Мектеп оқушылары

Жаңа оқу жылында мектепте сабақтар қалай өтеді

16539
Өткен жылы оқыту форматы эпидемиологиялық жағдайға байланысты өзгеріп отырды. Кейбір оқушылар қашықтан білім алды, бір бөлігі аралас форматта оқыды

НҰР-СҰЛТАН, 22 шілде – Sputnik. Білім және ғылым министрлігі жаңа оқу жылына дайындық шараларын бастап кетті. Бүгінде оқушыларды дәстүрлі форматқа ауыстыру бойынша тиісті ұсыныстар әзірленіп, барлық өңірге таратылды, деп хабарлайды Sputnik Қазақстан министрліктің ресми сайтына сілтеме жасап.

Мектепке дейінгі және орта білім комитеті төрағасының орынбасары Жомарт Қарамбаевтың айтуынша, пандемия жағдайында мектеп жұмысын ұйымдастыру тәжірибесі бар. Дегенмен күндізгі оқу процесін ұйымдастыру жұмысына үлкен жауапкершілікпен қарау керек.

"Бастысы – балалардың денсаулығы. Сондықтан әр сынып өз кабинетінде оқиды. Оқушылар да мұғалімдер сияқты бетперде киеді. Үзілістер әртүрлі уақытта болады, қажет болған жағдайда қосымша ауысымдар енгізіледі. Кіреберісте температураны өлшейтін және дезинфекциялық құралдар болуы міндетті", – дейді Қарамбаев.

Бұдан бөлек, сабақ кестесі санитарлық талаптарды ескере отырып жасалуы шарт. Білім беру ұйымдары бұқаралық, мәдени және спорттық іс-шараларды өткізуді шектеуі тиіс. Дәстүрлі оқыту форматында мектеп формасы бұрынғыдай сақталады. Санитарлық қызмет талабы бойынша алдағы оқу жылында мектептерді ашу шарттарының бірі – мұғалімдер мен қызметкерлерді вакциналау.

"Білім беру ұйымдарын дәстүрлі форматқа қайтару елдегі санитарлық-эпидемиологиялық жағдайға байланысты болады. Оқыту форматы туралы шешімді коронавирустық инфекцияның пайда болуы мен таралуына жол бермеу жөніндегі ведомствоаралық комиссия, елдің бас мемлекеттік санитариялық дәрігері және өңірлердің бас санитарлық дәрігерлері қабылдайды", - деп атап көрсетті Қарамбаев.

Негізгі талаптар:

  • барлық мектепте қызметкерлер мен оқушылардың температурасын өлшеу;
  • қауіпсіздік шараларын сақтай отырып, кабинеттердің ауасын зарарсыздандыру (кварцтау) және дезинфекциялау;
  • білім беру ұйымдарын дезинфекциялау құралдарымен қамтамасыз ету;
  • шектеу шаралары кезінде оқу орындарының сыйымдылық қуаты мен білім алушылардың санына қарай ауысым мен жұмыс режимін алдын ала анықтау;
  • әлеуметтік қашықтықты сақтай отырып, оқу процесін ұйымдастыру;
  • балалардың дәліздер мен буфеттерде жиналуын болдырмау үшін үзілістерді әртүрлі уақытта өткізу;
  • білім алушылар мен қызметкерлер арасында маска тағу режимін сақтау;
  • бір сынып бір кабинетте оқуы тиіс.

Биыл қанша бала мектепке барады

Ресми мәліметке сәйкес, 1 қыркүйекте 3,5 миллионнанн астам бала мектепке барады. Олар үшін 7 475 мектеп ашу жоспарланған. Қазір жөндеу жұмыстары жүргізіліп жатыр. Олардың барысын әкімдіктердің білім басқармалары бақылайды. Барлық білім беру ұйымдарында жөндеу жұмыстары аяқталады, соның ішінде 263 мектеп күрделі жөндеуден өтеді.

"Өткен жылы оқыту форматы эпидемиологиялық жағдайға байланысты өзгеріп отырды. Кейбір оқушылар қашықтан білім алды, бір бөлігі аралас форматта оқыды. Эпидемиологиялық жағдай жеңілдеп, дәстүрлі оқуға мүмкіндік болған кезде кейбір оқушылар кезекші сыныптарға барды. Яғни, жаппай қашықтан оқыту болған жоқ", - дейді Қарамбаев.

Оның айтуынша, іс жүзінде орта есеппен 4 000-ға жуық шағын ауылдардағы мектептер жыл бойы дәстүрлі форматта жұмыс істеді. Дәстүрлі форматта оқитындардың жалпы саны кезекші сыныптарды қоса алғанда бірінші тоқсанда 1 миллион бала болса, төртінші тоқсанда 2 млн балаға дейін жеткен.

Мемлекет басшысы Қасым-Жомарт Тоқаев жаңа оқу жылында оқушылар мен студенттерді дәстүрлі форматта оқытуға дайындық жұмыстарын өткізуді тапсырды.

16539
Кілт сөздер:
оқу жылы, сабақ, мектеп
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Ақтөбеде оқушы зорланды: Балалардың құқығын қорғау комитеті жағдайды бақылауға алды
Ордабасыда оқушы емтиханнан кейін өзіне қол салды: директор жұмыстан шеттетілді
Ата-аналар қашықтан оқудың машақаты туралы айтып берді - видео
Көпбалалы ана жаңа оқу жылы туралы: бес балам бір телефон қолданады
Оқушылар, архивтегі сурет

Министрлік қыркүйектен бастап оқушылар қашықтан оқиды дегенді жоққа шығарды

320
Қазақстан президенті Қасым-Жомарт Тоқаев үкіметтің кеңейтілген отырысында пандемия оқушылардың білім сапасына кері әсерін тигізгенін айтқан болатын

АЛМАТЫ, 22 шілде – Sputnik. Желіде қазақстандық оқушылар 1 қыркүйектен бастап қашықтан білім алады деген ақпарат пайда болды.

"Бірінші тоқсан шалғайдағы шағын жинақталған ауыл мектептерін қоспағанда, еліміздің барлық мектебінде 1-11 сыныптарда қашықтан басталады. Бұл туралы онлайн-брифинг барысында білім және ғылым министрі Асхат Аймағамбетов хабарлады", - деп жазды Facebook желісінің Gulnara Astana есімді қолданушысы.

Білім және ғылым министрлігі бұл ақпаратты жоққа шығарды.

"Бұл жалған ақпарат. Білім және ғылым министрі Асхат Аймағамбетов брифингте мұндай мәлімдеме жасаған жоқ", - деп жазды министрліктің ресми өкілі Мөлдір Әбдуалиева.

Айта кетері, Қазақстан президенті Қасым-Жомарт Тоқаев үкіметтің кеңейтілген отырысында пандемия оқушылардың білім сапасына кері әсерін тигізгенін айтқан болатын. Ол бұдан шығудың жалғыз жолы – бұрынғы оқыту форматына көшу екенін атап өтті. Үкіметке оқушылар мен студенттердің жаңа оқу жылында дәстүрлі оқыту форматына оралуын қамтамасыз етуді тапсырды.

Білім министрлігінің басшысы егер халықтың көп бөлігі коронавирусқа қарсы вакцина салдырса, жаңа оқу жылында оқу орындарын ашуға болатынын айтты.

320
Кілт сөздер:
оқушылар, білім министрлігі
Тақырып бойынша
"Бұл - өте маңызды мәселе": Аймағамбетов жаңа бұйрыққа қол қоятынын айтты
Аймағамбетов қазақстандық мұғалімдерге хат жазды
Грантқа ілікпей қалды: ақылы бөлімде оқу үшін білім кредитін қалай алуға болады
Тоғжанов білім сапасын көтеру үшін қандай іс-шаралар қолға алынғанын баяндады
Білім министрлігі аттестация қашан басталатынын хабарлады
Нью-Йорк қаласы

АҚШ экономикасына дефолт қаупі төнді 

0
Пандемия кезінде экономика көлемінен асып түскен Американың мемлекеттік қарызы шарықтау шегіне жетті. Үкімет дефолт қаупі жайлы сөз етуде. Шығынға жол бермес үшін конгресс тез арада жедел әрекетті қолға алмақ

НҰР-СҰЛТАН, 27 шілде – Sputnik. Америкалықтар 2008 жылдағы дағдарыстан бері сырттан қарыз алуды арттырып келеді. Обама билікте болған кезде тоғыз триллионға, Трамптың кезінде жеті триллион долларға ұлғайды. 2018 жылы жалпы ішкі өнімнің 78 процентіне жетті – Дүниежүзілік банк мұны қауіпті деп атады.

Қарыз шегін арттыру керек, әйтпесе күзде қаржы міндеттемелеріне қызмет көрсету бойынша проблема туындауы мүмкін. Кредиторлар АҚШ-тың қарызды өтеу мүмкіндігіне күмәнданса, не болатыны туралы РИА Новости материалында. 

Болжам бойынша мемлекеттік қарыз АҚШ экономикасының көлемінен он жылдан кейін ғана асуы керек. Алайда пандемия мен ұлттық шаруашылықты қолдауға арналған үлкен шығындардың салдарынан бұл әлдеқайда ертерек қалыптасты. Тәуелсіз есептеулер бойынша 2020 жылы билік ел экономикасына тоғыз триллион долларға жуық қаражат салды. Соның нәтижесінде мемлекеттік қарыз ЖІӨ-ден асып түсті. 

Наурыздың соңына қарай 28 триллион доллар немесе ЖІӨ-нің 101 проценті. Мұндай жағдай тарихта бір рет қана – Екінші дүниежүзілік соғыстан кейін бірден, 1946 жылы болды. Ол кезде көрсеткіш 106 процентті құрады. Ал қарыз өсіп жатыр: қазір - 28,5 триллион доллар. Заң бойынша енді қарыз алуға болмайды. 

АҚШ мемлекеттік қарыздың шарықтау шегіне бірінші рет жетіп отырған жооқ. 2008 жылдағы дағдарыстан кейін бұл көрсеткіш тұрақты өсіп жатыр. 

2019 жылы Трамп 2021 жылдың 31 шілдесіне дейін мемлекеттік қарызды шектеусіз ұлғайтуға мүмкіндік беретін заңға қол қойды. Межелі күннен кейін Қаржы министрлігі облигациялар сату есебінен қосымша қаражат тарта алмайды.

Алайда Вашингтонның бұдан басқа амалы жоқ. Пандемия кезінде экономиканы қолдауға жұмсалған қомақты шығын салдарынан бюджетте үлкен саңылау пайда болды. 

Бюджет тапшылығы негізінен мемлекеттік облигацияларды сату есебінен жабылып жатыр. 2020 қаржы жылында (30 қыркүйекте аяқталды) тапшылық кемінде үш есе – 3,1 триллион долларға дейін ұлғайды. Алайда коронавирусқа қарсы күрес бойынша барлық шараларды есептегенде, ол төрт триллионға жететінін анық. 

Осылайша Вашингтонның алдында екі жол тұр: 31 шілдеге дейін мемлекеттік қарыз шегін арттыру немесе қарыз алу лимитінің әрекет етуін тоқтату. Әйтпесе АҚШ-тың қаржы министрі Джанет Йеллен конгреске жолдаған хатында ескерткендей, ел дефолтқа тап болып, экономикаға орны толмас шығын келтіріледі. 

Қаржы министрлігі "қосымша шұғыл шаралар" қабылдауға тура келеді. Алайда Йеллен атап өткендей, қаржы мекемесінің мемлекеттік төтенше қаржыландыру қолдану мүмкіндігі қатты шектеулі. 

"Мұнда көптеген факторға байланысты айтарлықтай белгісіздік бар. Соның ішінде үкіметтің төлемдері мен түсімдерін бірнеше ай бұрын есептеу проблемалары да бар", - деді министр. 

Алайда шекті көтермесе, жаңа қаржы жылында, 1 қазанға қарай қарызға қызмет көрсету қабілеті тоқтатылады. Негізінен дәл сол күні АҚШ қарзынашылығы шығынды 150 миллиард долларға қысқартуға тура келеді.

Жалпы қаржы министрі мемлекеттік қарыздың рекордтық өсімін көздеп отыр. Алайда бұған байланысты конгресте бірауызды шешім болмай тұр. Демократтардың пікірінше, шекті арттыру керек. Республикашылдар Байден мен үкіметтен шығындарды қысқартып, үлкен қарызды азайту шараларын қабылдауды талап етіп отыр.

Соған қарағанда шекті қарыздың деңгейін кезекті рет көтереді. Ал экономистер АҚШ дефолтын "ақырзаман" ретінде қарастырып жатыр. 

"Америкалықтар мұндайға ешқашан жол бермеген. Бұл қауіпті жағдай болар еді", - деп санайды JPMorgan-ның АҚШ бойынша бас экономисі Майкл Фероли. 

Бірақ дефолт болу қаупінің өзі-ақ нарықта дүрбелең тудыруы мүмкін. Егер ешқандай шара қабылданбаса, АҚШ Қаржы мекемесі 30 шілдеде мемлекеттік бағалы қағаздарды да, мемлекеттік қарызға қызмет көрсетуді қамтамасыз етіп отырған жергілікті органдардың  қағаздарын да сата алмай қалады.

2011 жылы өкілдер палатасының қарыз шегін көтеруден бас тартуы мен дефолт қаупінің туындауына байланысты Standard & Poor’s халықаралық рейтинг агенттігі тарихта алғаш рет АҚШ-тың дербес кредиттік рейтингін төмендетті. Соның артынша-ақ қор нарығында құлдырау бола жаздады: тиісті органдар бір мәмілеге келгенге дейін S&P 500 индексі бес күн қатарынан төмендеді. 

CNBC атап өткендей, осы жолы мемлекеттің қарызды өтеу мүмкіндігіне күмәнданған кредиторлар Вашингтоннан әлдеқайда жоғары процентті талап етуі мүмкін. Ал бұл өз кезегінде домино әсерін қалыптастырады: ипотекалық және автокредиттен бастап корпоративтік қарызға дейінгі проценттік мөлшерлемелер жаппай өсе бастайды.

Ал бұл тұрақтылыққа оң әсер етпейтіні анық. "Қаржы дағдарысы күшейіп, жұмыс орындары мен америкалықтардың жинақтарына қауіп төнеді. Бұл біз пандемиядан кейін қайта аяққа тұрмаған кезде болып отыр", - дейді Джанетт Йеллен. 

Кредиторлар АҚШ үкіметінің қарыз өтеу қабілетіне жиі күмәнданып отыр. Америкалық жетекші қаржыгердің бірі, Bridgewater Associates атты әлемдегі ірі хедж-қордың негізін қалаушы миллиардер Рэй Далио атап өткендей, бюджет, сауда теңгерімі мен қазіргі операциялардың есебі бойынша үштік тапшылық жақын уақытта шетелдік инвесторларды қазынашылық облигациялардан үркітіп, доллардың құлдырауына себепші болады. Бұл көлемі жағынан 2008 жылғы дағдарыстан ғана емес, 1930 жылғы Ұлы депрессиядан да асып түсуі мүмкін қаржы дағдарысына апаратын тікелей жол.

0