пәтер кілті, иллюстрация

Астанада "Берекелі баспана" бағдарламасы бойынша құжат қабылдау басталады

1584
Баспана кезегінде тұрған елорда тұрғындарына 3 және 4 бөлмелі 14 пәтер беріледі. Құжаттар 21-25 қазан аралығында қабылданады

НҰР-СҰЛТАН, 18 қазан — Sputnik. Нұр-Сұлтанда 21 қазанда "Берекелі баспана" бағдарламасы бойынша жалдамалы баспана алуға өтінім қабылдау басталады, деп хабарлайды елорда әкімдігінің ресми сайты.

Қалалық бағдарламаға "Әлеуметтік әлжуаз", "Жетім балалар" және "Көпбалалы отбасылар" санаты бойынша кезекте тұрған азаматтар қатыса алады. 

Құжат 21-25 қазан аралығында қабылданады, кезекте тұрғандарға 3 және 4 бөлмелі 14 пәтер беріледі. 3 пәтер (үш бөлмелі) жетім балаларға, 3 пәтер (төрт бөлмелі) көпбалалы отбасыларға, 8 пәтер (үш бөлмелі) әлеуметтік жағынан осал топтағы тұрғындарға үлестіріледі.

Әлеуметтік осал топқа мына санаттағы азаматтар кіреді: 

  • Ұлы Отан соғысының ардагерлері мен мүгедектері және оларға теңестірілген адамдар;
  • мүгедек балалары бар немесе оларды тәрбиелеп отырған отбасылар;
  • кейбiр созылмалы аурулардың ауыр түрімен ауыратын адамдар;
  • жасына қарай зейнет демалысына шыққан зейнеткерлер;
  • толық емес отбасылар;
  • 1 және 2 топтағы мүгедектер;
  • оралмандар; 
  • экологиялық зiлзалалар, табиғи және техногендi сипаттағы төтенше жағдайлар салдарынан тұрғын үйiнен айырылған адамдар;
  • мемлекеттiк немесе қоғамдық мiндеттерiн, әскери қызметiн орындау кезiнде, ғарыш кеңістігіне ұшуды дайындау немесе жүзеге асыру кезінде, адам өмiрiн құтқару кезiнде, құқық тәртiбiн қорғау кезiнде қаза тапқан (қайтыс болған) адамдардың отбасылары. 

Бұл бағдарлама бойынша алған баспананы жекешелендіріп алуға болмайды.

Құжаттарды қалалық әкімдіктің "Тұрғын үй қоры" коммуналдық мемлекеттік мекемесі қабылдайды, ол келесі мекенжай бойынша орналасқан: Нұр-Сұлтан қаласы, Р. Қошқарбаев даңғылы, 39. Жұмыс уақыты сағат 8.30-дан 17.00-ге дейін, үзіліс - 13.00-14.30.

Баспана алуға үміткерлер келесі құжаттарды тапсыру керек:

  • өтініш;
  • өтініш беруші мен оның отбасы мүшелерінің жеке басын куәландыратын құжат;
  • өтініш берушіні және отбасы мүшелерін тұрғылықты жері бойынша тіркеу туралы мекенжай анықтамасы;
  • неке қию/некені бұзу, жұбайының/зайыбының қайтыс болуы, балалардың туу туралы куәліктері, өтініш берушінің некеде тұрмайтындығы туралы нотариат куәландырған өтініш;
  • өтініш берушінің және отбасы мүшелерінің Қазақстан аумағында меншік құқығындағы үйінің немесе сатып алумен жалдамалы тұрғын үйінің бар немесе жоқ екендігі туралы анықтама;
  • жылжымайтын мүлікке тіркелген құқықтар және оның техникалық сипаттамалары (балшықтан құйылған және қаңқалы-қамысты тұрғын үйдегі, жатақханадағы бөлмеде үлесі болған кезде) туралы анықтама, сондай-ақ аталған жағдайларда меншік құқығының туындауын растайтын құжаттар. 

Толығырақ мына байланыс нөмірлері бойынша ақпарат алуға болады: 79-34-50, 24-84-67.

1584
Кілт сөздер:
пәтер, Нұр-Сұлтан, баспана
Тақырып бойынша
"Ешкім бере алмайды": вице-министр баспана сұрап, бас көтеретін аналарға жауап берді
Қазақстанда мемлекеттен қалай баспана алуға болады - толық ақпарат
Жастарға баспана беру тәртібі жарияланды – бағдарлама талабы қандай
"Бақытты отбасы" бағдарламасы: 2%-пен қалай баспана алуға болады - видео
"Айына 17 мың теңге": мұғалімдерге арзан баспана беріліп жатыр - видео
Кезекке тұрмайды, бірақ баспана талап етеді: елорда әкімдігі митингілер туралы
Көлгінов астанадағы қолжетімді баспана кімге берілетінін айтты
Сауда орталығының қызметкері

Нұр-Сұлтанда сенбі күні сауда орталықтарының жұмыс істеуіне тыйым салынуы мүмкін

391
Сауда нысандарына келушілер ғимараттың 30%-ін ғана толтыруы керек, яғни бір келушіге төрт шаршы метр тиесілі болуы тиіс

НҰР-СҰЛТАН, 27 қараша – Sputnik. Елордада демалыс күндері сауда нысандарының жұмыс кестесі өзгерді. Нұр-Сұлтанның бас санитар дәрігері Жанна Пірәлиевның мәлімдеуінше, енді қаулыға сәйкес, мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады, деп хабарлайды қалалық әкімдік сайты.

Бас санитар дәрігердің 20 қараша күнгі карантиндік шаралар туралы жаңа қаулысына сәйкес, адамдар маска тағып, әлеуметтік қашықтықты сақтап, әркез термометриялық тексеріс жүргізіп тұруы шарт. Сондай-ақ, антисептиктер мен санитайзерлер болуы шарт.

"Сауда үйлері мен ойын-сауық орталықтарының, жабық азық-түлік және азық-түлік емес базарлардың жұмыс кестесіне өзгерістер енгізілді. Енді аталған сауда нысандары сенбі күндері сағат 09:00-ден 20:00-ге дейін жұмыс істейтін болады. Бірақ мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады", -  деді Жанна Пірәлиева.

Оның айтуынша, сауда орындарының барлығы жексенбі күндері бұрынғыша жабық болады. Ал жұмыс күндері кесте бойынша 10:00-ден 23:00-ге дейін жұмыс істейді.

Сауда объектілерінде орналасқан сұлулық салондары, ателье, химиялық тазалау, шаштараз, аяқ киім жөндеу шеберханасы сияқты қосымша қызметтер үшін жаңа кесте енгізілді. Бұл бизнес субъектілері сенбі және жексенбі күндері 09:00-ден 20:00-ге дейін жұмыс істей алады.

"Егер демалыс күндері СОО-да тек супермаркеттер мен дәріханалар ашылса, енді оларға қосымша қызмет көрсететін шағын бизнес субъектілері де қосылады", - деп түсіндірді елорданың бас санитар дәрігері.

Бұл ретте сауда объектілеріне келушілер ғимараттың 30%-ын ғана толтыруы керек, яғни бір келушіге төрт шаршы метр тиесілі болуы тиіс. Бұл норманы ғимарат әкімшілігі де, жалға алушылар да қадағалап отыруға міндетті. Егер адамдар көп болған жағдайда, олар келушілер ағынын шектеуі керек.

Оқи отырыңыз: Ақмола облысында карантин тағы да күшейтілді

Клиенттер үшін маска тағу мен қашықтық сақтау талабы сақталады. Оларды бұзған жағдайда, жеке тұлғалар жауапқа тартылады.

391
Кілт сөздер:
шектеу, карантин
Тақырып:
Төтенше жағдай және карантин
Тақырып бойынша
СҚО-да карантин күшейтілді - не өзгерді
Қазақстанда карантин жеңілдетілді – қандай шектеу сақталады
Қазақстан мемлекеттік шекарада шектеу шараларын күшейтеді
Қандай жағдайда алматылық кәсіпорындар қызметіне шектеу қойылатыны белгілі болды
Қазақстанның бірнеше облысында шектеу шаралары енгізілді
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

738
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

738
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Теңге, ақша, тиын

БЖЗҚ зейнетақы төлемдеріне қатысты ақпарат жариялады

350
(Жаңартылды 10:12 30.11.2020)
Зейнет жасына толуына байланысты ай сайынғы орташа төлем 22 806 теңгені, ал ең жоғарғы зейнетақы 506 980 теңгені құрады

НҰР-СҰЛТАН, 30 қараша – Sputnik. Бірыңғай жинақтаушы зейнетақы қоры 1 қарашадағы жағдай бойынша азаматтарға 155,3 миллиард теңге төлем жасады.

Қордың баспасөз қызметінің ақпаратынша, 2020 жылдың 1 қарашасындағы жағдай бойынша 320 335 адамға төлем төленді.

Тұтастай алғанда, 1,9 миллионнан астам зейнетақы төлемі мен сақтандыру ұйымдарына аударымдар жасалды. Жалпы сома 155,3 миллиард теңгені құрайды.

Оның ішінде:

  • зейнет жасына толу бойынша төлемдер – 51,7 миллиард теңге;
  • сақтандыру ұйымдарына аударымдар – 39,5 миллиард теңге;
  • ТТЖ-ға кетуге байланысты төлемдер – 31,1 миллиард теңге;
  • мұрагерлік бойынша төлемдер – 28,2 миллиард теңге;
  • жерлеуге берілетін төлемдер – 3,5 миллиард теңге;
  • мүгедектік бойынша төлемдер – 1,3 миллиард теңге.

Бұл ретте ай сайынғы орташа төлем сомасы (зейнеткерлік жасқа толуға байланысты) 22 806 теңге, ал ай сайынғы ең жоғарғы зейнетақы 506 980 теңге болды.

350
Кілт сөздер:
БЖЗҚ, зейнетақы
Тақырып бойынша
Зейнетақы төлеуге 7,3 триллион теңге бөлінеді: Тоқаев заңға қол қойды
ЕАЭО елдерінде жұмыс істеген азаматтарға зейнетақы қалай төленеді