Архивтегі сурет

Белгілі әртіс ұзаққа созылған сырқаттан қайтыс болды

104
(Жаңартылды 10:15 22.11.2021)
Әртіс Нина Русланова ұзаққа созылған дерттен кейін 76 жасқа қараған шағында өмірден өтті

НҰР-СҰЛТАН, 22 қараша – Sputnik. Белгілі кеңес және ресейлік әртіс Нина Русланова ұзаққа созылған сырқаттан кейін 76 жасқа қараған шағында дүниеден озды. Бұл туралы РИА Новости Ресей киносы актерлері гильдиясының директоры Валерий Гущинаға сілтеме жасап хабарлады.  

"Шынымен де, бүгін 21 қарашада 76 жасқа қараған шағында РФ халық әртісі, мемлекеттік сыйлықтың лауреаты Нина Ивановна Русланова өмірден өтті", - деді Гущина.

Нина Русланованың өмірбаяны

Нина Ивановна Русланова 1945 жылы 5 желтоқсанда Харьков облысы Богодухов қаласында (Украина) туған. Балалар үйінде тәрбиеленді.

1960 жылы құрылыс училищесін тәмамдады, сылақшы болып жұмыс істеді. Кейін Харьков театр институтына оқуға түсті.

Екі жыл оқыған соң, Мәскеуге көшіп, Б. В. Щукин атындағы Театр училищесіне (қазір — институт) түсті. Леонид Филатов, Александр Кайдановский, Иван Дыховичный, Ян Арлазоровпен бір курста оқыды.

1969 жылы училищені тәмамдағаннан кейін Нина Русланованы бірден Мәскеудің бірнеше театры шақырды.

Нина Русланованың алғаш түскен фильмі – "Короткие встречи". Ол 1967 жылы бұл кинотуындыда Надежданың рөлін сомдаған.

Жалпы актриса 80-нен астам фильмге түсті. Олардың арасында "Познавая белый свет" (1978), "Среди серых камней" (1983), "Мой друг Иван Лапшин" (1984), "Хрусталев, машину!" (1998); "Егор Булычов и другие" (1973), "Афоня" (1975), "Слезы капали" (1983),  "Не стреляйте в белых лебедей" (1980),  "Будьте моим мужем" (1981),  "Завтра была война" және тағы басқалары бар.

Нина Русланова — Ресейдің халық әртісі (1998), ағайынды Васильевтар атындағы РКФСР мемлекеттік сыйлығының лауреаты (1986), Т. Шевченко  атындағы Украина КСР мемлекеттік сыйлығының лауреаты(1988).

Актриса заңгер әрі кәсіпкер Геннадий Рудаковқа ресми түрде тұрмысқа шыққан, Олеся есімді қыздары бар. Ал екінші күйеуі оператор Рафкат Габитовпен әртіс ұзақ жылдар бойы азаматтық некеде тұрды.

104
Кілт сөздер:
әртіс, фильм, кино
Спутник Лайт

Ғалым қандай вакциналарды бір уақытта алуға болатынын түсіндірді

51
Ресейдегі Гамалея орталығының басшысы "Спутник Лайт" пен мұрын вакцинасын бірге қолдануға болатынын айтты

НҰР-СҰЛТАН, 2 желтоқсан – Sputnik. Коронавирусқа қарсы "Спутник Лайт" пен мұрын вакцинасын бірге салуға болады, деп мәлімдеді РИА Новости агенттігіне Гамалея атындағы эпидемиология және микробиология ұлттық зерттеу орталығының директоры Александр Гинцбург.

"Оның ағзаға еш зияны жоқ", - деді ол.

Қазанның ортасында Ресейдің денсаулық сақтау министрлігі Гамалея орталығы дайындаған "Спутник" тобындағы SPRAY 08-Гам-КОВИД-Вак-2021 спрейіне клиникалық сынақ жүргізуге рұқсат еткені белгілі болды.

Гинцбург мұрын препаратының жанама әсері анықталмағанын мәлімдеді. Оның орынбасары Денис Логуновтың айтуынша, мұндай процедура ауыртпалықсыз өтеді. Сондай-ақ, жоғарғы тыныс жолдарында коронавирусқа қосымша кедергі тудыру үшін қолданылады.

Қарашаның соңында Ресей президенті Владимир Путин "Спутник Лайт" препаратымен қайта вакцина салғызып, бірнеше күннен кейін мұрын вакцинасын қабылдады. Көрші ел президентінің айтуынша, одан кейін ешқандай жағымсыз әсер туындамаған.

51
Кілт сөздер:
ғалым, вакцина
Тақырып:
COVID-ке қарсы вакцина
Тақырып бойынша
"Вирус одан да қорқынышты": вакцина алған елордалық аналар жағдайы туралы айтты – видео
"Вакцинаның пайдасын кеш түсінеді": дәрігерлер жансақтау бөлімін көрсетті – видео
Вирусолог вакцинаның екінші дозасын салғызбаса не болатынын айтты
Вакцина алған оқушылардың жағдайы нашарлады деген ақпарат рас па
Вакцина салғызғандар баса мән беруге тиіс симптомдар аталды
Мәскеу көрінісі

Мәскеу коронавирусқа қарсы инновациялар рейтингісінде бірінші орынға шықты

32
Антиковидтік инновациялар әлемдік рейтингісінде Мәскеу Нью-Йорк пен Сан-Францискодан кейінгі үшінші орынға жайғасты

НҰР-СҰЛТАН, 1 желтоқсан — Sputnik. Мәскеу коронавирусқа төзімділікті қалыптастыруға көмектесетін инновациялар рейтингінде еуропалық қалалар арасында бірінші орынға шықты. Ол Лондон мен Барселонадан басым түсті.

Әлем мегаполистері арасында Ресей астанасы Сан-Франциско мен Нью-Йорктен кейінгі үшінші орында тұр. Үздік бестікті Бостон мен Лондон тұйықтап тұр, деп хабарлады Мәскеу мэрінің ресми сайты StartupBlink халықаралық зерттеу агенттігінің рейтингіне сілтеме жасап.

"Коронавирустың таралуымен күресу үшін қолданылатын 160-қа жуық озық шешім Мәскеуге жоғары көрсеткіштерге қол жеткізуге көмектесті. Олардың арасында жасанды интеллектке негізделген компьютерлік көру алгоритмдері бар. Бұл әдіс рентгенологтарға үш миллионнан астам зерттеуге талдау жүргізуге көмектесті", - деп жазылған сайтта.

Тағы бір инновациялық шешім – науқастарды, дәрігерлерді, медициналық ұйымдарды, сақтандыру компанияларын, фармакологиялық өндірістер мен сайттарды біріктіретін бұлтты платформа.

Пандемия кезінде азаматтардың өмірін бейімдеуге көмектесетін технологиялар да жоғары нәтижеге жетуге үлес қосты. Бұл ақылды туризм, электронды сауда және логистика, сонымен қатар қашықтан жұмыс істеу және онлайн білім беру саласындағы жобалар.

StartupBlink агенттігінің сарапшылары Мәскеуде жүзеге асырылған шараларды эпидемиологиялық көрсеткіштер мен экономикаға әсері тұрғысынан бағалады.

Мәскеуде қабылданған коронавирусқа қарсы шаралар арасында тегін негізде жедел тестілеу мен вакциналау орындарының санын көбейту, білім алуға арналған патенттелген онлайн бағдарламалар мен платформалар, телемедицина мүмкіндіктерін дамыту бар.

"Пандемия кезінде Мәскеудің денсаулық сақтау жүйесі үлкен тәжірибе жинақтады және бұл коронавирусқа шалдыққан саны күрт артқан жағдайда да жоспарлы және шұғыл медициналық көмек көрсетуді тоқтатпауға мүмкіндік береді. Бас қала субсидия және жеңілдіктер беру арқылы бизнесті қолдап отыр. Биыл шағын және орта бизнес саласындағы 25 мыңға жуық кәсіпорын қолдау шараларын пайдаланды", - деп жазылған хабарламада.

Рейтинг коронавируспен күресудің инновациялық шешімдерінің жаһандық картасы негізінде құрастырылады және әлемнің 100-ге жуық жетекші қаласы мен 40 елін бағалайды. Жаһандық карта 2020 жылдың наурыз айында әәзірленді және бір жыл ішінде оған мыңнан астам шешім енгізілді.

Рейтинг алгоритмі коронавирусқа қарсы күресте қолданылатын инновациялардың саны мен түрін есепке алады. Қарастыруға қабылданған жобалар инновациялылық, релеванттылық (шешім COVID-19 сын-қатерлеріне тікелей жауап беруі керек) және сенімділік сынды үш негізгі талапқа сай келуі керек. Жекелеген озық бастамалар үшін қосымша балл беріледі. Барлық шешімдер алдын ала модерацияланады және ақпараттың сапасы мен сенімділігі бойынша сарапшылар іріктеуінен өтеді.

32
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды