Астана вокзалы

Карантинге дейін санаулы сағат қалды: астана вокзалдарында не болып жатыр

3250
(Жаңартылды 20:59 18.03.2020)
Төтенше жағдай жарияланғаннан кейін қосымша рейстер ашылды. Мәселен, Қызылордаға баратын автобустардың саны екі есеге артты

НҰР-СҰЛТАН, 18 наурыз – Sputnik. Бірнеше сағаттан кейін Нұр-Сұлтанда карантин енгізіледі. Қазіргі кезде елорданың вокзалдарында адам көп, ине шаншар жер жоқ. Біреулер карантинге дейін қаладан шығып кетуге тырысса, енді біреулер билеттерін тапсыруға мәжбүр. Sputnik Қазақстан тілшілері вокзалдарды аралап, үйге асыққан халықпен тілдесіп қайтты. 

"Сапаржай" автовокзалында бүгінгі қарбаласты тек мейрамдардың алдында ғана көруге болады. Осы жерде отырған саудагерлер де адамдардың легі тым ерте басталды деп отыр. Әдетте, наурыздың 20-сына қарай жолаушылардың легі көбейетін. Бұл жолы қарбалас 13-інде басталған.

"Негізі, осы уақытта вокзалдың іші тып-тыныш, өзіміз ғана отыратынбыз. Бұл жолы студенттерді оқудан ерте босатқаннан кейін жолаушылардың саны күрт көбейді. Бәрі үйлеріне қайтып жатыр. Халықтың легі әлі толастайтын емес. Барлығы карантин басталғанша кетуге тырысады ғой", - дейді сатушылар.

Шынымен де, перонда студенттер көп. Өз туыстарын ауылына жіберіп жатқан адамдар да аз емес. Мысалы, құрылысшы Тағабек Синаев өз балаларын келіншегімен бірге Шымкентке жіберуге келді. 

"Енді, коронавирус қауіпті деп жатыр ғой. Содан кейін отбасымды Шымкентке жіберейін деп келдім. Бала-шағам тыныш жерде болсын. Өзім қаламын. Жұмыс бар", - дейді Синаев. 

Люди в масках на железнодорожном вокзале Нур-Султана
© Sputnik / Владислав Воднев
Қаладан шыға алмай жүрген жолаушылар ала сөмкелерін арқалап, шабадандарын ары-бері сүйреп жүр

Оның айтуынша, билеттің бағасы қатты қымбаттаған жоқ. Бұрынғыдай 8 мың теңге. Үстінен 300-400 теңге ғана қосқан. 

Ал Зәуреш тәте де өз апайын баласымен бірге Қостанайға жіберуге келген. Ол да астанада қаламын дейді. Оның ойынша, қазіргі жағдай туған-туыстармен жүздесуге жақсы мүмкіндік беріп отыр. Әйтпесе, адамдар бір-бірімен араласудан қалды. 

Қостанайлық Азамат Абылайұлы коронавирустан қорықпаймын дейді. Ата-анасы қатты уайымдап отырғаннан кейін ауылына барып қайтпақшы.  

"Енді, әрбір адам үйге барып, ата-анасы қорықпасын деп, жанында болғысы келеді ғой. Былайша, ол вирустан қорқыныш жоқ. Ата-анамызды ойлаймыз. Мысалы, менің ата-анам да мені қатты уайымдап отыр. Солар алаңдамасын деп, үйге бара жатырмын. Сосын демалыс қой. Карантин дейді. Үйге барып, ата-ананың жанында жатқан дұрыс қой", - дейді Азамат. 

  • Перонда студенттер көп. Өз туыстарын ауылына жіберіп жатқан адамдар да аз емес
    Перонда студенттер көп. Өз туыстарын ауылына жіберіп жатқан адамдар да аз емес
    © Sputnik / Владислав Воднев
  • Сапаржайдағы бүгінгі қарбаласты тек мейрамдардың алдында ғана көруге болады
    "Сапаржайдағы" бүгінгі қарбаласты тек мейрамдардың алдында ғана көруге болады
    © Sputnik / Владислав Воднев
  • Әдетте, наурыздың 20-сына қарай жолаушылардың легі көбейетін. Бұл жолы қарбалас 13-інде басталған
    Әдетте, наурыздың 20-сына қарай жолаушылардың легі көбейетін. Бұл жолы қарбалас 13-інде басталған
    © Sputnik / Владислав Воднев
  • Біреулер карантинге дейін қаладан шығып кетуге тырысса, енді біреулер билеттерін тапсыруға мәжбүр
    Біреулер карантинге дейін қаладан шығып кетуге тырысса, енді біреулер билеттерін тапсыруға мәжбүр
    © Sputnik / Владислав Воднев
  • Бүгінге билеттердің басым бөлігі таусылған. Бар болса да, қымбат
    Бүгінге билеттердің басым бөлігі таусылған. Бар болса да, қымбат
    © Sputnik / Владислав Воднев
1 / 5
© Sputnik / Владислав Воднев
Перонда студенттер көп. Өз туыстарын ауылына жіберіп жатқан адамдар да аз емес

Автовокзалдың жолаушылар тасымалы бөлімі басшының міндетін атқарушы Қуандық Қапановтың айтуынша, төтенше жағдай жарияланғаннан кейін қосымша рейстер ашылды. Мәселен, Қызылордаға баратын автобустардың саны екі есеге артты. Бұрын 10 рейс болса, бүгінде оның саны 18-ге дейін артып отыр.

"Адамдардың көбісі билетті наурыздың 20-сына немесе 24-іне алған. Енді, билетті тапсырып, бүгінгі қосымша рейстерге алып жатыр. Билеттің бағасы сәл қымбаттады. Себебі автобустар жолаушыларды апарып тастайды, ал бері қарай бос қайтады. Сондықтан жанар-жағармайдың шығындарын өтеу үшін билеттің бағасы 500-1000 теңгеге қымбат", - деді Қапанов. 

Оның айтуынша, мейрамдардың алдында болатын жолаушылар санымен салыстырғанда осы жолы үйге қайтып жатқандар көп.

Такси у железнодорожного вокзала в Нур-Султане накануне карантина
Такси баратын жерге үш есе қымбат ақша сұрайды. Соның өзінде көлік жоқ

Таксистер тұратын "пятакта" көлік көп емес. Көбісі адам алып, кетіп қалған. Таксистер баратын жерге үш есе қымбат ақша сұрайды. Мәселен, Таразға дейін адам басына 25 000 теңге, Қарағандыға – 5 000, Петропавлға дейін 15 000 теңге төлеуге тура келеді. Соның өзінде көлік жоқ. Қаладан шыға алмай жүрген жолаушылар ала сөмкелерін арқалап, шабадандарын ары-бері сүйреп жүр. 

Теміржол вокзалында ығы-жығы адам. Кассаға келген адамдардың көбісі билет тапсыруға келген. Себебі наурыздың 19-ынан кейін жүретін пойыздарға билет алып қойған. Ал карантинді енгізгеннен кейін қалааралық пойыздар жүре ме, жүрмей ме, ол жағы әзірше белгісіз. Бүгінге билеттердің басым бөлігі таусылған. Бар болса да, қымбат. Мәселен, Алматыға дейін тек Тальгомен кетіп қалуға болады. Бір билеттің бағасы – 22 000 теңге.

3250
Тақырып:
Коронавирус эпидемиясы (1799)
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

452
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

452
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Нұр-Сұлтан

Нұр-Сұлтандағы нысандар қызғылт-сары түспен жарықтандырылады

20
(Жаңартылды 18:32 25.11.2020)
Қазақстанның астанасында "Зорлық-зомбылықсыз 16 күн" әлеуметтік акциясы аясында бірқатар шара өткізіледі

НҰР-СҰЛТАН, 25 қараша – Sputnik. Нұр-Сұлтандағы маңызды нысандар қызғылт-сары түспен жарықтандырылады.

Акция гендерлік зорлық-зомбылыққа қарсы ынтымақтастық белгісі ретінде өткізіледі, деп хабарлады елорда әкімдігінің ресми сайты.

Нысандарға бүгін сағат 19:00-ден 20:00-ге дейін жарық беріледі.

Бұған дейін хабарланғандай, "Зорлық-зомбылықсыз 16 күн" әлеуметтік акциясы – әйелдерге қатысты зорлық-зомбылықты жоюдың халықаралық күні (25 қараша) басталатын және Адам құқықтары күніне (10 желтоқсан) дейін жалғасатын жыл сайынғы халықаралық науқан.

Бұл күнді 1999 жылы БҰҰ Бас ассамблеясы ресми түрде жариялады және атаулы күн әлемнің 100-ден астам елінде қолдау тапқан.

Қазақстан астанасында да осы акция аясында бірқатар іс-шара өтеді.

20
Теңге, доллар

Ұлттық банк теңгенің неліктен нығайып жатқанын түсіндірді

0
Инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр

НҰР-СҰЛТАН, 25 қараша – Sputnik. Теңге қыркүйектен бері алғаш рет 422,87 теңгеге дейін нығайды, деп хабарлады Ұлттық банктің баспасөз қызметі.

Қазақстан қор биржасындағы күндізгі сауда-саттықтың қорытындысы бойынша ұлттық валюта өткен күнмен салыстырғанда 1,79 теңгеге нығайды.

Ұлттық банктің 26 қарашаға бекіткен ресми бағамы – 422,87 теңге.

"25 қарашада биржада доллар теңгеге қатысты орта есеппен 422,90 деңгейінде саудаланады. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң динамикасына қолайлы сыртқы конъюнктура, сондай-ақ экспорттаушылардың салық төлемдерін жүзеге асыру үшін шетел валютасын сатуы әсер етіп отыр", - деп атап өтті Ұлттық банктің монетарлық операциялар департаментінің директоры Нұржан Тұрсынханов.

Оның айтуынша, инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр, бұл экономикалық белсенділіктің тез қалыпқа келу ықтималдығын арттырады. Сонымен қатар, билікті Дональд Трамп әкімшілігінен сайланған президент Джо Байденге ресми түрде беру процесінің басталуы тәуекел дәрежесін демеп отыр.  

Сонымен бірге нарықтар ФРЖ-нің бұрынғы басшысы Джанет Йелленді АҚШ қаржы министрі лауазымына тағайындау перспективаларына оң жауап береді, бұл қаржылық ынталандыруға байланысты болып жатыр.

Оқи отырыңыз: Ұлттық банк қазан айында валюталық интервенция жүргізді 

Жедел вакцинация және отынға деген сұраныстың жедел қалпына келуі мұнай бағасын өсіруді қолдайды. Brent эталондық сұрыпты мұнайының әлемдік бағасы бірнеше күн қатарынан өсіп келеді және Азия нарықтарындағы бүгінгі сауда-саттық барысында наурыздың басынан бастап алғаш рет бір баррель үшін 48 доллар белгісінен асты. Осыған орай, Норвегия кроны мен Канада доллары сияқты шикізат елдерінің валюталары аптаның басынан бастап 1,3%-ке және тиісінше 0,6%-ке нығайды.

Сыртқы позитивтің әсерінен бөлек, осы апта салық аптасы болып қалады, бұның өзі нарықта валютаның ұсынысын едәуір күшейте түсті. Мысалы, 23 қараша күні биржадағы сауда көлемі 170 миллион долларға жетті, бұл – осы қарашада биржада тіркелген күндізгі орта көлемнен 1,5 есе көп дегенді көрсетеді.

"Дамушы елдердегі валюталар сыртқы нарықтағы жағдайларға мейілінше жақсы әсер етіп отыр. Апта басында оңтүстік африкалық ранд 1,3%-ке бекісе, Ресей рублі 1%-ке, Мексика песосы 0,3%-ке нығая түсті. Бұл жерде рубльдің өзі экспортерлердің тарапынан түскен салық есебінен нығайып отыр", - дейді Тұрсынханов.

Ал теңге сыртқы және ішкі факторлардың жайлылығынан, одан қалды тәуекел-сентимент пен нарықтағы энерготасымалдаушылардың позитивті жаңалықтарының және жер қойнауын пайдаланушылар тарапынан түскен көлемді салықтың арқасында бекіп тұр.

Бұл жерде мұнай бағасының көтерілуі – оны тұтыну деңгейін дер кезінде қалпына келтіруге себепші болып жататынын айта кету керек. Дегенмен АҚШ-тағы мұнай қорының есебі көрсетіп келгендей, тұтыну көлемі болжалды деңгейге көтеріле алмай отыр. Сол себепті, шынайы тұтынымның шамасына қарай көмірсутек бағасына да өзгерістер еніп тұруы мүмкін.

0
Кілт сөздер:
теңге, Ұлттық банк
Тақырып бойынша
Ұлттық банк теңге бағамы неліктен өзгергенін түсіндірді
Экономистер теңгенің болашағына болжам жасады
Теңгенің айырбас бағамы біршама өсті: қазақстандық валютаға не әсер етеді?
Досаев теңге бағамына теріс әсер ететін факторды атады