Науқас қолы

Ресейде 17 адам неден қайтыс болғаны анықталды полиция видео жариялады

1177
Құқық қорғау органдары бес бірдей қылмыстық іс қозғады, үш адам ұсталды. Күдіктілер осы қылмыс үшін он жылға дейін сотталуы мүмкін

НҰР-СҰЛТАН, 8 қазан – Sputnik. Орынбор полицейлері суррогат алкогольді заңсыз жасау және сату фактісі бойынша үш адамды ұстады. Олар жасаған ішімдіктен 17 адам уланып өлген, тағы 16 адам ауруханаға түсті.

Орынбор облысының үкіметі талдаудың нәтижесін жариялады. Оған сәйкес, қайтыс болған және зардап шеккен адамдардың ағзасында таза этанол анықталды, деп хабарлайды РИА Новости.

"Таза этанол – бұл адамды өлтіретін у. Ал кейбір адамдардың ағзасында этанолдың мөлшері өлтіретін дозадан үш-бес есеге артық болған", - делінген ресми ақпаратта.

Орынбор облысының денсаулық министрлігі аймақтың шығысына үздік нарколог мен реаниматолог мамандарды жіберді.

"Осы жұмысқа барлық ресурс тартылып отыр. Соның ішінде өкпені жасанды желдету аппараттары, санавиация да дайын тұр. Қазіргі кезде адамдарды құтқару үшін суррогат алкогольді ішкендердің бәрін анықтау қажет", - дейді министрлік мамандары.

Олардың айтуынша, заңсыз өнім ішкен адам бір сағат ішінде қайтыс болуы мүмкін. Сол себепті қазіргі кезде арнайы топтар үй-үйді аралап жүр. Олар алдымен тұрмысы төмен отбасыларды тексереді.

Ал құқық қорғау органдары бес бірдей қылмыстық іс қозғады. Үш адам ұсталды. Олардың ішінде Орск қаласының 29 жастағы тұрғыны, Ясненск қалалық округының Ақжар ауылының 60 жастағы тұрғыны және Домбар ауданының Красночабанский кентінде тұратын 47 жастағы әйел бар. Күдіктілер осы қылмыс үшін он жылға дейін сотталуы мүмкін.

1177
Кілт сөздер:
Ресей, тұрғын, адам, аурухана
Тақырып бойынша
Бала арақ ішіп, көз жұмды: оны алкоголь ішуге мәжбүрлеген еркек ұсталды
Біреуі қайтыс болды – Алматыда бір топ адам уланды
Жезқазғанда балабақша құрамында алкоголь бар 100 келі кәмпит сатып алмақ болған
Үйлену тойында қонақтар жаппай уланды – қылмыстық іс қозғалды
Шымкентте 25 тонна жасанды алкоголь өнімі тәркіленді
зейнеткерлер

Ресейде коронавирусқа байланысты бір апта демалыс жариялау ұсынылды

35
Ұсынылған шаралардың ішінде екпе алмаған және 60 жастан асқан қызметкерлерді қашықтан жұмыс істеуге көшіру де бар

НҰР-СҰЛТАН, 19 қазан – Sputnik. Ресей премьер-министрінің орынбасары Татьяна Голикова ел президенті Владимир Путинге коронавирус инфекциясын жұқтырғандар санының күрт өсуіне байланысты бір апта демалыс жариялау туралы ұсыныс жолдады, деп хабарлады RT.

Демалысты сенбі, 30 қазаннан, кей өңірлерде 23 қазаннан бастап келесі жексенбі, 7 қарашаға дейін жариялау ұсынылды.

Ресейде пандемияға байланысты қоғамдық шаралар тоқтатылды

7 қарашадан кейін өңірлерге демалыс күндері жабық тұрған салаларды "асқан сақтықпен" ашу туралы ұсыныс түсті. Сонымен қатар аймақтар жұмыс істемейтін және вакцина алмаған зейнеткерлерді оқшаулануға жіберуді жүзеге асыруы керек.

Голикова баяндаған шаралардың ішінде екпе алмаған және 60 жастан асқан қызметкерлерді бір айға қашықтан жұмыс істеуге көшіру де бар.

Қызметкерлерге вакциналаудан өту үшін екі күн демалыс беру де ұсынылды. Ресей премьер-министрі Михаил Мишустин өз орынбасарының ұсынысына қолдау білдірді.

Ресейлік танымал әнші коронавирус салдарынан ауыр хәлде жатыр

Голикованың мәліметіне сәйкес, өткен апта қорытындысы бойынша Ресейде мектеп жасындағы балалар мен 60 жастан асқан азаматтар арасында вирус жұқтырғандар көп тіркелген. Ресейде коронавирусқа қарсы иммунитет деңгейі 45%-тен сәл асады.

35
Кілт сөздер:
Ресей, коронавирус, карантин
Тақырып бойынша
Ресейде 17 адам неден қайтыс болғаны анықталды – полиция видео жариялады
Бейтаныс адаммен кеткен: Ресейде жоғалған қыздардың денесі қараусыз қалған үйден табылды
Ресейде бала емізетін әйелдерге вакцина салуға рұқсат берілмеді
Ресейде көпқабатты үйде ондаған пәтер опырылып құлады – видео

Экотерроризм: одан келер қауіп қандай

45
(Жаңартылды 22:54 18.10.2021)
Мальм зорлық шаралары ретінде газ және мұнай корпорацияларының топ-менеджерлерін кепілге алуды ұсынады

НҰР-СҰЛТАН, 18 қазан — Sputnik. Америкалық ықпалды БАҚ "Газ құбырын қалай жаруға болады" деген кітап пен оның авторы Андреас Мальм жайлы жиі жаза бастады. Бұл өте қызықты кейіпкер. Оның қай уақытта дүниеге келгені туралы нақты мәлімет жоқ – қазір оның жасы 43 пен 46 аралығында.

Мальм – швед социалистік (IV Интернационал құрамына кірген) партиясының ардагері, Лунд университетінің доценті, әлемдік революция мен "эко-ленинизм 2.0" құруға үндейтін экстремист-эколог, деп жазды РИА Новости.

Жалпы Еуропада "барлығын жару, тартып алу, бөлісу" жайлы кітап жазатындар өте көп. Әйтсе де дәл осы Мальмды бұқаралық медиа тез арада жұлдызға айналдырып жіберді.

Мальм өзінің экология үшін күресін Стокгольмнің дәулетті адамдар тұратын ауданынан достарымен бірге келіп, кейде "паркетинг" деп те аталатын қымбат джиптердің дөңгелектерін тесуден бастаған. New Yorker интеллектуалды журналына берген сұхбатында Мальм бұл диверсия жайлы толығырақ айтып берген.

200-шы жылдардың басында "экологтар" Швецияда бірнеше мыңдаған паркетингті зақымдады. Сол шақтан бері бұл жаппай сәнге айналды. Ауа тазалығы үшін бұзақылық әдіспен күресушілер Лондоннан Лос-Анджелеске дейін дәулеттілер орамындағы қымбат көліктерді сырып, шиналарын тесуде.

Алайда Мальмның швед олигархтарының ұшақтары мен жеке яхталарына зақым келтіруге дауаламағаны қызық. Себебі ол мұның арты түрмеге жабылумен аяқталатынын сезген секілді. Бірақ Мальм мен оның жолдастарына қарсы бірде-бір іс қозғалған жоқ.

"Дәл осы кезде Ал Гор бізге қызығушылық танытты", - дейді "эколог".

Америкалық саясаткер және инвестор түрлі жасыл бастамалардың арқасында жүздеген миллион доллар табыс тапты. Мальм Швецияда бұзақылықпен айналысып жатқан кезде Нобель сыйлығының лауреаты және экология үшін күресуші Ал Гор өзінің досы Генрик Фискердің қымбат электроавтомобильдер шығаруға арналған фирмасы үшін кредит іздестіріп жүрді.

Ал паркетингтерге қарсы науқан, қоғамдағы шу қаражаты бар азаматтардың электрокарларға назар аударуына себеп болды. Жарты миллиард долларды құрайтын кредит тез арада табылды. Алайда электрокар бойынша идея жүзеге аспады. Fisker-ге банкрот қаупі төнгенімен Гор басқа жаңа бизнеспен айналысты.

Мальма сол шақтан бері элиталы аудитория назарында болып, оның кітаптары әлем тілдеріне аударылып, оған оң рецензия берілді. Ол тіпті ашық түрде қылмыстық қудалауға жататын әрекеттерге шақырған сәтте де интеллектуалды истеблишмент оның бұл көзқарасын насихаттап жүрді.

Мальм зорлық шаралары ретінде газ және мұнай корпорацияларының топ-менеджерлерін кепілге алуды ұсынады. Адамдар құрбан болмайтындай етіп инфрақұрылымды бұзуды үндейді. Сонымен қатар мұнай және газ құбырларын жаруды насихаттайды. Эколог-анархист мұны "интеллигентті іріткі" деп атады.

"Бірақ газ құбырындағы кез келген апат газ бағасының күрт қымбаттауына алып келеді. Ал бұл ең алдымен кедей адамдарға салмақ түсіреді", - деп сауал қойды New Yorker журналисі.

Бірақ Мальм "адамдар үшін де, экономика үшін де қауіп бар екені рас. Бірақ іріткі актісі уақыт бойынша климат өзгеруімен сәйкес келсе, халық бізді қолдайды деп ойлаймын" деген пікір білдірді.

Еуропалықтардың немерелері дәулетті өмір сүруі үшін Мальм олардың қазір кедей өмірге қадам басуын ұсынады. Сонымен қатар Мальм қазіргі нарықтағы жағдайды құптап отыр. Ол "нашар" газ бағасының өсуі еуропалықтар оны сатып алудан бас тартып, жасыл энергияға көшуіне ықпал етеді деп санайды.

Бір қызығы, дағдарыс кезінде дәл осы Ал Гор табыс көріп отыр. Газ бағасының он есе қымбаттауы салдарынан Ұлыбританияда компаниялар – электр энергиясын жеткізушілер жаппай банкротқа ұшырай бастады. Ал Гор дәл осындай компаниядағы 13 проценттік үлесті сатып алды. Бұл дер кезінде жасалған тиімді сауда болып отыр.

Яғни энергетика дағдарысы америкалық компанияларға британ нарығына кіруге және жергілікті компанияларды ығыстыруға мүмкіндік берді. Экожауынгерлердің шулы акциялары мен даулы мәлімдемелері назарды басқа бағытқа бұратын "алдамшы фактор" болды.

Англияны америкалық капиталдан құтқару енді мүмкін емес. Бірақ бұл жағдайды түзетуге болады. Континентальді Еуропа "Солтүстік ағын – 2" арқылы өзіне газ жеткізе алады. Алайда экодиверсанттар бұл жағдайға да дайындалған болуы мүмкін.

Айта кету керек, Федералды тергеу бюросы Greenpeace, PETA бірқатар өкілі мен басқа да экоқорғаушылар мен экожауынгерлерді қауіпті террористер тізіміне бұрыннан енгізген.

Оқи отырыңыз: 

45
Кілт сөздер:
экология, Ресей, терроризм
Тақырып бойынша
АҚШ мемлекеттік хатшысы орынбасарының Ресейге келу себебі белгілі болды
АҚШ әскердегі жасанды интеллект технологиясына басымдық беріп отыр
АҚШ сенаторлары Ресейді терроризм демеушілері қатарына қосуды ұсынды
Терроризм үшін жаза: "жан-жақты" қаталдану
азық-түлік

"Жемқорлыққа жол беріп алдық": Тоқаев азық-түлік бағасына қатысты пікір білдірді

0
Оның айтуынша, азық-түлік бағасының өсімі әлем нарығындағы күрделі мәселе

НҰР-СҰЛТАН, 20 қазан — Sputnik. Мемлекет басшысы Қасым-Жомарт Тоқаев азық-түлік бағасының қымбаттауына қатысты пікір білдірді, деп хабарлады Ақорда. 

Президент жұмыс сапарымен Қарағанды облысына барды. Ол жерде мемлекет басшысы "Қазақмыс корпорациясы" жауапкершілігі шектеулі серіктестігінің жоспарымен танысты.

Оның айтуынша, азық-түлік бағасының өсімі әлем нарығындағы күрделі мәселе. 

Әлемде барлық тауардың бағасы шамамен 40-50 пайызға қымбаттады. Елде азық-түлік бағасы қордаланған мәселелердің салдарынан қымбаттап отыр.

"Бұл мәселені шұғыл шешуге қанша тырыссақ та, жағдайды өздеріңіз де көріп отырсыздар. Аталған мәселені жүйелі түрде шешуіміз қажет. Ауыл шаруашылығы саласына қыруар қаржы бөлсек те, азық-түліктің басым бөлігін сырттан аламыз. Өзге елдер субсидияның не екенін де білмейді. Білсе де, дәл осындай мол қаржы бөлінбейді. Бір жағынан адамдарды босаңсытып жібердік, екінші жағынан сыбайлас жемқорлыққа жол беріп алдық", – деді президент.

Президент бұл мәселемен түбегейлі айналысу керек екенін, үкіметке, ауыл шаруашылығының жаңа министріне міндет жүктегенін атап өтті.

Оқи отырыңыз: 

0
Кілт сөздер:
президент, азық-түлік, баға
Тақырып бойынша
"Әрбір 10-шы тұрғын зардап шегеді": президент азық-түлік тапшылығы туралы айтты
Азық-түлік қымбаттады: Үкіметте баға өсімін тежеу мәселесі талқыланды
Қостанай облысының тауар өндірушілері елордаға 270 тонна азық-түлік әкеледі
Нұр-Сұлтандағы жәрмеңке: Қарағанды облысы 600 тонна азық-түлік әкеледі