Алтай Көлгінов

Алтай Көлгінов отставкаға кетуі тиіс пе агенттік жауап берді

1442
Бұған дейін сыбайлас жемқорлыққа қарсы қызмет "Байқоңыр" ауданы әкімінің пара алу фактісін анықтағанын мәлімдеген болатын

НҰР-СҰЛТАН, 4 наурыз – Sputnik. Мемлекеттік қызмет істері агенттігі Нұр-Сұлтан қаласының әкімі Алтай Көлгіновтың отставкасына қатысты сауалға түсініктеме берді. Бұған дейін Байқоңыр ауданының әкімі пара алғаны үшін ұсталған болатын, деп хабарлайды Sputnik Қазақстан тілшісі.

Мемлекеттік қызмет саласындағы бақылау департаментінің директоры Ерлан Сапаровтың айтуынша, бірінші басшының жеке жауапкершілігіне қатысты заң өткен жылы 10 желтоқсанда күшіне енген болатын. Ал Байқоңыр ауданының әкіміне қатысты қылмыстық іс қараша айында қозғалған. Сондықтан жаңа өзгерістер Алтай Көлгіновке қатысты емес. 

"Байқоңыр ауданының әкімі бойынша сот өтті. Үкім де шығарылды. Бірақ оның заңға қайшы әрекеті қараша айында анықталған. Ол кезде бірінші басшының отставкаға кетуіне қатысты заң күшіне енген жоқ. Сондықтан осы талап астана әкіміне қатысты емес деп санаймыз", - деді Сапаров бүгінгі баспасөз мәслихатында.

Көлгінов не дейді?

Бұған дейін елорда басшысы Алтай Көлгінов аудан әкімінің пара алу фактісінен кейін отставкаға кету туралы пікір білдірген болатын. Халыққа есеп беру кезінде журналистер микрофон алып, Байқоңыр ауданының әкімі Асқар Есіловтің ұсталуына байланысты сұрақ қойған. Тілшілер қала басшысының отставкаға кетуге қатысты ойын сұрады.

"Бәрі заң бойынша болады. Заң не дейді, солай жасаймыз", - деп қысқа ғана қайырды Көлгінов. Сосын бірден басқа микрофон ұстап тұрған адамдарға сөз берді.

Айта кетейік, халыққа есеп беру кезінде залда Асқар Есіловтің әкесі Сансызбай Есілов те отырды. Ол бұрын әкім орынбасары болған. Одан кейін мәслихат пен қоғамдық кеңестің төрағасы қызметін атқарды.

Есілов не үшін ұсталды

Бұған дейін сыбайлас жемқорлыққа қарсы қызмет "Байқоңыр" ауданы әкімінің пара алу фактісін анықтағанын мәлімдеді. Оған жекеменшік компания өкілінен "Байқоңыр" ауданын абаттандыру бойынша субмердігерлік жұмыстарды алуға жәрдемдескені үшін пара түрінде iPhone-ның соңғы үлгісін алды деген айып тағылды.

Сондай-ақ, экс-әкім қызмет бабын асыра пайдаланып, жалпы қамқорлық жасады деген күдікке ілінді. Ол өз кінәсін толығымен мойындады. Сол себепті қамауға алынған жоқ. Күдіктілер тергеуді жеделдетілген тәртіпте аяқтауды сұрады.

Тағы оқыңыз: Көлгінов Тоқаевтың алдында маңызды мәселені көтерді

Бүгінде қылмыстық кодекстің 366-бабы бойынша іс қозғалды. Оған сәйкес, шенеуніктің алған парасына қарай 20-80 еселенген сома көлемінде айыппұл салынады, я болмаса, 15 жылға дейін бас бостандығынан айырылады.

1442
Тақырып бойынша
"Дұрыс түсінген жоқ": Тоқаев Қордайдағы мәселе туралы айтты
Шенеунік тергеушілердің көзінше дәлелдерді жеп қойды – видео
"Қайда қарады?!": Тараз мектебіндегі жанжалдан кейін қылмыстық іс қозғалды
Подполковникті ұстау операциясының видеосы жарияланды
Бұрынғы басқарма төрағасының қылмысы әшкере болды
Архивтегі фото

Нұр-Сұлтанда өзінен 10-15 жас үлкен әйелдермен көңіл қосқан жігіт ұсталды фото

5220
(Жаңартылды 18:29 12.05.2021)
Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр 

НҰР-СҰЛТАН, 12 мамыр — Sputnik. Астаналық полицейлер өзінен үлкен әйелдерді алдап жүрген алаяқты ұстады. 34 жастағы ер адамның фотосы жарияланды, деп хабарлайды Sputnik Қазақстан.

Полиция әйелдерді алдап келген ер адамның фотосын жариялады
© Photo : Нұр-Сұлтан ПД баспасөз қызметі
Полиция әйелдерді алдап келген ер адамның фотосын жариялады

Нұр-Сұлтан полиция департаментінің мәліметіне сәйкес, күдікті әлеуметтік желілер арқылы көбінесе 40-50 жастағы әйелдермен танысқан. Оларға шын аты-жөнін айтпаған. Біреуге "Алмас" десе, басқасымен "Алматпын" деп танысыпты. Барлығына банктің қауіпсіздік қызметінде немесе мемлекеттік қызметте жұмыс істейтінін айтқан.

"Ал әйелдердің сеніміне кіргеннен кейін ақшаға жоғары жалақысы бар қызметке орналастыруға ұсыныс жасаған. Тіпті біреуінің атынан кредитке телефон алыпты. Ақшасын кешіктірмей төлеп тұрамын деген уәдесін орындамаған", - дейді полицейлер.  

Алаяққа алданған тағы бір әйел құндыз тонын бере салыпты. "Алмас" оны химиялық тазартуға апарып тастаймын деген. Бірақ ақшаға айырбастап, қашып кеткен.

Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр.

Қылмыстық кодекстің 190-бабы (Алаяқтық) бойынша сотқа дейінгі тергеу басталды. Ер адамның осы іспетті басқа да қылмыстарға қатысы бар-жоғы тексеріліп жатыр. Осыған байланысты Нұр-Сұлтан қалалық полиция департаменті фотода көрсетілген адамның әрекетінен зардап шеккендерді 61-30-68, 71-64-90, 71-65-58. 8-775-601-11-00 немесе 102-ке хабарласуды сұрайды.

5220
Ордендер мен медальдар

Дәрігерлер коронавирустан емделіп жатқан ардагерді мерекемен құттықтады видео

100
(Жаңартылды 17:59 09.05.2021)
Иван Михайлович аурухана дәрігерлерінің көрсеткен құрметіне риза болып, қуаныштан көзіне жас алды

НҰР-СҰЛТАН, 9 мамыр – Sputnik. Нұр-Сұлтанда дәрігерлер инфекциялық стационарда коронавирустан емделіп жатқан соғыс ардагерін Ұлы Жеңіс күнімен құттықтады, деп хабарлайды қала әкімдігінің ресми сайты.

Иван Михайлович Ботев ауруханаға 27 сәуірде ауыр жағдайда түсті. 5 мамырда денсаулығының нашарлауына байланысты жансақтау бөліміне ауыстырылды.

Дәл бүгін ардагердің отбасы жанында болмаса да ақхалаттылар оны назардан тыс қалдырмай, арнайы құттықтады.

"Ардагерімізді құттықтаусыз қалдыра алмадық. Олардың ерлігін есте сақтау – біздің парызымыз. Бір өкініштісі, науқас 9 мамыр мерекесін аурухана қабырғасында атап өтуге мәжбүр. Сондықтан біз оған мерекелік көңіл-күй сыйлағымыз келді. Әрбір науқастың тезірек емделіп, отбасына оралуын күні-түні тілейміз. Қарамағымыздағы ардагеріміздің де тезірек жазылып шығуын тілейміз. Қартайған шағын бала-шағасының қасында өткізуі керек!" – деді көпсалалы медицина орталығы басшысының жұқпалы аурулар қызметі жөніндегі орынбасары Татьяна Цечоева.

Иван Михайлович аурухана қызметкерлерінің көрсеткен құрметіне риза болып, қуаныштан көзіне жас алды.

Тағы оқыңыз: "Басымды көтерсем, жанымда адам еті жатыр": алматылық ардагер қан майданды еске алды

Иван Михайлович Ботев 1925 жылы 20 қыркүйекте Кемерово облысында дүниеге келген.

1943 жылы 13 қаңтарда Кеңес армиясы қатарына шақырылды. Соғыс жылдарында 1-ші Беларусь майданындағы шайқастарға қатысты.

Соғыс аяқталғаннан кейін, 1945-1971 жылдар аралығында әскер қатарында,  қатардағы жауынгерден ракеталық күштер штабының бастығына дейін көтеріліп қызмет етті. Полковник шенімен зейнетке шыққан.

Ардагер II дәрежелі Отан соғысы орденімен, "1941-1945 жылдардағы Ұлы Отан соғысындағы Германияны жеңгені үшін" медалімен, одан бөлек 18 мерейтойлық медальмен марапатталған.

Қазір науқас инвазивті емес тыныс алдырту аппаратына қосылған және толық сауығып шыққанға дейін стационарда жатады.

100
Кілт сөздер:
коронавирус, видео, соғыс ардагері, Нұр-Сұлтан
Тақырып бойынша
Нұр-Сұлтанда соғыс ардагерлеріне 1 млн теңгеден төленеді
Алматылықтар Ұлы Отан соғысының батырларын біле ме – видео
Ыстық ауа райы

36 градус ыстық және жел: ертең ауа райы қандай болады

724
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

724
Кілт сөздер:
Қазгидромет, ауа райы