сәби

Ресейде бала емізетін әйелдерге вакцина салуға рұқсат берілмеді

38
(Жаңартылды 10:25 14.09.2021)
Бұған дейін емізулі баласы бар аналарға "Спутник V" вакцинасын салуға рұқсат берілуі мүмкін екені айтылған болатын

АЛМАТЫ, 14 қыркүйек – Sputnik. Бала емізу вакцина салуға қарсы көрсетілім болып саналады. Бұл туралы Ресейдің денсаулық министрлігі мәлімдеді, деп хабарлайды РИА Новости.

"Коронавирус инфекциясына қарсы вакцинаны қолдану жөніндегі нұсқаулыққа (Ковивак, Эпиваккорона, Спутник Лайт) сәйкес жүктілік және емізулі баласы бар кезеңде вакцинаны салдыруға болмайды. Себебі бұл аралықта зерттеулер жасалмаған", - делінген ақпаратта.

Сонымен қатар "Спутник V" вакцинасының нұсқаулығына өзгеріс енгізілді. Соған сәйкес вакцинаның пайдасы болуы мүмкін қауіптен асып кеткен жағдайда жүктілік қарсы көрсетілім тізімінен шығады.

"Емізулі баласы бар әйелдерге "Спутник V" вакцинасы әлі де қарсы көрсетілім болып саналады", - делінген ақпаратта.

Бұған дейін Ресейде емізулі баласы бар аналарға "Спутник V" вакцинасын салуға рұқсат берілуі мүмкін екені айтылды. "Спутник V" вакцинасын өндірген Гамалея орталығының басшысы Александр Гинцбург Ресейдің денсаулық сақтау министрлігі емізулі баласы бар әйелдерді осы препаратпен вакциналау қарастырылып жатқанын айтты.

Бұған дейін Ресейдің денсаулық сақтау министрлігі клиникалық зерттеулердің оң нәтижесі мен вакцинаның қауіпсіз екенін ескеріп, "Спутник V" вакцинасын жүкті әйелдерге салуға болатыны туралы шешім қабылдады.

Ал Қазақстанның денсаулық сақтау министрі Алексей Цой тамызда емізулі баласы бар әйелдерге Pfizer вакцинасын салу мәселесі өндірушілерге жолданғанын айтты.

Алдын ала ақпарат бойынша Pfizer тек балалар мен жүкті әйелдерге салынады.

Оқи отырыңыз: "Вакцина мидың бұзылуына әкеліп соғады": шетелдік дәрігердің айтқаны рас па

 

38
Кілт сөздер:
вакцина, коронавирус, омыраумен емізу
Тақырып бойынша
Балалар, егде жастағылар мен жүкті әйелдер қандай вакцина салуға тиіс
Қазанда Pfizer вакцинасын балалар мен жүкті әйелдер ғана салдыра алады – министрлік
Жүкті әйелдер коронавирусқа қарсы екпе алуы керек пе – видео
Жүкті екенін білмей вакцина салдырған әйелдер не істеуі керек – маман жауап берді
Самолет Ан-26Б-100

Хабаровск өлкесінде жоғалған ұшақтың бөліктері табылды

21
(Жаңартылды 09:26 23.09.2021)
Түнде іздестіру жұмыстары көру нашарлығына байланысты тоқтаған болатын

НҰР-СҰЛТАН, 23 қыркүйек – Sputnik. Ресейдің Хабаровск өлкесінде жоғалған Ан-26 ұшағының бөліктері "Спартак" тау шаңғысы кешенінің маңынан табылды, деп хабарлады РИА Новости. 

"Болжам бойынша "Спартак" тау шаңғысы кешенінің маңында ұшақ бөліктері анықталды. Бұлттар сейілуде. Көру мүмкіндігі жақсарып келеді. Ми-8 қонуды жоспарлап отыр, құтқарушылар қонуға ыңғайлы жер іздестіруде", - делінген хабарламада. 

Түнде іздестіру жұмыстары көру нашарлығына байланысты тоқтаған болатын. 

Ұшақтың құлаған жерінен түсіріліген алғашқы кадрлар Mash телеграм-каналында жарияланды.

Естеріңізге сала кетейік, 22 қыркүйек күні кешке Хабаровск өлкесінде алты адам мінген Ан-26 ұшағы байланысқа шықпай қойды. Кейінірек бұл ақпаратты Ресейдің төтенше жағдайлар министрлігі растады.

Бортта алты адам болған. Соңғы рет ұшқыштар қаладан 38 шақырым жерде белгі берген. ТЖМ Ан-26 байланыс құралдарының жұмысын тексеру үшін әуеге көтерілгенін атап өтті.

Ұшақ байланысқа шығуды тоқтатқаннан кейін оны іздеуге Росавиацияның Ми-8 тікұшағы тартылды. Министрліктің тағы бір тікұшағы ұшуға дайындалып жатыр.

Ан-26 – әскери-көлік ұшағы, екі турбобұрандалы және бір қосымша реактивті қозғалтқышпен жабдықталған.

Оқи отырыңыз: 

21
Кілт сөздер:
ұшақ, әуе апаты, Ресей
Архивтегі сурет

Хабаровск өлкесінде ұшақ радардан жоғалып кетті

35
Ан-26 ұшағының бортында алты адам болған. Ұшақ әуеге байланыс құралдарын тексеру үшін көтерілген

НҰР-СҰЛТАН, 22 қыркүйек – Sputnik. Хабаровск өлкесінде алты адам мінген Ан-26 ұшағы байланысқа шықпай қойды, деп хабарлады РИА Новости-ге өңірдің шұғыл қызметтері. Кейінірек бұл ақпаратты Ресейдің төтенше жағдайлар министрлігі растады.

Бортта алты адам болған. Соңғы рет ұшқыштар қаладан 38 шақырым жерде белгі берген. ТЖМ Ан-26 байланыс құралдарының жұмысын тексеру үшін әуеге көтерілгенін атап өтті.

Ұшақ байланысқа шығуды тоқтатқаннан кейін оны іздеуге Росавиацияның Ми-8 тікұшағы тартылды. Министрліктің тағы бір тікұшағы ұшуға дайындалып жатыр.

Ан-26 – әскери-көлік ұшағы, екі турбобұрандалы және бір қосымша реактивті қозғалтқышпен жабдықталған.

Оқи отырыңыз: 

35
Кілт сөздер:
Ресей, ұшақ
портфель ұстаған адам

"Айына 643 мың теңге алады": сенатор мәслихат басшыларының жалақасын жариялады

20
(Жаңартылды 11:36 23.09.2021)
Сондай-ақ сенат депутаттары тексеру комиссия мүшелерінің жалақысын көтеру керек деп санайды

НҰР-СҰЛТАН, 23 қыркүйек – Sputnik. Сенаторлар жергілікті мәслихат хатшылары мен тексеру комиссияларының мәртебесін ғана емес, жалақысын да көтеруді талап етті, деп хабарлайды Sputnik Қазақстан тілшісі.

Депутат Мұрат Бақтиярұлының айтуынша, бұл мәселе көптен бері көтеріліп келеді. Бірақ әлі күнге дейін шешілген жоқ.

"Біз өңірлерге іс-сапармен шыққанда жергілікті мәслихаттардың мәртебесін көтеру бойынша әлі де шешімін таппаған мәселелердің бар екеніне куә болдық. Атап айтқанда, үкіметтің 2021 жылғы маусымдағы қаулысына орай, жергілікті деңгейде қызмет атқаратын мемлекеттік қызметшілердің жалақысы екі еседен артық көтерілген. Алайда барлық деңгейдегі мәслихат хатшыларының еңбекақысы сол бұрынғы қалпында қалып қойды. Ондай жағдай 2016 жылы да болған", - деді Бақтиярұлы сенаттың жалпы отырысында.

Осы орайда ол мәслихат хатшыларының жалақысын да жариялады.

Оның айтуынша, аудандық деңгейдегі мәслихат хатшысы аудандық мәслихат аппарат басшысынан екі есе, ал бөлім басшысынан 50 процентке төмен жалақы алады.

"Мысалы, Қызылорда облысында аудандық деңгейде мәслихат хатшысы 200 мың теңге, ал мәслихаттың аппарат басшысы 453 мың теңге, бөлім басшысы 302 мың теңге алады. Ал облыстық деңгейде мәслихат хатшысы 467 мың теңге, мәслихаттың аппарат басшысы 634 мың теңге, ал бөлім басшысы 400 мың теңге жалақы алады. Мәслихат хатшыларының аппарат қызметкерлерінен төмен жалақы алуы лауазымдық иерархия қағидаларының сақталмауына әкеліп соғуда", - деп атап өтті Бақтиярұлы.

Сондай-ақ сенат депутаттары тексеру комиссия мүшелерінің жалақысын көтеру керек деп санайды.

"Тексеру комиссиялары төрағаларының жалақысы тек 33 процентке, тексеру комиссиясы мүшелерінің жалақысы 17 процентке ғана көбейді. Ал басқа мемлекеттік қызметшілердің жалақысы екі немесе одан көп есеге өсті. Бұл ретте тексеру комиссиясының мүшелері өз өкілеттіліктеріне сәйкес, жергілікті атқарушы органдарының жұмысына баға беріп, тиімділігінің тәуелсіз қорытындысын әзірлейтінін атап өткен жөн", - дейді Бақтиярұлы.

Бұдан бөлек, сенаторлар мәслихаттарға қол жинау және петиция жасау құзіретін беруді ұсынды.

Олар үкімет басшысына депутаттық сауал жолдап, мәслихат хатшылары мен тексеру комиссияларының мәртебесін ғана емес, жалақысын да көтеруді сұрады.

Оқи отырыңыз: 

20
Кілт сөздер:
жалақы, сенатор, мәслихат
Тақырып бойынша
Аймағамбетов мектеп директорларына жалақы төлеу жүйесі өзгеретінін мәлімдеді
Министр қай өңірде орташа жалақы 321 мың теңгеге дейін өсетінін айтты
Ең төменгі жалақы 60 мың теңгеге дейін көтеріледі – жолдау
2022 жылы зейнетақы мен ең төменгі жалақы қанша болады