Нұр-Сұлтан

Құтқарушылар астаналықтарды жұмыстан ертерек босатуды сұрады

607
(Жаңартылды 13:54 23.01.2020)
Өрт сөндірушілер, полицейлер, құтқарушылар мен медицина қызметкерлері қолайсыз ауа райы кезінде қазақстандықтарға көмектесу үшін күшейтілген режимде қызмет атқаруда

НҰР-СҰЛТАН, 23 қаңтар — Sputnik. Құтқарушылар Нұр-Сұлтанда қатты боранның соғуына байланысты астаналықтардың жұмыс күнін қысқартуға шақырады.

Жел екпіні секундына 23 метрге дейін күшеюі мүмкін, деді қалалық төтенше жағдайлар департаментінің басшысы Бауыржан Сыздықов.

"Барлық бизнес-құрылым, ұйымдар, оның ішінде құрылыс ұйымдарына әсіресе биіктіктегі жұмыстарды орындаудан бас тартуға және жұмыс күнін қысқартуға кеңес береміз", - деді Сыздықов бейсенбі күні журналистерге.

Тек бұл қала тіршілігін қамтамасыз ететін ұйымдар, атап өтсек, өрт сөндіру қызметі, полиция, төтенше жағдайлар департаменті, жедел медициналық жәрдем және коммуналдық қызметтерге қатысты емес, делінген төтенше жағдайлар департаментінің хабарламасында.

Астаналықтар қала сыртына шықпасын

"Мен тұрғындардың барлығына алыс жолға шықпауға кеңес беремін. Ал егер олар қазір жолда болса, 112, 109, 101, 102 нөмірлеріне хабарлассын. Біз көмектесеміз", - деді Бауыржан Сыздықов.

23 қаңтарға қараған түннен бастап "112" қызметіне 1639 қоңырау түскен. Олардың 85%-і - тас жолдардың ашылуы не жабылуы мен сабақтың болу-болмауы мәселесіне байланысты, деп нақтылады департамент.

"Қазір барлық арнайы қызмет, коммуналдық қызметтер жұмыс істеп жатыр. Екі мыңнан астам адам, 1200 арнайы техника жұмылдырылған. Қаланың төрт ауданында штабтар ұйымдастырылған", - деп атап өтті Сыздықов.

Оның айтуынша, биыл қар былтырғы қараша-желтоқсанмен салыстырғанда екі есе көп түсті. Департамент астаналықтарды өз үйлерінің маңындағы қарды тазалауға көмектесуге шақырады.

Ауа райы қолайсыздығына байланысты Нұрсұлтан Назарбаев халықаралық әуежайында 32 рейс кешігіп жатыр.

Полицейлер мен құтқарушылар күшейтілген жұмыс режиміне көшті. Қазақстанның тоғыз өңірінде жолдар жабық.

607
Кілт сөздер:
Нұр-Сұлтан, боран, жұмыс
Тақырып бойынша
Синоптиктер қаңтар айында ауа райы қандай болатынын айтты
Отқа оранған Австралия: жаңбырға қуанған өрт сөндірушілердің видеосы тарады
Қар жауып, жел соғады: бірнеше облыста дабылды ескерту жарияланды
Ауа райына байланысты Нұр-Сұлтан қаласы мен бес облыста ескерту жарияланды
Бірнеше өңірде – дабылды ескерту: алдағы күндерге ауа райы болжамы
Архивтегі сурет

Нұр-Сұлтанда жексенбі күні бірнеше көше жабылады карта

38
(Жаңартылды 18:07 24.09.2021)
Марафон аяқталып, көшелер ашылғаннан кейін қоғамдық көлік жұмысы қалпына келтіріледі

НҰР-СҰЛТАН, 24 қыркүйек – Sputnik. Нұр-Сұлтан қаласында жексенбі, 26 қыркүйекте "Astana Marathon-2021" өтеді. Осыған байланысты бірқатар көше жабылады, деп хабарлайды елорда әкімдігінің ресми сайты.

Astana Marathon

Марафон өткізуге байланысты 26 қыркүйекте сағат 7:00-ден 14:00-ге дейін жүгіру бағыты бойынша көлік қозғалысы толығымен шектеледі.

Осы уақыт аралығында жүгіру бағыты өтетін көшелер толығымен немесе ішінара жабылады. Жарыс екі қашықтық бойынша өтеді: 10 шақырым және 42,2 шақырым.

10 шақырымдық сайыстың бағыты: Рысқұлов – Қабанбай батыр – Орынбор – Мәңгілік Ел – Рысқұлов.

42,2 шақырымның бағыты: Рысқұлов – Қабанбай батыр – Орынбор – Мәңгілік ел – Қалдаяқов – Панфилов – Тәуелсіздік – Нәжімеденов – Нұрмағамбетов – Байтұрсынов – Қошқарбаев – Жұмабаев – Момышұлы – Абылай хан – Қажымұқан – Жұмабаев – Қошқарбаев – Қонаев – Қазақ радиосы – Достық – Мәңгілік Ел – Рысқұлов.

Сондай-ақ марафонды өткізу аясында сағат 07:00-ден 14:00-ге дейін 57 бағдардың қозғалыс бағыты өзгереді. Автобустар тізімін мына сілтеме арқылы өтіп көруге болады.

Бұған қоса жеті бағдардың қозғалысы тоқтатылады: №№ 15, 15а, 18, 32, 47, 50, 323.

"Жоғарыда аталған бағыттар бойынша қоғамдық көлік жұмысы көшелер ашылғаннан кейін қалпына келтіріледі", - делінген хабарламада.

Қала әкімдігі тұрғындар мен қонақтардан қозғалыс бағытын алдын ала жоспарлауды сұрады.

"Алматы марафон"

Сондай-ақ осы жексенбіде Алматыда да марафон өтеді. Жүгіруді жаны сүйетін адамдар үшін мынадай қашықтықтар ұсынылған: 10, 21,1, 42,2 шақырым, "Экиден" командалық эстафетасы, 10 шақырым – скандинавиялық жүріс.

25 қыркүйек сағат 6.00-ден 26 қыркүйек 18.00-ге дейін марафон өтетін көшелерде қозғалыс ішінара тоқтатылады. Спортшылар жүгіріп өткеннен кейін жолдар ашылады, деп мәлімдеді марафон ұйымдастырушылар комитеті.

Марафон Республика алаңында басталып, сол жерде аяқталады. Сол себепті Сәтпаев көшесінде Желтоқсан көшесінен Назарбаев даңғылына дейін қозғалыстың екі жолағы да жабылады. Жолдарды жабу уақытымен толығырақ марафон сайтында таныса аласыз.

Оқи отырыңыз: 

38
Кілт сөздер:
Нұр-Сұлтан, қоғамдық көлік, көшелер
Лесная поляна

Нұр-Сұлтанда қала маңына қатынайтын автобус іске қосылады

24
Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді

НҰР-СҰЛТАН, 23 қыркүйек – Sputnik. Елордада "Лесная поляна" елді мекені – Назарбаев Университеті" бағытында қала маңына қатынайтын жаңа маршрут іске қосылады, деп хабарлайды қала әкімдігінің ресми сайты.

"25 қыркүйектен бастап Қосшы қаласы тұрғындарының өтініші бойынша "Лесная поляна" елді мекені – Назарбаев Университеті" бағытындағы №323 қала маңына қатынайтын жаңа маршрут іске қосылады", - делінген хабарламада.

Маршруттың қозғалысы "ЭКО-Маркет "Минимаркеті" аялдамасынан басталады, ары қарай Қарқаралы тасжолы – Қабанбай батыр даңғылының бойы, ал соңғы пункт – "Назарбаев Университеті".

Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді.

"Жолаушылар қоғамдық көлікте маска режимін сақтауды ұмытпауы керек. Автобусқа бетпердесіз кіруге тыйым салынады. Жолақысы қолма-қол ақшасыз жүзеге асырылады", - деді әкімдіктегілер.

Оқи отырыңыз:

24
Кілт сөздер:
автобус, Нұр-Сұлтан, қоғамдық көлік
Тақырып бойынша
Нұр-Сұлтанда тағы 100 электрлі автобус пайдалануға беріледі
Нұр-Сұлтанда тағы бір автобус жолағы іске қосылады
Нұр-Сұлтанда көлік қозғалысы тәртібіне өзгеріс енгізіледі
Пожар возле лицей №60 в Сарыаркинском районе столицы

Нұр-Сұлтанның оң жағалауында салынып бітпеген ғимарат өртеніп жатыр видео

0
Өрт сағат 19.49-да оқшауланды. Қаза тапқандар мен зардап шеккендер жоқ

НҰР -СҰЛТАН, 24 қыркүйек – Sputnik. Өрт елордада салынып жатқан тұрғын үй кешенінен басталды.

Бұл туралы Нұр-Сұлтан қаласының төтенше жағдайлар департаменті хабарлады.

Сағат 19.35-те өрт сөндірушілер Кенесары көшесі, 3А мекенжайында түтін көрінгені туралы хабарламаға шығып кетті.

Өрт сөндірушілер оқиға орнына 7 минут ішінде жетіп, жаңадан салынып жатқан тұрғын үй кешенінің аумағында 50 шаршы метр аумақта рубероид жабыны мен жиналған қоқыс өртеніп жатқанын анықталды.

Өрт сағат 19.49-да оқшауланды.

Қаза тапқандар мен зардап шеккендер жоқ.

0