Ресейлік тергеу комитетінің көлігі

Екі баласын өлтірген мәскеулік әйелдің ондай әрекетке бару себебі айтылды

1529
(Жаңартылды 11:06 22.02.2021)
Әйел адамның аяқ астынан жүйкесінің сыр беруіне күйеуінің ұзақ уақыт науқастанып жатқаны себеп болуы мүмкін

НҰР-СҰЛТАН, 22 ақпан – Sputnik. Өзінің екі баласын өлтірген Мәскеу тұрғынының бұл әрекетіне аяқ астынан ақылынан адасуы себеп болуы ықтимал, деп жазады mk.ru.

Басылым мәліметі бойынша, балалардың ата-анасы 12 жылдан бері некеде тұрған. Олардың туыстары отбасында қандай да бір проблема болмағанын айтады. Декреттік демалысқа шыққанға дейін әйел балалар дүкенінің меңгерушісі міндетін атқарса, оның жолдасы коммерциялық фирмада ІТ-бөлімнің басшысы болған.

Басылым ақпаратына сәйкес, әйел адамның аяқ астынан ақылы адасуы қайғылы оқиғаға себеп болған. Ол ас бөлмесінде тағам әзірлеп жатқан жерінен кілт тоқтап, өзінің екі баласын өлтірген де, содан соң өзіне қол жұмсауға тырысқан. Бірақ жарақаты жанына батып, өзі жедел жәрдем шақырған.

Ал жұмыстан үйге оралған отағасы балаларының әлдеқашан көз жұмғанын білмеген. Ол балалар ұйықтап жатыр деп ойлап, кешкі ас әзірлеген. Сол уақытта жедел жәрдем қызметі келген. Үй иесі дәрігер шақырмағанын айтқанмен, медицина қызметкерлері үйге кіріп, тұншықтыру арқылы өлтірілген балаларды және қансырап жатқан олардың анасын көрген. Әйел адам шұғыл ауруханаға жатқызылып, есін жиған соң ұлы мен қызын өлтіргенін мойындады.

Оқи отырыңыз: "Бұл еліміздің қасіреті": Тоқаев Жаңатастағы балалар өлімі туралы айтты

Мәскеу тұрғынының аяқ асты болған психикалық ауытқуына былтыр күзде жолдасының ұзақ уақыт коронавируспен ауырып, төсек тартып жатуы себеп болған деген болжам бар. Балалардың анасы бірнеше апта бойы отбасындағы барлық ауыртпалықты өзі көтерген. Осының салдарынан депрессия пайда болуы мүмкін.

Бұған дейін тергеу комитетінде атап өткендей, 2021 жылдың 20 ақпанында Мәскеудегі пәтерлердің бірінде әйел өзінің 3 және 11 жастағы баласын тұншықтырып өлтірген. Одан кейін ол өзінің мойнын жарақаттаған. Күдікті аурухана жеткізіліп, оған тиісті көмек көрсетілді.

1529
Кілт сөздер:
Ресей, балалар өлімі
Тақырып бойынша
Көпбалалы ананың өлімі: перзентхананың үш дәрігері сотталды
Аягөз интернатындағы төрт баланың өлімі: сот дәрігерлерге үкім шығарды
Жанболат Ағаділ өлімі: полиция қылмыстық іске қатысты ақпарат жариялады
Курсант өлімі: өзге ата-аналар да академиялардың былық-шылығы туралы айтты
Тоңазытқыштағы сәби өлімі: сотталғандардың әріптестері сот үкімін жеңілдетуді сұрады
Танк Т-14 Армата в Москве перед началом репетиции военного парада на Красной площади

Ресейлік жаңа танк қандай болады

90
Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі

"Бумеранг" бірыңғай броньды платформасы базасында алғашқы ресейлік дөңгелекті танк құрастырылмақ. Келешегі зор шассидің сипаттамалары оған "Спрут-СД" өздігінен жүретін танктегідей тегіс ұңғылы зеңбіректі қару-жарақ кешенін орнатуға мүмкіндік береді, деп түсіндірді "Әскери-өнеркәсіптік компания" бас директоры Александр Красовицкий. 

Красовицкийдің айтуынша, "Бумеранг" бірыңғай дөңгелекті платформасын құрастыру аяқталып қалды. Оның негізінде әзірленген К-16 броньды тасымалдағыштың мемлекеттік сынақтары жыл соңына дейін өтеді деп жоспарланған, деп жазады РИА Новости.

Инженерлердің сөзінше, конструкциясында ғылым мен техниканың ең заманауи жетістіктері қолданылған. Одан кейінгі жоспарда болашағынан үлкен үміт күттіретін К-17 броньды жаяу әскер машинасын, арнайы мақсаттағы техникалар мен басқа да үлгілерді сынақтан өткізу бар. "Әскери-өнеркәсіптік компанияның" бас директоры "Бумеранг" платформасы негізінде дөңгелекті танкті тез дайындау өнеркәсіп үшін проблема емес екенін баса айтты.

Мұндай техника Кеңес Одағында әзірленгенімен, Ресей әскерінде дөңгелекті танктер (толық айналмалы мұнарадағы қуатты қарумен жабдықталған броньды машиналар тобының бейресми атауы) болған емес. Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі.

"Дөңгелекті танктер топырағы осы машиналар үшін қолайлы мемлекеттерде көп қолданылады", - дейді әскери сарапшы Алексей Леонков. – Мысалы, Африкада. Сондықтан, Оңтүстік Африка республикасы дөңгелекті танктерге басымдық береді. Олардың басты артықшылығы - жылдамдық пен жөндеуге дейінгі жүріс ұзақтығы. Егер негізгі соғыс танкі шамамен он мың километрден кейін бұзылып қалса, онда зеңбіректі броньды көлік жүз мың километр жүріп өтуге қауқарлы".

Сарапшының пікірінше, мұндай танктер Ресей армиясы үшін Орта Азия бағытында пайдалы болар еді. Себебі, бұл аймақтарда теміржолдардың өткізу қабілеті тым әлсіз. Ал дөңгелекті броньды машиналарды тас жолдар арқылы жеткізу қиынға соқпас еді. Сонымен қатар, мұндай техника дәл сол Сирияда патрльдеу жүргізу үшін септігін тигізеді. Қазір ол елдегі әскери полиция "Тигр" және БТР-82А броньді көліктерімен қатынап жүр.

Леонков танк, броньді тасымалдағыш секілді су кедергілерінен өтуге, қозғалыс және судан өту кезінде де оқ атуға қабілетті екенін баса айтты. Қуатты қарудың арқасында оны рейдтерде де, жалпы әскери операцияларда да қолдануға болады.

Дөңгелекті техниканың жол жабынына да ауыр салмақ түсірмеуі және зақымдамауы аса маңызды. Басқа танкілер ең берік асфальттың өзін бұзатыны белгілі. Ауыр броньды машиналарды арнайы тасымалдаушы техникамен жеткізудің себебі осында. Оларды тиеу және түсіру көп уақытты алады. Ал дөңгелекті танк соғысқа арнайы дайындықсыз-ақ жолдан қосыла алады.

125 миллиметрлі зеңбірегі бар жауынгерлік бөлімді дөңгелекті танктің негізгі қаруы ретінде қарастыруға болады. Бұл әуе-десанттық әскер үшін арнайы әзірленген "Спрут-СД" өздігінен жүретін танктегімен бірдей. 40 снарядты атыс жиынтығы мен оқтау автоматы бар тұрақтандырылған жүйедегі тегіс ұңғылы 2А75 қаруы Т-72 мен Т-90 танктеріндегі қару-жараққа ұқсас. Өздігінен жүретін танк тиісті калибрдегі оқ-дәрілердің барлық түрінен, сондай-ақ танкке қарсы басқарылатын зымырандардан оқ ата алады. Танктегі қарумен жұптастырылған 7,62 миллиметр калбирлі пулемет жауынгерлік бөлімнің қосалқы қаруы болып саналады.

Мұндай жабдықтаудағы зеңбіректі "Бумеранг" әлемдегі ең қуатты дөңгелекті танкке айналуы мүмкін. Батыс пен Шығыстағы осы типтегі әскери техниканың басым бөлігінде 05 миллиметрге дейінгі калибрлі қару орнатылған. Дөңгелекті танктер НАТО мен Азия аймағындағы бірнеше елдің қару-жарақ саласында бар. Бұл – Stryker платформасындағы америкалық M1128 MGS, француздардың AMX-10RC, жапондық MCV, италиялық Centauro. Қорғаныс министрлігі 2010 жылдың басында құрлық әскерлеріне арналған Centauro партиясын сатып алу туралы Риммен келіссөздер жүргізген болатын. Сынақ жүргізу үшін бірнеше көлік Ресейге жеткізілді. Бірақ іс одан әрі алға баспады: италиялық дөңгелекті танктер әскери техниканың сенімділігі жөнінде ресейлік талаптарға сәйкес келмеді.

"Бумеранг" перспективалы дөңгелекті платформасы алғаш рет 2015 жылғы Жеңіс күніндегі шеру кезінде көпшілік назарына ұсынылды. Бұл базадағы техника БТР тобына жататын кеңестік және ресейлік броньды тасымалдағыштарға қарағанда айтарлықтай ірі және қуатты.

750 ат күші бар ЯМЗ-780 қозғалтқышы магистральді жолда машинаны сағатына 100 километрге дейінгі жылдамдықпен жүргізе алады. Мотор бөлімі алдыңғы бөлікте орналасқан. Ол десанттың танктің артқы жағынан шығып-кіруіне мүмкіндік береді. "Бумеранг" тобындағы машиналарда құрамында керамика бар көпқабатты броньдау қолданылған. Бұл біртекті қорғанысқа қарағанда әлдеқайда сенімді.

Басқарылатын "Бумеранг-БМ" әмбебап әскери модулі бар K-17 дөңгелекті жаяу әскерге арналған әскери машина әлі күнге дейін "Бумеранг" тобындағы ең қуатты машина болып саналады. Сондай-ақ, бұдан да ауқымды нұсқа тағы бар. К-17 әскери машинасына арналған ықтимал модульдердің бірі – минутына 120 оқ ата алатын 57 миллиметрлі зеңбірегі бар АУ-220М "Байкал". Оның снарядтарының күші батыста шығарылған барлық заманауи жаяу әскердің соғыс машиналарына қарсы тұруға жеткілікті. Сонымен қатар, 57 миллиметрлі калибр ұшқышсыз ұшу аппараттарын, оның ішінде 12 километрге дейінгі аралықта ұшатын шағын ұшақтарды сәтті жоя алады.

90
Бессмертная память

"Бессмертная память" халықаралық жобасы қолға алынды

53
(Жаңартылды 19:40 25.02.2021)
Оның аясында нацистердің бұрынғы КСРО халқына қарсы қылмыстарының цифрлық архиві әзірленеді. Ақпарат шетелдік мұрағаттан жиналады

НҰР-СҰЛТАН, 25 ақпан — Sputnik. "Россия сегодня" агенттігі "Бессмертная память" халықаралық жобасын қолға алды. Оның аясында нацистердің бұрынғы КСРО халқына қарсы қылмыстарының цифрлық архиві әзірленеді. Ақпарат шетелдік мұрағаттан жиналады.

Жобада Нюрнберг трибуналы аяқталған кезде жарияланған материалдар болады. Бұл трибунал тарихта бірінші болып нацистердің адамзатқа жасаған қиянатын жариялады.

"Халықаралық ұйымдастыру комитетінің "Бессмертная память" жобасы Ұлы Отан және Екінші дүниежүзілік соғыстың жеңімпаздары және одақтастарының мүддесіне сай келеді", - деді Еуразия халықтары ассамблеясының бас хатшысы Андрей Бельянинов.

Дөңгелек үстелге Қазақстан, Ресей, Латвия және Тәжікстан өкілдері қатысты. РИА Новости-дің "Нюрнберг. Начало мира" тарихи трансмедиялық жобасы таныстырылды. Ол ХХ ғасырдың басты сот процесінің 75 жылдығына орайластырылған.

Нюрнбергский процесс, архивное фото
© Sputnik / Евгений Халдей
Нюрнберг процесі, архивтегі сурет

nuremberg.media порталында және әлеуметтік желілерде Нюрнберг трибуналына қатысты орыс, неміс, француз және ағылшын тілдерінде материалдар жарық көреді.

 

53
Архивтегі фото

Жұмаға қараған түні белгісіз біреулер мектепке баса-көктеп кірді

0
Нигерияда террористер түнгі уақытта қыздарға арналған мектепке басып кірген. Жергілікті тұрғындар оқушы қыздарды құтқару үшін содырларды іздестіріп жатыр

НҰР-СҰЛТАН, 26 ақпан — Sputnik. Нигерияның солтүстік-батысындағы Замфара штатында қаскүнемдер мектепке баса-көктеп кіріп, 300 оқушыны ұрлап әкетті, деп хабарлады РИА Новости жергілікті PM News газетіне сілтеме жасап.

Оқиға жұмаға қараған түні Джангебе елді мекенінде болған. Ондаған содыр мектеп жанындағы әскери бекетке оқ атып, одан кейін білім ордасына басып кірген. Адам ұрлығы түнгі сағат 02:00 шамасында болған.

5 маусымдағы қырғын: 2016 жылғы Ақтөбедегі терактінің белгісіз тұстары

Жергілікті басылым кейбір әскерилер жарақат алуы ықтимал екенін жазды, дегенмен оқыс оқиғадан көз жұмғандар бар-жоғы әзірге белгісіз. Елді мекен тұрғындары оқушы қыздарды құтқару үшін қаскүнемдерді іздестіріп жатыр.

Айта кетейік, өткен жылы Ниегрияның Кацина штатында осыған ұқсас жағдай болған.

0
Тақырып бойынша
Көп адам өлер еді: ҰҚК Алматыда жоспарланған терактіге қатысты мән-жайды айтты
13 жасында босанды: Сириядан оралған қазақстандық балалардың ауыр тағдыры - видео
Мешіттегі қанды қырғын: желіде оқиға орнында түсірілген видеолар жарияланды
Террористік топтардың қатарында қанша қазақстандық жүргені белгілі болды