Студент, архивтегі сурет

ПТР-тест және интернет: қазақстандық талапкер ресейлік ЖОО-ға қалай түсе алады

133
(Жаңартылды 15:48 19.07.2021)
Қазақстандықтар көбіне "Энергетика" және "Ақпараттық жүйелер және технологиялар бойынша оқуға түскен

НҰР-СҰЛТАН, 19 шілде — Sputnik. Ресейдің тау-кен өнеркәсібі бойынша жоғарғы білім беру саласындағы көшбасшылардың бірі – Т.Ф.Горбачев атындағы Кузбасс мемлекеттік техникалық университеті (КузМТУ) бакалавриат, специалитет және магистратура бағдарламалары бойынша Қазақстан студенттерін қабылдауды жалғастырып жатыр, деп хабарлайды ЖОО баспасөз қызметі. 

Кузбасс политехі - көмір, химия және құрылыс салалары, экономика, машина жасау және энергетика сынды жетекші өнеркәсіптік секторларға арналған кадрларды даярлау бойынша негізгі салалық университеттің бірі. 

Главный корпус КузГТУ
© Photo : предоставлено пресс-службой КузГТУ
Кузбасс мемлекеттік техникалық университетінің бас корпусы

Осы жылы шетелдік абитуриенттер оқуға түсуге арналған құжаттарды ЖОО-ға келіп те, арнайы интернет-платформалардың көмегімен онлайн тәртіпте де тапсыра алады. Бұл туралы КузМТУ халықаралық ынтымақтастық бөлімінің басшысы Инна Певнева айтып берді. 

"Кемеровоға келіп, университеттің қабылдау комиссиясына құжаттарды тапсыруға немесе "Онлайн оқуға түс" суперсервисі немесе біздің жеке порталымыз арқылы құжаттар пакетін жүктеуге болады. Егер абитуриент бұл әдістің бірінші нұсқасын таңдаса, онда емтиханды тікелей тапсырады. Құжаттарды интернет арқылы жолдаған жағдайда емтиханды қашықтан тапсыру қажет болады", - деді ол. 

Оның айтуынша, порталда тіркелгеннен кейін және құжаттар пакетін жүктеген соң талапкердің жеке кабинетінде емтихандар кестесі пайда болады. 

"Тікелей және қашықтан тапсырылатын сынақтар бір уақытта болады. Емтиханның басым бөлігі жазбаша тапсырылады. Емтихан тапсырар алдында оның жеке тұлғасын растау бойынша процесс жүреді және абитуриент жұмыс істейтін камера мен микрофонды алдын ала дайындап қоюы керек. Күндізгі оқуға түсетін талапкерлер үшін алғашқы емтихан 19 шілдеде, сырттай оқитындар үшін 18 тамызда басталады", - деді Певнева. 

Қазақстан азаматтары РФ азаматтарымен тең құқық тәртібінде бюджеттік негіздегі оқуға арналғған конкурсқа қатыса алады. Сонымен қатар шетелдік абитуриенттер коммерциялық негіздегі өздеріне ұнаған бағытты таңдай алады. 

 В лаборатории Института химических и нефтегазовых технологий КуЗГТУ
© Photo : предоставлено пресс-службой КузГТУ
Университет зертханасы

Сондай-ақ КузМТУ халықаралық ынтымақтастық бөлімінің басшысы қазіргі уақытта коронавирус инфекциясының таралуына жол бермеу үшін Ресейге келетін шетелдік студенттердің қолында ПТР-тест болуы керектігін айтты. 

"Роспотребнадзор ұсынысы бойынша Ресейге келетін азаматтар коронавирус инфекциясын анықтайтын ПТР-тестті екі рет тапсыруы керек. Біріншісі – Ресейге келуден үш күн бұрын, екіншісі – ел аумағына кіргеннен кейінгі 72 сағаттың ішінде. Егер тест олардың коронавирус жұқтырмағанын растаса, қалыпты режимде оқуды бастай береді. Студенттерді міндетті вакциналау бойынша талап жоқ", - деп түсіндірді Певнева. 

Бүгінгі күні КузМТУ-де әлемнің 11 елінен келген 11 мыңнан астам азамат білім алып жатыр. Оның ішінде қазақстандық 36 студент те бар. ЖОО-дағы оқытушы профессорлар құрамына 538 маман кіреді. Оның ішінде 291 – ғылым кандидаты, 77 – ғылым докторы. 

"Университеттің қазіргі құрылымы жеті ғылыми-білім беру институтынан тұрады: тау-кен, энергетика, химия және мұнай-газ технологиялары, құрылыс, ақпараттық технологиялар және машина жасау, экономика және басқару, кәсіби білім. КузМТУ 246 мамандық бойынша жоғарғы, орта және қосымша кәсіби білім, аспирантура және докторантура бойынша кадр даярлайды", - деді баспасөз қызметіндегілер. 

ЖОО ұсынған ақпарат бойынша, Қазақстаннан барған студенттер көбіне "Энергетика" және "Ақпараттық жүйелер және технологиялар" бағытын таңдайды. 

Светлана Войтова
© Photo : предоставлено пресс-службой КузГТУ
Светлана Войтова

"Мен Қазақстандағы қарапайым ауыл мектебінде оқыдым. Оқу жылының соңыда мектебімізге түрлі университеттің ұстаздары келді. Оның ішінде КузМТУ да бар. Олар жоғарғы оқу орнында қандай бағыттар бар екені туралы, студенттердің білім алу процесі мен тыныс-тіршілігі туралы айтып берді. Осы кездесуден кейін мен Кемеровоға оқуға баруға бел байладым. Ол өз үйімнен алыс екеніне жүрексінген жоқпын. Нәтижесінде бюджеттік негіздегі оқуға түстім", - дейді КузМТУ-дегі "Қоршаған ортаны инженерлік қорғау" мамандығы бойынша үшінші курс студенті Светлана Войтова (Есіл ауданы, Явленка ауылы). 

Студент қыз аталған ЖОО-ға  түсу үшін орыс тілі, математика және физика пәндерінен емтихан тапсырғанын айтты. 

"Мұнда бейіндік техникалық пәндерден бөлек экономика, философия, психология сынды гуманиитарлық бағыттағы сабақтар да бар. Маған қатты ұнайды. Алайда мен үшін экология аса қызықты: пластикті не себепті бөлек қоқыс жәшігіне салу керек, қалдықтарды өртеу кезінде қандай зат бөлінеді, қандай тазалау әдістері бар – осының барлығын университетте оқып-біліп жатырмыз", - деді Войтова.

Оның айтуынша, КузМТУ-де оқудан тыс жұмыс та белсенді дамыған. 

"Мен бірінші курстан бастап қоғамдық қызмет – волонтерлікпен айналысамын. Бірінші курс оқып жүрген шағымда Омбы қаласында өтетін волонтерлер форумына бару мен үшін қызықты болды. Біз түрлі тақырыптағы дәрістерді тыңдап, қызықты адамдармен таныстық. Студент кезде оқудан басқа іспен айналысудың маңызды екеніне сенімдімін. Мұнда кез келген адам жанына жақын істі таба алады: КузМТУ-дің Шерегеш тау-кен курортында өз базасы бар, екі студенттер театры, хореография студиясы, көңілді тапқырлар клубы, волонтерлік, студенттер жасағы, спорт секциялары, ұлтаралық достық клубы бар", - дейді Войтова. 

Войтованың айтуынша, ЖОО ғылыми зерттеумен айналысатын студенттерге де үлкен қолдау көрсетеді. КузМТУ-де 24 ғылыми зертхана, 14 ғылыми және сараптамалық орталық, 9 ғылыми мектеп бар. 

Проектная студенческая сессия в КузГТУ
© Photo : предоставлено пресс-службой КузГТУ
Жобалық студенттік сессия

Сондай-ақ университетте "Ориентир" Студенттердің өндірістік тәжірибесі және еңбекпен қамтылуын ұйымдастыру орталығы бар. КузМТУ-де инженерлік білім алған түлектердің 90%-ке жуығы жұмысқа орналасқан; ал Ресейдегі ірі көмір-кен компанияларындағы мамандардың 38%-і КузМТУ түлектері. 

Университеттің стратегиялық серіктестерінің арасында ресейлік және шетелдік ірі кәсіпорындар бар. Олар: "СУЭК-Кузбасс" АҚ, "СГК" АҚ, "СДС" ХК, "Кокс" ЖАҚ, "МРСК Сибири – Кузбассэнерго – РЭС" ЖАҚ филиалы, "Сбербанк России" ЖАҚ, "КАМАЗ" жақ, ЕвроХим, "БЕЛАЗ", Libherr, Becker, FANUK. 

Сондай-ақ қазіргі кезде университет академик Қ.Сәтбаев атындағы Екібастұз инженерлік-техникалық институтымен, Шәкәрім атындағы мемлекеттік университетімен, Қазақ инновациялық гуманитарлық-заң университетімен, Қарағанды мемлекеттік техникалық университетімен, С.Торайғыров атындағы Павлодар мемлекеттік университетімен, Инновациялық Еуразия университетімен ынтымақтастық орнатқан. Аталған университет Жібек жолы елдерінің университеттері мен консалтинг компаниялары қауымдастығының құрамына кіреді.

133
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

47
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

47
Бала, архивтегі сурет

Зейнеткер терезеден құлаған баланы қағып алды видео

720
(Жаңартылды 08:12 28.07.2021)
Үй шаруасын істеп жүрген әке-шешесі бүлдіршіннің терезеден қалай құлағанын байқамай қалған екен

НҰР-СҰЛТАН, 28 шілде – Sputnik. Ресейдің Новокузнецк қаласында зейнеткер терезеден құлап кеткен баланы қағып алды. Осы оқиға бейнебақылау камерасына жазылды, деп хабарлайды РИА Новости.

Кемеров облыстық ішкі істер басқармасы таратқан мәліметке сәйкес, бір жарым жасар бүлдіршінді құтқарған әйел баланы ата-анасына беріп, кетіп қалған.

Оқиға орнына барған инспекторлар жағдайдың мән-жайын анықтады. Баланың әке-шешесі үй шаруасын істеп жүріп, бүлдіршіннің терезеге қалай шығып кеткенін байқамай қалған. Даладан біреудің айқайлаған даусын естіді. Терезеден қараса, егде жастағы әйел кішкентай баланы қолында ұстап тұр.

Дәрігерлер бүлдіршіннің денесінде болар-болмас жарақат іздері бар екенін айтып отыр. Ал полицейлер бұқаралық ақпарат құралдары мен әлеуметтік желілер арқылы зейнеткерді іздеуге кірісті. Тәртіп сақшылары құтқарушыны тапты.

64 жастағы Светлана Санарова ол күні дүкеннен келе жатқан. Ал терезеден тұрған баланы көрген бойда пакеттерін тастап, көпқабатты үйге қарай жүгірді. Қолын созып, екінші қабаттан құлаған баланы қағып алды.

Ішкі істер министрлігінің Новокузнецк қалалық басқармасы және қоғамдық кеңес мүшелері батыр зейнеткермен кездесіп, алғыс айтуды жоспарлап отыр.

720
Тақырып бойынша
Қарағандыда қолына баласын алған әйел терезеден секірмек болды – видео
Туысының үйіне терезеден кірген әйел тоңазытқыштан баланың денесін тауып алған
Отағасы ұйықтап жатқан: Терезеден қарап отырған әйел қызынан көз жазып қалды
Жасөспірім кішкентай қарындасын терезеден лақтырып жіберді
Көкшетауда бір жасар сәби терезеден құлап кетті
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0