Нұр-Сұлтанның қысқы келбеті

Нұр-Сұлтанда мерекелік демалыс күндері қайда баруға болады?

138
Астаналықтар "Денистің достары" мұз шоуын, "Тәуелсіздік бабалар мұраты" атты фотокөрмені тамашалай алады

НҰР-СҰЛТАН, 13 желтоқсан – Sputnik. Алдағы демалыс күндері елордалықтар театрлық қойылымдар, концерттік бағдарламалар, спорттық шаралар мен әсерлі шоуларды тамашалай алады. Бұл туралы қала әкімдігінің ресми сайты хабарлады.

Сенбі, 14 желтоқсан

Астаналықтар "Денистің достары" мұзды шоуын тамашалай алады. Шара сағат 18.30-да "Барыс Арена" мұз сарайында өтеді. Жоба Қазақстанда мәнерлеп сырғанауды дамытуға және танымал етуге, елдер арасындағы туризм мен достықты дамытуға және Денис Тенді мәңгі есте сақтауға бағытталған. Сондай-ақ, сағат 19.30-да ресейлік әнші Ольга Бузованың Конгресс Орталығында "Принимай меня" ән кеші өтеді.

Жексенбі, 15 желтоқсан

Астана Опера театрының шығармашылық ұжымы сағат 12.00-де жас көрермендерге "Самұрық келген таң" музыкалық ертегісін дайындады. Онда Самрұқ сиқырлы құсын іздеуге шыққан батыл Айдар мен Айжанның шытырман оқиғалары жайлы баяндалады. Спектакль "Балаларға арналған драмалық шығарма" номинациясы бойынша VII Республикалық "Тәуелсіздік толғауы" конкурсының І премиялы сыйлығының лауреаты атанғанын атап өткен жөн. Өнерсүйер қауым Империялық орыс балетінің "Щелкунчик" жаңа жылдық ертегісін тамашалай алады. Қойылым 14 желтоқсанда сағат 18.00-де, 15 желтоқсанда сағат 13.00-де Nomad City Hall театрында өтеді.

Сондай-ақ, елордалықтар 14-18 желтоқсанда сағат 10.00-18.00 аралығында С.Сейфуллин музейінде "Тәуелсіздік бабалар мұраты" атты фотокөрмесін тамашалай алады.

Дүйсенбі, 16 желтоқсан

Сағат 12:00 және 16:00-де елордалық циркте мерекелік дивертисмент болады. Ал сағат 15.00-де Бейбітшілік және келісім сарайында "Егемен елдің ертеңі" ҚР Тәуелсіздік күніне арналған концерт өтеді. Спорт сүйер қауым назарына да бірқатар шара ұйымдастырылды. Осылайша, астаналықтар 16-17 желтоқсан таңғы 9.00-де "Алау" СК өтетін Тәуелсіздік күніне арналған садақ атудан Нұр-Сұлтан қаласының ашық кубогына қатыса алады. Тау туризмінің жанкүйерлері 16-17 желтоқсан күндері туристік көпсайыстан Нұр-Сұлтан қаласының ашық кубогының 4 кезеңін тамашалай алады. Жарыс сағат 10.00-де № 19 орта мектепте өтеді.

Сейсенбі 17 желтоқсан

Сағат 10.00-де Паралимпиадалық жаттығу орталығында волейболдан ашық турнир өтеді. Ал 16-20 желтоқсан сағат 9.00-де "Дәулет" спорт кешенінде теннистен "Nursultan Masters 10&under" балалар турнирі өтеді деп жоспарланып отыр.

 

138
Кілт сөздер:
демалыс күндері, Тәуелсіздік күні
Коньки

Астаналықтар конькимен сырғанап, шаңғымен жүруді тегін үйренеді

25
Тегін сабаққа қатысқысы келетіндер алдын ала жазылуы керек, жаттығу қаланың әртүрлі бөлігінде болады

НҰР-СҰЛТАН, 21 қаңтар — Sputnik. Нұр-Сұлтанда конькимен және шаңғымен сырғанаудан тегін дәріс өтеді.

Тегін сабақтар демалыс күндері қаланың төрт ауданында сағат 11:00-ден 12:30-ға дейін және 15:00-ден 16:30-ға дейін өтеді, деп хабарлады елорда әкімдігі.

"Конькимен сырғанау және шаңғымен жүруді үйрету тегін сабақтары санитарлық нормалар мен қауіпсіздік техникасын сақтай отырып, нұсқаушының бақылауымен өткізіледі", - делінген хабарламада.

Келемін деушілер мына нөмірлер арқылы тіркеле алады:

  • "Сарыарқа" ауданына жауапты – 8 775 188 18 38 (Қалалық әкімдік алдыңдағы алаңда, "Көктал" саябақ);
  • "Есіл" ауданына жауапты – 8 771 522 37 72 ("NurAlem" Экспо алаңында, "Үркер" ықшам ауданы);
  • "Алматы" ауданына жауапты – 8 707 977 99 70 ("Триатлон" парк);
  • "Байқоңыр" ауданына жауапты – 8 747 054 59 00 ("Жастар" сарайы, "Кирпичный" тұрғын үй алабы).

Бұған дейін елорда әкімдігі биыл қалада спортпен айналысуға және демалуға арналған қандай жаңа нысандар ашылатынын хабарлаған болатын.

25
Тақырып бойынша
Астанада ең үлкен мұз айдыны ашылды
Алматы көлінде түсірілген видео желіні дүрліктірді: Байбек түсініктеме берді
Қызыл алаңда мұз айдыны ашылды - көз тартарлық суреттер
Нұр-Сұлтанда ең әдемі мұз айдыны пайда болды – видео
Ақша, теңге

Нұр-Сұлтанда алаяқтар әкімдік қызметкері атынан хабарласып жатыр

67
(Жаңартылды 08:37 20.01.2021)
Полиция алаяқтар қоңырау шалып, ақша ұсынса, бірден тәртіп сақшыларына хабарласуды сұрады

АЛМАТЫ, 20 қаңтар – Sputnik. Елордалықтарға алаяқтар хабарласып, бес мыңнан миллион теңгеге дейін ұсынып жатыр.

"Елорда тұрғындарына әлеуметтік қорғау басқармасының қызметкерлері атынан телефон шалып, басқарма атынан 5 мың теңгеден бір миллион теңгеге дейін мөлшерде ақша ұсынуда. Бұл үшін картаға қомақты қаржы сомасын аударуды талап ететін алаяқтардың әрекеттерінен сақтануды сұрайды", - деп хабарлады қалалық жұмыспен қамту және әлеуметтік қорғау басқармасы.

Посмотреть эту публикацию в Instagram

Публикация от @upravlenie_zanyatosti

Сондай-ақ, мұндай жағдай болса, бірден полицияға хабарласуды сұрады.

Әлеуметтік көмек тұрғындардың жеке (карталық) шотына ақшалай қаражат аудару арқылы қандайда бір құжаттарды талап етпестен жүзеге асырылады. 

Тізімдерді қалыптастыру әлеуметтік төлемдер орталығы мен тиісті мемлекеттік органдардың мәліметтер негізінде жүзеге асады.

Атаулы және мерекелік күндерге әлеуметтік көмек жылына бір рет, тек қана бір негіздеме бойынша жүзеге асады.

Айта кетейік, Нұр-Сұлтан полициясы өткен жылы алаяқтық үшін 97 адамды қылмыстық жауапкершілікке тартты. Қылмыстың басым бөлігі интернетте тауарлар мен қызметтерді сатып алу-сату бойынша жасалды.

Алаяқтық, яғни бөтеннің мүлкін ұрлау бабы бойынша бір мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарға тартылады. Алты жүз сағатқа дейінгі мерзімге қоғамдық жұмыстарға тарту жазасы да қарастырылған. Сондай-ақ, екі жылға дейінгі мерзімге бас бостандығы шектеледі не сол мерзімге бас бостандығынан айырылады.

67
Кілт сөздер:
әкімдік, алаяқтық, Нұр-Сұлтан
Тақырып бойынша
Түркістан облысында қайын атасының ақшасын ұрлаған әйел ұятқа қалды
Алаяқтар картаның кодын қалай біліп алады – министрлік ақпарат берді
"Шабуыл жасап, үш қап ақшаны алып кетті": банк желіде тараған видеоны растады
Петропавл тұрғыны белгісіз ер адамның шотына 1 млн теңге аудара салды
Теміртауда қыз зейнеткердің есепшотындағы жинақ ақшасын ұрлаған
Коронавирус вакцина

Коронавирусқа қарсы жаңа вакцина жайлы не білеміз

0
Вакцинаны әзірлеген "Вектор" орталығының мамандары "ЭпиВакКоронаның" иммунологиялық тиімділігі 100 процент деп атады

Бұл COVID-19 қоздырғышы болып табылатын SARS-CoV-2 тікенді ақуызының кішкентай бөлшектерінен тұратын синтетикалық препарат. Қазір бұл вакцинаны сынауға үш мыңнан астам ерікті қатысып жатыр. Сондай-ақ, ол азаматтық айналымға да түсті. Оның кері әсері өте аз деп хабарланды. Сондықтан, вакцина егде жастағы адамдарға қолдануға да жарамды.

"ЭпиВакКорона" неден тұрады

Осы вакцина тасымалдағыш ақуызға бекітілген SARS-CoV-2 коронавирусының тікенді ақуызының қысқа бөлшектерінен тұрады. Бұл бөлшектердің құрамында пептидтер деп аталады. Сондықтан, вакцина да пептидтік деген атауға ие болды. Тасымалдаушы ақуызға коронавирустың РНҚ-сын қоршап тұрған нуклеокапсидті ақуыздың бөліктері бар. Иммундық әсерді күшейтетін зат - адъювант ретінде алюминий гидроксиді жұмыс жасайды. Сонымен қатар қосалқы қосылыстар мен су бар. Барлық құрауыш элементтер синтетикалық болып табылады.

Вакцина құрамында қандай пептидтер бар

РИА Новости агенттігіне "Вектор" мемлекеттік ғылыми орталықта хабарлағандай, вакциналық пептидтердің құрамында ең алдымен В-жасушалы эпитоптар бар. Т-хелперлі эпитоптардың көзі ретінде тағысалдаушы ақуыз қызмет етеді.

SARS-CoV-2 - нуклеокапсид  қабыршағына оралған РНҚ молекуласы болып табылады. Мұның бәрі сыртынан тәж тәрізді тікенді ақуыздармен безендірілген липидті қапшықта тұрады. Сондықтан, оны коронавирус деп айтады.

Тікенді ақуыздар вирустық бөлшектің адам жасушасына жабысып, ішке енуіне көмектеседі. Көптеген зерттеулер бұл тікендердің организмде ең үлкен иммундық реакцияны тудыратынын анықтады. Биологтардың терминологиясында тікенді ақуыз -  антиген болып табылады. 

Бұл ақуыздың молекуласы өте үлкен және оның ішінде ерекше аймақтар – эпитоптар бар. Иммундық жүйенің жасушалары оларды анықтап, инфекциямен күресті іске қосады.

Вакцина қалай жұмыс істейді

Екпе нәтижесінде ақуыз тасымалдаушы барлық үш пептидті адамның Влимфоцитіне жеткізеді. Олар пептидті белсендіреді де, қорғаныш антиденелер - иммуноглобулиндер өндіріле бастайды. Әрбір В-эпитопы бірегей иммуноглобулиннің синтезіне жауап береді. Алдымен M (IgM) тобына жататын антиденелер түзіледі. IgG - содан кейін қалыптасады да, олар иммунитетті көрсетіп, ұзақ уақытқа қанда қалады. 

"Вектор" орталығындағылар екпеден туындайтын антиденелер коронавирустың тікенді ақуыз үшін айрықша екенін растайды. Иммунизацияланған еріктілердің қан сарысулары вирусты бейтараптандыратын белсенділік танытады. Демек, антиденелер коронавирусты танып қана қоймай, оны жоюға қабілетті.

"ЭпиВакКорона" құрамында коронавирус бар ма

Онда ешқандай вирус және оның бөліктері жоқ. Бұл вакцина құрамында аденовирустар бар "Спутника V" вакцинасынан өзгеше. "ЭпиВакКорона" құрамында РНҚ, ДНҚ, тірі құрауыштар, консерванттар немесе антибиотиктер жоқ. Оның құрамында пептидтер бар. Олар коронавирустың ақуыздарымен бірдей пептидтер – ақуыздар бөлшектері бар. 

Пептидтік вакцина қалай жасалады

Ол пептидтердің химиялық синтездері, яғни, жекелеген аминқышқылды қалдықтардан бірізді тізбек құру процесімен әзірленеді. 

"Егер пептид қысқа - сегізден онға дейінгі қалдықтар болса, онда синтездеу ерітіндіде өтуі мүмкін болады. Ол ұзағырақ, бірақ арзан. Ұзынырақ пептидтер қатты фазалы әдіспен синтезделеді. Сегіз аминқышқылының қалдықтарынан тұратын пептид қатты фазалық әдіспен көлеміне, аминқышқылдарының реттілігі мен жабдық сипаттамаларына байланысты екі сағат ішінде, ұзақ дегенде бір тәулік ішінде синтезделеді. Әрі қарай тиімділігі жоғары сұйықтық хроматографиясымен тазарту жүргізіледі. Бұл әлдеқайда тез, бірақ арзан емес", - дейді В.Н.Орехович атындағы биомедициналық химия ғылыми-зерттеу институтының пептидтік инженерия зертханасының меңгерушісі Екатерина Колесанова.

Екпе қалай жасалады

Вакцина суспензия түрінде шығарылады және шприцпен иық бұлшықетіне енгізіледі. Пептидті препараттар иммунитеттің қуатты әрі жылдам жауап қатуын қамтамасыз ете алмайды. Сондықтан, "ЭпиВакКорона" 21 күн аралығымен екі рет бірдей мөлшерде енгізіледі.

Қандай кері әсері бар

І және ІІ кезеңдегі сынақтарға қатысушылар екпе салған орынның аздап ауыратынын, бірақ, тез басылатынын айтқан. Басқа жағымсыз әсер тіркелген жоқ. 

Тіркеуден кейінгі сынаққа қатысушылар құрған ресми емес #ЭпиВакКорона Telegram арнасында қолайсыздық, екпе салған орынның тәулік бойы қызарып тұруы, иықты қатты ауырсыну секілді аздаған кері әсер жайлы айтқан. Дене қызуының көтерілуі, қалтырау секілді белгілер ешкімнен байқалмаған немесе оның екпемен байланысы расталған жоқ. 

"ЭпиВакКорона" қаншалықты тиімді

"Иммунологиялық және профилактикалық тиімділік бар. Біріншісі - айрықша антиденелер шығару. Клиникалық зерттеулердің I-II кезеңдерінің нәтижелері бойынша барлық еріктілерде айрықша антиденелер түзілді. Профилактикалық тиімділік - бұл екпе салдырғандардың аурудан қорғануы. Бұл бағыттағы зерттеулер тіркеуден кейінгі клиникалық сынақтар барысында жалғасып жатыр. Мәліметтер ақпан айында дайын болады", - деп түсіндірді Ресей тұтынушлар құқығын қорғау мекемесінің баспасөз қызметінде. 

"Вектор" мемлекеттік ғылыми орталығында І-ІІ кезеңдердің клиникалық сынақтары әлі аяқталмағанын айтты. 

Қазір плацебо тобымен рандомдалған зерттеу өтіп жатыр. Адамдарды кездейсоқ іріктеумен топтарға бөліп, олардың біріне вакцина, біріне физикалық ерітінді салынып жатыр. Сынақтар соңғы еріктіге екпе салғаннан кейін 180 күннен соң аяқтайды. 

Бір уақытта жасы 60-тан асқан азаматтарға да сынақ жүргізіліп жатыр. Осы топ бойынша алдын ала мәлімет те ақпан айында дайын болады. 

Вакцинаның әсерін өз бетінше қалай тексеруге болады

IgG тобындағы антиденелердің коронавирустың S-ақуызына әсері бойынша қан талдауын вакцина егілген күннен бастап 35-42 күн өткен соң ғана жасау керек. Алайда, барлық тест-жүйелер "ЭпиВакКорона" түзген антиденелерді көре бермейді.

Ресей тұтынушлар құқығын қорғау мекемесінде мәлімдегендей, ол үшін "Вектор" мемлекеттік ғылыми орталығы әзірлеген "SARS-CoV-2-IgG-Вектор" тест-жүйесі сәйкес келеді. 

Коронавирусқа қарсы пептидтік вакцинаны тағы кім әзірлеп жатыр

Бүкіл әлемде пептидтік вакциналар эксперименттік сатыда тұр. Олардың әзірлеу және тексеру үлкен шығынды қажет етеді. Сондықтан, олар мРНҚ, векторлық және инактивацияланған / өлтірілген вакциналардан артта келе жатыр. Ресейде бұл мәселені өз бетімен шешу үшін қажетті ресурс пен білікті мамандар жеткілікті. 
19 қаңтардағы ДДҰ тізімінде "ЭпиВакКоронадан " басқа тағы екі пептидтік вакцина бар. Олар да адам ағзасында тексеріліп жатыр.

 

0