Мәскеу көрінісі

Ресей президентінің баспасөз хатшысы АҚШ-пен қарым-қатынас туралы сұқбат берді

119
Байденнің БАҚ-тағы мәлімдемесінен кейін жаңа шиеленіс басталып, Мәскеу Вашингтондағы Ресей елшісі Анатолий Антоновты консультациялар үшін шақырып алған болатын

АҚШ Ресейге қатысты өктемдік таныта алмайды, деп мәлімдеді Кремль. Бұл жөнінде РИА Новости хабарлады.

"Путин де, Ресей билігіндегілер де америкалықтар болсын, басқа болсын, өктем сөйлеуіне жол бермейді. Бұл мүмкін емес", - деді "Аргументы и факты" басылымына берген сұқбатында Вашингтонмен дипломатиялық қарым-қатынасты үзуге қатысты пікір білдірген Ресей президентінің баспасөз хатшысы Дмитрий Песков.

Ол арадағы кикілжіңге қарамастан, Мәскеу АҚШ-пен диалогты бұзбауға тырысатынын атап өтті. Песков жақында ғана шу болған америкалық көшбасшы Джо Байденнің пікіріне қатысты Владимир Путиннің көзқарасын мысал етті. Байден 17 наурызда ABC News арнасына берген сұқбаты кезінде Путин "сайлау процесіне қатысқаны үшін жауап беретінін" мәлімдеп, оны астыртын мағынада "кісі өлтіруші" деп атады.

Путин АҚШ президентіне денсаулық тілей отырып, "басқа адамдарға баға беру – айнаға қарап, өзіңді көрумен тең" деген пікір білдірді. Сонымен қатар Ресей президенті Байденге пікірталасты тікелей эфирде жалғастыру туралы ұсыныс жасап, бетпе-бет әңгімелесуді кейінге қалдыра берудің жөні жоқ екенін ескертті. 

"Путин америкалықтар тарапынан жауапсыз қалған әңгімені жалғастыруды меңзеп тұр. Қазір онсыз да шиеленісіп тұрған қарым-қатынастың одан бетер құрдымға кетуіне жол бермеу маңызды. Сол себепті арадағы тікелей әңгімелесуді қайта жандандыру қажет", - деп санайды Кремль өкілі.

Песков қос мемлекет арасындағы қазіргі жағдайдағі кикілжіңді ескере отырып, президенттер не жайлы және қандай қарқында әңгімелесетінін бақылау қызықты болатынын айтты.

"Екінші тарап үшін ешқашан шешім қабылдауға болмайды", - деп қорытты ол.

Ресей-Америка қарым-қатынасы көп уақыттан бері шиеленістен көз ашпай келеді. 2014 жылы екі ел арасындағы байланыс Украинадағы төңкеріс және Қырымды қайтарғаннан кейін нашарлай түсті. 2016 жылы АҚШ-тағы президент сайлауынан кейін Вашингтон Мәскеуді дауыс беруге араласты деп айыптады. Ресей барлық айыптауларды бірнеше рет жоққа шығарды. Бірақ америкалықтар Ресей азаматтарына, компанияларына және экономиканың барлық салаларына қатысты үнемі санкциялар жариялап келеді.

Байденнің БАҚ-тағы мәлімдемесінен кейін жаңа шиеленіс басталып, Мәскеу Вашингтондағы Ресей елшісі Анатолий Антоновты консультациялар үшін шақырып алды.

119
Владимир Путин

Путин коронавирусқа қарсы вакцинаның екінші компонентін салдырды

28
Ресей президенті коронавирусқа қарсы вакцинаның екінші компонентін салдырды. Путин екпенің алғашқы компонентін 21 күн бұрын аған болатын

АЛМАТЫ, 14 сәуір – Sputnik. Ресей президенті Владимир Путин коронавирусқа қарсы ресейлік вакцинаның екінші бөлігін салдырды. Алайда президенттің қай вакцинаны салдырғаны әлі айтылмады, деп хабарлайды РИА Новости.

Бұған дейін Ресей президентінің коронавирусқа қарсы вакцинаның алғашқы компонентін 23 наурызда салдырғаны хабарланды.

Вакцина салдырғаннан кейін мемлекет басшысының жұмыс режимінде еш өзгеріс болған жоқ. Өзін жақсы сезініп, жұмысын жалғастырды.

Оқи отырыңыз: Тоқаев коронавирусқа қарсы вакцина салдырды 

Кремль ресейлік барлық вакцинаның тиімді әрі қауіпсіз екенін айтып, президенттің қай препаратты салдырғанын айтудан бас тартты.

Айта кетейік, Ресейде үш вакцина тіркелген: "Спутник V", "ЭпиВакКорона" және "КовиВак".

"Спутник V" – коронавирус инфекциясының алдын алуға арналған әлемдегі алғашқы дәрі. Ол денсаулық сақтау министрлігінің Гамалея атындағы орталығында адамның аденовирус векторларының зерттелген және тексерілген платформасында әзірленді.

"ЭпиВакКорона" – Ресейде тіркелген екінші вакцина. Ол Роспотребнадзордың Новосібірдегі "Вектор" орталығында әзірленді.

28
Тақырып:
COVID-ке қарсы вакцина
Тақырып бойынша
Үш бірдей вакцина салдырдым – білім министрі
Цой Қарағандыда өндірілген "Спутник V" вакцинасын отандық өнім деп атады
Цой не себепті вакцина салдырмай жүргенін түсіндірді
Тоқаевтың баспасөз хатшысы президенттің шешімін түсіндірді
такси белгісі

Такси жүргізушісі жолда ұйықтап қалған әйелді зорлап тастаған

3753
(Жаңартылды 19:00 10.04.2021)
Полиция ер адамды ұстады, қылмыстық кодекстің "Зорлау" бабы бойынша іс қозғалды

НҰР-СҰЛТАН, 10 сәуір — Sputnik. Мәскеуде такси жүргізушісі көліктің ішінде ұйықтап кеткен әйелді зорлаған, деп хабарлады РИА Новости құқық қорғау органдарындағы дереккөзге сілтеме жасап.

"Бейсенбі түнде полицияға 1984 жылы туған әйел келді. Ол өзінің зорланғанын хабарлады", - деді құқық қорғау органы қызметкері.

Әйелдің айтуынша, ол корпоративтен шығып, "Белорусская" метро станциясының жанында мобильдік қосымша арқылы такси шақырған. Ол жүргізушіге үйінің мекенжайын айтып, мас болғандықтан жолда ұйықтап қалады. Әйел таксист өзін зорлап жатқан кезде оянып кеткен.

Полиция ер адамды тоғызыншы сәуірде ұстады. Күдікті 25 жастағы Қырғызстан тумасы болып шықты. Ол өз кінәсін мойындады. Қылмыстық кодекстің "Зорлау" бабы бойынша іс қозғалды.

Оқи отырыңыз: Шығыс Қазақстанда науқас шақыртуға келген медбикені зорлап тастады

 

3753
Қар, архивтегі сурет

Қар және жаңбыр: синоптиктер ертең ауа райы қандай болатынын айтты

0
Қазақстанның басым аумағында атмосфералық ауа ағымдарының әсерінен жаңбыр жауып, жел күшейеді

НҰР-СҰЛТАН, 17 сәуір – Sputnik. Ертең, 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.

Өңірлердегі ауа райы

Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.

Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.

Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.

Тағы оқыңыз: Биыл жаз қандай болады – синоптиктер болжам жасады

Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.

Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.

Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Мегаполистерде ауа райы қандай болады

Нұр-Сұлтанда 18 сәуірде күн ашық, жауын-шашынсыз. Ауа температурасы күндіз 18 градусқа дейін көтеріледі, түнде – плюс бір градус. Жел жоқ.

Алматыда көшпелі бұлт шығады, оқта-текте жаңбыр жауады. Күндіз сынап бағанасы плюс 19 градус, түнде плюс 8 градусты көрсетеді.

Шымкентте де күн ашық. Күндіз – плюс 22, түнде – плюс 11 градус.

0
Кілт сөздер:
ауа райы болжамы, Қазгидромет
Тақырып бойынша
Көктемде 276 елді мекенді су басуы мүмкін – ТЖ министрі
Қар аралас жаңбыр: Қазақстанның барлық дерлік өңірінде дабылды ескерту жарияланды