенінің экожүйесін сақтау бойынша ынтымақтастық бағдарламасына қол қойды, Ертіс өзені бойынша да осындай келісімдер жасалды

НҰР-СҰЛТАН, 2 наурыз – Sputnik. Ресей Федерациясында Аралды құтқару халықаралық қорына қолдау көрсету бойынша арнайы бағдарлама әзірленіп жатыр. Бұл туралы Ресейдің Қазақстандағы елшілігі хабарлады.

Бұл бағыттан бөлек, жоба су шаруашылығын дамытуға және 2021-2030 жылдары Орталық Азия елдерінің климаттық  тұрақтылығын нығайтуға бағытталған.

"Бұл Ресейдің тиісті өңірлік жобаларды іске асыруға қатысу арқылы Қазақстанмен экология саласындағы диалогты одан әрі кеңейтуге мүдделі екендігін білдіреді", - делінген елшіліктің сайтында жарияланған хабарламада.  

Сондай-ақ Қазақстан мен Ресей арасында экология және қоршаған ортаны қорғау саласында сындарлы диалог құрылғаны аталып өткен.

"Біздің елдеріміздің президенттері екіжақты ынтымақтастықтың осы бағытына ерекше назар аударады. Салалық ведомстволар тұрақты байланыс орнатқан, қоршаған ортаны қорғау мәселелері жөніндегі Ресей-Қазақстан аралас комиссиясы, Жайық трансшекаралық өзені бассейнінің экожүйесін сақтау жөніндегі Ресей-Қазақстан комиссиясы табысты жұмыс істеп жатыр", - делінген хабарламада.

Күн тәртібінде трансшекаралық өзендердің бассейндерін жақсарту, ақбөкен мен Каспий итбалықтарының популяциясын сақтау, жасанды қорғаныш орман белдеулерін құру, өрт сөндіру ұйымдарының бірлескен оқу-жаттығуларын өткізу, ауру ошақтарының алдын алу мен жою бойынша өзара іс-қимыл мәселелері тұр.    

Сонымен қатар, 2020 жылдың желтоқсан айының соңында 2021-2024 жылдарға арналған Жайық трансшекаралық өзені бассейнінің экожүйесін сақтау және қалпына келтіру бойынша Ресей-Қазақстан ынтымақтастық бағдарламасына қол қойылды.

Құжат экожүйені қалпына келтіру, ластану көздерін анықтау, су өткізгіштерді қайта құру, су объектілерін тазарту және қалпына келтіру бойынша ғылыми негізделген ұсыныстар әзірлеуді көздейді.  

"Ертіс өзені бойынша да осындай келісімдер жасалды, сарапшылар бассейннің гидрохимиялық және гидрологиялық жағдайыне талдау жасайды. Бұл бағдарламаларға қол қою Ресей-Қазақстан қатынастарының маңызды кезеңі деп санаймыз", - деп мәлімдеді дипломатиялық миссия.

13
Жаяу жүргінші, архивтегі сурет

Астраханда жартылай жалаңаш жүргізуші екі адамды қағып кетті

725
(Жаңартылды 13:06 01.03.2021)
Дереккөздің хабарлауынша, оның бойынан мас күйге тән белгілер байқалған, ол медициналық тексерістен өтуден бас тартқан

НҰР-СҰЛТАН, 1 наурыз – Sputnik. Астраханда жартылай жалаңаш күйде шетелдік көлік тізгіндеген жүргізуші жаяу жүргіншілерді қағып кетті, деп хабарлайды РИА Новости.

Аймақтық құқық қорғау органының өкілдері ұсынған дерекке сүйенсек, оқиға жексенбі күні таңертең Адмиралтейская көшесінде болған.

"Hyundai Solaris көлігі жаяу жүргіншілерге арналған жолақпен екі адамның өтіп кетуін күтіп тоқтағанда, оның артқы сол жақ тұсынан жоғары жылдамдықпен Toyota Camry көлігі соғады. Соққының күштілігінен сырғыған Camry жаяу жүргіншілерді баудай түсіріп, бағанаға тірелген", – делінген ақпаратта.

Апат салдарынан 1983 жылы туған әйел бас-ми жарақатын алып, аяғы сынған. Ал оның 1977 жылы туған күйеуі басынан жарақат алады, оның жамбас сүйегі сынған. 

Жол апатына кінәлі көліктің жүргізушісі айтарлықтай жарақат алмаған. Дереккөздің хабарлауынша, оның бойынан мас күйге тән белгілері байқалған. Ол медициналық тексерістен өтуден бас тартқан.

"Ол жартылай жалаңаш болды және оқиға орнына келген полиция қызметкерлеріне қарсылық көрсетті", – делінген хабарламада.

Ал кейбір бұқаралық ақпарат құралдары жол апатын жасаған жүргізуші жергілікті депутаттың ұлы, ал жарақат алғандар әскери прокурор мен оның әйелі болуы мүмкін деген ақпарат таратты.

Экс-депутаттың ұлы екені расталды

Кейіннен БАҚ өкілдеріне облыс губернаторының баспасөз қызметі жаяу жүргіншілерді қаққан көлік жүргізушісінің әкесі Астрахан облыстық думасының бұрынғы депутаты болғанын растады.

Оқи отырыңыз: "Құдай сақтаған": Петропавлда жаяу жүргінші өлім аузынан қалды - видео

"Жол апатына кінәлі адамның әкесі бесінші шақырылым депутаты болған. Алайда, ол қазіргі уақытта дума депутаты емес", – делінген баспасөз хабарламасында.

725
Кілт сөздер:
жарақат, жол апаты
Тақырып бойынша
Алматыда жаяу жүргінші өзін қаққан көліктің артқы терезесінен бір-ақ шықты
Павлодарда бүлдіршін 6-қабаттан құлап кетті: жаяу жүргінші құтқарып қалды
Қостанайда жаяу жүргінші 5-қабаттан құлаған баланы қағып алды
Жаяу жүргінші жол үстінде әжей мен әйелдің кеудесінен ұрып кетті – видео
Атырауда көліктің алдынан жүгіріп шыққан жаяу жүргінші видеоға түсіп қалды