Қарт адам, архивтегі фото

"Қараудың өзі қорқынышты": Өткен айда қарттар үйіне түскен қария көз жұмды

3844
(Жаңартылды 09:33 24.10.2019)
27 қыркүйек күні елордадағы қарттар үйіне тапсырылған қария 20 күннен кейін жұмбақ жағдайда жан тапсырды

НҰР-СҰЛТАН, 24 қазан – Sputnik. Нұр-Сұлтанда қарттар үйіне жатқызылған 67 жастағы қария жұмбақ жағдайда қайтыс болды.

Марқұмды жан тапсырар кезінде көрген көршілері мекеме қызметкерлері ұрып-соқты деп күдіктенеді. Өйткені оның аяқ-қолы сынып, көгеріп, күйіп кеткен еді дейді.

Анатолий Вознюк көлік саласында қызмет атқарыпты. Зейнет жасына келгенде қарайласар бірде-бір туысы қалмаған. Тек көршілерімен ғана жақын араласқан. Жалғыздықтан әбден шаршаған соң, қоңсысының көмегімен Қарттар үйінен пана табады. Арты қайғымен аяқталған, деп хабарлады "Астана" арнасы.

"Біз бір отбасындай болып кеткенбіз. Менде оның сенімхаты да бар. Қарттар үйіне өткіз деген соң, жағдайы жақсарар деп, айтқанын екі етпеп едім. Кім білген осылай боларын. Оны бірінші рет көруге келгенде, тамақтанудан бас тартқанын айтты. Екінші келгенде, бір аяғы қап-қара болып ісініп кеткен. Қараудың өзі қорқынышты болды", - дейді марқұмның көршісі Вера Петрова.

Анатолийдің аяғы мазалағандықтан, соңғы жылдары жүруден қалған. Бір аяғына ота да жасалыпты. Қарттар үйі оны сол күйінде қабылдағанымен, артынан ауруханаға  жөнелткен. Алайда, оның жағдайы туралы хабар да алмаған.

Көршілерінің айтуынша, қарттар үйі қызметкерлері ондағыларға күтім жасамақ түгілі, қарауда да немқұрайлылық танытады. 

"Палатаға кіріп едім, оның жерде жатқанын көрдім. Артынан ондағы қызметкерлерді  іздеп кеттім. 2 қабатты аралап жүріп бір санитар маманды әрең таптым. Олар оның құлап кеткенін жөргегін ауыстырып жатқан едік деп түсіндірді. Сіздерді 15 минуттан бері іздеп жүрмін ғой десем, жауап та қатқан жоқ", - деп ашынды көршісі Виталий Петров.

Тағы оқыңыз: Алғаш рет шын ғашық болдым - қарттар үйінде сүйіктісін кездестірген қарияның әңгімесі

Қалалық қарттар үйінің мамандары науқастың қайтыс болғанынан да хабарсыз. Соған қарамастан, олар тағылған айыптың бәрін жоққа шығарып отыр. Айтуларынша, марқұм мекемеге келгенде жағдайы ауыр болған. Қолдарында оны растайтын құжаттары да бар. Керісінше, біз оны адам қатарына қостық деп отыр.

"Күйік болған жоқ. Екі аяғы да қап-қара болды. Тізеден төмен қан айналымы болмады. Аяғы сұп-суық. Бір көргенде, күйік сияқты көрінеді. Бірақ ол влажное гиангагоме, біздің тілімізде солай айтылады. Ол кісі қимыл-қозғалыссыз жатқан адам. Ұрып-соғуға қандай себеп бар", - деп түсіндірді "Шарапат" әлеуметтік қызмет көрсету орталығы медицина бөлімінің меңгерушісі Болатбек Мұсаханов.

Елорда тұрғыны Қарттар үйіне 27 қыркүйекте түскен. 9 күн арнайы күтім алып, ауруды еңсеруге мұндағы мамандардың шамасы келмеген соң, қалалық ауруханаға жеткізілгендерін растады. 67 жасқа келген қарт 17 қазан күні көз жұмды.

3844
Тақырып бойынша
"Іш пыспайды": қарттар үйіне түскен қариялардың әңгімесі
"100 жасағым келеді": Қарттар үйінен пана тапқандар қалай тұрып жатыр?
"Бір күнде отбасымнан айырылдым": қарттар үйіне түскен қарияның аянышты тағдыры
Жас ұлғайған сайын уақыт неге зымырай бастайды – ғалымдар зерттеуі
"Келін тамақ істемей қойды": қарттар үйіндегі ардагер ананың әңгімесі
"Аянышты көрініс": экс-судья қазақстандықтардың жаға ұстатарлық оқиғаларымен бөлісті
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

667
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

667
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Нұр-Сұлтан

Нұр-Сұлтандағы нысандар қызғылт-сары түспен жарықтандырылады

26
(Жаңартылды 18:32 25.11.2020)
Қазақстанның астанасында "Зорлық-зомбылықсыз 16 күн" әлеуметтік акциясы аясында бірқатар шара өткізіледі

НҰР-СҰЛТАН, 25 қараша – Sputnik. Нұр-Сұлтандағы маңызды нысандар қызғылт-сары түспен жарықтандырылады.

Акция гендерлік зорлық-зомбылыққа қарсы ынтымақтастық белгісі ретінде өткізіледі, деп хабарлады елорда әкімдігінің ресми сайты.

Нысандарға бүгін сағат 19:00-ден 20:00-ге дейін жарық беріледі.

Бұған дейін хабарланғандай, "Зорлық-зомбылықсыз 16 күн" әлеуметтік акциясы – әйелдерге қатысты зорлық-зомбылықты жоюдың халықаралық күні (25 қараша) басталатын және Адам құқықтары күніне (10 желтоқсан) дейін жалғасатын жыл сайынғы халықаралық науқан.

Бұл күнді 1999 жылы БҰҰ Бас ассамблеясы ресми түрде жариялады және атаулы күн әлемнің 100-ден астам елінде қолдау тапқан.

Қазақстан астанасында да осы акция аясында бірқатар іс-шара өтеді.

26
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы