Тазалық, шүберек

"20 минут қана кетеді": білім басқармасының жетекшісі өзі еден жуып жүр фото

912
Білім басқармасының жетекшісі оқушылардың мектепте еден жууына қатысты ақпаратты түсіндірді

НҰР-СҰЛТАН, 10 қыркүйек — Sputnik. Астаналық білім басқармасының басшысы Әнуар Жанғозин өзі еден жуып, эстафетаны өзге басшыларға жолдады.  

"Соңғы күндері елордалық мектептерде былтырдан жүзеге асырылып жатқан бастамаға қатысты көптеген пікірталас туындауда. Өткен жылдан бері кейбір мектепте оқушылар еден жууға көмектесе бастаған болатын", - деп жазды Жанғозин әлеуметтік желіде.

Басқарма жетекшісі бұл жаңашылдықтан шет қалмай күн сайын кешке қызметкерлерге кабинет жинауға көмектесуді шешкен. Жанғозин бұл 15-20 минут қана уақыт алатынын айтты.

"Бүгін #өзіңненбаста эстафетасына бастама бере отырып, елордалық білім беру ұйымдарының басшыларын біздің балаларымызға бұл жұмыстың қиын және ұят емес екенін көрсетуге шақырамын", - деді Әнуар Жанғозин әріптестеріне.

Еске сала кетейік, әлеуметтік желіде астаналық мектептердің бірінде сабақтан кейін балалардың еден жуатыны туралы ақпарат тараған болатын. Бірі бұл жаңашылдықты қолдаса, енді бірі түбегейлі қарсы.

Тағы оқыңыз: "Маған қысым көрсетті": білім министрлігінде тағы да шу шықты

Жанғозин бұл бастаманы түсіндірді.

"Бұл әр оқушы еден жуу керек деген сөз емес, осыны бірден атап өткім келеді. Бастама асханада ыдыстарын жуатын жерге апару немесе сабақтан кейін жұмыс орнын таза ұстау, кейбір жағдайда сыныптар мен дәліздерді жинауға көмектесу сияқты жұмыстар. Бұл біздің балаларымыздың бойында басқа адамдардың еңбегін құрметтеу және қоршаған ортаға күтіммен қарау дағдыларын дамыту үшін жасалады. Әрине, балалардың қалауы бойынша ғана іске асатын шаралар екенін ескертеміз", - деп жазды білім басқармасының басшысы.

Бұған дейін қазақстандық адвокат Жангелді Сүлейменов оқушыларға еден жууға тыйым салуды талап еткен болатын. Ол бұл талап орындалмаса,  білім басқармасын сотқа беремін деп отыр.

912
Кілт сөздер:
еден жуушы, шенеунік, Нұр-Сұлтан
Тақырып бойынша
"Тағы бір сандырақ": белгілі адвокат білім министрлігімен соттасқалы жатыр
"Нүкте қоятын кез келді": білім министрі маңызды мәселенің тоқетерін айтты
Мұғалімдер бес күндік жұмыс аптасына қашан көшетіні белгілі болды
Білім министрі: президенттің тапсырмасы сөзсіз жүзеге асырылады
Түркістан облысы лагеріндегі шу: оқиғаның неден басталғаны белгілі болды
Нұр-Сұлтанда жаңа өрт сөндіру депосы ашылды

Нұр-Сұлтанда жаңа өрт сөндіру депосы ашылды

25
Жаңа өрт сөндіру депосының ғимаратында елордалық гарнизон қызметкерлері үшін жатақхана қарастырылған

НҰР-СҰЛТАН, 17 қазан – Sputnik. Елордада төтенше жағдайлар министрі Юрий Ильин мен Нұр-Сұлтан қаласының әкімі Алтай Көлгіновтің қатысуымен жаңа өрт сөндіру депосының салтанатты ашылуы өтті. 

Жаңа төрт қабатты өрт сөндіру депосы Алаш ауданында салынды. Ол Байқоңыр ауданы аумағында қызмет көрсететін болады.

"Өрт сөндіру бөлімінің жалпы аумағы 4 мың шаршы метр, 6 машина орны бар. Депоның соңғы қабаттарында елордалық гарнизон қызметкерлері үшін жатақхана қарастырылған, онда 27 бөлме мен жайлы пәтер бар", - деп хабарлады төтенше жағдайлар министрлігінің баспасөз қызметі.

Өрт сөндіру депосының қызмет көрсету аймағына тіршілікті қамтамасыз ету, сауда объектілері, өнеркәсіптік базалар мен қоймалар, саяжай алаптары кіреді.​ Сонымен қатар, Ақмола гарнизонымен өзара іс-қимыл жоспарына сәйкес көмек ретінде бұл бөлім Қоянды, Софиевка тұрғын үй алаптарына барады.

Пожарные машины
© Photo : МЧС РК
Өрт сөндіру көліктері

Салтанатты шара барысында Юрий Ильин мен Алтай Көлгінов гарнизонға өрт техникасы мен реанимобильдердің кілтін табыс етті. Сонымен қатар, қызметкерлерге тұрғын үй кілттері берілді. Жоғары көрсеткіштері мен кәсіпқойлығы үшін көзге түскен қызметкерлер ведомстволық наградалармен марапатталды.

25
Астана көрінісі

Коронавирус індеті: Нұр-Сұлтанда карантин күшейтіледі

96
Елорданың бас санитар дәрігері 65 жастан асқан тұрғындарға кітапхана, театр және музейлерге баруға тыйым салды

НҰР-СҰЛТАН, 16 қазан - Sputnik. Нұр-Сұлтан қаласының бас санитар дәрігері Жанна Пралиева карантинді күшейтуге қатысты қаулы шығарды.

Ол адамдар көп болатын уақыттарда автобус санын ұлғайып, қоғамдық көлікте барлық есікті ашуды тапсырды. Жексенбіде автобустар жүрмейді, жұмыс күндері таңғы 6.00-ден 23.00-ге дейін қатынайды.

Елорданың бас санитар дәрігері 65 жастан асқан тұрғындарға кітапхана, театр және музейлерге баруға тыйым салды.

Театрларға спектакльдерге баратындар саны бір уақытта 50 адамнан аспауы тиіс. 

Сондай-ақ, астанада спорттық, адам көп жиналатын шаралар, той мен митинг ұйымдастыруға болмайды.

Қаулы қол қойған күннен бастап күшіне енеді.

96
Кілт сөздер:
карантин, Нұр-Сұлтан, коронавирус
Тақырып:
Коронавирус эпидемиясы
Тақырып бойынша
"Коронавирустың екінші толқыны жоқ": ДДҰ мәлімдеме жасады
Атырау облысында карантин ұзартылды
Карантин күшейтіледі – облыстың бас санитар дәрігерінің жаңа қаулысы шықты
Қазақстандағы COVID-19: тағы бір облыста карантин күшейтілді
Қарағанды және Шығыс Қазақстан облыстарында карантин күшейтіледі
Күзгі астана

Қазақстанда 20 қазанда қандай маңызды оқиғалар болады

0
Sputnik Қазақстан 20-29 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

20 ҚАЗАНҒА ЖОСПАРЛАНҒАН ШАРАЛАР

09:00 – Үкімет отырысы. Күн тәртібінде ветеринарлық, фитосанитарлық қауіпсіздік, дәрі-дәрмекпен қамту мәселелері талқыланады. Отырыс PrimeMinister.kz сайтында және әлеуметтік желідегі ресми аккаунттарда көрсетіледі. Байланыс: 8 (7172) 75 00 10, press.kpm@mail.ru.

11.00 – Бернард Шоудың "Пигмалион" пьесасын онлайн оқу. Максим Горький атындағы Мемлекеттік академиялық орыс драма театрының актрисасы оқиды (трансляция театрдың Instagram парақшасында жасалады).

12.30 - Sputnik Қазақстан баспасөз орталығында диктант жазудан халықаралық акцияға арналған Спикерлер: ғарышкер Айдын Айымбетов (диктант оқитын адам), жоба үлестірушісі Лаура Ілиясова, Нұр-Сұлтандағы Ресейдің ғылым және мәдениет орталығының директоры Алексей Коропченко. Байланыс үшін: +7 (747) 2207401 (WhatsApp). Трансляция Sputnik Қазақстан сайты мен YouTube-каналда жасалады.

21 ҚАЗАНҒА ЖОСПАРЛАНҒАН ШАРАЛАР

14.00 – Мәскеу - Ереван - Минск - Нұр-Сұлтан бейнекөпірі. Іс-шара Еуразиялық даму банкінің басқарма төрағасының орынбасары Тигран Саркисянның қатысуымен Еуразиялық кеңістіктегі COVID-19 пандемиясының таралуына және жағымсыз салдарларын жеңуге және еңсеруге арналған үздік цифрлық шешімдерге арналған Еуразиялық даму банкінің (ЕДБ) цифрлық бастамалар қоры конкурсының қорытындылары аясында өтеді. Бейнекөпірдің трансляциясы Sputnik.kz сайтында және біздің Facebook парақшасында қолжетімді. Спикерге қойылатын сұрақтарды a.nurgazinova@sputniknews.com мекен-жайына жіберуге болады.

23 ҚАЗАНҒА ЖОСПАРЛАНҒАН ШАРАЛАР  

19.00 – "Женитьба" қойылымы, Максим Горький атындағы Мемлекеттік академиялық орыс драма театры (Нұр-Сұлтан, Желтоқсан көшесі 11-13).

26 ҚАЗАНҒА ЖОСПАРЛАНҒАН ШАРАЛАР  
Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0