Архивтегі фото

Ресейде балалы отбасыларды қолдау шаралары күшейтілмек  

499
Ресей президенті қиын жағдайға тап болған, яғни табысы екі күнкөріс минимумынан төмен балалы отбасыларды тікелей қолдауды күшейтуді ұсынды

НҰР-СҰЛТАН, 22 сәуір – Sputnik. Ресей президенті Владимир Путин пандемиядан кейінгі жаңа әлемде алғаш рет жолдау жасады. Ол өз сөзін бұрын-соңды болмаған сынақты сенімді түрде жеңуге болатыны жайлы айтудан бастады, деп жазды РИА Новости.

Путин бүкіл әлем пандемияға еңсерілмейтін жау ретінде үреймен қараған шақта мазасызданып қана қоймай, Ресей бұл сынақты еңсере алатынына сенімді болғанын атап өтті. Осылайша ол кез келген жағдайда қиындықты жеңуге болатынын жеткізді. Себебі "біз біргеміз – біз қуаттымыз" деген қағида шындыққа айналған. Путин ел халқы барлық кезде бірліктің арқасында қиындықтарды жеңгенін ерекше атап өтті.

"Біз үшін отбасы, достық, өзара көмек, мейірімділік, тұтастық алдыңғы орынға жылжыды. Яғни бұл кейбір "прогрессивті" дарашыл азаматтар күлкіге айналдыратын құндылықтар. Бізді осы құндылықтар әлдеқайда қуатты етті. Сондықтан біз бұл құндылықтарды барлық кезде қорғаймыз", - деді Путин.

Ресейдің мемлекет басшысы осы мақсатта отбасы мен балаларды әлеуметтік қолдауға арналған жаңа шаралар қабылданатынын айтты. Бұл қолдау тұрмысы нашар азаматтар үшін дағдарыс қиынға соққандықтан енгізіліп отырған жоқ. Путин атап өткендей, бұл – Ресейдің жоғарғы ұлттық басымдылығы болатын халықтың санын арттыру үшін жасалып отыр.

Коронадағдарыс Ресейдің басты проблемасы – демографияны қиындатып жіберді. Президент елдегі демография мәселесін төтенше деп сипаттады. Сөйтті де халық санының тұрақты өсуіне ықпал ететін бірқатар шараны атады.

Бұл күрделі проблеманы шешу үшін үкімет 1 шілдеге қарай балалары бар отбасыларды қолдау жүйесін әзірлеуі керек. Мұнда отбасындағы кедейшілік мәселесін шешу керек болады. Әйтпесе ешқандай шара бала тууды ынталандырмайды.

Сонымен Путин не ұсынды? Біріншіден, қиын жағдайға тап болған, яғни табысы екі күнкөріс минимумынан төмен балалы отбасыларды тікелей қолдауды күшейтуді ұсынды. Қазір қолданыстағы жеті жасқа дейінгі балаларды қолдау шараларынан бөлек, 1 шілдеден бастап толық емес отбасындағы 8-16 жастағы балалар үшін айсайынғы төлемдер енгізіледі.

Екіншіден, жұмыс істейтін балалы әйелдерге қатысты өзгеріс енгізіледі: енді жеті жасқа дейінгі бала күтіміне байланысты жұмысқа жарамсыздық демалысы еңбек өтіліне тәуелді болмай, табыс көлеміне қарай 100 процент төленеді.

Үшіншіден, материалдық қиын жағдайда қалған жүкті әйелдер үшін алғаш рет ай сайынғы төлемдер беріледі. Болашақ аналар үкімет тарапынан тек моральдік және медициналық емес, материалдық қолдауды да сезінуі керек.

Сондай-ақ өткен жылғы бір реттік төлемдер төлеу де жалғасады. Бұл жолы табысқа қарамастан, тамыздан бастап әрбір оқушыға он мың рубльден беріледі.

"Путин отбасы мен балаларды қолдау саясатын жүйелі түрде дамытуға тырысып жүр. Келесі жолдауларда балалар мен отбасыны әлеуметтік қолдаудың жаңа әдістері енгізілетіні сөзсіз", - деп жазды басылым.

Қазіргі басты ұлттық мақсат - Ресейде үш балалы отбасы қалыпқа айналатындай жағдайға жету. Олай болмаса төтенше демографиялық жағдайды өзгерту мүмкін емес. Бұл Ресей үшін халықаралық мәселе емес, бұл – басты проблема. Әрине халықаралық жағдай да мәз емес. Дегенмен ол Ресейдің тіршілігіне қауіп төндіріп тұрған жоқ.

Жолдаудың сыртқы саяси бөлігі шағын болғанымен, ашық әрі эмоцияға толы болды.

"Кейбір мемлекеттер еш негізсіз барлық жайтқа Ресейді кінәлауды әдетке айналдырыпты. Кім мейлінше үлкен шу көтеретіні жайында жаңа спорт түрі ма дерсің. Біз өзімізді мейлінше сабырлы ұстап келеміз. Көп жағдайда ондай дөрекіліктерге жауап бермеуге тырысамыз. Біз халықаралық қауымдастықтағы барлық елмен достық қарым-қатынаста болуды қалаймыз. Алайда біздің сабырлығымызды әлсіздік немесе немқұрайлылық деп бағалайтындар болса, онда Ресей қатаң әрі жедел жауап бере алатынын еске салғым келеді", - деді РФ президенті.

Путин Ресейді қаралап келе жатқандарға осылай жауап берді. Ол Ресей өзінің ұлттық мүдделерін өзі ғана таңдай алатынын баса айтты.

499
Сергей Лавров

Лавров ресейлік саясаткерлердің Қазақстан туралы мәлімдемесін сынға алды

3231
(Жаңартылды 10:38 06.05.2021)
Ресейдің сыртқы істер министрі Қазақстанның аумақтық тұтастығы туралы айтылған мәлімдемелер ешқашан нақты саясатқа сай келмейтінін айтты

АЛМАТЫ, 6 мамыр – Sputnik. Ресейдің сыртқы істер министрі Сергей Лавров ресейлік саясаткерлердің мәлімдемесін "күмәнді әрі арандатушы сипатқа ие" деп атады. Оның сөзінше, мәлімдеме жасаушының кейбірі дәл осындай жолмен өзіне назар аудартуға тырысқан. Бұл туралы саясаткер "Хабар" агенттігіне берген сұхбатында айтты.  

"Саясаткерлер өз карьерасын әртүрлі жолмен құрады. Сенсация іздейтін саясаткерлер бар. Арасында өздерінің бар екенін көрсетіп, жұрт назарын аудару үшін қарама-қайшы болып көрінгеніне қарамастан шиеленісті сауал қойса жеткілікті деп ойлайтын саясаткерлер кездеседі. Бізде "жақсы ма, жаман ба – бәрібір, бастысы сен туралы газетте жазса болды" деген сөз бар. Мүмкін бұл соған байланысты шығар. Алайда Ресей Федерациясының Қазақстанға қатысты саясатын анықтайтын тұлғалар тарапынан қандай да бір уағдаластықтарға күмән келтіретіндей мұндай мәлімдеме жасалған емес және жасалмайды", - деді Ресей сыртқы істер министрлігінің басшысы.

Ол Ресей мен Қазақстан бір-бірінің егемендігін, аймақтық тұтастығын, саяси тәуелсіздігін толық құрметтейтінін айтып өтті.

"Біз мемлекет басшылары келіскен және қол қойған, парламенттер мақұлдаған және Заң болып саналатын, халықаралық құқықтың бөлігі саналатын құжаттар негізінде одақтастықты дамытып жатырмыз", - деді Сергей Лавров.

"Менің ойымша, саясаткердің, кей парламентшінің мұндай күмәнді, арандатушылық мәлімдемелері демократиялық өмірдің бір бөлігі. Ең бастысы екі ел халқының арасындағы қалыпты қарым-қатынасты нығайтпайтын мұндай мәлімдемелер пікірталас ретінде ғана шектелуі керек. Біздің қарым-қатынастың халықаралық-құқықтық негізін бұзатын мұндай мәлімдемелер шынайы саясатқа ешқашан сай келмейтінін сенімді түрде айта аламын", - деп түйіндеді Ресей министрі.

Ресей депутаттарының пікірі

Айта кетейік, бұған дейін "Единая Россия" партиясының мүшесі, Ресей мемлекеттік думасының депутаты Вячеслав Никонов "Бірінші арнадағы" бағдарламаның эфирінде "Қазақстан аумағы – Ресей мен Кеңес Одағы тарапынан жасалған үлкен сыйлық" деп айтқан болатын. "Единая Россия" партиясының тағы бір мүшесі, Мемлекеттік думаның депутаты Евгений Федоров Никоновтың пікірімен келісіп, Қазақстан өз жерін Ресейге беруі керек деген ой айтты.

Кейінірек Никонов Қазақ КСР шекарасын анықтау кезінде Қазақстанның мүддесі толық көлемде сақталғанын айтты.

Содан кейін Қазақстанның сыртқы істер министрі Мұхтар Тілеуберді ресейлік кейбір депутаттардың мәлімдемесі Ресейдің ресми ұстанымына сәйкес келмейтінін жеткізді.

Ресейлік депутаттардың Қазақстан жайлы даулы сөзі: елші ресми түсініктеме берді

Ресейдің Қазақстандағы елшісі Алексей Бородавкин бұл жөнсіз мәлімдемелер Кремльдің ресми ұстанымына қайшы келетінін атап өтті. Қазақстан мен Ресейдің күн тәртібінде шекаралық дау-дамай жоқ.

3231
Кілт сөздер:
Ресей, мәлімдеме
Тақырып бойынша
Ресейлік саясаткер Қазақстан туралы даулы сөзіне түсініктеме берді
Министр ресейлік депутаттардың Қазақстан жайлы даулы сөздері туралы айтты
Режиссер Тимур Бекмамбетов

Мәскеу басшылығы Тимур Бекмамбетовтің үйін тәркілеуді талап етті видео

1533
(Жаңартылды 19:21 29.04.2021)
Өткен жылы үйді комиссия тексеріп, барлық техникалық өзгерістерді жазып кеткен. Сол кезде мамандар кейбір қабырғаның жарылғанын байқаған

НҰР-СҰЛТАН, 29 сәуір – Sputnik. Мәскеу мэриясы Тимур Бекмамбетовтің үйін сот арқылы тартып алмақшы. Себебі танымал кинорежиссер мәдени мұраға жататын үйдің ішін өзгерткеннен кейін қабырғалар жарыла бастаған, деп хабарлайды Mash телеграм-арнасы. 

Тимур Бекмамбетов бірнеше жыл бұрын Мазинг үйінен жалпы ауданы 226 шаршы метрлік пәтер салып алған. Оның кадастрлық бағасы 88 миллион рубль. Бірақ кинорежиссер сатып алған үйге алдымен күрделі жөндеу жасап, содан соң қоныстануды жоспарлаған. Алайда құрылысшылар төбені тіреп тұрған бірнеше қабырғаны алып, еденді қопарып тастаған. 

Былтыр үйге комиссия келіп, барлық техникалық өзгерістерді жазып кеткен. Сол кезде мамандар кейбір қабырғаның жарылғанын байқаған.

"1912 жылы салынған Мазинг үйі мәдени мұраға жатады. Оған қоса, Бекмамбетовтің көршісі – антиквар және ескі автомобильдерді жинаушы Вадим Задорожный да бірнеше рет арыз түсірген", – делінген хабарламада.

Осыдан кейін Мәскеу мэриясы ескерту жасап, барлығын бастапқы қалпына келтіруге сұраған. Бірақ құрылыс жұмыстары ешбір згеріссіз жалғасып жатқандықтан, шенеуніктер сот арқылы пәтерді тәркілеуді талап етті.

Оқи отырыңыз: Бекмамбетов "Бен Гур" фильмінің сәтсіздікке ұшырауын түсіндірді

1533
Кілт сөздер:
сот, Тимур Бекмамбетов
Тақырып бойынша
Тимур Бекмамбетов өзінен 29 жас кіші қызға үйленді
Танымал актер Мәскеу орталығында мас күйінде жол апатын жасады
Тимур Бекмамбетов Comic Con фестиваліне қатысу үшін елордаға ұшып келді – фото
Мәскеу босап қалды: қазақстандық милиционерлердің Олимпиада кезіндегі қызықтары
Әлемде алғаш рет болады – Бекмамбетов жоспарын бөлісті
Екпені тасымалдау

Денсаулық министрлігі отандық вакцинаға қатысты тараған ақпаратты жоққа шығарды

508
(Жаңартылды 12:46 10.05.2021)
Ресми мәліметке сәйкес, стикерлеу жұмысы СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүргізілген

НҰР-СҰЛТАН, 10 мамыр – Sputnik. Әлеуметтік желіде қазақстандық студенттерді Қытайдан әкелінген вакцинаның жапсырмасын қазақстандық екпеге ауыстыруға мәжбүрлейтіні туралы ақпарат тарап кетті. Денсаулық сақтау министрлігі оны жоққа шығарды, деп хабарлайды Stopfake.kz сайты.  

WhatsApp мессенджерінде тараған аудиожазбада әйел медициналық оқу орнында оқитын студентті кездестіргенін айтады. Оның айтуынша, студенттерді сабақ уақытында жасырын түрде "СК-Фармацияның" қоймасына алып барады да, қытайлық вакцинаға қазақстандық екпенің стикерлерін жабыстыруға мәжбүрлейді. Сөйтіп шетелдік препаратты отандық өнім ретінде ұсынады. Қоймаға ұялы телефонмен кіргізбейді және орындалуы тиіс күнделікті жоспар бекітілген.

Денсаулық сақтау министрлігі қытайлық вакцинаны QazVac стикерлеріне ауыстыру туралы қауесетті жоққа шығарды.

Ресми мәліметке сәйкес, 30 сәуірде Қазақстанға "Hayat-Vax" вакцинасының 400 мың қаптамасы жеткізілді. Бұл – Біріккен Араб Әмірліктерінде шығарылған қытайлық екпе.

Вакцинаның нұсқаулығы мен белгілері араб және ағылшын тілінде жазылған. Ал "Халық денсаулығы және денсаулық сақтау жүйесі туралы" кодекстің 242-бабына сәйкес елімізде барлық дәрілік заттар қаптамасына қазақ және орыс тіліндегі нұсқаулық анық таңбамен жазылып, айналымға түсуі тиіс.

"Қажетті белгілерді қоюға және нұсқаулығы бар парақтарды буып-түюге ерікті студенттер көмектесті", – дейді министрлік мамандары.

Стикерлеу СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүзеге асырылды. Әр қоймада 20-40 штаттық қызметкер жұмыс істеді. Жұмысты тездету мақсатында еріктілердің көмегі ұсынылды. Соның ішінде Нұр-Сұлтан қаласында – 2 адам, Алматы қаласында – 5 адам, Ақтөбе қаласында – 10 адам.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Қоймаға кірердің алдында барлық келушіге тиісті ережелер түсіндірілді. Қауіпсіздік техникасы бойынша нұсқаулық та берілді. Ал стикерлер мен аннотацияларды дайындау, сондай-ақ стикерді қаптамаға жабыстыру волонтерлік қызмет негізінде жасалғандықтан қандай да бір келісімдер мен шарттарға қол қою көзделмеген.

508
Кілт сөздер:
екпе, вакцина
Тақырып:
COVID-ке қарсы вакцина
Тақырып бойынша
Осы айда екі миллион адамға вакцина егеміз – Мамин
"Вакцина салдырмасаң, анықтама бермейміз": Түркістан облысында болған оқиға
Вакцина салдырғандардан қай кезде ПТР-анықтама талап етілмейді
Коронавирусқа қарсы әлемдегі ең үздік вакцина анықталды
Вакцина салдырмағандарға талап өзгерді – Қызылордада жаңа қаулы жарияланды