Жаяу жүргінші, архивтегі сурет

Астраханда жартылай жалаңаш жүргізуші екі адамды қағып кетті

788
(Жаңартылды 13:06 01.03.2021)
Дереккөздің хабарлауынша, оның бойынан мас күйге тән белгілер байқалған, ол медициналық тексерістен өтуден бас тартқан

НҰР-СҰЛТАН, 1 наурыз – Sputnik. Астраханда жартылай жалаңаш күйде шетелдік көлік тізгіндеген жүргізуші жаяу жүргіншілерді қағып кетті, деп хабарлайды РИА Новости.

Аймақтық құқық қорғау органының өкілдері ұсынған дерекке сүйенсек, оқиға жексенбі күні таңертең Адмиралтейская көшесінде болған.

"Hyundai Solaris көлігі жаяу жүргіншілерге арналған жолақпен екі адамның өтіп кетуін күтіп тоқтағанда, оның артқы сол жақ тұсынан жоғары жылдамдықпен Toyota Camry көлігі соғады. Соққының күштілігінен сырғыған Camry жаяу жүргіншілерді баудай түсіріп, бағанаға тірелген", – делінген ақпаратта.

Апат салдарынан 1983 жылы туған әйел бас-ми жарақатын алып, аяғы сынған. Ал оның 1977 жылы туған күйеуі басынан жарақат алады, оның жамбас сүйегі сынған. 

Жол апатына кінәлі көліктің жүргізушісі айтарлықтай жарақат алмаған. Дереккөздің хабарлауынша, оның бойынан мас күйге тән белгілері байқалған. Ол медициналық тексерістен өтуден бас тартқан.

"Ол жартылай жалаңаш болды және оқиға орнына келген полиция қызметкерлеріне қарсылық көрсетті", – делінген хабарламада.

Ал кейбір бұқаралық ақпарат құралдары жол апатын жасаған жүргізуші жергілікті депутаттың ұлы, ал жарақат алғандар әскери прокурор мен оның әйелі болуы мүмкін деген ақпарат таратты.

Экс-депутаттың ұлы екені расталды

Кейіннен БАҚ өкілдеріне облыс губернаторының баспасөз қызметі жаяу жүргіншілерді қаққан көлік жүргізушісінің әкесі Астрахан облыстық думасының бұрынғы депутаты болғанын растады.

Оқи отырыңыз: "Құдай сақтаған": Петропавлда жаяу жүргінші өлім аузынан қалды - видео

"Жол апатына кінәлі адамның әкесі бесінші шақырылым депутаты болған. Алайда, ол қазіргі уақытта дума депутаты емес", – делінген баспасөз хабарламасында.

788
Кілт сөздер:
жарақат, жол апаты
Тақырып бойынша
Алматыда жаяу жүргінші өзін қаққан көліктің артқы терезесінен бір-ақ шықты
Павлодарда бүлдіршін 6-қабаттан құлап кетті: жаяу жүргінші құтқарып қалды
Қостанайда жаяу жүргінші 5-қабаттан құлаған баланы қағып алды
Жаяу жүргінші жол үстінде әжей мен әйелдің кеудесінен ұрып кетті – видео
Атырауда көліктің алдынан жүгіріп шыққан жаяу жүргінші видеоға түсіп қалды
такси белгісі

Такси жүргізушісі жолда ұйықтап қалған әйелді зорлап тастаған

3712
(Жаңартылды 19:00 10.04.2021)
Полиция ер адамды ұстады, қылмыстық кодекстің "Зорлау" бабы бойынша іс қозғалды

НҰР-СҰЛТАН, 10 сәуір — Sputnik. Мәскеуде такси жүргізушісі көліктің ішінде ұйықтап кеткен әйелді зорлаған, деп хабарлады РИА Новости құқық қорғау органдарындағы дереккөзге сілтеме жасап.

"Бейсенбі түнде полицияға 1984 жылы туған әйел келді. Ол өзінің зорланғанын хабарлады", - деді құқық қорғау органы қызметкері.

Әйелдің айтуынша, ол корпоративтен шығып, "Белорусская" метро станциясының жанында мобильдік қосымша арқылы такси шақырған. Ол жүргізушіге үйінің мекенжайын айтып, мас болғандықтан жолда ұйықтап қалады. Әйел таксист өзін зорлап жатқан кезде оянып кеткен.

Полиция ер адамды тоғызыншы сәуірде ұстады. Күдікті 25 жастағы Қырғызстан тумасы болып шықты. Ол өз кінәсін мойындады. Қылмыстық кодекстің "Зорлау" бабы бойынша іс қозғалды.

Оқи отырыңыз: Шығыс Қазақстанда науқас шақыртуға келген медбикені зорлап тастады

 

3712
Ресейдің Краснодар қаласы

Дүниежүзілік банк Ресейге қатысты болжам жасады

110
Дүниежүзілік банк Ресейдегі кедейлік деңгейі өткен жылмен салыстырғанда төмендейді, бірақ 2022 жылға дейін бұл көрсеткіш пандемияға дейінгі мәннен жоғары болады деп болжады

НҰР-СҰЛТАН, 5 сәуір — Sputnik. Дағдарыстан кейін Ресей экономикасы әлдеқайда жылдам қалпына келеді. Дүниежүзілік банк сарапшылары осындай қорытынды жасады. Бұл болжам қаңтардағыдан әлдеқайда жақсы, деп жазды РИА Новости.

2021 және 2022 жылдары Ресейдің ЖІӨ-і сәйкесінше 2,9 және 3,2 процентке өседі, деп санайды Дүниежүзілік банк (ДБ). Қаңтарда 2,6 және 3,0 процент көлемінде болжам жасалған болатын.

"Қалпына келу қарқынды жүріп, пандемия әсерінің бәсеңдеуіне қарай өсім де арта түседі", - деп жазды Еуропа мен Орталық Азия экономикасы туралы баяндама авторлары.

2020 жылы ЖІӨ кемуі басқа мемлекеттердікіне қарағанда төмен болып, 3,1 процентті құрады. Болжамның өзгеруіне осы негіз болып отыр.

Шектеулерді әлсірету белсенді өсімге ықпал етеді. Ресей коронавирустың екінші толқынына байланысты локдаун жариялаған жоқ. Бұл дағдарыстан жылдамырақ шығуға мүмкіндік берді. Дүниежүзілік банк  Ресей коронавирустың үшінші толқынына төтеп беруге қауқарлы дегенді есепке алып отыр.

ДБ сарапшылары ресейлік вакцина мен екпе науқаны қуатты драйвер болады деп санайды. Алайда екпе салдыру қарқыны төмендеп, эпидемия жалғасуы мүмкін деген сын-тәуекелдерді де ескерді. Сол сияқты батыстық кезекті санкциялар да әсер етпей қоймайды. Банк секторы да күмәнге толы. Экономистердің бағалауы бойынша ипотека нарығының жүктемесі көп. Бұл активтер сапасын нашарлатып, қаржы ұйымдарының табысын азайтуы мүмкін.

ДБ Ресейдегі кедейлік деңгейі өткен жылмен салыстырғанда төмендейтінін айтты. Бірақ ол 2022 жылға дейін пандемияға дейінгі көрсеткіштен жоғары болады. Баяндама авторлары биліктің әлеуметтік шаралары елдегі кедейліктің артуына жол бермеді.

Желтоқсанда Дүниежүзілік банктің Ресейдегі өкілдігінің директоры Рено Селигманн да осындай мәлімдеме жасап, ресейлік үкіметтің дағдарысқа қарсы әрекеттерінің тиімділігін атап өтті.

Мемлекет бизнес пен халықты қолдауға бағытталған шығындарды ұлғайтты. Оның үстіне Центробанктің ауқымды қаржы резервтері бар. Сарапшылар дағдарысқа қарсы салымдарды ЖІӨ-нің төрт пайызы деңгейінде (төрт триллион рубльден астам) бағалады. Бұл елдің кедейленуін тежеді.

РФ еңбек министрлігі бұған дейін кедейліктің 13% деңгейі туралы айтқан болатын. Бұл шамамен 20 миллион адам.

ДБ бюджетке де қатысты болжам жасады. Өткен жыл 4,1 триллион рубль немесе ЖІӨ-нің 3,8% тапшылығымен аяқталды. 2021 жылы бұл көрсеткіш 1,8% көлемінде болжануда. Ал 2022 мүлде профицитке қол жетеді.

Наурыздың ортасында "Жоғарғы экономика мектебі" ұлттық зерттеу университетінің (ЖЭМ ҰЗУ) сарапшылары рецессия аяқталды деп санауға болатынын айтты. "2020 жылдың соңындағы екі тоқсанда негізгі макрокөрсеткіштер өсімі 2021 жылдың басында Ресейде рецессия аяқталғаны туралы ресми түрде мәлімдеуге мүмкіндік беріп отыр", - деп хабарлады ЖЭМ ҰЗУ дайындаған "Мемлекет пен бизнес туралы пікір" бюллетені.

Экономистердің түсіндіруіне қарағанда, үшінші және төртінші тоқсандардағы ЖІӨ 4,2 және 1,7 процентке өскен, ал негізгі капиталға инвестициялар көлемі 1,2 және 0,4 процентке артқан. Сарапшылар инвестициялық белсенділіктің құлдырауы да аса ауқымды емес екенін айтты. Бұл Ресей бүкіл әлемге қарағанда дағдарысты әлдеқайда жеңіл өткізіп жатқанын дәлелдейді. Посткеңестік тарихта бұл бірінші рет.

Сарапшылардың мәліметіне сәйкес, 2020 жылы Ресейдің ЖІӨ 2015 жылғы дағдарыс жылындағымен салыстырғанда көбірек (екі пайызға) төмендеген. Бірақ 2009 жылғы көрсеткіштен аз (7,8%).

"ХХ ғасырдың ортасынан бастап әлемдік экономикадағы ең күшті рецессия кезінде мұнай бағасының қатты құлдырауына қарамастан осы нәтиженің тіркелуі таңғалдырады", - деп жазылған бюллетеньде.

Ақпанның басында Халықаралық валюта қоры Ресей билігінің пандемиямен күресуге бағытталған іс-әрекетін жоғары бағалады. ХВҚ ақпаратына сәйкес, 2021 жылы Ресейдің жалпы ішкі өнімі үш процентке, келесі жылы - 3,9 процентке өседі. Бұл АҚШ немесе еуроаймақтағы көрсеткіштен жоғары. Сарапшылар негізгі драйвер ретінде коронавирусқа қарсы жаппай вакциналау, халықты және бизнесті мемлекеттік қолдау, ауқымды резервтер мен қарыздың төмен көрсеткішін атады.

Bloomberg агенттігінің аналитиктері де Ресейді перспективалы нарық деп атады. Мамандар экономикалық және қаржы тұрақтылығының 11 көрсеткіші, негізінен ЖІӨ, сыртқы қарыз, валюталық резерв, нақты проценттік мөлшерлеме бойынша болжамдар арқылы 17 елде зерттеу жүргізген. Ресей қорытынды рейтингте екінші орынға тұрақтаған.

Сарапшылар сенімді бюджеттік профиль мен оң инвестициялық позицияны да жоғары атап өтті. Сондай-ақ 587,1 миллиард доллар көлеміндегі ауқымды халықаралық валюта резерві де үлкен рөл ойнайды. Дефолт болуы екіталай. Bloomberg 2021 жылы Ресейдегі экономикалық өсім үш процент деңгейінде болатыны туралы болжамын бөлісті.

110
Ан-26 ұшағының апатқа ұшыраған жері

"Кез келген сәтте тұтануы мүмкін еді": дәрігерлер ұшақ апаты кезінде қалай жұмыс істеді

0
Осыдан тура бір ай бұрын оңтүстік астананың әуежайына жақын маңда Ан-26 ұшағы апатқа ұшырады. Оқиға жайлы толығырақ Sputnik Қазақстан материалынан оқыңыз

НҰР-СҰЛТАН, 13 сәуір — Sputnik. 13 наурызда Алматы маңында апатқа ұшыраған ұшақтағы адамдарға алғашқы көмек көрсеткен жедел жәрдем қызметкерлері оқиғаның қалай болғанын және сол сәттегі өз сезімдері жайлы Sputnik Қазақстан тілшісіне айтып берді.

Алматы жедел жәрдем қызметі директорының міндетін атқарушы Пархат Надыров жедел жәрдем қызметкерлері апат болған орынға дабыл бойынша шұғыл жөнелтілгенін айтты. Жедел жәрдем қызметінің басшылығы жеке автокөлікпен тез арада оқиға орнына жеткен.

И.О. директора службы скорой помощи Алматы Пархат Надыров
© Sputnik/ Ольга Тонконог
Алматы жедел жәрдем қызметі директорының міндетін атқарушы Пархат Надыров

"Біз өте жылдам жеттік. Ол үшін жол полициясы қызметкерлеріне алғыс айтқым келеді. Мен олардың көлігін көрген сәтте тоқтап, аты-жөнімді, қызметімді және шұғыл түрде әуежайға жету керек екенімді айттым. Дабыл бойынша біздің барлық ішкі қызмет жұмылдырылып, он бригада әуежайға бет алды. Жақын маңда орналасқан ауруханаларға апат салдарынан зардап шеккендерді жаппай қабылдауға дайын болуы туралы ескертілді. Себебі о баста түрлі ақпарат келді. Бірі ұшақ десе, екіншісі тікұшақ апатқа ұшырады деді, тіпті кейбірі ұшақ аспанда жанып кетті деді", - деп еске алды Пархат Надыров.

Қоршаудан секіріп өтіп, апат орнына жетті

Ол оқиға орнына жеткен кезде Алматы облысының жедел жәрдем қызметкерлері бірінші болып жеткенін көрген. Надыровтың айтуынша, олар қоршаудан секіріп өтіп, өрт сөндірушілер тілсіз жаумен күресіп жатқанда, фельдшерлер жанып жатқан ұшақтан екі зардап шеккен азаматты алып шыққан. Осыдан кейін қалалық жедел жәрдем қызметі жетіп, аман қалғандар №4 қалалық ауруханаға жеткізілген.

"Осы ретте фельдшерлердің ерлігін атап өткім келеді. Олар үйлесімді түрде әрекет етіп, ұшақпен бірге жарылып кетуден қорыққан жоқ. Айналада керосин төгіліп жатты. Ол кез келген сәтте тұтануы мүмкін еді. Өмірлерін қауіпке тікті. Мұның барлығы менің көз алдымда болып жатты", - дейді Алматы жедел жәрдем қызметі директорының міндетін атқарушы.

Ол дәл сол фельдшерлер бір кездері алматылық станциялардың бірінде жұмыс істегенін айтты. Алайда белгілі бір себептермен облысқа көшкен. Бірақ қайта ауысқылары келген.

"Мен оларды біздегі жедел жәрдем қызметіне шақырдым. Енді олар осында еңбек етіп жатыр. Бұл олар жайлы айтуға да, жазуға да тұрарлық батыр азаматтар", - деді Пархат Надыров.

Батыр фельдшерлер

Рахымжан Гаитов пен Абдрим Абдрашитов Алматының жедел жәрдем қызметінде бір айдан бері жұмыс істеп жатқандарын растады.

Гаитов Рахимжан Аркинович
© Photo : из личного архива фельдшеров
Фельдшер Рахымжан Гаитов

Рахымжан Гаитов сол күні апат туралы қоңырау 17.50-де болғанын еске алды. Ең алдымен оның досы әрі әріптесі Абдрим Абдрашитов 10 бригада құрамында жолға шыққан. Одан кейін Гаитов мінген көлік жеткен.

"Ол келіп, зардап шеккен азаматқа көмек көрсетті. Пациентті алып кетті, мен сол жерде қалдым. Ұшақ құлаған орынға барып, тағы да зардап шеккендер бар-жоғын білу үшін кабинаға кірдім. Ол уақытта зардап шеккендердің бірін Алматы жедел жәрдемі, екіншісін менің досым мінген медицина көлігі алып кеткен болатын. Ол жерде тағы төрт адамның мәйіті жатты. Біз жеткен кезде Пархат Талғатұлы сонда болды, ол көмектесіп, нұсқау беріп отырды", - дейді фельдшер.

Рахымжан Гаитов түнгі сағат 10-ға дейін оқиға орнында кезекшілікте болған.

Абдрашитов Абдрим Зунунбекович
© Photo : из личного архива фельдшеров
Абдрим Абдрашитов

"Апат жайлы хабарлама келген кезде біз қайда бара жатқанымызды және не істеу керек екенімізді білдік. Сондықтан жедел іске кірісіп, ештеңені ойламастан, алғашқы көмек көрсетіп, адам өмірін құтқару керек болды. Осыны ғана ойладым", - деп еске алды Рахымжан Гаитов.

Өз кезегінде Абдрим Абдрашитов ол келген кезде ұшақтағы өрт сөндірілгенін айтты. Ол зардап шеккен азаматты ауруханаға жеткізген. Қалған бригадалар апат орнында жұмыс істеу үшін қалған.

"Әдеттегідей қоңыраудан кейін жеттік. Ұшақ күнде құлап жатпаса да, біз көңіл-күй  мен сезімді екінші орынға ысырып қоямыз. Біз Пархат Талғатұлының жетекшілік етуімен өте жылдам әрекет еттік. Көмек көрсеттік. Мен өз көңіл-күйім жайлы ойлаған жоқпын. Мен үшін ең бастысы кәсіби міндетімді атқару болды", - деді фельдшер.

Айта кету керек, фельдшерлер толық жазылғаннан кейін ұшқыштармен кездескілері келетінін айтты.

Алматы маңындағы ұшақ апаты

Сенбі, 13 наурызда Алматы әуежайының маңындағы Қызыл Ту ауылының іргесіне әскери ұшақ апатты жағдайда қонуға мәжбүр болған. Алайда Ан-26 ұшағы қону алаңына жақындағанда отқа оранып құлады.

Оқи отырыңыз: Әскери ұшақ апаты: оқиға орнынан түсірілген видео

Ұшақ бортында алты адам болған. Төрт әскери қызметші оқиға орнында қаза тапты. Олар: аға лейтенант Досжан Баймұратов, сержант Евгений Васильков, лейтенант Мұхтар Сағынбаев және майор Ғабит Барлықбаев.

Екі әскери ғана аман қалды. Олар апат орнынан №4 қалалық клиникалық ауруханаға шұғыл түрде жеткізілді. ық қауіпсіздік комитеті апатқа ұшыраған әуе көлігі ведомствоның авиация қызметіне қарасты екенін растады. Қазір ҰҚК оқиғаның анық-қанығын анықтап тергеу жүргізуде.

0
Кілт сөздер:
Алматы, ұшақ апаты
Тақырып бойынша
Алматы маңында құлаған ұшақ "қара жәшігін" тексеру басталды
Қазақстанда ұшақ апатынан көз жұмған әскерилерді жерлеу рәсімі өтті
Алматы түбіндегі ұшақ апаты: аман қалған екі әскери қызметкер есін жиды
Алматы түбінде ұшақ апатынан қаза болған әскеридің жұбайы: Әлі есеңгіреп тұрмын