Астанада карантин енгізілгеннен кейін маска киіп жүрген жолаушылар

Нұр-Сұлтанда автобус паркі карантинге жабылды

242
Автобус паркі қызметкерлерінің бірі коронавирус жұқтырған науқаспен байланыста болғаны анықталып отыр

НҰР-СҰЛТАН, 27 наурыз – Sputnik. Елордада №1 автобус паркі карантинге жабылды, кәсіпорын жұмысшыларының бірі коронавирус жұқтырған адаммен байланыста болған. Бұл туралы CTS (бұрынғы "Астана LRT") компаниясы хабарлады.

"Мониторинг барысында №1 автобус паркінің қызметкері коронавирус жұқтырған адаммен байланыста болғаны анықталды. Қызметкерлер мен жолаушылардың қауіпсіздігін қамтамасыз ету үшін автопарк карантинге жабылды", - делінген хабарламада.

Автопарк пен автобустар дезинфекциядан өтті. Қызметкермен жақын қарым-қатынаста болғандардың бір бөлігі стационарға жатқызылса, ал қалғандары үй карантиніне алынған.

Елорда автобустарындағы шектеу

Көлік компаниясынан мәлімдегендей, 27 наурыздан бастап жолаушыларға автобустың алдыңғы есігі арқылы кіруге тыйым салынды. Жүргізушілер отыратын жер арнайы лентамен қоршалды.

Автобусный парк №1 закрыт на карантин в столице
© Photo : CTS
№1 автобус паркі карантинге жабылды

Сонымен қатар, қолма-қол ақша төлеуге болмайды. Қолма-қол ақшасыз төлемдер ғана қабылданады. Бүгінгі таңда қолма-қол ақшасыз төлем үлесі 98%-ті құрайды.

Қандай автобустар жүрмейді

26 наурыздан бастап автобустар кешкі сағат 19.00-ге дейін ғана жүреді.

Тағы оқыңыз: Карантин күшейтіледі: Нұр-Сұлтан мен Алматыда тұрғындардың үйден шығуы шектелмек

28 наурыздан бастап карантиндік аймақта орналасқан барлық қала маңына қатынайтын автобустардың қозғалысы уақытша тоқтатылды. Олар Қосшы, Тайтөбе, Жібек Жолы, Талапкер, Қоянды, Қызылсуат, Ы.Алтынсарин, "Нұрлы" саяжай кенттері (№ 301, 302, 303, 304, 306, 307, 313, 314, 319, 320, 321, 322, 326).

Еске сала кетсек, 28 наурыздан бастап астанада карантинді қамтамасыз ету үшін бірқатар қосымша шара енгізіледі. Соның ішінде қоғамдық көліктің жұмысын кезең-кезеңмен шектеу көзделіп отыр.

242
Кілт сөздер:
жолаушылар, автобус, коронавирус
Тақырып:
Коронавирус эпидемиясы (1795)
Тақырып бойынша
Тоқаев коронавирустан қайтыс болған әйелдің туыстарына көңіл айтты
Қазақстанда коронавирусқа шалдыққандардың саны артты
Қазақстанда коронавирустан жазылған екі адам ауруханадан шықты
Шымкентте тұрғын үй алабы карантинге алынды
Нұр-Сұлтанда коронавирус жұқтырған төрт адам ауыр хәлде жатыр
Қазақстанда коронавирустан бір адам қайтыс болды
Дәмханадағы жарылыс

Нұр-Сұлтанда дәмханада қайтыс болған адамның отбасына 1 млн теңге төленеді

296
(Жаңартылды 09:19 24.11.2020)
Нұр-Сұлтан әкімдігі әйелдің денесін Қызылордаға жеткізуге көмектеседі. Төтенше оқиғаға кінәлілер жеті жылға дейін бас бостандығынан айырылуы мүмкін

НҰР-СҰЛТАН, 24 қараша - Sputnik. Нұр-Сұлтан әкімдігі Halal brothers дәмханасындағы жарылыс салдарынан қайтыс болған әйелдің отбасына 1 миллион теңге төлеп, денесін Қызылордаға жеткізуге көмектеседі. Дәмханада сенбі күні газ баллоны жарылған болатын, деп хабарлайды "Бірінші арна".

"Баллон жанған кезде олар далаға шықпақ болған. Бірақ қайтыс болған әйел жолда зат қоятын бөлмеге кіріп, шығуға үлгермеген. Күйеуім мүгедек болып қала жаздады. Қазіргі уақытта жағдайы орташа деңгейде. Дәрігерлер оның жағдайы өзгелермен салыстырғанда жақсы деп отыр", - деді ол. 

Полиция "Өрт қауіпсіздігі талаптарын бұзу" бабына сәйкес тергеу жүргізіп жатыр. Төтенше оқиғаға кінәлілер жеті жылға дейін бас бостандығынан айырылуы мүмкін.

Дәмханадағы жарылыс

21 қарашада елорданың сол жағалауындағы дәмханада газ баллоны жарылды. Төтенше жағдай туралы ақпар "103" пультіне сағат 12:24-те түсті. Оқиға орнында жедел жәрдемнің 24 бригадасы, шұғыл қызмет қызметкерлері жұмыс істеді.

Апат орнына келген өрт сөндірушілер дәмхана ішінде бір адам және 15 газ баллоны барын анықтаған. Жарылыс салдарынан ас үйдің шатыры құлады.

Өрттен бір адам көз жұмды, отыздан астамы зардап шекті. 20 шаршы метр аумақты шарпыған тілсіз жау 12:58-де сөндірілді.

296
Кілт сөздер:
миллион теңге, отбасы, дәмхана, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтан дәмханасындағы жарылыс: 3 науқас жансақтау бөлімінде жатыр
Мамин әкімдіктерге бір ай ішінде газ-техникалық инспекция құруды тапсырды
Нұр-Сұлтандағы жарылыс: зардап шеккендерге қатысты тың ақпарат шықты
Нұр-Сұлтан дәмханасындағы жарылыс: полиция қылмыстық іс қозғады
Алтай Көлгінов

Нұр-Сұлтанда төтенше оқиға болды: арнайы комиссия құрылды

2234
(Жаңартылды 16:52 21.11.2020)
Отыздан астам адам зардап шегіп, оқиға орнында бір адам көз жұмды. Әкім марқұмның отбасына көмек көрсетілетінін жеткізді

НҰР-СҰЛТАН, 21 қараша – Sputnik. Елорда әкімі Алтай Көлгінов Шұбар шағын ауданындағы жарылыс себебін анықтау үшін арнайы комиссия құруды тапсырды.

"Газ баллон жарылған кезде бөлмеде болған қыздың отбасы мен туыстарына көңіл айтамын. Марқұмның отбасына көмек көрсетіледі. Төтенше жағдайды тергеу үшін арнайы комиссия құрылды", - деп жазды ол әлеуметтік желідегі парақшасында.

Жедел штаб құрылып, психологиялық және ақпараттық қолдау көрсету үшін жедел желі 24-51-71, 24-51-47 ашылды. Әкім төтенше жағдайлар департаменті мен полиция департаментіне қаладағы басқа да қоғамдық тамақтану нысандарын өрт қауіпсіздігі ережелерінің сақталуын тексеруді тапсырды.

Дәмханадағы жарылыс

21 қарашада сағат 12.25-те Нұр-Сұлтан қаласы ТЖД кезекші-диспетчерлік қызметінің пультіне хабарлама түсті. Шұбар шағын ауданында дәмхана ретінде қайта жабдықталған коттеджде газ баллоны жарылған.

Өрт сөндірушілер оқиға орнына келген бойда үй-жайдың ішінде бір адам және 15 газ баллоны бар екені анықталды. Жарылыс салдарынан ас үйдің шатыры құлаған.

Құтқарушылар бір адамды құтқарып, 15 баллонды сыртқа шығарды. Оқиға орнында бір адам көз жұмды, 30-дан астам адам зардап шекті.

2234
Кілт сөздер:
жарылыс, газ, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Ақтауда автокөлік жарылды: оқыс оқиға видеоға түсіп қалды
Нұр-Сұлтанда ГАЗель жарылды – видео
Нұр-Сұлтан әкімі газ бағасы қанша теңгеден болатынын айтты
Павлодарда ТЖД қызметкері газ баллонын үйден шығарып жатқанда жарылыс болды
Ақорда

Зейнетақы төлеуге 7,3 триллион теңге бөлінеді: Тоқаев заңға қол қойды

0
Кепілдендірілген трансферт республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне жұмсалады

НҰР-СҰЛТАН, 24 қараша – Sputnik. Президент Қасым-Жомарт Тоқаев "Қазақстан Республикасының Ұлттық қорынан 2021 – 2023 жылдарға арналған кепілдендірілген трансферт туралы" заңға қол қойды, деп хабарлады Ақорданың баспасөз қызметі.  

Заңда Ұлттық қордан 2021 жылы – 2 триллион 700 миллиард теңге, 2022 жылы –  2 триллион 400 миллиард теңге, 2023 жылы – 2 триллион 200 миллиард теңге кепілдендірілген трансферт бөлу көзделген.

Оқи отырыңыз: Нұрымбетов жәрдемақы төлеу кезінде әділетсіздікке жол беріліп жатқанын айтты 

Сондай-ақ, құжат кепілдендірілген трансфертті пайдаланудың нысаналы бағытын айқындайды. Осы қаражат республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне бағытталады.

Кепілдендірілген трансферт бөлінгеннен кейін Ұлттық қордағы қаражат жалпы ішкі өнімнің 30% мөлшерінен төмендемейді. 

0
Кілт сөздер:
Қасым-Жомарт Тоқаев, зейнетақы
Тақырып бойынша
Зейнетақы жинағын алу: қазақстандықтар 10%-тік салықты қалай төлейді
Зейнетақы жинағын емделуге пайдаланудың шарты қандай – министрлік жауабы
Депутат Бектаев әр балаға 18 жасқа дейін қаржы бөлуді ұсынды
Мамин Қазақстанда зейнет жасын төмендету туралы ұсынысқа жауап берді