Баланың қолы

Жасөспірім кішкентай қарындасын терезеден лақтырып жіберді

232
Құқық қорғау органдары баланың психикалық ауытқуы бар екенін айтты. Трагедия ата-анасы байқамай қалған кезде болған

НҰР-СҰЛТАН, 11 шілде – Sputnik. Ресей астанасы Мәскеу тұрғыны жаңа туған қарындасын терезеден лақтырып жіберді. 

Қаланың тергеу комитеті баспасөз қызметінің ақпаратына сәйкес, "абайсызда адам өлтіріп алу" бабы бойынша қылмыстық іс қозғалған.

"11 шілде күні Левобережная көшесі бойындағы тұрғын үй маңында сәбидің денесі табылды. Ол биіктіктен құлаған", - деді тергеу комитеті.

Алдын ала анықталған ақпарат бойынша анасының өз жұмыстарына көңілі бөлінген сәтте 13 жасар бала сәбимен бір бөлмеде қалып қойған. Жасөспірімнің психикалық ауытқулары болған.

Қазір оқиға орнында тергеушілер жұмыс істеп жатыр. Болған жағдай толықтай зерттелуде. Балалардың ата-анасы мен куәгерлерден жауап алынып жатқаны айтылды.

Сот-медициналық сараптама тағайындалған. Қылмыстық іс бойынша тергеу жалғасуда.

232
Кілт сөздер:
терезе, Мәскеу, Ресей
Тақырып бойынша
Намыстанған ер адам туған қарындасын өлтірді - видео
Қарындасын мектепке шығарып салуға кеткен: Көкшетауда 12 жастағы бала жоғалды
Павлодарда бес жасар бала терезеден құлап кетті
Тоғыз жасар бала өртеніп жатқан үйден анасы мен екі қарындасын алып шықты
Жамбыл облысында қарындасын 6 жыл бойы азаптаған азғын сотталды
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

47
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

47
Бала, архивтегі сурет

Зейнеткер терезеден құлаған баланы қағып алды видео

720
(Жаңартылды 08:12 28.07.2021)
Үй шаруасын істеп жүрген әке-шешесі бүлдіршіннің терезеден қалай құлағанын байқамай қалған екен

НҰР-СҰЛТАН, 28 шілде – Sputnik. Ресейдің Новокузнецк қаласында зейнеткер терезеден құлап кеткен баланы қағып алды. Осы оқиға бейнебақылау камерасына жазылды, деп хабарлайды РИА Новости.

Кемеров облыстық ішкі істер басқармасы таратқан мәліметке сәйкес, бір жарым жасар бүлдіршінді құтқарған әйел баланы ата-анасына беріп, кетіп қалған.

Оқиға орнына барған инспекторлар жағдайдың мән-жайын анықтады. Баланың әке-шешесі үй шаруасын істеп жүріп, бүлдіршіннің терезеге қалай шығып кеткенін байқамай қалған. Даладан біреудің айқайлаған даусын естіді. Терезеден қараса, егде жастағы әйел кішкентай баланы қолында ұстап тұр.

Дәрігерлер бүлдіршіннің денесінде болар-болмас жарақат іздері бар екенін айтып отыр. Ал полицейлер бұқаралық ақпарат құралдары мен әлеуметтік желілер арқылы зейнеткерді іздеуге кірісті. Тәртіп сақшылары құтқарушыны тапты.

64 жастағы Светлана Санарова ол күні дүкеннен келе жатқан. Ал терезеден тұрған баланы көрген бойда пакеттерін тастап, көпқабатты үйге қарай жүгірді. Қолын созып, екінші қабаттан құлаған баланы қағып алды.

Ішкі істер министрлігінің Новокузнецк қалалық басқармасы және қоғамдық кеңес мүшелері батыр зейнеткермен кездесіп, алғыс айтуды жоспарлап отыр.

720
Тақырып бойынша
Қарағандыда қолына баласын алған әйел терезеден секірмек болды – видео
Туысының үйіне терезеден кірген әйел тоңазытқыштан баланың денесін тауып алған
Отағасы ұйықтап жатқан: Терезеден қарап отырған әйел қызынан көз жазып қалды
Жасөспірім кішкентай қарындасын терезеден лақтырып жіберді
Көкшетауда бір жасар сәби терезеден құлап кетті
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0