Астанадағы боран

Елордада ауа райы қолайсыздығына байланысты жұмыс күні қысқаруы мүмкін

313
Елорда билігі ұйым мен мекеме басшыларына жұмыс күнін қысқаруға кеңес берді. Мектеп пен колледждерде сабақ болмайды

НҰР-СҰЛТАН, 27 қаңтар — Sputnik. Астаналық төтенше жағдайлар департаментінің басшысы Бауыржан Сыздықов ауа райының қолайсыздығына байланысты жұмыс күнін қысқартуға кеңес берді.

Ол видеоны қаңтардың 26-нан 27-сіне қараған түні жариялаған. Ол кезде қалада мүлдем еш нәрсе көрінбеген еді.

View this post on Instagram

A post shared by NUR-SULTAN (@akimat_nursultan) on

"Ауа райы бұзылуына байланысты мектептер мен колледждерде сабақ болмайды. Барлық жоғары оқу орындарына сабақты ауыстыру керек. Ал ұйымдар, мекемелер мен бизнес құрылымдарға жұмыс күнін қысқартуға кеңес береміз", - деді төтенше жағдайлар департаментінің басшысы Бауыржан Сыздықов.

Төтенше жағдайлар қызметі астаналықтарға қала сыртына шығудан бас тарту керек екенін ескертті. Сондай-ақ, қоғамдық көлікпен жүруге кеңес берді. Балаларды балабақшаға апармаған дұрыс екенін атап өтті. Бірақ балабақшалар штаттық режимде жұмыс істеп тұр.

Тағы оқыңыз: Қарағанды ​​облысында боран кезінде жолаушылар пойызы рельстен шығып кетті

Бұдан бөлек, видеода елорда әкімінің орынбасары Алтынбек Қайсағалиев та тұрғындарға жеке көлікті қолданбауға кеңес берді.

"Коммуналдық қызметтер тәулік бойы жұмыс істеуде. Арнайы техника жолдарды үздіксіз тазартып жатыр. Алайда қар көп жауғандықтан, жолды қар тез алып қалады. Сондықтан жеке көлікпен шықпауға кеңес береміз. Қажеттілік болмаса, далаға шықпаған жөн", - деді әкімнің орынбасары.

Полиция департаментінің ақпаратына сәйкес, өткен тәулікте астанада 100 көлік апаты болған.

313
Кілт сөздер:
күн, жұмыс, Нұр-Сұлтан, төтенше жағдайлар комитеті
Тақырып бойынша
Ақмола облысында қатты жел ағаштарды жұлып, үйлердің шатырын ұшырды
Қатты жел шатырмен бірге адамды ұшырып әкетті - видео
Дәмханадағы жарылыс

Нұр-Сұлтанда дәмханада қайтыс болған адамның отбасына 1 млн теңге төленеді

296
(Жаңартылды 09:19 24.11.2020)
Нұр-Сұлтан әкімдігі әйелдің денесін Қызылордаға жеткізуге көмектеседі. Төтенше оқиғаға кінәлілер жеті жылға дейін бас бостандығынан айырылуы мүмкін

НҰР-СҰЛТАН, 24 қараша - Sputnik. Нұр-Сұлтан әкімдігі Halal brothers дәмханасындағы жарылыс салдарынан қайтыс болған әйелдің отбасына 1 миллион теңге төлеп, денесін Қызылордаға жеткізуге көмектеседі. Дәмханада сенбі күні газ баллоны жарылған болатын, деп хабарлайды "Бірінші арна".

"Баллон жанған кезде олар далаға шықпақ болған. Бірақ қайтыс болған әйел жолда зат қоятын бөлмеге кіріп, шығуға үлгермеген. Күйеуім мүгедек болып қала жаздады. Қазіргі уақытта жағдайы орташа деңгейде. Дәрігерлер оның жағдайы өзгелермен салыстырғанда жақсы деп отыр", - деді ол. 

Полиция "Өрт қауіпсіздігі талаптарын бұзу" бабына сәйкес тергеу жүргізіп жатыр. Төтенше оқиғаға кінәлілер жеті жылға дейін бас бостандығынан айырылуы мүмкін.

Дәмханадағы жарылыс

21 қарашада елорданың сол жағалауындағы дәмханада газ баллоны жарылды. Төтенше жағдай туралы ақпар "103" пультіне сағат 12:24-те түсті. Оқиға орнында жедел жәрдемнің 24 бригадасы, шұғыл қызмет қызметкерлері жұмыс істеді.

Апат орнына келген өрт сөндірушілер дәмхана ішінде бір адам және 15 газ баллоны барын анықтаған. Жарылыс салдарынан ас үйдің шатыры құлады.

Өрттен бір адам көз жұмды, отыздан астамы зардап шекті. 20 шаршы метр аумақты шарпыған тілсіз жау 12:58-де сөндірілді.

296
Кілт сөздер:
миллион теңге, отбасы, дәмхана, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтан дәмханасындағы жарылыс: 3 науқас жансақтау бөлімінде жатыр
Мамин әкімдіктерге бір ай ішінде газ-техникалық инспекция құруды тапсырды
Нұр-Сұлтандағы жарылыс: зардап шеккендерге қатысты тың ақпарат шықты
Нұр-Сұлтан дәмханасындағы жарылыс: полиция қылмыстық іс қозғады
Алтай Көлгінов

Нұр-Сұлтанда төтенше оқиға болды: арнайы комиссия құрылды

2234
(Жаңартылды 16:52 21.11.2020)
Отыздан астам адам зардап шегіп, оқиға орнында бір адам көз жұмды. Әкім марқұмның отбасына көмек көрсетілетінін жеткізді

НҰР-СҰЛТАН, 21 қараша – Sputnik. Елорда әкімі Алтай Көлгінов Шұбар шағын ауданындағы жарылыс себебін анықтау үшін арнайы комиссия құруды тапсырды.

"Газ баллон жарылған кезде бөлмеде болған қыздың отбасы мен туыстарына көңіл айтамын. Марқұмның отбасына көмек көрсетіледі. Төтенше жағдайды тергеу үшін арнайы комиссия құрылды", - деп жазды ол әлеуметтік желідегі парақшасында.

Жедел штаб құрылып, психологиялық және ақпараттық қолдау көрсету үшін жедел желі 24-51-71, 24-51-47 ашылды. Әкім төтенше жағдайлар департаменті мен полиция департаментіне қаладағы басқа да қоғамдық тамақтану нысандарын өрт қауіпсіздігі ережелерінің сақталуын тексеруді тапсырды.

Дәмханадағы жарылыс

21 қарашада сағат 12.25-те Нұр-Сұлтан қаласы ТЖД кезекші-диспетчерлік қызметінің пультіне хабарлама түсті. Шұбар шағын ауданында дәмхана ретінде қайта жабдықталған коттеджде газ баллоны жарылған.

Өрт сөндірушілер оқиға орнына келген бойда үй-жайдың ішінде бір адам және 15 газ баллоны бар екені анықталды. Жарылыс салдарынан ас үйдің шатыры құлаған.

Құтқарушылар бір адамды құтқарып, 15 баллонды сыртқа шығарды. Оқиға орнында бір адам көз жұмды, 30-дан астам адам зардап шекті.

2234
Кілт сөздер:
жарылыс, газ, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Ақтауда автокөлік жарылды: оқыс оқиға видеоға түсіп қалды
Нұр-Сұлтанда ГАЗель жарылды – видео
Нұр-Сұлтан әкімі газ бағасы қанша теңгеден болатынын айтты
Павлодарда ТЖД қызметкері газ баллонын үйден шығарып жатқанда жарылыс болды
Ақорда

Зейнетақы төлеуге 7,3 триллион теңге бөлінеді: Тоқаев заңға қол қойды

0
Кепілдендірілген трансферт республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне жұмсалады

НҰР-СҰЛТАН, 24 қараша – Sputnik. Президент Қасым-Жомарт Тоқаев "Қазақстан Республикасының Ұлттық қорынан 2021 – 2023 жылдарға арналған кепілдендірілген трансферт туралы" заңға қол қойды, деп хабарлады Ақорданың баспасөз қызметі.  

Заңда Ұлттық қордан 2021 жылы – 2 триллион 700 миллиард теңге, 2022 жылы –  2 триллион 400 миллиард теңге, 2023 жылы – 2 триллион 200 миллиард теңге кепілдендірілген трансферт бөлу көзделген.

Оқи отырыңыз: Нұрымбетов жәрдемақы төлеу кезінде әділетсіздікке жол беріліп жатқанын айтты 

Сондай-ақ, құжат кепілдендірілген трансфертті пайдаланудың нысаналы бағытын айқындайды. Осы қаражат республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне бағытталады.

Кепілдендірілген трансферт бөлінгеннен кейін Ұлттық қордағы қаражат жалпы ішкі өнімнің 30% мөлшерінен төмендемейді. 

0
Кілт сөздер:
Қасым-Жомарт Тоқаев, зейнетақы
Тақырып бойынша
Зейнетақы жинағын алу: қазақстандықтар 10%-тік салықты қалай төлейді
Зейнетақы жинағын емделуге пайдаланудың шарты қандай – министрлік жауабы
Депутат Бектаев әр балаға 18 жасқа дейін қаржы бөлуді ұсынды
Мамин Қазақстанда зейнет жасын төмендету туралы ұсынысқа жауап берді