вакцина

Ресей президенті міндетті вакциналауға қарсы екенін мәлімдеді

77
Владимир Путин елдегі кей өңірлерде міндетті вакциналауды енгізу бойынша төтенше шара жаппай локдаунды болдырмау мақсатында қабылданғанын түсіндірді

НҰР-СҰЛТАН, 30 маусым — Sputnik. Ресей президенті Владимир Путин тікелей эфирде коронавирусқа қарсы міндетті вакциналау енгізуге қарсы екенін мәлімдеді. Алайда жаппай локдаунның алдын алу үшін кей өңірлерде коронавирусқа қарсы міндетті вакциналау енгізілген.

Ресей көшбасшысы қауіпті вирусты жұқтырғаннан кейін аурудың асқынуына тосқауыл болатын екпені қолдайтынын, бірақ халықты жаппай міндетті вакциналауға қарсы екенін айтты.

"Мен міндетті вакциналауды құптамаймын. Әріптестер коронавирусқа қарсы вакциналауды екпе салудың ұлттық жоспарына айналдыру туралы ұсыныс айтты. Алайда мемлекеттік дума депутаттары бұл идеяны қолдамады. Сондықтан COVID-19-ға қарсы екпе салғызу міндетті шара емес", - деді Путин.

Президент жаппай локдаунға жол бермес үшін елдің кейбір аймағында коронавирусқа қарсы міндетті вакциналау енгізіліп жатқанын атап өтті.

"Әріптестеріміздің кейбір өңірдегі әрекеті кәсіпорындардың толық жабылуына алып келетін локдаун енгізілуіне жол бермеуге бағытталған. Адамдар жұмыссыз, жалақысыз қалады. Осыған тосқауыл болу мақсатында кей өңірде және кейбір санаттағы азаматтар үшін міндетті вакциналау енгізілді", - деді Путин тікелей эфир кезінде.

Бұған дейін Владимир Путин коронавирус инфекциясына қарсы қандай препарат салғызғанын айтқан еді. 

77
Кілт сөздер:
Владимир Путин
Тақырып:
COVID-ке қарсы вакцина (309)
Новый грузовой самолет ИЛ96-400

Ресей ядролық соғыс кезінде қолданылатын ұшақ жасап шығарады

66
Ұшақтар жердегі және спутниктік инфрақұрылымның көзін жойған жағдайда әскерді басқару және елдегі жоғарғы билік өкілдерін эвакуациялау үшін қолданылады

НҰР-СҰЛТАН, 26 шілде – Sputnik. Воронежде кең фюзеляжды Ил-96-400М әуе кемесінің базасында ядролық соғыс басталған жағдайда әскерді басқаруға арналған ұшақтың құрылысы басталды, деп хабарлады РИА Новости қорғаныс-өнеркәсіп кешеніндегі ақпарат көзіне сүйене отырып.

Мұндай ұшақтар жолаушыларға арналған Ил-86 базасында дайындалған және қазір қолданыста тұрған Ил-80 ұшағының орнын басуы керек. Жаңа Ил-96-400М лайнерлерінің ұшу ұзақтығы алдыңғы нұсқамен салыстырғанда екі есе жоғары. Әскерге бас-аяғы осындай екі дана әуедегі басқару пункті пайдалануға беріледі. Жобаға "Звено-ЗС" атауы берілді.

Ұшақтың радиокешені алты мың километр радиустағы құрлықтағы және су астындағы іске қосу қондырғыларына бұйрық жолдауға мүмкіндік береді.

Ұшақтар жердегі және спутниктік инфрақұрылымның көзін жойған жағдайда әскерді басқару және елдегі жоғарғы билік өкілдерін эвакуациялау үшін қолданылады.

66

Лавров Ресейдегі тұрақсыздықты қалайтындар жайлы айтты

107
(Жаңартылды 22:32 23.07.2021)
Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін жеткізді

НҰР-СҰЛТАН, 23 шілде – Sputnik. Батыс Ресейдің айналасындағы жағдайды тұрақсыздандыруды, соның ішінде фейктердің көмегімен әрекет етуді көздеп отыр. Бұл туралы Ресейдің сыртқы істер министрі Сергей Лавров мәлімдеді, деп жазды РИА Новости

"Біздің айналамызда тұрақсыздық тудырып, бізбен көрші, бауырлас елдердің алдында не Батыспен, не Ресей Федерациясымен бірге болуды таңдауға мәжбүрлеп отыр", - деді ол "ЕР" алаңындағы "Мемлекеттік дума депутаттарын сайлау науқаны жүріп жатқан сыртқы саяси жағдай" вебинарында. 

Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін айтты. 

"Олар бізбен көршілес елдердің дамуына Батыстың шешуші ықпал етуінің арқасында қандай да бір пайда көргілері келеді", - деп жағдайды сипаттады Лавров.

Лавров бұл әсіресе Украинадағы жағдайда айқын білінгенін, ал соңғы айларда "түрлі-түсті революция әдісі" Белорусь елінде да байқалғанын айтты. Сонымен қатар оның айтуынша АҚШ пен ЕО елдері Молдавия үшін ашық геосаяси күреске бет бұрды.

"Қазір біздің батыстағы әріптестеріміз Орталық Азия, Кавказды қоса алғанда, еліміздің шекарасын бойлай өздерінің әскери қатысуын мейлінше кеңейтіп жатыр", - деп қорытты Ресей СІМ басшысы. 

Лавров Сергей Шойгу, дәрігер Денис Проценко, Жалпыресейлік халық майданы тең төрағасы Елена Шмелева және балалар омбудсмені Анна Кузнецовамен бірге "Единая Россия" партиясының жалпыфедералдық бөліміне кіреді. 

Федералдық тізімде 395 кандидат ұсынылған. Ал бір мандатты сайлау округтері бойынша – 219 кандидат.

107
Бокс, Олимпиада

Қазақстан үшін сәтті салмақтағы боксшы алғашқы жекпе-жекте ұтылды

18
(Жаңартылды 15:13 27.07.2021)
Бұған дейін Серік Теміржанов, Закир Сафиуллин мен Сәкен Бибосынов алғашқы жекпе-жектерін сәтті өткізген болатын. Бүгін Василий Левит те рингке шығады

НҰР-СҰЛТАН, 27 шілде – Sputnik. Токио Олимпиадасына 69 салмақ дәрежесі бойынша жолдама алған Абылайхан Жүсіпов алғашқы жекпе-жекте ұтылды, деп хабарлайды Sputnik Қазақстан тілшісі.

Қазақстандық боксшы бірден екінші айналымнан бастады. Оған қарсы америкалық Деланте Джонсон шықты. Бірінші раундта бес төрешінің үшеуі Жүсіповқа жоғары ұпай қойды. Ал екінші раунда америкалық боксшы басым болды. Үшінші раунда бір төреші ғана Абылайханның дайындығын жоғары бағалады. Осылайша, жерлесіміз 1:4 есебімен ұтылып қалды. 

Бұған дейін Серік Теміржанов (57 келі), Закир Сафиуллин (63 келі) мен Сәкен Бибосынов (52 келі) алғашқы жекпе-жектерін сәтті өткізген болатын. Бүгін Василий Левит (91 келі) те рингке шығады. Одан бөлек, Әбілхан Аманқұл (75 келі), Бекзат Нұрдәулетов (81 келі) пен Қамшыбек Қоңқабаев (91 келіден жоғары) бар. Ал әйелдер арасындағы бокста ел намысын жалғыз Надежда Рябец (75 келі) қана қорғайды.

Айта кетері, 2004 жылдан бері Қазақстан үшін бокста 69 келі салмақ дәрежесі сәтті болған. Боксшыларымыз төрт Олимпиадада қатарынан алтын медаль иеленген. Мәселен, Рио Олимпиадасында Данияр Елеусінов, оған дейін Серік Сәпиев Лондонда чемпион атанған болатын. Оның алдында Бақыт Сәрсекбаев пен Бақтияр Артаев та дәл осы салмақта топ жарды. Боксшылармыз екі рет Вэл Баркер кубогын да иеленді.

18
Кілт сөздер:
олимпиада, жекпе-жек, бокс
Тақырып:
Токио Олимпиадасы
Тақырып бойынша
Зал шулап кетті: Левит төрешілердің шешіміне аң-таң болды – видео
Олимпиада жүлдегері Елдос Сметовке Алматы әуежайында тосын сый жасалды – видео
Олимпиада ойындары өтіп жатқан Токиоға жойқын тайфун жақындап келеді
Алға, Қазақстан: әртістер Токиодағы Олимпиада құрамасына ән арнады –  видео
Олимпиада ойындары бас стадионының көрінісі – видео