Вакцина алу

Вирусолог вакцинаның екінші дозасын салғызбаса не болатынын айтты

13796
Маманның айтуынша, вакцинаның бір ғана компонентімен шектелгендердің иммунитеті әлсіздеу болады

НҰР-СҰЛТАН, 20 шілде – Sputnik. Кейбір адамдар коронавирусқа қарсы вакцинаның бірінші компонентін алып, екіншісінен бас тартып жатады. ММУ биология факультеті вирусология кафедрасының профессоры Алексей Аграновский Sputnik радиосына берген сұхбатында екінші дозаны салдырмаудың салдары туралы айтты.

"Бұл эпидемиология тұрғысынан дұрыс емес. Бір ғана компонентті салдырса, иммунитет әлсіздеу болады", - деді ол.

Маманның айтуынша, вакцинация курсын толық аяқтамағандар коронавирус жұқтыруға бейім тұрады. Мұндай адамдар үшін, әсіресе, "дельта" штамм өте қауіпті.

"Неге екі екпе алу керек? Вакцина "ухань" штамы үшін жасалды, бірақ кейін "дельта" штамм келді. "Спутник V" вакцинасының бастапқы штамға қарсы тиімділігі 90 және одан да көп пайызды құрады. Ал "дельтаға" 80%. Бұл бәрібір де көп. Мұның бәрі жұмыс істеу үшін схема бойынша вакцина салдыру қажет", - деп кеңес берді Аграновский.

Тағы оқыңыз: Қазақстанда балаларды міндетті вакциналау енгізіле ме – министр жауабы

13796
Кілт сөздер:
вакцина, коронавирус
Тақырып бойынша
"Жағдай жақсаратын емес": Тоқаев жаппай вакцина салуға қатысты не деді
Қазақстанның вакцина паспорты қай елдерде мойындалады
Алаяқтар жалған вакцина паспортын сату кезінде адамдарды қалай алдайды
Тоқаев вакцина салдыруға мәжбүрлеу жайлы: біз бұған бармаймыз

Лавров Ресейдегі тұрақсыздықты қалайтындар жайлы айтты

92
(Жаңартылды 22:32 23.07.2021)
Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін жеткізді

НҰР-СҰЛТАН, 23 шілде – Sputnik. Батыс Ресейдің айналасындағы жағдайды тұрақсыздандыруды, соның ішінде фейктердің көмегімен әрекет етуді көздеп отыр. Бұл туралы Ресейдің сыртқы істер министрі Сергей Лавров мәлімдеді, деп жазды РИА Новости

"Біздің айналамызда тұрақсыздық тудырып, бізбен көрші, бауырлас елдердің алдында не Батыспен, не Ресей Федерациясымен бірге болуды таңдауға мәжбүрлеп отыр", - деді ол "ЕР" алаңындағы "Мемлекеттік дума депутаттарын сайлау науқаны жүріп жатқан сыртқы саяси жағдай" вебинарында. 

Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін айтты. 

"Олар бізбен көршілес елдердің дамуына Батыстың шешуші ықпал етуінің арқасында қандай да бір пайда көргілері келеді", - деп жағдайды сипаттады Лавров.

Лавров бұл әсіресе Украинадағы жағдайда айқын білінгенін, ал соңғы айларда "түрлі-түсті революция әдісі" Белорусь елінде да байқалғанын айтты. Сонымен қатар оның айтуынша АҚШ пен ЕО елдері Молдавия үшін ашық геосаяси күреске бет бұрды.

"Қазір біздің батыстағы әріптестеріміз Орталық Азия, Кавказды қоса алғанда, еліміздің шекарасын бойлай өздерінің әскери қатысуын мейлінше кеңейтіп жатыр", - деп қорытты Ресей СІМ басшысы. 

Лавров Сергей Шойгу, дәрігер Денис Проценко, Жалпыресейлік халық майданы тең төрағасы Елена Шмелева және балалар омбудсмені Анна Кузнецовамен бірге "Единая Россия" партиясының жалпыфедералдық бөліміне кіреді. 

Федералдық тізімде 395 кандидат ұсынылған. Ал бір мандатты сайлау округтері бойынша – 219 кандидат.

92
 Гонец-М ғарыш аппараты

Қазақстандық делегация Ресеймен ғарыш саласын дамыту мәселесін талқылады

49
(Жаңартылды 23:08 21.07.2021)
Қол қойылған құжаттардың бірі Қазақстан аумағында "Гонец" спутниктік жүйесі негізінде байланыс технологияларын қолдануды қарастырады

НҰР-СҰЛТАН, 21 шілде — Sputnik. Индустрия және инфрақұрылымдық даму министрі Бейбіт Атамқұловтың басшылығымен "Қазақстан Ғарыш Сапары" акционерлік қоғамы МАКС-2021 халықаралық авиациялық-ғарыш салонында қатысып жатыр.

Бейбіт Атамқұлов пен "Роскосмос" басшысы Дмитрий Рогозин арасындағы кездесуде тараптар ғарыш саласын дамытудағы ынтымақтастықты одан әрі талқылады, деп хабарлады "Қазақстан Ғарыш Сапары" ҰК" АҚ баспасөз қызметі.

Кездесуден кейін "ҚҒС "ҰК" АҚ, "Главкосмос" АҚ және "Гонец" жер серіктік жүйесі" АҚ арасында ынтымақтастық туралы меморандумға қол қойылды.

"Құжат ғарыш қызметінің әртүрлі салаларындағы үш компанияның, оның ішінде Қазақстан аумағындағы "Гонец" жер серіктік жүйесі базасында жер серіктік байланыс технологияларын пайдаланудағы ынтымақтастықты қарастырады", - делінген хабарламада.

Тараптар ғарыштық әзірлемелер мен зерттеулер саласындағы әріптестік қатынастар мен ынтымақтастықты өзара дамыту туралы уағдаластыққа қол жеткізді.

 Айта кету керек, биыл салон 20-25 шілде аралығында өтеді. МАКС-2021 келушілері ұсынылған экспонаттардың, зымыран тасығыштардың, ғарыш аппараттарының және басқа әзірлемелердің макеттерімен таныса алады.

49
Жігіт пен қыз орындықта отыр

"Клиенттерінің күйеуінен бала туады": Ақтөбеде ер адам өз ұлының анасына жала жапты

0
Сот әлеуметтік желіде жанайғайын жеткізген Ақтөбе тұрғынына ірі мөлшерде айыппұл салды

НҰР-СҰЛТАН, 25 шілде – Sputnik. Ақтөбеде сот өз ұлының анасын басқа отбасыларды ойрандайды деп айыптаған ер адамға жарты миллион теңге айыппұл салды.

Іс әкімшілік құқықбұзушылықтар жөніндегі ауданаралық сотында қаралды. Сот алдына Ақтөбе облысы экономикалық тергеу департаментінің 40 жастағы жедел уәкілі келді.

Сотта анықталғандай, 12 маусым таңертең Ақтөбе тұрғыны жергілікті Instagram-пабликтердің бірінде жаңа клиниканың ашылуы туралы жазбаны көрген. Бұл мекемеде әйел пациенттерді Т.есімді акушер-гинеколог қабылдайды.

Осыған жауап ретінде ер адам ашулы пост жазған: "Ақтөбенің қымбатты әйелдері! Бұл зұлым әйелге бармаңыз. Ол өз пациенттерінің күйеуінен бала туып, отбасын ойрандайды. Оған ұлы Әмір дәлел".

Істі қарау барысында ер адам бұл дәрігер бір кездері одан жүкті болып қалғанын, ақыр соңында ол әйелімен ажырасуға мәжбүр болғанын түсіндірді.

Тағы оқыңыз: Көңілдесінен қызғанған: Ақтау тұрғыны ауыр қылмыс жасады

Ол гинеколог жайлы жазғаны шындық екенін айтып, құқықбұзушылық құрамы жоқ болуына байланысты әкімшілік өндірісті тоқтатуды сұрады.

Жәбірленуші дәрігер әлгі ер адамнан шынымен аяғы ауыр болғанын, қазір оның ұлын тәрбиелеп отырғанын растады. Алайда оның өз клиенттерінің күйеуінен бала табатыны өтірік, бұл оның абыройы мен ар-намысына, беделіне нұқсан келтіреді. Дәрігер татуласудан бас тартып, өзіне жала жапқан адамды жазалауды талап етті, делінген сот қаулысында.

Сот ер адамды 73-3-баптың екінші тармағы "Көпшілік алдында жала жабу" бойынша кінәлі деп тапты. Енді ер адам 520 мың теңге айыппұл төлеуге тиіс. Десе де ол шағым түсіре алады.

0
Кілт сөздер:
жала жабу, сот, күйеу, Ақтөбе
Тақырып бойынша
Түркістанда үш әйел бүтін бір отбасына коронавирус жұқтырды деп жала жапты
14 еркек зорлағанын айтқан қызды жала жапты деп айыптап жатыр